壹食就醉

營業中

休息中

尖沙咀係一個美食天堂 ，講起金巴利街，大家都會諗起韓國菜，而喺韓國菜中間，就隱藏住一啲隱世食肆，就好似呢一間壹食就醉，佢係私房菜般嘅形式，除咗中菜，仲有火鍋，唔係朋友介紹，都未必搵到呢一間餐廳。朋友介紹一定要食清酒卜卜蜆煲($188) ，話出邊食唔到咁真材實料同埋咁回甘味道嘅質素。份量果然唔少，而我哋嘅只係小份量嘅價錢。 蜆煲上桌嘅時候已經用熱清酒湯底浸住，再放上火鍋爐，慢慢令佢水滾，當蜆全開，之後就加入少量清酒，就可以食。 蜆嘅size唔係好大，但係佢份量好多，所以都足夠。清酒唔會話好濃烈，但係味道又能夠感受到當中嘅酒香。蜆唔多沙係值得一讚🌟.啫啫滑雞煲 $128講起雞煲會諗起出面好大煲嘅雞煲，不過呢度嘅雞煲其實係煲仔小菜嘅一種，唔會好大份，2人食食啱啱好。 雞件肉質嫩滑，配上好多蔬菜，例如洋蔥，甜椒等等，滲出蔬菜嘅鮮味。味道唔會好鹹， 不過都係建議叫碗白飯配襯會比較好。

呢排日日落雨，個人都覺得好潮濕成日都想食返啲熱野出身汗係OpenRice搵左陣，見到依間火鍋餐廳個名幾得意「壹食就醉」比預訂嘅時候早左半個鐘，餐廳勁好照樣安排入座有少少覺得私房菜嘅感覺，因為入邊有幾間房因為2個人既關係，想試多d其他我哋order左個卜卜蜆（小）$188唔好睇小細嘅份量一客卜卜硯都大約有20幾隻店員仲會即席加上清酒但係一滾就會揮發晒酒味剩返落嚟就只有酒香蜆肉都幾大粒同無沙強烈建議一定要飲埋個湯，超級鮮甜之後點左個黃金蝦 $198 - 一客7隻黃金蝦係做得幾香口，而且🦐蝦肉都算彈牙因為係原隻蝦肉走去炸，所以成隻蝦都食得外頭有一層厚厚的鹹蛋黃包裹着每一啖都係充滿邪惡感

喺尖沙咀搵食真係唔易，太多選擇，真係好考眼緣，行到金巴利道呢邊，見到有個姐姐派緊傳單，咁啱佢又遞張紙埋嚟比我睇，仲話有嘢飲送，反正都諗唔到食咩就嚟試吓啦。打開餐牌真係樣樣都咁想食，雖則話女仔有兩個胃啫，但都食唔得晒㗎嘛最後兩個人就揀咗清酒卜卜蜆同黃金蝦兩個餸食啦。個姐姐再提一提我哋，分享同like咗page就有一渣飲品送，揀咗竹庶茅根，好清甜重頭戲卜卜蜆嚟啦，職員好細心咁定時就幫我哋撈一撈佢，再喺差不多食得嘅時候加清酒。望住啲蜆逐粒逐粒卜都真係好過癮！啲蜆大大隻，食落好鮮味！啲湯飲落都好有酒味啊！黃金蝦脆卜卜，咸蛋味好濃，一路食都唔會有膩嘅感覺。

店舖位置係尖沙咀韓國街附近，但唔算易搵同朋友不停google map先搵到幾經波折終於黎到「壹食就醉」，可能時間尚早，無咩人，我同朋友就包左個細房仔，地方尚算大 因為佢仲有其他房 適合一大班朋友一齊黎食飯。主打推介「清酒卜卜蜆」職員上菜時就「嘩」一聲，個湯奶白色既、啲蜆望落好乾淨，職員會教我地點為止熟可以食，到差唔多熟時再倒枝清酒落去，咁就食得味道好鮮甜、唔會有沙，當晚仲同朋友一齊飲埋啲湯果然係主打。「黃金蝦」黃金蝦就係將蝦沾滿蛋黃一齊炸，令佢外表金黃色，仲帶有帶黃味，味道唔錯，可以連殼一齊食，將所有精華吞落肚但略嫌貴左啲。「馬拉盞生菜」因為當晚無通菜 所以就叫左生菜，但個馬拉盞唔係講笑，好好味、個菜好香

