壽喜燒·肉屋

營業中

休息中

平價抵食壽喜燒，厚肉嫩滑A5薩摩牛🥩，物有所值！・・・・・・・・・・・・・・・・・・・・*要先book枱喔*Lunch套餐包括：前菜、野菜盛合、米飯及漬物（日本米選用）、蘭王蛋🍽️前菜 - 龍蝦沙律、麻醬菌菇豆腐、北寄貝薯仔沙律：前菜幾用心，三個都新鮮好食，係重味咗啲。🥩 特選・薩摩牛壽喜燒 HK$199＞ 赤身A5隆摩牛壽喜燒片110g・味道：肉味較重，脂香襯托。必須加生蛋，可以中和牛脂油膩感，又可以突顯牛肉香。本波作為牛魔王，比起咩霜降牛脂爆炸乜乜77，一定係低一兩個grade，食肉味為主嘅，呢個firm啊🤌🏻・口感：嫩滑同時食到牛肉紋理，掂。🥩 特上・薩摩牛壽喜燒 HK$249＞ 霜降A5薩摩牛壽喜燒片110g・味道：去到牛油香嘅牛脂級數，入口即融，牛脂香濃，肉味冇咁重嘅，但切得夠厚身，食落好有滿足感。・口感：瀡滑梯級數嘅軟嫩XD🍹 星紫流砂 HK$38＞ 石榴、益力多、蝶豆花茶・味道：比想像中好像，石榴嘅鮮甜同益力多酸甜幾夾，石榴冇草青味，唔算好甜～・口感：幾清爽好飲～🥬 野菜盛合：京蔥、冬菇、油揚、白菜、日式燒豆腐、芝士竹輪、蒟蒻麵・・・・・・・・・・・・・・・・・・・・🤰性價

從來未食過一間咁差既牛！亦冇服務可言從來唔打食評既我地今次都要留番個食評等大家唔好俾人呃 真係諗清楚先決定去唔去食，呢個價錢其實唔洗係度食，咁當然以上以下感想都係我地個人感受！想試伏就隨便啦～首先一坐底，見到都幾full，落完單再等左陣先上前菜，眼見下一枱一坐底就即刻有，我地落埋單都未有，都唔緊要，主菜好快就到，職員即刻開爐燒，重點係前菜先岩岩到，都未開始食..店員燒完第一件牛夾落我地個碗（當時仲食緊前菜）佢仲繼續再燒下一塊牛，即刻stop左佢，佢都仲要再將d菇同菜落落去，然後店員即刻黑面 再口upup聽唔到佢講d咩牛望落係幾靚，個完全冇牛味（一份係牡選398，一份係特上498），呢個價錢其實有更好選擇，因為食落去只吃到好油然後環境焗促，我地好快就埋單，到坐左陣都冇上甜品俾我地，店員好快隨即收好d碟離坐，後尾先醒起 店員係漏左俾甜品我地總結，唔會再有下一次，見好多人介紹，大家諗清楚

CP 值蠻高 薩摩牛壽喜燒朋友生日 剛好看到薩摩牛本來抱著試試心態 想不到滿驚喜中午時段都是座無虛席一早預約好 可以不用等直接入座我們4人剛好坐car位 看著九龍公園景特選跟特上套餐的牛都不錯非常性價比高套餐有前菜日式薯仔沙律、麻醬豆腐、迷你漢堡扒4片牛肉 加上有蔬菜、菇、豆腐、芋絲另外還有飯跟湯 整體都蠻飽第一輪會由店員幫忙開鍋煮首片其餘就由自己繼續 牛肉內質嫩滑 油香十足蘸上蘭王蛋汁 肉汁豐富壽喜燒汁不會太咸太甜 味道適中整體都很好 值得再回頭

同太太難得可以放低小朋友俾屋企人咁食生日飯慶祝，決定試試呢間都bookmark咗一段時間的壽喜燒店。大約生日的2個幾星期前就已經預約咗，唔肯定係咪已經算遲，因為預約時提出咗希望盡量安排到卡位枱食生日飯，最後係唔俾卡位枱嘅，咁本來都覺得冇辦法，可能真係滿哂訂座或者可能真係隨機分配，點知由坐低到食完埋單走人都發現旁邊果張卡位枱係完全冇人坐過嘅☺️ 原本坐低前打算食完套餐就追加牛，但既然冇卡位坐就爽手食完套餐就算，快速食咗唔夠1個鐘就決定埋單走人，反正坐普通位置唔算舒服，影相又唔靚，最後都冇影同食物合照，隨手影咗一張相證明食過就算，反正都唔會upload上社交平台 推介俾朋友。講返食物，我地就叫咗兩個特上薩摩牛壽喜燒套餐加2杯特飲（星紫 & 夕燒），個人認為啲牛質素就唔算好差，不過以價錢對比返食物質素同份量就覺得定價偏貴，而且個鍋都比較細同簿身，菜同豆腐都好快燒燶，另外2杯特飲同甜品（柚子雪糕）就冇咩特別。整體以言除非訂座有得指定要卡位，否則應該冇下次。

