堅信號上海生煎皇 (形點 II)

營業中

休息中

是晚來到形點的堅信號食晚飯，同朋友選了靠後的一張二人枱坐，店內客人唔少，幾乎全店滿坐。用qr code落完單就慢慢等食，意外地上菜快喎，一落完單就有得食😆⭐蟲草花花膠雞配白飯自己點左份暖心湯飯，雞件很多花膠數塊，味道還可以，撈飯食唔錯呀。⭐秘製豬扒菜飯再來有豬扒飯，個豬扒甜甜地，有啲似叉燒嘅感覺，菜飯香口，幾正。⭐鹵水溏心蛋 & ⭐涼拌小雲耳手拍青瓜溏心蛋綿綿滑滑好食，青瓜雲耳酸酸地夠開胃。⭐堅信號生煎包最期待的生煎包來了，熱辣辣咬落爆汁，小心食呀呢個又香又脆又鮮味，真係無得輸😋⭐灌湯小籠包小籠包又係正，皮薄餡鮮又多湯汁，好食。⭐蕉氣十足包仲叫左呢個造形好真實嘅香蕉包，個樣真係勁似bb蕉😆聞落好香蕉味，入面仲有甜甜嘅餡，得意又好食。⭐凍豆漿 & ⭐熱茉香綠茶飲品都幾多野揀，凍飲加三蚊都合理啦。食唔晒包走左，聽晚加餸啦。

生煎包無得輸 & 被耽誤的糖水 ❣呢間係形點既堅信號成日都要排長龍，今日行過下午茶時間唔洗排～ 即時衝入去食個Tea 先 🤣$49 老上海蔥油拌麵$68 上海排骨擔擔麵$37 堅信號生煎包 (4個)$10 灌湯小籠包 (2個)$10 加配手工冰粉$16 十勝紅豆燒仙草老老實實麵就無乜特別記憶點，不過生煎包真係招牌，皮薄又多汁，你要小心既只係太熱個時好易辣親🤣 同埋甜品又真係唔錯，甜度岩岩好，唔會太甜，份量都多！而價錢就好相宜既，不過櫈就有Ｄ硬唔算坐得好舒服，餐廳係行平民路線～ 會再幫襯❣🏠店名：堅信號上海生煎皇 (形點 II) 🚘地址：元朗朗日路8號形點 II L1樓A115a號舖

這次的用餐體驗讓我感到相當滿意，從點餐到用餐的整個過程都顯得非常順暢。首先，我通過手機應用程序進行了點餐，選擇了一份秘製豬扒飯，並搭配了一份涼拌小雲耳手拍青瓜。整個點餐過程非常簡單，界面友好，操作流暢，讓人感到非常方便。當食物上桌時，我立刻被其賣相所吸引。豬扒看起來色澤金黃，表面微微焦脆，顯得非常诱人。飯上撒了一些蔥花，增加了視覺上的層次感。涼拌小雲耳手拍青瓜則是綠意盎然，搭配了一些香菜，看起來非常新鮮。嘗試了一口豬扒，肉質鮮嫩多汁，調味恰到好處，既不會過鹹也不會過淡，完美地突出了豬肉的鮮美。飯粒顆顆分明，口感軟硬適中，搭配豬扒一起吃，非常滿足。涼拌小雲耳手拍青瓜則是清爽可口，涼拌的調味汁帶有一絲微辣，非常開胃，香菜的加入更是提升了整體的風味。此外，我還點了一份堅信號生煎包和一杯熱豆漿。生煎包外皮酥脆，內餡鮮美多汁，搭配的醬汁更是畫龍點睛，讓人一口接一口停不下來。熱豆漿香濃可口，喝起來非常溫暖，是一個完美的餐後飲品。總的來說，這次的用餐體驗非常滿意。食物的品質和口味都達到了很高的水準，服務也相當到位。特別是手機點餐的便利性，讓整個用餐過程更加順暢。我會推薦給朋友，並期待下次再次光臨。

食物味道已經一般，份量又少。一句唔抵食。希望香港呢啲連鎖餐飲可以用心啲唔係預制菜就呢啲偷功減料，CP值極低料理希望進步。優點係少呢類型中餐，有時真係好想食酸辣湯同生煎包都可以食到，因為近樓下。

#吃貨心柔日誌 😋 堅信號上海生煎皇今次經過元朗YOHO MALL ☺️ 餐廳超級多選擇不過心柔話想食「兒童餐」😏「兒童餐」的魔力🪄一樣的食材，只要是兒童餐，小朋友就會乖乖進食😝最後決定食「堅信號上海生煎皇」🤭見到有幾抵食嘅兒童餐！一於試下先😎.兒童餐👦🏻👧🏻 「飛」常堅 ✈️反斗樂園豬扒餐 $65小朋友必食的兒童餐！飛機餐盤✈️秘製豬扒甜甜地，小朋友鍾意食！食完還送一份「反斗兒童包」🎁親民價錢，有得食又有禮物！無得輸😉🍜 四川擔擔麵 $62個湯超級惹味！我差不多飲清光😅不過我不太食得辣，小辣就剛剛好👍🏻🥢 堅信號生煎包 $25 (隨餐追加$15)味道不錯，一咬開裏面好多湯！爆汁🤤不過真係要小心燙口🤫每粒都好足料！大大舊肉餡😝📍堅信號上海生煎皇 @gingsunho (元朗Yoho Mall 形點二期分店) @yohomallhk 🔹🔹🔹🔹🔹🔹🔹🔹🔹🔹🔹🔹🔹🔹

