壽喜燒·肉屋

營業中

休息中

曾經去過日本食壽喜燒，覺得唔錯。所以回港後時時想食番嗰種口感！ 今日行尖沙咀見到呢間（肉屋壽喜燒）於是上咗去試吓！有驚喜喎！兩個人叫咗個特上二人壽喜燒套餐：有前菜三款、白飯、蕯摩牛西冷肉眼片（勁大塊）、蕯摩牛霜隆肉片（份量充足），蘭王蛋、蔬菜併盆，仲有甜品同兩大杯特飲！牛肉片加上蘭王蛋汁好味又幼滑，口感豐富，好好味道！壽喜燒汁唔係太咸剛剛好！兩杯特飲都好靚好味！加上餐廳的日式佈置，真的好似去咗日本食咁！價錢方面每人大約五百蚊，下次約多幾個朋友再尼食！

. 📍#壽喜燒·肉屋呢間係我幾鍾意用嚟同朋友聚會嘅壽喜燒☺️環境好舒服，重點員工服務真係好好，介紹得好詳細，俾人嘅感覺真係同喺日本食一樣🤩當然食物質素都非常好啦！今次我哋就叫咗兩個特上套餐，而家有優惠凡係叫兩個特上或極上套餐哥享有88折優惠🥳❣️特上•薩摩牛壽喜燒 $498🤍前菜3小碟分別係明太子和牛卷、豆腐及北寄貝沙律。和牛包住蘋果，明太子嘅鹹味連帶蘋果嘅甜味食落好清新好驚喜🫶🏻北寄貝沙律都好新鮮好開胃！🤍4%奇跡A5薩摩牛西冷/肉眼切片 70g及 霜降A5薩摩牛切片110g今次餐廳安排咗肉眼， 店員會先幫忙燒肉眼同埋介紹一下之後可以點樣燒，枱面有壽喜燒汁同埋清水，可以之後因自己口味調校濃度。先將日本無菌蛋同埋蘭王蛋攪勻，肉眼切片煮到剛剛好，入口即溶，必須要沾蛋汁，再配一口白飯，絕配！今次嘅薩摩牛切片喺牛肩胛位置，由於餐廳每日係會新鮮宰一隻牛，所以部位有機會唔同，今次呢個牛肩胛油脂分布比較平均，味道濃郁，好好食。🤍野菜盛盒配菜有京蔥，大白菜，香菇，日式燒豆腐，芝士竹輪等，京蔥配牛肉必食組合，另外仲有粉絲特別襯呢個壽喜燒食，大白菜份量都好多，我哋就食唔晒😃🤍甜品柚子雪芭來一個完美總結，入面

牛魔王又出巡🤩🤩位於尖沙咀嘅「肉屋．壽喜燒」主打A5薩摩牛嘅關東風壽喜燒。😍我哋晚市時間去，套餐最平$398就可以有齊A5薩摩牛肉、前菜、漬物、野菜盛合、蘭王蛋、珍珠飯以及甜品~各個套餐更包括矜貴嘅4%奇跡A5薩摩牛肉眼或西冷，CP值好高！😍前菜有三款，有慢煮和牛、菇茸醬豆腐、北寄貝龍蝦沙律~慢煮和牛好滑，入面包裹住清甜爽口嘅梨，十分開胃！😻我哋點咗特上．薩摩牛壽喜燒套餐（$498）,當中肉類有4%奇蹟A5薩摩牛西冷/肉眼切片(70g)及霜降A5薩摩牛切片(110g)!店員首先開火預熱鍋，加入牛脂逼出牛油，並加入壽喜燒汁及將和牛放入鍋中煎香。享用完第一塊4%奇蹟A5薩摩牛後會加入其他配菜一起煮霜降部位。薩摩牛比鍋面更大塊！大理石紋嘅油花非常點睛！肉味濃郁，幼滑多汁，中意食牛味濃嘅人最適合不過！點埋蘭王蛋蛋汁更加嫩滑。🥹個人覺得壽喜燒醬汁味道剛剛好。霜降部位充滿油花，口感軟腍，入口即溶！食到好滿足！🥹由於油脂比較多，配上珍珠飯食可中和返口感~((但我個人比較鍾意油脂豐富嘅牛所以不怕！😝野菜盛合有冬菇、日式燒豆腐、芝士竹輪、大葱、娃娃菜、皇帝菜以及蒟蒻絲。蒟蒻絲十分爽口彈牙，很入味！食材都

