壹食就醉

營業中

休息中

今天约了室友过来吃火锅🍲放工之后，需要好好对自己！好像每天都对自己很好😂我们点了醉鸡🐔汤底，浓浓的酒味，害怕自己醉了😂不过鸡真的很滑！不知道是不是因为酒，让鸡的肉质很鲜嫩。而且，肉很鲜，很少在香港吃到这么鲜的鸡🐔很赞👍而且整个汤底很清，我们煮了很多蔬菜跟杂菇，很健康，通常出街吃饭都会很咸，喝很多水，不过他们家味道适中，刚刚好，感觉又健康了一点点。我室友点的咸蛋黄猪肉丸子🍡很特别！果然是咸蛋黄粉丝，路过一定不会错过！你也要试一试，没有想象中那么重口味，吃到嘴里先是猪肉的鲜味，然后才是淡淡的咸蛋黄味，要仔细品尝跟留意才会发现：）我们还煮了薯仔角，一定是必选菜单，薯仔一直都是所有人的最爱，小小淀粉质食物，其实也是有利于健康的呀！

澳門有出名既卜卜蜆煲，估唔到香港都有～ 我地book 左位，去到即刻有位唔駛等👍叫左招牌清酒卜卜蜆煲，我地2個人叫左煲細既～份量都唔算少。每人起碼有20隻以上。蜆肉鮮甜肥美～食完煲蜆仲可以用返果湯底打邊爐 🤤 一煲兩食。我地叫左脆肉鯇魚、黑牛柏葉同埋貴妃蚌～每碟份量都唔算少。我地仲點左一份熟食 - 黃金蝦～ 蝦身炸完再上咸蛋黃～真心好味👍👍我地連蝦殼都食埋。送酒一流，必點👍餐廳仲做緊優惠，只要like & share 餐廳～會送1 jar 飲品。我地初頭以為一人一杯。原來係每個人頭計。每個人頭1 jar 👏👏真係好鬼開心👍

打邊爐呢樣嘢係香港已經係無分季節就算熱辣辣34度天氣仍然會有興趣打邊爐！.今次同朋友行尖沙咀見到呢間打邊爐決定一試！地方好寬敞 有大電視我見佢好多大枱 8-10人都坐到如果成班friend黎應該唔錯.我見menu仲有卜卜蜆 但我見太大煲所以放棄左 怕食唔曬揀返打邊爐～湯底揀左芫茜皮蛋鍋 都幾清甜！再點左豬肚 菜 咸蛋黃豬肉丸等等豬肚我會掉落湯煮耐啲 好軟腍好好食而且大塊 厚身 無腥味 新鮮豬肚果然唔同吖。咸蛋黃豬肉丸係店家自家制作有8粒 豬肉再混合左邪惡既咸蛋黃 不得了！好惹味呢 食落有粒粒咸蛋黃配上呢個芫茜皮蛋湯 唔膩 出奇地配！我地叫左娃娃菜 量都好多我本身超中意食菜都覺得好夠！好滿足的一餐！

前日個friend話要試未食過既打邊爐上OpenRice搵左呢間壹食就醉 個名好搞笑 決定一試！.上到樓店員就帶位 咁岩2個人都坐到4人枱 仲有電視睇 冷氣夠凍！見到隔離枱食卜卜蜆煲 超大煲！朋友怕太多食唔曬 就決定打邊爐～湯底都有成十多款 我地揀左芫茜皮蛋湯貪佢唔太重口味 清清地 上鍋無耐我食皮蛋已經好淋好好食了！至於火鍋食材 我地揀左 生菜 烏冬 紫淮山 特級一口牛柳粒紫淮山好鮮甜！而且好少火鍋店有得揀牛柳粒牛味重 雖然唔係話入口即溶 但係爽口唔韌 油脂分布均勻 算係不錯之選。.烏冬係我平時叫既2倍份量 一份價錢 2個人分岩岩好！都算彈牙 佢係幼身既烏冬~.遲啲冬天一定會再到訪。

嗰日經過尖沙咀韓國街，發現有間食卜卜蜆嘅餐廳，見到卜卜蜆之前咁紅又未試過，所以就想去食啦。我地得兩個人，所以都唔係嗌得好多嘢食。間餐廳主打卜卜蜆，所以我哋都有嗌左一個。個卜卜蜆份量其實都幾多，兩個人食真係好夠，而且啲顯好新鮮、冇沙。啲湯好香清酒味，加埋啲卜卜蜆飲落好清甜。啲蜆唔係話好大隻嗰種，但係每隻都texture好rich。另外我哋仲嗌咗個碟黃金蝦。個黃金蝦脆卜卜，係用咗鹹蛋黃醬嚟炸嘅，非常之好食、又香口又惹味。而且餐廳最近有個宣傳活動，只要喺Facebook度like page同upload相就會送嘢飲。我哋呢就揀咗祝這茅根，清甜、而且唔太甜，仲可以順便幫自己降下火。

