壹食就醉

營業中

休息中

紅色既餐牌，望到先知道係刺身、火鍋、私房菜集於一身。去到侍應問我地簡小菜定打邊爐，最後簡咗火鍋！好多醬料，芫茜薑蔥蒜都算齊清酒卜卜蜆 我見每一枱都有嗌，一定好正嫁啦鍋上仲有薑蔥蒜蓉，非常吸引。加上清酒味道，入口清新又鮮甜，帶點酒味，互相配合。滋補羊肉片羊肉會有羶味，但呢一個乜都冇山水豆腐非常之滑溜，點滾都唔會老龍口粉絲粉絲彈牙爽口，加埋湯底鮮味！正油麥菜手打芝士墨魚丸彈牙爽口 咬落去真係會爆芝士 幾特別總結，適合一家大細同一班朋友嚟食！

朋友話想食清酒卜卜蜆，我地就搵到呢間餐廳，都幾出名卜卜蜆～～兩個人食，order咗份細size嘅卜卜蜆，調好味嘅卜卜蜆，有啲蒜蓉、辣椒同香蔥，上枱開爐，好快就煲滾，煲滾咗嘅卜卜蜆開晒口嗰陣就倒入清酒，好香呀，再煮多陣，就食得！份量好多，食唔停口，食得出鮮味，清香～～～另外，order多個主食兩個share,芝士海蝦伊麵，呢個麵係用心之作，海蝦煎香，食到鹹香嘅鮮味，蝦肉肉質爽彈，濃濃芝士撈埋伊麵食好creamy~~~

位於尖沙咀金巴利道的火鍋私房菜-壹食就醉，位置距離地鐵站約8分鐘路程。看到這個路牌左邊就是餐廳門鐘位置，要先按門鐘方可進入大廈。大廈門鐘壹食就醉以打邊爐為主，湯底選擇亦算多。餐牌醬料架，有別於其他餐廳，餐廳會把醬料雪藏，保持新鮮。是夜揀選了豬骨湯底，有別於一般豬骨湯底做法，餐廳以黑胡椒配豬骨湯底，湯底胡椒味道重。安格斯肥牛，好食唐生菜白鱔片手打鮮蝦丸，餐廳自家制作，非常彈牙。最後一讚是餐廳的服務，每隔一段時間，餐廳服務員會主動幫忙清除湯面上的油份，食得健康，讚。

係金巴利街搵食，唔想食韓國嘢之時，見到呢個招牌。眼望望咗一陣先搵到上樓要按嘅呢個鐘火鍋湯底同配料選擇都好多揀咗豬骨湯底。湯底好重胡椒味，有4大舊豬骨，粟米，蘿蔔。叫咗點細嘅牛頸脊,雪花分佈平均點咗一點鱔片，要睇住淥。太耐會林咗。爽爽地再加條邊滑嘟嘟，美味非常。手打蝦丸可以揀有芝士同無芝士。我揀咗無芝士，實在的彈牙蝦魚。唐生菜好新鮮，唔好睇細細碟，塞到好實架。環境舒適又有電視睇。招呼仲好好，侍應會嚟幫我哋撇吓油

冬天已經不知不覺間來臨，係時候要食d熱野暖下肚。集火鍋、刺身、私房菜於一身既壹食就醉就岩晒冬天去食餐勁！黎呢到一定要叫佢地最拿手ge主題菜：清酒卜卜蜆。經過清酒煮完既卜卜蜆，啖啖清酒香，忍唔住不斷食。卜卜蜆細細隻，密密食都唔會飽到食唔落其他野。唔想打邊爐都可以學我咁叫小菜黎食。薑蔥焗桶蠔同馬拉戔炒生菜都係唔錯選擇，桶蠔大大隻，鍾意食蠔既朋友一定唔可以錯過。馬拉戔炒生菜非常開胃，同朋友食飯飲酒吹水一定唔少得。火鍋同主題菜大部分都有得揀大份細份，兩個人去食又得，幾多人去食亦得，正呀喂！

一年最重要的日子來了,過冬大過過年! 約埋家人和親朋好友一起吃團年飯 !👍👍👍🤩🤩法國高分紅酒白葡萄酒半價，還送暖盒一個不得不提這隻百寶鴨，廚師精心炮製一整天才有得吃，👍👍👍蒸水蛋,家常便飯,但煮到這麼滑都要有技術的廚師才能吃得到!👍👍👍蝦干魚湯浸娃娃菜,清甜嫰口!👍👍👍馬鈴薯,冬菇,蒸肉餅,老少咸宜,三分鐘搶食完了🤩🤩🤩。手打墨魚滑蔥油餅,外香內滑,清香得真是好好味!生炒骨一哥,外脆內的排骨肉汁嫰滑,吃到停不到口。👍👍👍👍👍還有很多.......好好味的餸,香噴噴的火鍋,健康可口的蒸氣火鍋,最難得就是吃得健康!生活愉快!🤩🤩🤩