見網上都推介呢間私房菜既卜卜蜆，一於黎試試。當然要點清酒卜卜蜆。職員上菜個陣簡單講解步驟等幾分鐘滾熟d蜆就放d清酒，再滾多幾分鐘就可以食。最怕食蜆有沙，相反啖啖肉又鮮甜又無沙👍🏻👍🏻兩人食既話份量足夠😋我地仲另叫黃金蝦，初頭食第一啖問友人蝦殼食唔食得？友人話蝦殼都可以一齊進食，因為佢同蝦都一樣炸而軟身而且蝦面上有少少蛋黃醬配搭👍🏻食到一半時職員話可以like佢地既page，仲可以免費送杯野飲👍🏻

今日同老公行尖沙咀，好耐冇行過尖沙咀，又好耐冇食過蜆煲，老公好識做，即刻生網揾下尖沙咀有咩好野食，最後揾到間話食打邊爐小菜，又有卜卜蜆食，地方唔難揾，韓國食街行到尾就到，上1/F,地方幾乾淨，有好多間房，朋友聚會一流一去到店員就介紹主打卜卜蜆，我地緊係要試下，一黎到見到好多隻，隻隻都大大隻，d蜆湯好好飲，仲有d酒香滾la,隻隻都好生猛知道老公鍾意食黃金蝦，都叫左份隻隻蝦都沾滿咸蛋黃，入面仲有膏，炸到好脆，連殼都食埋佢地仲有其他小菜，價錢黎講尖沙咀算係平民，又多款式

今日同老婆去尖沙咀揾野食，其實尖沙咀食黎食去都係嗰d,最多就係韓國菜，揾間打下邊爐都有d難度，但行下行下，行過左韓國街之後，見到有間樓上鋪，叫"壹食就醉",個名幾得意，又主打我老婆最鍾意食既卜卜蜆，咁就去試下，入到去，環境幾好，好有私房菜feel再睇下餐牌，佢地又有小菜又有雞煲，仲有我地最愛既卜卜蜆煲卜卜蜆煲到，好多，好大粒，d蜆湯甜到呢，等d蜆煲熟再加d清酒，d湯變左另一層次我地另外叫多份黃金蝦，d蝦好大隻，隻隻蝦都沾有咸蛋另外分享facebook + like,再送其中一款下火清熱飲品雖然唔係叫左好多餸，但份量好夠，下次要叫多d人黎食，食多幾款

呢晚黎到呢間樓上鋪既私房菜可能未到最多人黎食既時候就包左個細房仔😅職員推介再加上openrice推介首選 <清酒卜卜蜆> 👍🏻當蜆熟 職員就幫忙倒清酒落鍋蜆到繼續滾多一陣食得😬 每隻都好放心食因為無沙同好鮮甜而且份量都多架😋仲可以加d料當打邊爐食但就同朋友無選擇到 🤗就選擇左d小食<黃金蝦>用蛋黃煎炸 蝦既表面都有少少蛋黃醬👍🏻仲可以食埋炸到軟身既蝦殼再另叫多碟<馬拉盞炒生菜>因為無哂通菜都照食喇😋

相約多年無見好朋友去食飯，我哋選擇咗食尖沙咀一間私房菜食晚餐。位置非常方便。入到店舖地方雖然不大但坐得好舒服👍這間餐廳有火鍋及多款小菜，我們選擇了食小菜，眼見卡食客選擇了這店主題菜，清酒煮卜卜蜆-我們都叫了一個試吓。店員捧來到來的時候叫我們煮滾蜆之後再加入放在枱面一支清酒，清酒的味道香噴噴，蜆肉非常清甜。😋😋😋黃金蝦-每隻都大大隻，煎得熱辣辣沾上金黃色的蛋黃，鹹鹹香香非常入味，蝦肉爽口彈牙，配飯一流。😋😋😋

