堅信號上海生煎皇 (形點 II)

營業中

休息中

下午肚餓諗住食少少野，睇網上食評話唔錯，所以同friend一起去試下生煎包。個招牌生煎包係OK既，裡面既肉餡份量夠，都有少少湯汁，皮唔會好厚，物超所值，真係好好吃，不愧係招牌菜。炸醬麵面底OK，但個炸醬真係好鹹，太重口味，我個人本身都係偏淡，所以唔係好鍾意呢款。上海粗炒麻麻地，好一般既食物，雖然知道炒麵會好多油，但係都係頂唔住，味道一般般。酸辣湯麵同炸醬麵好似，面底OK既，都係個酸辣湯好鹹，但酸辣味係足夠既，如果口味唔係好淡應該會鍾意。黃瓜同雞翼幾好味，黃瓜爽口，雞翼入味，值得試下。而小籠包有湯汁，幾好味，但生煎包會好味過佢。總體唔錯，生煎包同小籠包可以一試。

🍴餐廳：堅信號（形點）以前在九龍灣食過覺得不錯，搬到元朗後再次光顧。📍堅信號生煎包$20店內招牌主打！滿心期待的生煎包，一上菜即食，但卻一點都不燙口，原本以為如菜單上所寫一口爆湯，完全都不是那回事，不熱的，沒有爆汁，失望😟📍秘製豬扒擔擔麵$66豬扒醃得過甜，肥肉很多，筆者有好多都沒吃到。擔擔麵質可以，湯汁也可以，但以擔擔麵角度來說，就一點都不像擔擔麵，沒有花生味，用沙嗲麵或喇沙形容更合適。筆者於星期一晚飯時間到訪，店員很忙，忙著執枱，傳菜，上菜時間快。但食物質素非常一般，也說是失望😔如果生煎包要作為主打，起碼都要有水準再派上場吧！

聽聞堅信號d生煎包好出名，所以今日過黎食下，睇下係唔係店如其名先🤗🤗🤗。食生煎包需要先聞一聞芝麻同蔥香😋，然後一口咬下去之前，先把最頂那層皮慢慢咬開，以免把肉汁濺到對面。另一個比較出名的就是小籠包🤩，皮薄餡靚，咬下去的時候與生煎包的口感有點不同，但是兩款都非常多汁，值得一讚！

下午要外出工作，出到去已經下午茶時間，唯有午餐下午茶一齊食，港島人的我唔熟新界地方，同事話呢間下午茶好抵，諗住求其食啲嘢就開工，竟然有意外驚喜。我地叫得好簡單，兩個擔擔面，一個生煎包，前後3個套歺，加$2有豆漿。擔擔麵原本只是普通野，但係佢勝在有得揀大中小辣，嗜辣的我當然選大辣，一飽辣福，面質幾好，唔會太淋，味道唔錯，幾多肉末，不過沒有麻醬就少許失色。生煎包不得了，一咬落去爆汁爆湯，雖然唔係好熱，但係就啱晒我呢啲要食得快趕住去做嘢嘅人，唔會被淥親個嘴🤭，而且個皮都仍然有啲脆，到第二日返工我仲同其他同事講好回味尋日嗰生煎包😋豆漿很有豆味，讚👍🏻滿足的一個下午茶🥰

啱啱食完賀苗記生煎包，未夠滿足，黎到YOHO，見到有堅信號，而且仲有下午茶添，心郁郁試埋佢😆。生煎包 $30/4個唔係即煎，食果陣只係溫暖，但好彩個底仲係脆；包底焦黃色比賀苗記靚，肉汁亦比較多，友人更爆汁到自己身上😂，皮較薄偏向餃子皮質地。小籠包 $34呢個比生煎包熱，望落同食落都幾薄皮，多肉汁；可能我加左醋食，所以感覺無生煎包咁油膩。酸辣湯 $10友人表示味道唔錯，不過稀左D。

今日晏晝終於去左食呢個雪菜黃魚濃湯拉麵🍜😆嗌左一個原味一個雪菜湯雪菜湯湯底濃好多好味好多原味湯底落左少少🤏酸菜，不過湯底淡好多兩者比較底下我覺得原味湯底真係冇咁好食我好欣賞佢既上海拉麵，吾會太林都好有口感😋黃魚好食，好有肉地，軟林林的🥰美中不足係個魚浸湯皮吾脆但係我覺得個麵都幾值得encore!外賣就吾好啦，只適合堂食聯想到個麵同條魚帶番屋企一定好林🥴每碗拉麵$70不過冇套餐，凍豆漿$12

最近因為想買電話，行吓行吓又走咗去Yoho睇嘢shopping。 把口話減肥減肥，點知個肚唔爭氣，結果走咗去食下午茶 ╮(￣▽￣"")╭ 一坐低，竟然見到星期日都有下午茶，梗係幫襯啦，嗌咗個生煎包同擔擔麵。 生煎包 - 上嚟個presentation唔係咁好，一格格唔得大方得睇。個包底比較硬，裏面係有汁㗎，但我都分唔到係油定係湯汁😂感覺好普通。 擔擔面 - 我嗌咗小辣，點知都係麻辣到飛起。睇清楚原來係四川style，有啲後悔。不過啲肉碎都好多，我覺得幾好。反而我覺得佢比生煎包更加出色！ 盛謂$66，喺Yoho食算係好抵嘅。

去形點睇電器(遲下用消費劵嘛)又見堅信號，每次食飽至行過，緣慳！今日時間剛好下午茶，2人限聚入去嘆下。1）$30生煎包餐 +$2 轉豆漿一客4只，熱㗎 餡肉多汁，咬入即漏我對面位人兄嫌隻包細喎凍豆漿都幾滑2）$38豬手麵餐+$2 轉豆漿 追+$12灌湯小籠包兩只豬手講明得2隻，我碗2塊肉都夠淋入味上海麵都好煙韌彈牙灌湯小籠包追加12蚊兩隻，皮薄多汁名不虛傳！埋單一共$84, 食得過減埋$5電子支付優惠券實,付$79,抵