之前都有留意過肉屋壽喜燒嘅網店 開咗門市之後都係第一次嚟!由於上次摸過門釘 今次專登book好唒位先黎~套餐有三個選擇 我哋叫咗特上．薩摩牛壽喜燒套餐 三款前菜都好開胃 北寄貝龍蝦沙律唔錯 好爽口彈牙Main嘅薩摩牛顏色好靚 油花豐富 每片都好大塊 亦都唔會太薄!4%奇蹟薩摩牛牛味好重 肉質好腍好滑!霜降部位油脂更豐富 入口即溶!點埋蘭王蛋食唔覺得膩👍🏻肉嘅份量絕對唔少野菜盛盒份量都幾多 蔬菜好新鮮 最後仲有柚子雪葩 酸甜解膩中低價位食到靚牛我覺得唔錯👍🏻

從前一直都愛在網上訂這家的壽喜燒在家食，這家的肉真的太好食了！！！終於等到有門市！！！想食就隨時食！！！🍽️餐飲： 💮特選·薩摩牛壽喜燒💮特上·薩摩牛壽喜燒兩份餐都包含了前菜（以前只有網店時，是沒有前菜的）、一盆菜、一份牛肉（有2大片）、一隻生蛋、一碗白飯、一小碟漬物。兩者的分別在於薩摩牛的級數。先說前菜，有三款：薯仔沙律，凍豆腐配金菇醬，北寄貝沙律。店員建議由淡味食到濃味，即時有種去了高級餐廳的感覺🤣味道都不錯，以前菜來說，因為味道不同，真的有開胃的效果特選和特上薩摩牛用看的都看得出分別，特上特油花會更多，食起來會更香，但兩者的口感上其實沒有太大分別，就算是特選，肉質都是喜柔軟的。如果不想太油膩，食特選也很足夠。兩大片食完已經好滿足😋白飯煮得出色，軟硬適中，菜都很新鮮，蛋更不用說，是蘭黃蛋，蛋黃像小山丘一樣脹卜卜，光看外表都覺得好食🤩🤩不得不講一下提供的茶！平時日式店都提供麥茶，或是只有水，肉屋提供的是茉莉花茶！！喝第一啖很驚訝！去肉的油膩感真是一流！🤩🤩🎄環境： 日式裝潢，有些位置可以看到窗外風景，店還算新開吧，所以很新淨👍🏻🎎服務：好到不得了！💯他們會等到吃完前菜，把東西收走再上主

知道呢間壽喜燒平日lunch可以$199就食到薩魔牛sukiyaki今日就黎試下lunch set 最平199可跟唔同級數品種既牛upgrade我地兩個人叫左最basic既入門薩魔牛都可以有齊前菜 飲 野菜盤 同一人一入薩魔牛牛肉油花均勻 每份大概有三大塊厚薄度岩岩好野菜份量都好足店員先幫我地開爐 然後可跟據自喜生熟喜好落牛 台上仲有燒汁同水可自行調較壽喜燒汁既甜度濃度如果以二百蚊價錢黎講 係幾抵食牛既質地都唔錯如果可以好似銅鑼灣之前食個間咁有埋麵豉湯/甜品就好啦

同事話睇左社交平台 介紹好想黎食，社交平台讚到天上有地下無🤣 咁近近地就黎左食Lunch啦！🌟 $199 特選‧薩摩牛壽喜燒赤身A5薩摩牛壽喜燒片110g前菜‧野菜盛合‧米飯及漬物 (日本米選用) ‧蘭王蛋睇菜牌個時都係店員黎介紹既；前菜有三款，幾有心機！其實成套野上檯加埋D餐具配搭真係幾靚，薩摩牛既油花都好靚，但我地預計係可以一人一份自己燒，原來係要 share 個盤就唔係太好，店員會幫你整左第一輪先，之後就自己燒啦～牛係幾好食既，但主要個盤好淺，火好大，煮既時候有D拿手唔成勢，D汁成日好快就乾哂，最後變到煮野菜既時候D汁好濃，野菜變鹹菜😭 但D飯又食哂。埋單加埋一$200幾，雖然唔算貴，但尖沙咀區Lunch黎講都有太多選擇，成餐飯最有印象就係鹹野菜😅，所以都係中規中矩，未必再黎啦🏠店名：壽喜燒·肉屋 Sukiyaki Nikuya🚘地址：尖沙咀海防道38-40號中達大廈3樓

