壽喜燒·肉屋

營業中

休息中

肉屋價錢: $299 (220g)/ $349 (220g)/ $349 (110g)好味程度: 3.7/5服務🍴: 3.7/5環境🗾: 3.7/5性價比🥢: 4.3/5回頭率😚: 3.3/5-講到壽喜燒呢間應該都好多人bookmark左，因為佢算平的sukiyaki，lunch最平二百幾都食到！包前菜、蔬菜拼盤、飯、漬物同🥚。第一轉店員會來幫你放曬上去先，之後就自己來。開頭係關西風，食到之後就變關東風。可能今次有店員睇住，所以整體都唔會太鹹。不過記得都要加d水。-✅前菜。薯仔沙律正常發揮🤣木魚豆腐、芥末八爪魚。-✅✅特上A5薩摩牛壽喜燒片(中間價位)。沾滿蘭王蛋食口感滑溜，而本身塊牛都ok，肥瘦得宜，冇筋，有牛脂香同時都有牛味。佢哋作為賣左咁多年呢d肉的人，都唔會差🤓但最平個隻就大細塊不一，同埋啲肥邊位多啲😌-蔬菜拼盤都係大路野，冬菇、娃娃菜、大蔥、皇帝菜、燒豆腐、葛絲。-個人覺得叫中間價位的已經足夠！中間同最貴分別唔大🙈最平個款就明顯肉質無咁好，d油脂分佈冇咁平均！-性價比💯 不過呢個價錢始終成個體驗無得比mori個啲啦。同埋抽油煙系統唔係幾好，所以食完都會有d味吸收到🥹食午餐可以

牛肉超好味，環境好乾淨服務超周到仲會幫手燒埋，唔使自己燒最後仲有個甜品最愛最愛的柚子雪糕，真係非一般的雪糕口感有少少似沙冰入口又會即刻溶好啱一家大細嚟食下次帶埋女女嚟🩷

有晚收工男朋友提議嚟呢間食壽喜燒呢間放假嚟lunch平好多但放假lunch一向難book見呢晚收工7pm有位，我地就嚟試下💰💰我地揀左個中價位$498一人一份🥢🥣前菜有3款個肉卷幾得意，入面有件細蘋果仔仲加左隻白色似cream cheese既醬，味道好夾另外果2款似木魚碎豆腐皮，雜菜，冇咩特別戲肉嚟啦，我地2個人🥢🥩🍲嚟左3碟肉，1盤野菜，有白飯，生雞蛋跟1壼壽喜燒醬汁，1壺清水，一陣煮要用首先職員幫我地開爐煮，1人1塊肉先之後就幫我地鋪🥦🥬蔬菜鍋🍲大概放左7成菜落去煮冬菇煮10mins，其他配料就煮5mins之後職員閃人，我地自己負責睇火啦想講佢地餐廳冇吸油煙果d喉煮壽喜燒時都幾大蒸氣下吹晒落我塊面到😅佢地d爐又比較大火，d汁好易蒸發晒女仔有時食得慢，我未得閒再煮新食材已經加左好多次清水落去keep住滾講返個壽喜燒醬汁係超甜d🥩牛大概每人食左4大塊左右我食到有塊邊邊位有d筋難咬晒開塊牛又勁大塊，咬落有少少狼狽最後有點忙碌地，我地先煮晒成鍋野食😂嚟埋個柚子雪糕就真係食完了而家香港開多左壽喜燒店$500位呢個定價其實選擇都多但$500位如果食到d牛有筋又要自己燒咁麻煩，我會選擇其他了

第一次食呢一間壽喜燒同朋友特登book咗位，去到四人枱已經滿晒啦，咁就有二人枱嘅位，嗰陣時我同朋友都好震驚就係張枱真係細，咁咁啱就見到有卡位枱係有位，嘗試去問吓職員可唔可以掉位，點知員回覆我哋「卡位只可以三個人以上坐」 我哋好無奈嘅係成間餐廳全部卡位都係兩個人兩個人咁坐，咁我哋就唔明白再問多次啦，咁之後有個職員就話「唔好意思啊，因為真係要三個人以上呢有人book咗枱啦」咁我哋就諗吓可能上一批嘅客人係二人二人咁坐下一批黃金時間就要三人三人咁坐，因為始終嗰陣時都七點幾星期日，咁我哋就冇為意啦，開始食啦評論佢嘅餐，嗌咗個中間位$498嘅餐，前菜嚟到職員好似好趕時間咁樣，直接放咗兩塊肉個爐到，之後放落我哋個碗之後即刻放啲菜，之後就話而家嘅壽喜燒就係你哋自己負責返㗎啦，我覺得自己燒都冇乜問題嘅，但係成件事係好趕時間，重點係我哋食完前菜坐低都唔夠15分鐘，餐廳其實又唔係話好多人，可以話係毫無服務可言，啲肉係唔差嘅，但係成個體驗比我感覺就算好食都冇用，第一次就算美食喺面前，真係個感官差當堂覺得唔好食呀點知食到中段，我哋後面張好迫嘅二人枱已經有客人啦，職員叫我哋褪前少少讓俾客人坐入嚟，我哋已經冇位啦，