上海生煎包✨一口爆湯的生煎包是賣點，菜飯也不錯！《外婆紅燒肉菜飯》$62外婆紅燒肉，很肥美，就像東坡肉一樣，厚厚的肥膏連著豬肉，紅燒肉亦相當入味。👍🏻👍🏻《生煎包》$20/2個顧名思義一口爆湯，真的很誇張，咬一口，湯飛濺到對面枱🤣真的要小心地吃！✨《蒜泥白肉》$38不算太辣，正正常常。店員姐姐會溫馨提示客人小心熱燙、趁熱食、慢慢吃，真的很窩心！💕總結：生煎包必吃！

其實佢既野食係還好既，雖然偏細份，都還可接受到，但員工態度麻麻，不太可接受。我點了一個擔擔麵套餐，入面有擔擔麵、小籠包，豆漿。有職員上菜，首先放低左小籠包同生煎包，我怕佢上多左生煎包俾我會俾人話，所以好心提佢：我冇叫生煎包的😅佢一句塞埋來，態度不友善甘講：我知！我都係放住係度先者！心諗都係好心提你，驚你俾多左我，唔需要好似話我多事甘囉。食物幾好食都冇用，基本禮貌都冇就係甘先啦👋🏼

下午茶第一次到堅順號，坐低就不停聽到侍應叫生煎包節🤣，手機落單超方便，小籠包4隻+生煎包，但全部細細隻，多汁但唔夠喉囉，口水雞菜飯實在太好味！推介👍👍👍，另加3隻餃子，都幾好味！😋

老媽子想食生煎包而佢又未食過堅信號，於是就帶佢黎試下。我地叫左：生煎包2隻、雞絲粉皮、上海粗炒、酸辣湯同凍熱豆漿各一。生煎包個底煎得夠脆，裏面湯汁好多，一咬即爆汁，請左我頭髮飲左啖湯😅在我黎講生煎包係好味嘅，但要求高嘅老媽子食完就話味道係OK，但食得出個包係包好左一段時間先攞去煎，我自己就食唔出😂(但我好明白而家真係好難有店可以做到即點即包即煎)身為配角嘅雞絲粉皮老媽子就盛讚粉皮唔會好厚夠爽口，不過麻醬就少左啲。上海粗炒都好食，麵條夠煙靭，唔算太油，可惜老媽子唔鍾意食回鍋肉粗炒，好想食回鍋肉😔最後個酸辣湯聞落去有陣輕微𤓓味😑雖然飲落去又冇咩問題。好在呢度嘅湯唔係好杰果隻，好怕飲到啲杰到爆嘅酸辣湯，如果味道可以再酸啲辣啲就好。

第一次食堅信號上海生煎皇。一間由前男歌手蕭潤邦(Oscar)與父 親一起合力打理既生煎包。以前名過於實，點知佢既生煎包真係有驚喜喎。是日叫左2個晚市套餐，分別係上海豬扒菜飯同紅燒肉菜飯，套餐包一杯綠茶，一小份前菜，仲可以加$10加購一款小食。上海豬扒菜飯套餐 +生煎包2件（$78）豬扒有1大塊切開左6件，好鬆化但略嫌太甜，我個人就覺得一般。菜飯好食，唔會好咸。生煎包好多驚喜呀！生煎包係薄皮既，肉香多汁，湯汁澄澈，油膩感不高，最重要係底部夠晒脆無漏汁，包頂仲有小量黑白芝麻及香葱增加香氣。好食。紅燒肉配菜飯+小籠包2件（$75）上菜個下有點兒嚇親，3大舊肥瘦均勻既五花肉🤩 入味，鬆軟，味道適中，最重要係一層一層既5花肉，肉質軟嫩、香甜但又不油膩。好食。而小籠包都唔錯，皮薄多汁，但對比起生煎包，我都係愛生煎包多d😛😛另外有兩款前菜分別係醬醃蘿蔔&麻辣海帶絲拼蓮藕片，食落開胃，都唔錯

今晚嚟到YOHO搵野食見到堅信號有位就食呢間手機自己入個網站落單～叫個餐送前菜揀咗蓮藕估唔到咁好食好開胃呀！加$5要咗杯竹蔗茅根水正常擔擔麵好食加$10要兩個生煎包個女侍應唔知咩事粒聲唔出 喺我後面一夜攝兩個包入嚟仲掂到我件衫我件衫好污糟㗎 🥶🥶🥶🥶🥶🥶🥶唉😮‍💨可能佢地好忙啦但呢吓感覺真係好差有咩理由起人哋件衫袖嗰度攝入嚟㗎🤥🤥🤥🤥豬扒飯太太太肚餓了影得都有啲隨便因為好心急要開飯了個菜飯真係好好食 好香呀豬扒都唔差最驚喜係呢個醉雞翼都係加$10剪開一半好易食，好入味推薦（但都係太肚餓 影得有點隨便）埋單兩個人好似$146

返工前食個快飯，坐低到上菜唔駛10分鐘，岩曬趕時間既人！午餐可以揀前菜主菜飲品。我就揀左招牌生煎包，煎到一面脆卜卜。雖然個包比淨係做外賣既鋪頭細隻左，但依然係爆汁！而且感覺無咁油膩。豬排味道同叉燒差唔多，表面搽咗蜜糖~質地呢就比較硬難咬開啦。菜飯有陣豬油味，菜既份量唔多。加埋暖豆漿，簡單又舒服既一餐。