⁂⁎◝#尖沙咀🇭🇰 超抵食壽喜燒 $199就食到🤩⁎◜⁂.午市最平$199就可以食到壽喜燒😮由早期嘅網店開到實體店有三個set可以揀 lunch menu價錢由$199-$349✨可以預先網上book位 要留低信用卡資料確認.我地兩個人都係揀左$199嘅set 價錢超吸引🤩有前菜、三塊薩摩牛、野菜盛合、白飯、蘭王蛋肉質普通唔算好好 唔係好肥美 都無入口即溶既口感可能因為係最平$199嘅set，用上較瘦嘅薩摩牛但呢個價錢都無咩好挑剔😆店員會幫手燒第一塊牛同埋菜之後就要自己落手燒.整體來講 呢個價錢食到壽喜燒唔錯想過下口癮可以試下 但未必會再特意回訪😗.✧特選•薩摩牛壽喜燒 $𝟏𝟗𝟗赤身A5薩摩牛壽喜燒片110g前菜野菜盛合米飯及漬物（日本米選用）蘭王蛋..*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍壽喜燒·肉屋 Sukiyaki Nikuya🗺️尖沙咀海防道38-40號中達大廈3樓.

食物普通，牛肉得個肥字冇肉味。前菜同甜品甚至係難食。但最主要嘅問題係侍應服務態度差，特別係一個白色頭髮嘅女仔，唔知發生咩事，由一門口就好似得罪咗佢，非常冇禮貌。其他侍應都經常眼望望，仲有半個鐘用餐時間已經開始催，結果喺仲有25分鐘，我哋仲食緊牛肉嘅時候，就直接上咗雪葩。喺仲有起碼15分鐘嘅時候，我哋仲食緊烏冬，就連續俾兩個侍應行過嚟同我哋講時間差唔多要離開。最後我哋提早咗10分鐘，連烏冬都未食晒嘅情況下，就已經俾人用眼神同壓力逼走咗。

初頭見到呢間網上零售舖實體化 都抱着期待去試吓🫨行到尖沙咀樓下舖位已經聞到好大浸壽喜燒味上到樓上 位置都幾闊 lunch time兩個人食都俾四人枱 坐得寬敞舒服嘅👍🏻Lunch set有三個選擇 我另外叫咗本身係dinner set嘅和牛餐 有多一隻無菌蛋 甜品（嗰日係柚子雪葩）同埋多一款極尚A5牛200g男朋友叫咗lunch set最貴嗰個餐 $300幾 對比起佢晚市個價錢已經算係相當抵食💸一開始店員會幫我哋燒一片先 之後就由得自己發揮 第一啖食落去都幾好味 佢個餐有包埋啲普通雜菜 冬菇 粉絲同芝士竹輪（兩個人餐，但係唔知點解得一粒🙂‍↕️）前菜配菜方面就略顯遜色之前買過佢嘅和牛禮盒 都OK嘅～正正常常今次食落就都中規中矩 冇去到啲食評寫到咁差當然亦都冇ig讚到天上有地下冇

叫左個lunch set 同 dinner set 。2個都係叫中間個隻，應該係特上。食物正常發揮，5%牛係好食👍🏻。其他感覺不過不失，沒有太驚艷，整體上ok。dinner比較貴，但同lunch既分別只係多一塊肉同一款前菜唔同😶而成件事最大問題係，環境令到我覺得自己去左任食火鍋鋪⋯⋯勁嘈，加上音樂又開好大聲，播J pop。我成個人拗晒頭。（可能我比Dinner個價錢同廣告氛圍影響左，感覺佢想行高級少少既日式餐廳路線，可能其實唔係，🪖先）服務都係扮高級既感覺，但服務員感覺生手同好怕羞，講嘢勁細聲。（又可能真係個環境太嘈⋯⋯）但有禮貌既，我覺得ok，有進步空間。Lunch有時想食好啲，貴少少，我覺得呢到係可接受既。但Dinner比呢個價，係呢個環境，我真係比唔落手⋯⋯🙃