午餐去食最抵⬆️午餐最平HKD199就可以食到壽喜燒🤤CP值很高⬆️店員一開始會幫手擺靚前菜、野菜盛合、第一二塊牛肉，俾客人打卡影相我各叫咗每樣一份特選•薩摩牛壽喜燒 HKD199特上•薩摩牛壽喜燒 HKD249個人鍾意特上Set，牛肉均勻雪花及油脂，牛肉入口香濃🥩

記得之前行過個lunch set好似幾抵食咁，適逢同friend食生日飯就book咗呢間餐廳。仲要12月26號都有正常lunch set食，唔使捱貴餐。叫咗兩個極尚薩摩牛壽喜燒， $349一位。啲牛都OK嘅，全程都有Staff幫手燒，不過睇得出佢哋超忙，如果你可以自己搞掂佢都唔係好想理你。依間啲壽喜燒唔係行超重口味，尤其是啲蔬菜唔會搞到超鹹，所以都OK。有機會都可以試埋佢嘅dinner set，不過食壽喜燒如果有限時其實都幾chur，始終壽喜燒食食吓會好滯。😂

所有相都冇調色🥹🥹正 我最怕去到一啲餐廳係食物質素同價錢唔成正比但係依間肯定係成正比唯一美中不足嘅地方就係我喺屋企食壽喜燒嘅時候會自己加辣椒粉，佢哋剩係得七味粉冇辣椒粉😆我下次再去食嘅時候會自備🤭🤭或者希望店主可以睇到咁就成為香港第一間壽喜燒有辣椒粉嘅舖頭😂😂😂壽喜燒汁加落啲蛋度再加啲辣椒粉真係好好食㗎 講返依間餐廳～服務好有教埋我哋食嘅先後次序真正每一口都可以感受到啲油脂嘅分佈😍味道調得啱啱好，仲要入口即溶嗰種感覺 🥹好感動 好欣賞佢最尾個柚子雪葩🤤佢嘅三款前菜都勁好食同埋我哋食完之後我同男朋友都覺得下一次應該要再嗌多份粉絲，因為粉絲都真係好正🤭最後我真係解釋到累了🥲每次一鋪高評價就會被以為喺Foodie～ 我都想 呢啲咁出名嘅餐廳使乜我做Foodie🥲🥲

快餐廳服務水平，管理不善1. 服務態度懶散 紀念日千萬不要選擇這餐廳！只會破壞你的期望！-員工不耐煩替食客合照（只拍2-3張）-3位員工站在收銀處閒談 忽略食客要求-12點午餐時段 員工12點才到步著圍裙 食客早到站在門口 睇佢地扎頭髮換衫2. 管理不善-用餐48分鐘便催埋單（午市用餐時限70分鐘）-未食完就幫會執碗 -星期六午市有一半吉位 唔知趕d咩 係咁催-員工服務欠缺專業和標準訓練最後二人埋單 $890 而服務質素仲低過快餐店 大開眼界未試過遇到咁惡劣的服務同體驗！重申：牛肉質素合格 套餐份量足夠但惡劣的服務是令貴公司污名的主因 。

聽講尖沙咀有間壽喜燒好出名，午市套餐都比較抵食，最平$199就食到赤身黃牛嘅壽喜燒啦，不過今次難得book到位，要網上俾訂金嘅，咁就試吓佢中價位嘅和牛壽喜燒！無論你食咩套餐餐都係限時70分鐘，食得非常之急趕如果想慢慢享受嘅話就冇得啦！🍴前菜芥辣八爪魚都幾爽口，下面配咗白菜豆腐比較硬身！沙律蛋薯仔，啲薯仔比較大粒同硬身啲嘅。🍴特上・薩摩牛壽喜燒 220g $329 另收加一前菜，野菜盛合，米飯及漬物（日本米選用）蘭王蛋牛肉一盤係110 gram，食落去非常之軟腍有牛味又真係好好食，加埋蛋漿嘅真係冇得輸呀？ 個飯喺日本珍珠米濕度都係乾好嘅，另外有啲蔬菜芋絲冬菇豆腐白菜，都非常之果汁好食嘅！不過油脂太豐富啦，有少少油膩不過都係好好食食得晒嘅！推薦指數: 8/10餐廳好細，幾百蚊嘅壽喜燒要限時70分鐘食完，有少少似快餐feel？職員非常之唔專業，食飯嘅過程可以聽到幾次打爛碟嘅聲音😂亦都唔算有禮貌，300幾蚊貴嘅價錢唔會享受到好啲嘅服務…..將人哋食完嘅碟放喺客人張枱上面再疊上去收碗，成間茶記咁😂食物質素係OK嘅，不過環境比較侷促，職員嘅服務都唔算好好，食過一次就算啦。📍壽喜燒·肉屋 (尖沙咀)

