影片
更多
2017-07-23
85 瀏覽
話說妹妹無意中發現咗呢間餐廳，同男朋友食完都覺得非常不錯，仲大力推介佢既蟹肉意大利飯，為食既我決定搵咪一班好朋友一齊去試下。今次其實係好即興既飯局，好彩朋友們都相當爽快，一call就認承咗，我朝早confirm完佢地，下午打電話book枱就搞掂曬。我地一行四人準時到達餐廳，店員就已經準備好曬座位，可以立即安排我地就座。餐廳面積好細，枱與枱之間既距離好窄。但整體裝潢都幾特別，牆上都掛住Marvel既畫，係呢度既特色之一。打開餐牌，真係會令人有選擇困難症，因為全部食材都係非常吸引，重點價錢一點都不貴。我相信在一間比較正式一點的餐廳，收費絕對會是1.5倍的價錢。我們最後揀咗4個set dinner，分別是牛魔、銀鱈魚卡邦尼意粉、羊架同蟹肉蟹膏意大利飯。係等候期間，我地已經留意到身邊既食客食緊既餐全部都係好靚同好大份。特別係那份足12安士既牛扒，佢既面積仲大過我地塊臉。轉眼間店員就將餐湯送到面前，是日餐湯分別係蘑菇湯同羅宋湯，兩款湯既味道都好好而且好足料。蘑菇湯香味濃郁，師傅將全部蘑菇都打得好細，沒有一粒粒唔平均既顆粒，令到湯的口感非常細緻滑身。而羅宋湯都用上大量蔬菜熬製而成，唯一美中不足的是
我地一行四人準時到達餐廳，店員就已經準備好曬座位，可以立即安排我地就座。餐廳面積好細，枱與枱之間既距離好窄。但整體裝潢都幾特別，牆上都掛住Marvel既畫，係呢度既特色之一。
打開餐牌，真係會令人有選擇困難症，因為全部食材都係非常吸引，重點價錢一點都不貴。我相信在一間比較正式一點的餐廳，收費絕對會是1.5倍的價錢。我們最後揀咗4個set dinner，分別是牛魔、銀鱈魚卡邦尼意粉、羊架同蟹肉蟹膏意大利飯。係等候期間，我地已經留意到身邊既食客食緊既餐全部都係好靚同好大份。特別係那份足12安士既牛扒，佢既面積仲大過我地塊臉。
轉眼間店員就將餐湯送到面前，是日餐湯分別係蘑菇湯同羅宋湯，兩款湯既味道都好好而且好足料。蘑菇湯香味濃郁，師傅將全部蘑菇都打得好細，沒有一粒粒唔平均既顆粒，令到湯的口感非常細緻滑身。而羅宋湯都用上大量蔬菜熬製而成，唯一美中不足的是羅宋湯的水份收得太濃，令到湯品比較濃稠。如果可以再淡一點，稀釋一點，效果應該更佳。
主菜時間，首先到的是蟹肉蟹膏意大利飯，一如所料，味道非常不錯，果然是招牌菜之一。蟹肉有別於純粹加入飯中烹煮，而係輕炸成金黃色，散滿於飯上。進食時輕拌一下，口感層次俱備。用蟹膏同上湯煮過的意大利飯十分軟糯，蟹味濃郁，猶如千軍萬蟹係個口入面奔騰。😂
由於蟹肉意大利飯的味道很濃郁，再食鱈魚卡邦尼意粉時就顯得味道有點淡。鱈魚煎得十分香脆，但陪上黑醋汁就有點不配，個人認為簡單用檸檬汗已經很足夠。
牛魔是很夢幻的一道菜，我們只要五成熟的牛扒。有些餐廳掌握得不好便很容易煎得過熟，但這裡處理的時間掌握得很不錯。西冷同牛柳都有，以西冷做得較好，肉切開時是粉紅色的。輕輕咀嚼肉味已充斥於口腔內，大量肉汁不會令牛扒變成牛肉乾，而沾上少量黑椒汁進食絕對是錦上添花。羊架為最後一道菜，肉質鮮嫩多汁，淨食已經好夠味。但始終羊肉唔係人人受到陣味，如果兩個人食，就建議揀牛魔同意大利飯，夠穩陣。
飲飽食醉一輪，又到埋單時間，金額真係嚇死人無命陪。我地4個人4份set dinner同4杯凍飲，平均都係每人只係$155連加一，真係超級抵食。又要再講一次，今晚今日如果係出面要點食番有少少質素既西餐，真係要一個double既價錢。如果真係要彈劾一樣野，就係間餐廳冷氣唔夠凍，空氣有少少唔流通。如果只以食物評分，夏捌月真係值得一試同推介既餐廳。
張貼