同朋友剛好都係尖沙咀收工，約食晚飯～朋友上網睇到介紹呢間私房菜，決定一試。一入門口見有幾間廳房，如果一大班朋友食就最爽，可以唔怕嘈到隔離🤭由於我地得兩個人，就安排左坐廳我地選擇困難症，店員就推介我地黃金蝦～外皮有鹹蛋包圍，食到殻都乾乾淨淨另外叫左蒜片安格斯牛柳粒，好有肉汁，放入口有牛油香，送飯一流，忍不住一粒接一粒，值得一試，如果份量多啲就更好～而家做緊活動，like & share就有野飲送，竹庶茅根清清甜甜～

2019年5月14日今日約左朋友試新野。約左7點幾。都幾難搵。加上我加班。出黎就勁趕。跟住仲要行錯路。最後要朋友係樓下等我。急急腳上去。姐姐好親切咁帶位。然後好親切咁介紹唔同既菜式比我地。 最後我地選左兩個飯菜。一個黃金蝦。一個牛仔粒。黃金蝦。意外地有6隻。都係198咋。咸香咸香。好食。牛仔粒。好香。又多汁。最緊要係夠熱。份量又夠喎。跟住佢有個like and share 送野飲。雖然冇影相。但又幾好飲。呢間黎傾計都幾岩。

位於尖沙咀呢間私房菜我同男朋友巳經食過兩三次，這裏的清酒煮卜卜蜆非常喜愛食。👍👍👍店裏面牆上都掛住每日新鮮海鮮供應👍Facebook +分享就送free drinks 🍹 清酒卜卜蜆-二人份量巳經多都食吾曬，鍋旁邊放了一支清酒🍶待卜卜蜆打開既時候倒入清酒，陣陣清酒的味道非常濃郁，忍吾住快d食，蜆肉粒粒都漲卜卜，食吾停😋😋😋黃金蝦-一碟大約有六隻，見到d咸蛋王巳經流晒口水，咬落啖啖肉，蝦肉非常新鮮彈牙，連蝦殼都完全食晒，食到舔舔脷😋😋😋

出親尖沙咀都會搵下新餐廳黎試呢日想食下小菜就黎左呢間餐廳試一試上到去個氣氛都幾cozy有d似酒樓咁但又冇酒樓咁逼同咁嘈仲有電視睇添上到去見到枱枱都叫佢嘅清酒卜卜蜆煲經過已經聞到勁香即刻唔執輸叫返個黎試下一上枱都幾震撼因為真係成個煲都係蜆！食蜆最驚唔乾淨同埋有沙好彩佢都非常乾淨可以放心大啖咁啜我同老公每人都食左幾打蜆落肚齋食呢味送都就黎清左碗白飯我地另外仲叫左呢味茄子魚真係成條魚喺入面架有頭有尾！而且d骨都係大條嘅所以唔怕個人認為如果加d辣椒呢就perfect 喇！

今日同女友阿爸阿媽食飯，食返個中菜就穩陣啲，上網搵吓有冇啲特別嘅，咁啱就見到呢一間好似啲comment唔錯，同埋就腳除咗叫小菜，呢度都有火鍋食，不過女友話唔想，下次有機會先上日蒸蒸上網見到好多人都叫呢個卜卜蜆，又真係非常之唔錯喎，份量又多，好好食!黃金蝦非常之好食，鹹蛋煎得好香，但一啲都唔油膩女友媽媽好鍾意食咕嚕肉，呢個咕嚕肉係非常之高質素，成日都話普通菜更加考功夫好少見到中菜會搞呢啲FB活動就咁就攞咗支免費飲品

好耐冇出尖沙咀食飯，就同朋友嚟試吓呢間新開的樓上鋪中菜👍🏻👍🏻👍🏻👍🏻👍🏻👍🏻佢既地址地理環境唔錯😳😳😳而一上到去咁嗰個裝修都不錯👍🏻👍🏻👍🏻都有侍應介紹個清酒卜卜硯，就同朋友試一試呢個🙊🙊🙊🙊仲叫咗一個自己最鍾意食嘅黃金蝦🦐🦐🦐🦐同埋Wasabi壽司雞🐓🐓🐓🐓食物同價錢都係👍🏻👍🏻👍🏻👍🏻👍🏻👍🏻👍🏻👍🏻