堅信號上海生煎皇 (形點 II)

營業中

休息中

返工夜晚果餐叫外賣，見到堅信號有前菜有飲品加$10有生煎包就試下，我嗌咗堅信號豬扒湯麵、前菜要上海醬蘿蔔、茉香綠茶熱飲另加$10招牌生煎包(2隻)堅信號除咗生煎包出名，秘製豬扒都係佢地另一皇牌，調味方面係幾惹味，味道甜甜地，但肉質較韌扣分。湯麵湯底清淡，浸咗塊豬扒落湯底先有d味，麵質都係一般招牌生煎包外層脆卜卜，一咬就爆汁，肉質嫩滿，加醋食真係無得輸，堅信號生煎包真係好好食，不過其他食品就需要有待改善！

成日經過見到都排滿人，終於有機會試試。一開始先去拎飛，其實見前面都排左好多人，但都係等左大約廿幾分鐘左右，因為前面好多人都等唔到就走左一坐低就見到枱面貼左張recommend 嘅menu,於是叫左個灌湯小籠包、生煎包，同埋上海粗炒。生煎包同埋小籠包都爆汁，特別係生煎包，真係差啲噴埋啲汁出黎, 大家記得一定要襯熱食另外上海粗炒好入味，不過個人覺得如果可以無咁油就會好少少。餐廳環境有少少迫，但十分整潔，上菜速度快。整體黎講真係值得再去食。

前菜：上海醬蘿蔔 及 麻辣海帶絲拼蓮藕片蘿蔔幾爽口，酸酸地幾開胃。海帶爽、蓮藕片好脆，麻辣開胃、惹味。兩款前菜都唔錯，如果真係要揀一款，就麻辣惹味。灌湯小籠包(套餐追加$10兩粒)皮薄餡結實，湯汁夠熱， 一啖食又唔會好燙口，剛剛好，好味。堅信號生煎包(套餐追加$10兩個)皮脆，黑芝麻加分，好香口。肉汁好多，有爆汁效果，好食。(個人口味S: 小籠包:3.3/5；生煎包: 3.5/5)(個人口味E: 小籠包:3.5/5；生煎包: 3.8/5)堅信號豬扒菜飯($65)"友人"表示賣相唔及引。秘製唔知係咩醬，酸酸地，好似變壞既感覺。口感都麻麻地，食落好似叉燒咁，唔好食。菜飯暖暖地，都係唔夠熱。跟餐熱茉香綠茶唔錯。(個人口味E: 2.8/5)上海粗炒($59)  (套餐加$5升級可樂)睇餐牌既上海粗炒個色澤好靚好吸引，一上菜見到咁淡色已經有d失望。食落去仲要係唔夠熱，面頭既麵係涼， 最底層既麵係微暖，唔夠熱真係好扣分。 但係炒麵用既麻油好香，令人愈食愈想食(雖然唔夠熱)，如果熱辣辣就好啦。"友人"就覺得上海粗炒係成盤整好左，落單既時候先夾出泥。(個人口味S: 3/5)(個人口味E: 3.5/5)

其實我好鍾意食上海野，見呢間外賣價錢唔貴就試吓叫外賣啦。雖然份量幾大兩個人買單大概都係$180左右但可惜味道就普普通通啦！今次叫左酸辣湯麵：微辣，幾開胃既，不錯招牌豬扒菜飯：菜飯好食，豬扒正正常常好大份，味道偏甜！小籠包：同真正出名好食小籠包嘅台灣連鎖餐廳俾真係俾唔上，皮太厚，肉唔夠鮮！雞絲粉皮：非常之可惜嘅餸，味道超淡好唔入味，感覺粉皮同醬汁係分開！ 可能今次冇嗌佢招牌嘅生煎包，希望下次會有機會真係試吓堂食會唔會有驚喜呢。