無冇服務可言，原來有圍裙供應，但職員烹調時發現我哋避嚟避去先後之後覺問我哋有冇需要圍裙，你隻碟一清空佢就好似好有禮貌咁問你要唔要收碟？其實就帶催促嘅語氣。甜品都未到就叫你埋單，擺低咗張單，都未食完杯雪糕，就吹你埋單，又坐低到走都唔夠60分鐘，仲趕過食澳牛，其實比呢個價錢真係唔使喺度食

去日本成日都食到性價比高嘅Sukiyaki返到香港成日搵都好難，通常價錢都比較貴🥹不過今次搵到由網店外賣起家嘅「壽喜燒•肉屋」CP值好高架👍🏻有$398/$498/$698三種價錢套餐，我同朋友淨係試左$398嘅套餐，個套餐包左前菜/牛肉/野菜/飯/蘭王蛋同甜品，啲牛肉質好嫩份量好足店員會幫你燒第一塊仲會幫你擺好盤咁，影相超靚！不過之後就要靠自己啦🤣呢個價錢嚟講有呢個體驗算係唔錯👍🏻壽喜燒•肉屋📍尖沙咀海防道38-40號中達大廈3樓

講到壽喜燒，大家應該都聽過「肉屋」，訂位不容易，訂座後要先於網上付款才確認留位。星期六午餐時間1:45 入座，高峰時間剛過，職員們似乎沒有我上次來時那麼匆忙lunch set 就三款，前菜、壽喜燒用的野菜盛合、白飯、漬物及蘭王蛋，全部牛肉均是選用A5薩摩牛，分別是選級數：赤身 $199、霜降 $249、極霜降 $349前菜有薯仔沙律、冷豆腐、北寄貝沙律，份量小小的，三款都很好吃。前菜未吃完，薩摩牛、野菜盛合等食物陸續送上，然後店員過來先幫我們放了一些野菜 & 牛肉於鍋中，簡單介紹了桌上調味醬汁及烹煮方法，剩下的就交給客人們自己處理這次我們選了赤身 & 霜降牛，我是比較偏好霜降牛肉的，喜歡它入口即溶的口感，不過試了一片朋友的赤身牛，意外地發現肉質也非常不錯，軟軟嫩嫩的，又充滿肉香。薩摩牛沾上蛋汁，再配上一口白飯，真的滿足到不得了「肉屋」午餐 & 晚餐用餐時間都比一般餐廳更短，午餐70分鐘、晚餐則是90分鐘，實在有點趕急 我和朋友知道時間緊湊，所以預先說好先吃飯，待會轉個地方喝杯咖啡再慢慢聊天，所以70分鐘剛好夠時間吃完整個午餐， 眼見旁邊桌的客人兩大一小，兩人要照顧小朋友，再邊聊天邊吃，

The queue here is really long if you don't have a booking.There are 3 sets to choose from and we decided to try all 3 so we get to share the different types/grading of meat and enjoy more of the 4% miracle beef. It is mainly graded by its fine marbling  quality and being ranked as the top 4%. The top 4% was definitely the most tender but even the "cheapest" one was really soft and would even be a good choice if you want to choose something with less fat content. Another point is you have to retu

晚飯限時90分鐘，都OK既。一坐低，同事介紹三個餐。我地每個餐點了一份。 說時遲那時快，餐前小食，雞蛋，肉，所有野已經放曬向你面前，完全無機會喘氣之制，同事又黎開始幫我地燒肉。 餐前小食豆未開始食 🤦🏻‍♀️🤦🏻‍♀️🤦🏻‍♀️。 由於好趕，好快已經飽。走既時候，都係食左75分鐘。一D都唔enjoy，應該無下次。

網上勁多人推 勁多foodie大讚朋友生日就book左枱試下 request左甜品寫happy birthday 但係無做到 唔緊要 因為呢啲唔係必須既service 純粹提醒大家慶生日 呢間唔會係你既選擇 😊講返食物質素 dinner分3個價錢 我地嗌左1set ~ $6xx and 1 set ~ $3xx 🥢首先 個爐勁細 仲勁過塊牛 仲要勁淺 落左壽喜燒汁 基本上勁易燶 😖和牛完全唔係和牛質素 望落唔差 但食落真係唔知食緊咩 😂 正常好似係食晒啲牛先一次過煮菜 但我地食左一半牛 店員就幫我地落菜煮 個pan勁淺 煮菜好易燶 😨總結係牛同菜都勁普通 但加埋野飲加埋一都$14xx(2人） 埋單 食物質素完全對唔住呢個價錢 🙅‍♀️唔爭在講埋野飲 我嗌左杯梅酒soda都正常 我朋友嗌左杯提子味既酒（唔知叫咩名因為係店員推薦 我地就say yes) 飲係加糖漿 飲落去甜味還甜味 酒味還酒味總結係 自己做foodie都唔會推介呢間嚟呃like 😂😂😂