提前2-3小時左右，在網上訂座，原本看條款是兩小時左右hold枱，餐廳又沒有特別發送連結等，要求付訂金？ 一去到，準時入座，但係店員告知因為沒有付訂金，所以就不作是訂位？？ 一開始印象已經差～前菜味道都可以：馬鈴薯蓉、唐揚豆腐、芥末八爪魚點了兩份不同的和牛套餐由圖可見，以上嘅牛肉都睇唔出邊款打邊款？ 之後又冇個牌仔講到明？唯一讚嘅位係，啲牛肉品質OK，又有人幫手燒少少～醬汁有點咸整體嚟講呢餐都算ok ，起碼肉質在線，如果呢個價位配返杯普通檸茶會更好。 但係總體嚟講，冇乜技術含量，為咗慳返$2 openrice回饋，一入門口就有個下馬威，感覺唔係太好～ 壽喜燒都係食返中環

我咁多年第一次俾comment- 首先成個餐連個飲品都差唔多$700一個人，但係質素差 - 勁趕 係連塊牛都未煮 已經叫我地賣單； 如果個半小時係唔夠 就唔好強行接咁多客- 佢有話要自己加水 係調下個味 但係本身係勁鹹 無可能食到 但個刻我地試味d菜已經熟哂- 食到一肚氣 希望大家唔好中招

壽喜燒本身係一項高級料理，而這家店舖本身也是提及自己是高級的，然而我們去享用聖誕晚飯，人均消費600元食到好似食快餐咁，趕住上一道菜，趕住叫你食，再趕住叫你上甜品，再趕住要你賣單。結果就係75分鐘就要你離開，係一個節日慶祝嘅日子，完全唔俾時間你稍為歎下傾下計，咁嘅服務真係無下次。食物質素亦都誇大左，啲肉除左係嫩之外，並唔覺得肉味吸引，甚至覺得啲員工煮得都幾hea。另外堂食坐滿人係預左，但係仲嘈過人地打邊爐，咁嘅環境根本唔似食緊高級料理，早知寧願去打邊爐好過。

叫左個聖誕二人餐 $1287 未計加一 加一總共一千四百幾兩個淨係食左西冷 之後啲野食放棄曬 全部咬咗一啖都唔想食前茶 個茶碗蒸係凍嘅，完全冇蛋味牛肉包住蘋果 完全唔夾 一口冷麵 淨係feel到青檸嘅酸味 面嘅質感都唔好食有一嚿牛包豆腐 依個真係唔知自己食緊咩最後食配菜超級鹹 雖然話覺得太鹹就加水 但嗰個味已經好唔同 牛都唔係特別好食真係好唔想俾錢 因為真係唔知自己食咗啲咩 仲要已經係叫最貴嗰個餐只可以講覺得公關做得好好 宣傳做得好好 唔會再有下次

香港探店|尖沙咀「壽喜燒・肉屋」●地址:尖沙咀海防道38-40號中達大廈3樓●營業時間:星期一至五 12:00-15:15，18:00-22:00星期六至日 12:00-22:00這家餐廳可以說是目前為止全香港我最喜歡的壽 喜燒,屬於關西風味的。壽喜燒分為關東風味和 關西風味,關東風味是湯比較多,類似於火鍋那種;關西風味是只要少少湯汁,肉都是煎熟的那種,更入味！我和朋友是中午去的這家餐廳,有午市套餐,總共 有3種可選,區別就是牛肉的種類不同！■前菜:前菜一共有三款,分別是馬鈴薯沙拉,菇醬豆腐,龍蝦沙律,前菜要按著順序從右往左吃,因為依次口味會越來越重,個人覺得龍蝦沙律有點偏咸。2 極・霜降A5薩摩牛:這個牛的口感真的棒極了,肉的花紋非常漂亮。。, 油脂分布細緻,吃著肉味很濃郁,脂香十足,肥 而不膩,非常嫩。3 霜降A5薩摩牛:這個肉的油脂相對少一些,牛味也蠻足的,相比 沒有前一個那麼嫩,少了一些些脂香,嚼著可以清 晰地感受到肉的紋理,但是一點也不柴,不喜歡 太肥的可以選這一款。④牛舌:牛舌相比於其他牛肉就顯得平平無奇了,但是吃 著口感也蠻嫩的。配菜也蠻豐富的,有香菇、豆腐、娃娃菜、茼

這家真的很划算！環境也比較乾淨～第二次來了，水準依然！也是點了一個特選還有一個特上薩摩牛。兩個套餐也有4%奇跡A5薩摩牛西冷/肉眼切片，入口即化～裹上蛋液，口感更加細膩！上一次吃不完蛋液覺得有點浪費，這次我把部分蛋液倒進飯里，慢慢享用😍😍特上還有特選薩摩牛的分別也是非常明顯。特上的牛好吃多了～很順滑，建議點特上那個set。 配菜還有白菜，蒟蒻面，芝士竹輪，豆腐，大蔥，冬菇等，健康美味！可以自己調壽喜燒汁的濃度。還點了巨峰乳酸蘇打還有啤酒🍻 ^_^最後柚子雪芭作happy ending！太滿足了啦