吃過深水埗分店，幾好吃，所以再去元朗分店支持，一去到坐在清潔地區，好似打扙咁，職員出錯，明白的見他們也忙，食物不熱，我叫齋豬排，原全不好吃，麻煩跟進下元朗分店！

返工前買午餐外賣，呢間上海菜未試過，去到門口排晒隊等位，店面是似美食廣場店，比較開放式，商場走道望晒食客食野午餐選擇都幾多，又配埋小食飲品，落單後店員話10分鐘後出菜，我逛一陣回店已包好，外賣包裝企理酸辣湯水餃（5隻/$46）睇個碗以為好大份量，打開見空間都係分隔佔據了，水餃同湯分開是不錯，湯只佔碗1/3，水餃皮唔夠彈，餡料飽滿，菜肉比例ok唔乾，湯料有點少，正常有嘅木耳絲、筍絲都有嘅，味道酸中有辣，整體ok(但份量有點不夠飽）同事食：招牌午餐6號：芝麻醬五彩冷麵+麻辣萵筍（跟餐小食）+茉香綠茶（$56）落單店員爽快，唔多說話！外賣都幾好，可以一試堂食（生煎包要堂食先好食）

👁‍🗨堅信號上海生煎皇 (形點) (元朗)📍元朗朗日路8號形點二期1樓A115a號舖----------------------今晚決定吃個簡單晚飯就選了堅信號， 晚飯時間，門前都人滿為患，外賣及堂食都在等候，等約15分鐘終於可以入座點菜紙有分單點或生煎皇特惠晚餐，我當然選抵食套餐好食度：✔️✔️✔️⚑ 生煎皇特惠晚餐2份➰ 堅信號豬扒菜飯 $65（主食1款）份量正常，帶骨豬扒肉質尚算軟嫩不乾硬，但調味較甜，有點古怪，而菜飯相對不錯，菜絲爽脆，白飯軟硬適中➰京蔥牛肉湯麵 $62 （主食1款）雖然眼看只有一小碟，但炒得惹味的京蔥及牛肉送麵一流，份量剛剛好，上海麵略過軟爛，沒有口感➰ 花雕醉雞翼（2隻）< 追加小食 +$10>酒味較淡，雞翼夠凍但不入味，肉質較硬實➰ 麻辣蓮藕片 < 追加小食 +$10>麻辣味十足，薄切蓮藕片夠爽脆，推薦👍🏻➰灌湯小龍包（2個）2份 *售罄改為 生煎包（2個）2份 < 隨餐附送 >招牌生煎包保持一貫水準，細細粒外皮煎得焦香，裡面肉汁十足，品嚐方法一定要跟足指示，否則就會爆汁燙傷嘴😂 ➰酸辣湯 < 轉配優惠 +

元朗呢間生煎包店成日都好多人咁，所以就同朋友黎試下，點知冇想像中咁好食，未必會 encore 再黎。今次黎食下午茶，假日黎人都幾多，都要排一陣隊，上海菜之中最中意食擔擔麵既我唔洗諗即卡揀左四川擔擔麵，唔知係咪好多人，上菜好慢，野飲係差唔多食哂先上，催左幾次先有杯野飲。下午茶份量唔多，食落去麵同湯感覺係完全分開，麵成舊餅咁， d 湯都有 d 淡。見佢出名招牌小籠包，當然就配左小籠包黎食，小籠包的確多汁，皮厚，一咬落去都真係要小心爆汁，肉唔多，又未去到真係好好食。朋友揀既古法扣豬手湯麵，不過不失啦。

拎左堂食飛之後一直係店舖門口等，一直都無聽到有人叫我個號碼，咁我就左望望右望望睇下menu，一抬頭就望到電子螢幕出左我個號碼，我就問下店員，佢話已經過左，叫我再等下，叫多左5張枱都未到我，我問個職員點解未到我，佢話我頭先無應到，所以要再等，我問佢我一直企係度，都聽唔到有人叫號碼，佢只係不斷重複你過左你要等，最後無心機，走左。其實啲職員會唔會睇自己有無做錯？就算過左，唔係第一後補，仲要叫晒全部號碼先，咩玩法？