生日月，又係瘋狂食大餐嘅時候！今次朋友就帶咗我嚟呢間超出名嘅壽喜燒，話 CP 值超高！試咗果然名不虛傳🤣.今次食豪啲，食咗最貴嘅餐，都係 $398 一位，有齊前菜、肉、蔬菜拼盤同飯，睇落唔係好多，但真係超飽唔係講笑🤰。.今次食特上薩摩牛，油脂分布均勻入口即融，牛味超濃🥰，食肉獸最愛！前菜都超級開胃，3 款都好想 Encore！店員都好 Nice，不過真係佢哋燒嗰第一塊最好食，點埋蘭王蛋勁滑溜！下次一於試埋晚餐Haha

見網上了好多人推介，特登去試食，當日下午去人流唔算太多，前菜幾好食，牛肉唔識分，叫左最平同中位價既牛，睇落最平油脂分佈仲靚過中位價既牛，好唔好食就見人見智，我覺得一般。食既期間聽到有女員工講客人壞話，咁講真既，要講咪行遠啲囉…問過同行友人，意見都係一般般，評價大家識睇啦

壽喜燒.肉屋的裝修格局, 就是日式任食火鍋的風格, 但提供的是壽喜燒, 是關東風格的壽喜燒, 某程度上關東風格比較容易控制, 因為中間除了在鍋中加入壽喜燒汁, 也會加入水份, 如此帶有火鍋風味的做法, 比起關西的煎肉更不易Overcooked. 餐廳的特色是引入原隻薩摩牛, 作為午市及晚市的黃牛選擇, 水準較為統一, 運送成本較低, 但要看看買手對於整隻牛本身的洞察和認知力, 因為一出事就沒有太多後備方案.晚市套餐每人港幣$400起跳, 去到接近$700, 肉量分別不大, 大約在180克至240克左右, 不同的是肉的部份和質素, 我們選最便宜的晚餐, 有肉眼切片和赤身, 吃起來其實剛剛好, 前者肥美而且入口即溶, 後者夠肉香但不油膩, 另外帶點獨特的焦糖香, 單從牛的質素沒有太多好批評的, 雞蛋用上蘭王和普通日本無菌蛋, 將蛋香和牛肉的肉香平衡, 這也是細心的地方. 作為壽喜燒一定會有的大白菜, 也是為了令鍋不會太乾提供水份的來源, 這裏的品質把關要做好一點, 特別是不少的黑點數也不少, 但總括而言還是值得一試.

平價抵食壽喜燒，厚肉嫩滑A5薩摩牛🥩，物有所值！・・・・・・・・・・・・・・・・・・・・*要先book枱喔*Lunch套餐包括：前菜、野菜盛合、米飯及漬物（日本米選用）、蘭王蛋🍽️前菜 - 龍蝦沙律、麻醬菌菇豆腐、北寄貝薯仔沙律：前菜幾用心，三個都新鮮好食，係重味咗啲。🥩 特選・薩摩牛壽喜燒 HK$199＞ 赤身A5隆摩牛壽喜燒片110g・味道：肉味較重，脂香襯托。必須加生蛋，可以中和牛脂油膩感，又可以突顯牛肉香。本波作為牛魔王，比起咩霜降牛脂爆炸乜乜77，一定係低一兩個grade，食肉味為主嘅，呢個firm啊🤌🏻・口感：嫩滑同時食到牛肉紋理，掂。🥩 特上・薩摩牛壽喜燒 HK$249＞ 霜降A5薩摩牛壽喜燒片110g・味道：去到牛油香嘅牛脂級數，入口即融，牛脂香濃，肉味冇咁重嘅，但切得夠厚身，食落好有滿足感。・口感：瀡滑梯級數嘅軟嫩XD🍹 星紫流砂 HK$38＞ 石榴、益力多、蝶豆花茶・味道：比想像中好像，石榴嘅鮮甜同益力多酸甜幾夾，石榴冇草青味，唔算好甜～・口感：幾清爽好飲～🥬 野菜盛合：京蔥、冬菇、油揚、白菜、日式燒豆腐、芝士竹輪、蒟蒻麵・・・・・・・・・・・・・・・・・・・・🤰性價