喺佢哋未開店之前已經幫襯過幾次佢哋網店嘅壽喜燒set，無論係野菜定係牛肉都非常高質，因為要自己燒，所以想試吓堂食嘅分別會唔會差好遠，今次試完的確一樣係咁高質！我哋當日下晝去叫咗最平嘅A5薩摩牛套餐$199，包三個前菜，110g薩摩牛，一隻蘭王蛋，一個野菜盤，一碗飯，另外單點左份100g既A5薩摩牛都係$199，個套餐對女仔嚟講係非常之抵食同勁飽！ 一開始店員會幫你燒第一轉野菜同一片牛肉，之後就會話你知要點燒，讚讚店員細心服務非常之好，會主動幫手影相，仲擔心你夠唔夠飽😍不停提醒我哋我哋單點嗰份牛同套餐一樣價錢，所以唔夠飽可以俾多份菜或者一碗飯我哋😍啲牛一樣咁高質！沾埋蛋黃食，簡直係入口即溶油香爆發～～～呢餐太滿足啦

尖沙咀思鄉薩摩牛壽喜燒-壽喜燒·肉屋好掛住日本既壽喜燒🥲無意中發現尖沙咀有間壽喜燒專門店😂今日就食呢間，lunch 都好full，坐到窗邊位置🙂lunch 有2款set 選擇，分別點左: 特選·薩摩牛壽喜燒 同特上·薩摩牛壽喜燒，分別就係”特選”選用赤身A5 薩摩牛，而”特上”就用霜降A5 薩摩牛🤤前菜有3款，豆腐、味道似薯仔沙律同埋雞軟骨肉丸，都唔錯😀主角出場啦😌油脂分布平均，色澤鮮艷，霜降A5油脂就更加豐富☺️店員會先放上蔬菜，再加入薩摩牛，倒入預先調配嘅壽喜燒汁，食嘅時候記住配上蘭王蛋，會更加香滑😉連珍珠米都好好食雖然厚度方面，不及日本咁滿足😅對於呢個價錢嚟講都算唔錯👍🏻有興趣可以試吓”回鄉”感覺😂

由訂座去到食嗰一日，完全冇任何人打過電話俾我同我confirm booking，亦都冇任何人同我講限時90分鐘。只有send條link嚟話要比$200 deposit，否則就取消訂座。嗰日去到諗住入座先，但侍應告知只限90分鐘。我o哂咀，收呢個價，乜service都無，錢就識收，但最基本係打電話嚟同你講90分鐘限時都無，咁都俾咗錢啦，唔通即刻掉頭走咩？牛肉好簿，成間嘢油煙好臭，唔通風，無人幫你燒，自己嚟，仲有個位超級無敵窄，衰過坐茶記。叫左一個$498 一個$698，連加一埋單$1400，呢個價錢性價比好低。

生日飯黎左呢度慶祝 食壽喜燒前有啲前菜 有沙律 金菇豆腐 明太子牛肉卷 入面包左蘋果/梨咁 外軟內爽👍🏻 ✨特選。薩摩牛壽喜燒 $398呢個係有A5薩摩牛西冷/肉眼 70g + 赤身A5薩摩牛切片 110g赤身牛比霜降油脂少啲 但其實都唔會話好韌 肉同油脂都幾balance 冇咁漏👍🏻👍🏻✨特上。薩摩牛壽喜燒 $498呢個係有A5薩摩牛西冷/肉眼 70g + 霜降A5薩摩牛切片 110g霜降牛係真係油脂多啲 食落係軟腍啲 比較溶化 但其實食得多都真係好漏🙈🙈✨星紫流砂 $38職員介紹呢個有蝶豆花就比較寒 所以女仔未必啱飲 呢個就益力多味比較重✨夕燒　$38有芒果 蜜桃 西柚 四季春 幾清新 配肉幾好👍🏻✨邊角肉 100g $99覺得介乎喺霜降同赤身中間 多脂肪過赤身但又腍啲 都好食👍🏻兩個餐都跟左啲菇同菜好鮮甜 有壽喜燒汁同水可以調教到啱自己口味😆最後個柚子雪糕都好香柚子味 食左咁多肉之後呢個都好清爽鮮膩👍🏻👍🏻職員一開頭都有介紹餐牌 同埋開頭會幫手燒啲同教點樣燒👍🏻 不過講野都講得幾快有時聽唔清同埋唔好嘅係平日都好多人 得90分鐘用餐時間 都真係啱啱好 食飽想坐多陣傾下計抖下都唔得😓

去到門口見到午餐餐牌，諗住2舊水一個餐幾經濟可以試下，侍應接待唔係好出聲，原來咁岩4點就轉晚餐，預200蚊budget 就變左400蚊晚餐。去到qr code 落單先知得返晚餐，我會預入門口果刻就知道4點後係食晚餐，咁既然坐低左就由佢。我對食物質素無乜要求，所以食落無問題。最後問題發生係甜品，食飽之後無人再招呼，到我埋單，個甜品都一直無出現，到我走左我先醒起。提醒各位去食野要問清楚，呢度d 侍應做野太辛苦，問一句答一句，唔好expect 佢地服務緊你。200蚊就抵食，400蚊要再考慮下。衛生問題，雖然有圍裙，但d 油彈到成張台都係，可以考慮用高身d 既鍋或者凹陷式既爐。