這是我第二次寫食評，因為好野大家都寫好多！所以我只會做劣評！這店因之前禁堂食，外賣過一次，個人很喜歡食黃魚，所以想再食這味。誰知道店內服務員態度奇差，講嘢冇尾音，態度惡劣。我落單時問咩枱號打算寫，佢一手拎去。冇問題，工作辛苦我明，我唔介意！黃魚面寫明製作需時，預15分鐘，我等⋯⋯等左成半個鐘之後，個服務員先向同事問張單邊張枱😱😱😱😱結果咪就係冇落單！！！不知所謂！餓住走！如果間野好好訓練下啲員工嘅服務態度，生意應該會好啲！

同場有九折，無需職員卡，收銀人員會認得然後自取外賣走會話你知有九折午市餐牌呀揀咗堅信號秘製豬扒菜飯（含1生煎包）九折C午市便當🍱 用現金或八達通付款都有九折折扣九折九折再九折堅信號生煎皇會員賺積分換錢用夠熱嘅茶🍵份量好細，無嗌加飯豬扒無特別 驚喜沒有骨有湯汁飲的生煎包，超細一粒包仔好少的沙律🥗 份量好少好少 感覺唔到食咗食物喼汁 唔夠酸 放飯唔出味、放生煎包唔出色、放豬扒唔出汁 唔開心希望形點會有岩食嘅午市

朋友想食湯麵，便選了這間堅信號😚生煎包是好味！😘👍但小籠包就一般，皮有些厚，還有些未蒸熟😆叫了一碗豬扒湯麵，豬扒還可以，有少少鹹；因為喜歡食辣，所以叫了麻辣豬耳和雞翼，味道一般，普普通通的冷盤，不夠辣，也不麻，哈哈😆但二十多元來說，也是可以😊整體來說，不過不失的一餐😊價錢取勝，平民化的收費，醫肚是不錯，味道就一般🤓

好親切既名稱～外婆紅燒肉菜飯 ，飯較有黏性有口感，菜飯既菜多D 會更好，肉肥瘦合當又入味，sauces 亦唔算好喊， 送飯唔錯黃花魚有D腥， 魚肉亦有D梅，雖然落左好多太白粉，但都唔脆仲要粉味濃，糖醋汁應該可以再煮傑小小，番茄醬同D油分開左兩層，而且味道偏酸下午茶餐有兩粒小籠包食下都唔錯，小籠包内裝住滿滿既湯，皮唔算好厚，餡肉帶有微微既胡椒味，特別覺得野味，套餐仲有跟野飲，我簡左熱豆腐，超級熱而且好有豆味，正

上次聽朋友介紹過呢間上海嘢好食，今日就黎試下佢，一試有驚喜。我同朋友兩人叫左一份酸菜魚，蒜泥白肉，麻辣牛柏葉，生煎包， 小籠包，土匪雞翼，同埋肉排。先講吓個酸菜魚，呢度嘅酸菜魚有別於其他舖頭食到嘅酸菜魚。呢度相對上冇咁酸同辣，會重鹹味少少，如果唔食得太酸同太辣嘅朋友仔就啱晒你啦。之後到蒜泥白肉，蒜泥白肉一如既往鋪滿好多蒜頭同埋特製醬汁食落非常惹味。麻辣牛柏葉食落辣味相對地重，食得辣嘅朋友仔一定要試吓啦。跟住到生煎包同小籠包，兩款係一樣咁多汁同熱辣辣咁上。如果叫咗嘅朋友仔一定要即刻熱食，咁樣先至會係最佳嘅狀態。土匪雞翼同埋肉扒就不過不失，食落都係香口嘅食物，所以會越食越想食停唔到口。

下午茶覺得好肚餓，所以隨便就入咗間食上海野嘅餐廳啦，結果發現超級有驚喜❤️❤️❤️❤️❤️❤️❤️❤️❤️❤️❤️❤️❤️❤️❤️❤️生煎包有超多肉汁，而且肉味濃郁，湯汁鮮甜，簡直係爆汁🤣🤣好食蒜泥白肉呢款小食超惹味，令人食極唔停口🤣🤣🤣🤣🤣🤣🤣小籠包小籠包同樣出色，熱辣辣咁上枱，令人超滿足😋😋😋😋酸菜魚酸菜魚入面有我最鍾意嘅紅薯粉，每一條都索晒湯汁，超正🥰🥰🥰🥰