位於金巴利街呢個百花齊放既美食街，有一間特別既私房菜。呢到集火鍋、刺身、私房菜於一身。本身想試下火鍋，但有好多配料已經無晒，想食真係要早d到!但無火鍋唔緊要，仲有呢到既招牌菜清酒卜卜蜆，再叫其他小菜都可以係豐富既一餐。卜卜蜆細細隻，就算成煲食晒都唔會食滯，唔需要擔心無胃口食其他小菜。清酒加上蜆湯，酒味唔濃，平時少飲酒既朋友都可以接受到。小菜叫左個薑蔥焗桶蠔同馬拉戔炒生菜。桶蠔大大隻，配合薑蔥焗，十分惹味。馬拉戔炒生菜則爽口開胃。成餐飯夾埋都係五百幾六百蚊有找，係幾抵食既一間私房菜。

同好姊妹聚聚，突然想食中餐，見到附近有呢間就入去試試。兩個女仔，我地叫左三碟食物，份量都很大。 ✨卜卜蜆煲：侍應會幫我地加酒煮卜卜蜆，滾起就可以食。先飲湯，很清甜很濃酒味，味道剛好。蜆肉亦很鮮甜，大大隻漲卜卜，吃下蜆肉也吃到酒味。 ✨黃金蝦：上桌時已覺得大大隻的蝦炸到金黃色，食指大動。外層炸得酥酥脆脆的，而且沾滿香濃的鹹蛋黃味道，連著鮮甜的蝦肉一起吃，很惹味，口感亦很好。✨干燒伊麵：伊麵都幾爽口，不會煮得太淋，十分濃味的一道菜，喜歡較濃味的人會覺得好食。整體來說，小菜的味道都很好，下次想試下過裡的火鍋。

難得今日出糧，梗係搵埋我同事出去食返餐晚飯啦，上網見到呢間餐廳好高評價，於是拉埋我個friend過嚟，而間餐廳係一棟大廈裏邊，門口要打密碼先入到，好彩咁岩有人出嚟，我哋好快就入到去😙 上到樓上裝修好貼地，好似返咗屋企咁，好有家的感覺，雖然餐廳鋪頭少少，但係五臟俱全🥰餐廳裏面仲有電視睇😙我哋叫咗兩樣餸，有黃金炸蝦、清酒煮卜卜蜆，兩碟餸已經食咗$500，價錢偏貴，唔知係咪樓上私房菜通常都差唔多價錢呢haha，但味道最緊要😀👉🏻清酒煮卜卜蜆蜆同白酒分開上，白酒味道好濃，好重酒味，而且一直有爐，可以不斷加熱，冬天食都唔怕凍👍🏻👉🏻黃金炸蝦黃金炸蝦外層用咗蛋黃分離咋，好龍蛋黃味，份量好精緻👍🏻各位想食私房菜嘅可以過嚟食吓啊😀

來到尖沙咀太肚餓隨便找個餐廳醫肚。上到一樓，一大陣火鍋味，不想吃火鍋的我們原本想走，見有小菜吃即管試試。入了間房仔裡面坐了幾枱人頗嘈吵和友人不太能傾計😭 ✨ 清酒卜卜蜆鍋 好大煲 份量十足熱烘烘煲著吃湯底有酒味 蜆新鮮 幾好吃 ✨黃金蝦大大隻蝦頗吸引，有六隻味道香濃炸得香口 不過索價$198個人覺得少少貴🙈✨乾燒伊麵份量十分多大大碟，但調味份量也多味道頗咸索價$98 埋單走了才知原來有茶位每人$20大元但我們一口茶都沒喝到😅

