壹食就醉

營業中

休息中

位於金巴利街呢個百花齊放既美食街，有一間特別既私房菜。呢到集火鍋、刺身、私房菜於一身。本身想試下火鍋，但有好多配料已經無晒，想食真係要早d到!但無火鍋唔緊要，仲有呢到既招牌菜清酒卜卜蜆，再叫其他小菜都可以係豐富既一餐。卜卜蜆細細隻，就算成煲食晒都唔會食滯，唔需要擔心無胃口食其他小菜。清酒加上蜆湯，酒味唔濃，平時少飲酒既朋友都可以接受到。小菜叫左個薑蔥焗桶蠔同馬拉戔炒生菜。桶蠔大大隻，配合薑蔥焗，十分惹味。馬拉戔炒生菜則爽口開胃。成餐飯夾埋都係五百幾六百蚊有找，係幾抵食既一間私房菜。