之前係澳門食完卜卜蜆，就好想再喺香港食下，朋友就介紹左呢間，喺尖沙咀又幾方便有分唔同大小嘅鍋，我哋兩個人就揀咗個細嘅，都分量幾大，仲會落埋清酒去煮tim，食落味道幾清甜，唔使點太多調味料，都覺得好好味，而且所有蜆都會開晒，證明都幾新鮮之後就嗌咗佢哋呢度嘅招牌小菜，黃金蝦，雖然份量唔多，但每隻蝦都好大隻，肉質好彈牙，連埋鹹蛋黃醬炸到博博趣，爭啲連殼都食埋，因為用蛋黃整嘅關係食得多都會覺得濟，所以兩個人每人食到幾隻已經啱啱好怕熱氣嘅話可以嗌埋竹樜茅根只要like Facebook加埋upload相就可以免費飲㗎啦，幾清甜，又下火

今晚無咩做，就同女朋友出尖沙咀行下街。行到攰就搵野食，女朋友話想搵一間靜啲，坐耐啲飲下茶既餐廳，所以我地就選左呢間壹食就醉既餐廳。餐廳位於一座大廈的二樓，上兩層樓梯就到，入面有吾同既客房，可以靜靜地享受美食，又可以坐得好舒服👍🏻👍🏻我地叫左兩個餸，分別係卜卜蜆鍋同埋芝士海蝦炆伊麵。個卜卜蜆可以飲埋啲湯，好好味，佢地會等啲蜆熱左之後加入清酒，好野味。當啲蜆開晒口，就可以食啦。蜆既大細適中，啖啖肉，吾會殼多個肉👍🏻一路飲湯一路食蜆，好爽，而且啲湯加左酒，重有蜆既鮮甜味，會飲到停吾到口😍之後個伊麵都上菜啦，份量都好大，所以兩個人慢慢食，岩岩好。蝦同伊麵都充滿芝士味，好正，如果吾夠飽，加多個白飯就一定夠啦。啲蝦隻隻都好大隻，而且好新鮮，鮮甜可口👍🏻順帶一提，可以like 佢地Facebook ，會送一尊嘢飲👍🏻👍🏻

卜卜蜆唔係間間整得好食，我幾欣賞壹食就醉煮既卜卜蜆，首先餐廳將蜆洗乾淨，然後加入上湯，放喺我哋面前嘅爐度煮，當d蜆煮熟開口既時候加入清酒，煮均就可以食每粒蜆都洗得好乾淨，蜆肉粒粒都好飽滿，個上湯煮完蜆後非常鮮味，仲有淡淡酒香，個湯飲到底都唔會有沙，份量都幾多由於我哋仲叫左個海蝦芝士伊面，海蝦大隻新鮮，肉質彈牙，個皮炸過脆卜卜連殻都可以食埋，個芝士汁都做得幾好，夠香夠濃，連埋伊面食真係好滿足Like & share 餐廳FB仲有涼茶送呀，今日係羅漢果茶，唔會好甜，自家製，清熱滋潤餐廳原來仲有火鍋供應，可以約埋朋友一齊滾滾佢

朋友介紹呢間小菜店 , 一入到去感覺古怪，仲見到張宣傳單張喺火鍋店 , 仲以為去錯地方 , 打開menu才見到有小炒 , 今日只同一位朋友去同剛剛掃完街，試下叫啲平時唔會叫野先，先黎個白酒煮卜卜蜆，上檯時是用一個火爐仔 , 整個器皿都放滿了沙白，當水滾時再放入一瓶日本清酒 , 沙白大細不是很大，但肉汁鮮甜湯底帶出沙白的鮮味，再加上有一點點日本清酒味道，好正。因為掃左街所以真係吃不了太多東西 , 選了一個輕量小炒同朋友share , 芝士大蝦伊面，菜式來到時已經聞到鑊氣10分看，伊麵底夠彈牙充滿芝士同虾的精華，大蝦又新鮮彈牙，有質素的食才加有質素的小炒功力，like+share仲有飲品送。下次再來試火鍋。

今日約咗朋友食飯，朋友話想打邊爐，就去咗呢間食卜卜蜆的火煱店問員工有咩出名，佢先介紹咗兩樣，就係卜卜蜆煲同埋黃金蝦，之後我哋再大多少少野打邊爐，叫咗鯇魚片，桂花蚌，黑牛柏葉卜卜蜆煲好鮮甜，仲要勁多蜆，我連佢點湯都飲埋，兩個人食真係好多，太好味，兩個大胃王最後都真係食得曬佢個黃金蝦真係要推介，佢點黃金好足料，同埋隻蝦夠曬大隻，個蝦又炸得夠脆，有點殼我都食埋，一流。其他打邊爐野食都幾新鮮👍🏻👍🏻👍🏻👍🏻呢間鋪服務幾好👍🏻👍🏻👍🏻