今日喺金巴利道，行到攰攰地搵間餐廳食嘢先，見餐廳樓下有職員派傳單話呢度有打邊爐又有小菜食，一次過滿足我兩個願望，咁就去食下啦！入到黎餐廳可能係早晚飯嘅關係，餐廳坐咗一半人到。格局似酒樓，間開一間間房，裏面有電視機，都幾適合一班朋友、家人包個廳食飯。樓面姐姐同d食客有傾有講，感覺呢度撲實、溫馨，好有人情味。我我哋兩個人分別叫咗客安格斯牛頸脊、啫啫雞煲、白酒煮蜆同油麥菜。安格斯牛頸脊: 牛頸脊睇落厚薄均匀、靚仔，肉味濃，咬落有油脂平衡番，質素唔錯啫啫雞煲：雞肉嫩滑，大小適中，雞皮有少少焦香，配埋蔥蒜好惹味又香濃白酒煮蜆：CP值高，蜆肉大大粒，鮮甜無沙油麥菜：一棵棵cut短左，齊茸茸好靚仔，新鮮爽甜竹庶茅根：有三份一樽都係啲材料黎，可想而知幾咁真材實料。like and share 餐廳資料係社交平台即可以送一渣。餐廳仲好貼心咁有唔同選擇，抵讚👍🏼總括而言，今餐係滿載笑聲、滿有溫情嘅一餐

凍冰冰最適合就係打邊爐約埋幾個朋友去烚吓烚吓上網見到呢間火鍋店，幾地道夠貼地卜卜蜆煲好鮮甜超多蜆，蒜味十足，我諗都有幾斤蜆蜆汁令到個湯底充滿海鮮味然後加湯去打邊爐d魚大大件，新鮮無乜骨竹笙爽口帶甜味豚肉新鮮冇腥味油脂分布得好靚，好好味！推薦脆肉鯇魚好正，好濃魚味必食呢款比較特別，係紫淮山淮山健脾益腎，係好好嘅食材呢款紫淮山比一般淮山爽口帶有少少甜味切成一片片係最好嘅做法唔使煮咁耐，就會好爽脆平時喺街都好難見到，估唔到喺呢度可以食小店自己炸嘅響鈴卷超脆，而且因為係自己炸所以口感特別好，唔似得出邊買一盒盒嗰啲好薄無口感浸一浸落個湯度吸晒啲海鮮味！正

今日黎開尖沙咀做嘢，放工搵個朋友聚下先，經過金巴利道見餐廳樓下有個姐姐派傳單，見呢度有得食小菜，又有得打邊爐，而價錢又合理，一月上去試吓先！樓面姐姐推介話呢度啫啫雞煲同埋白酒煮蜆出名，所以我哋就嗌咗呢兩款試下。白酒蜆好好味，洗得乾淨無沙，都幾大隻又新鮮。我地一口一隻接住食，食左多輪都重有，放滿曬個鍋底，份量好多。😃雞煲未上到枱，已經聞到香味，上到枱時熱辣辣渣渣聲，配埋啲蔥蒜好惹味，鷄件重好嫩滑，入曬味，啖啖肉咁送飯一流😋另外點左份油墨菜同安格斯牛頸脊，牛頸脊肉味香濃，油脂分布均勻又有咬口，好味道！另外姐姐重建議我地like 同share 餐廳，有飲品送，我地揀左渣竹蔗茅根，真材實料，係我每次打邊爐嘅不二之選。餐廳雖然冇華麗嘅裝橫，但係食客同職員有傾有講，係近來較少遇到嘅一份人情味。🙄

最近公司忙到爆炸，連朋友都好少見面，今日終於可以做晒啲嘢，嗱嗱聲約三五知己嚟打邊爐，鬆一鬆飲番杯！ 朋友介紹嚟樓上鋪冇咁多人，唔使咁嘈可以傾吓計，坐得又舒服！呢度嘅湯底，真係大有來頭睇吓啲蜆多到！超級鮮味而且啲蜆食極都食唔完！😋👍🏻👍🏻👍🏻打邊爐我就最鍾意食魚㗎啦，我哋叫咗兩款，鱔片，脆肉鯇，全部都好新鮮，個湯底用咁多海鮮熬真係超正！呢個黑松露墨魚滑又係超正！好香黑松露味！呢度都幾特別有得食紫淮山，紫淮山對身體好好，紫淮山又名為「紫人參」，根據《本草綱目》記載，「紫淮山」係地中寶，有好高藥用價值。而且紫淮山含大量花青素，有抗氧化同美容養顏作用！

黎到呢度見到好多人都係食蜆，都知道呢間既蜆都出名既，但又想打邊爐，於是我地就叫左胡椒豬肚蜆煲用黎做湯底。個煲都幾多豬肚，食極都食唔曬。同埋呢度可以叫個煲之後加10蚊就可以有一支啤酒🍻，都幾抵加🤩🤩🤩次次蝦滑都係必不可缺少既！於是我地都叫左蝦滑，都無令我地失望既！蝦滑好有蝦味，蝦既份量都好足😋😋😋羊都唔錯，對於我呢個鐘意食羊既人黎講都幾滿足既🤤🤤🤤下次去既話可以試下佢d小菜，好似都不錯