🐱🐶📍壹食就醉（尖沙咀）.經朋友介紹，今日走左去尖沙咀一間樓上中菜館，好多選擇，老闆都好好，裝修非常有誠意呀！呢間好多海鮮食，今日飽飽地就只叫左3道菜🤤3道都幾滿意。..🥢卜卜蜆鍋$188有小鍋大鍋，我哋就叫咗小鍋。都幾大份，每粒蜆都好大粒，老闆直接一鍋上，😻跟住就由得佢滾，見到都好似好正，滾到一半，再倒入清酒wowo。滾左即食，好鮮甜，啲湯夾雜左清酒同蜆的鮮味。好好飲！唔會太濃烈！😆🥢黃金蝦$198佢係由大大隻蝦塗滿蛋黃醬再油炸，以為好乾好厚皮，但外層食落又好脆，隻蝦好鮮甜大隻，仲有蝦膏。配埋蛋黃醬真係好惹味好香，好食！🐶🥢馬拉盞炒通菜叫廚房唔好煮咁鹹，今次啱啱好炒得清淡而不失佢獨有嘅味道，食到飽哂，飯都唔洗食呀.總結評分：7/10番啅指數：⭐⭐

📍壹食就醉今日同朋友去左尖沙咀搵食，黎左一間好似私房菜既中菜館，好有驚喜。老闆一入黎就介紹左佢地既招牌菜卜卜蜆，好特別。🔻卜卜蜆佢係用清酒煮，用個鍋不斷滾熟，睇住d 蜆開，見到都覺得好好味。d蜆大粒多肉 ，唔會太重酒味啱啱好，個湯仲非常鮮甜。朋友飲到一滴不留🤭最緊要d蜆無沙洗得乾淨。🔻黃金蝦超鍾意食呢碟黃金蝦，佢用蛋黃包住炸，超級邪惡！揸到個殼都趣卜卜。個殼都食得㗎！不過我唔鍾意食剝咗啲殼，以為會冇味點知個蛋黃個味都留咗喺個蝦肉度，超惹味好香呀！一碟俾我食咗三隻，超大隻搞到我勁飽🤣！必食！推介指數:6.99/10地址：尖沙咀金巴利道77號東南大廈1樓出口, 步行約1分鐘人均消費：$250-300

尖沙咀附近同朋友簡簡單單食個dinner，揀咗呢間傳統中菜館，偏離地鐵站少少，但都十分易搵。同朋友都不太餓，叫咗3道菜而已。黃金蝦，咸蛋黃醬包住鮮蝦落鑊炸，炸得好靚，金黃色。咬落好香口好脆，連蝦殼都脆卜卜咸香味重，好好味，成碟好快就清哂，下次來會再叫呢道菜！蒜蓉炒油麥菜，不愧是中菜館，鑊氣十足海鮮卜卜蜆，用清酒煮，簡簡單單帶出鮮味，老闆仲不停幫手睇火，好貼心仲有size分，要咗個細鍋，但都好大，食唔哂，相當足料。

同個朋友好耐無見，想話去間坐得耐少少既樓上店食下野，去到去openrice下就黎咗呢度。蒜片安格斯牛柳粒好有肉汁，放入口有牛油香，送飯一流，忍不住一粒接一粒，值得一試，如果份量多啲就更好黃金蝦好香咸蛋味呀，蝦外面嘅咸蛋漿唔會太厚，薄薄地，唔錯，蝦都幾大隻，蝦頭仲有蝦膏添黑松露炒蝦球d蝦好大粒好彈牙，而且又夠多，加埋黑松露真係好香口。另外d菇同荀都好香，好味又健康。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

今日跟朋友去逛街突然想吃點鍋類，走過見到這家有卜卜蜆就馬上進去啦。在香港卜卜蜆鍋並不常見，就算有也是很大的一鍋未必能吃完。這家有分大小鍋，小鍋剛好是兩人能吃完的份量，即使人少也能吃完，太貼心了！因為沒特別餓的關係只點了兩道菜:清酒卜卜蜆鍋跟黃金蝦。店員先上了卜卜蜆鍋，幫我們一邊攪拌一邊留意著蜆有否打開。在蜆全打開後幫我們加清酒，再幫我們盛到碗中，服務非常周到。先喝一口湯汁，吸收了蜆肉的精華非常甜美。蜆肉亦十分新鮮可口，不像別家的都很辣，不能吃辣的也可以接受。後來上菜的黃金蝦果然每隻都黃金色。原來是咸蛋炸蝦。酥脆的外殼滿佈咸蛋醬，不會太咸還跟炸蝦很配！而且蝦大小還不小，實是必點之選。吃到一半想喝點茶以外的飲料，就見到了現在打卡送飲品！我們選了羅漢果水，剛好可以下一下火氣，非常好！整體來說餐廳服務周到友善，下次會再來的！