來到元朗，竟然沒有吃牛肉麵，清湯腩，而是選擇了堅信號，皆因兩個字：想吃！這裡馳名的是生煎包，其他好像小龍包，炸雞扒，也是值得嘗試！先來到堅信號，店員馬上安排位置，值得稱讚！這裡，公司的實體餐牌好像又沒有放出來，只有零聲地列出一些新菜式，但又拍攝得不吸引lol，失色了！這個店鋪的設計很有趣，既有二人餐桌「卡位」的包廂，也有可以容納一家大小的多人餐桌，這顯得餐廳持有人在擺放餐桌方面有用心！1）酸辣湯麵$482）個人套餐：黃金雞扒蔥油拌麵$88配紅油韮菜餃+苿香奶茶3）堅信號生煎包$15先說回食物，食物質素可以，爆汁生煎包，一入口即在口爆，一不小心就會弄髒旁邊的人，建議小心，但側面反映貨真價實，皮脆脆的，口感十足！另外我也試了黃金大雞扒，感覺雞扒很好，不是太油膩，但勝在夠啖啖肉，適合我這個食肉狂魔，唯獨是略嫌撈面的份量偏少（跟另一菜式比較起來），這是其中一個失敗之處！最後我老婆點了酸辣湯麵，這裡，我是想如果走餸和面，單單只是整個酸辣湯底就是出色，儘管不知道中間下了多少的元素周期表才能夠如此美味，但就是palatable!筆者覺得整體感覺很不錯，下次會來這裡吃上海粗炒！

⭐️😆皇牌生煎包真係好好食佢一上盤 我怕熱 所以等咗5分鐘先食 睇落去好似平平無奇同乾身 我輕輕咬咗啖 就見到成個包沖準備湧出黎～大家要小心熱🔥！評分：⭐️⭐️⭐️⭐️⭐️😚灌湯小籠包都好Juicy 第一粒完全皮 饀分離 掉曬d汁 其他都係一口一粒 勁多汁 我覺得點埋酸醋都幾好食 無咁dry☺️評分：⭐️⭐️⭐️⭐️🔥🥲酸辣湯辣到傻咗有留意一下用咩配料1. 木耳絲 （口感好爽 切得偏長）2. 冬菇（夠曬淋 我鐘意）3.豆腐（滑一滑）4.竹筍（有少少多渣）唔食得辣嘅朋友就可能未必叫lu 同埋嫌唔夠酸嘅一定落多d醋 吃醋時要多吃點😌評分：⭐️⭐️⭐️⭐️ 另外 臨比錢前發現可以買餐飲券 如果食嘅話 大家留意仲有無優惠卷～～

元朗呢間堅信號係我第三次幫襯，服務方面員工係幾有禮貌嘅，聽得出佢哋有專登講一啲禮貌用語。不過食物水準依然係唔夠好，可能唔好彩嗌中啲唔好食嘅嘢。好彩今次個主食無中伏，豬扒幾好食嘅。

今日經過YOHO想搵啲平平哋嘅下午茶食，依家下午茶餐唔太貴，又唔使排隊，所以就入咗去食。今次叫咗兩個下午茶餐，分別係上海粗炒同擔擔面，再額外加咗兩隻生煎包同冰粉。上海粗炒幾濃味，麵質有少少煙靭。由於下午茶餐，份量唔算多。配料亦都唔係好多，肉絲只係得幾條。擔擔麵湯底都有幾濃嘅花生醬味，麵既份量都唔算少。味道就普普通通，冇乜特別。生煎包真係做到爆汁嘅效果，生煎包皮薄，而底皮煎得幾脆口。真係幾好食！冰粉可以選擇後上，味道係提子味，份量都多，不過提子汁就少咗啲，令到有啲唔夠味。

🌟元朗商場內的上海菜🌟今日出去做野，突然落大雨，即刻入商場避雨兼搵下有咩好食。見到一間有得食上海小籠包、上海排骨配菜飯，跟埋杯茉香綠茶，二話不說就入去。好味，小籠包湯汁豐富、上海排骨肥瘦適中，不會太乾，菜飯鮮味，配上熱茶非常合適。好細心的安排

之前喺深水埗食過兩次生煎包，覺得好好食，最近去元朗形點2食過兩次，環境都真係好唔夠冷氣，可能係因為商場中央冷氣關係，就算店內有風機都真係好唔夠通爽，會令人食完就想走，職員完全無表情、無互動、無反應、無招呼⋯好食都令我對依間店卻步⋯先講講食物，今次照舊要咗生煎包、小籠包、同埋柚子蜜梳打，而新嘗試係金湯麻辣酸菜魚輕輕咬開一個小窿，熱湯嘅溫度隨之湧出嚟，好多湯喺裡面，肉丸都滿滿湯汁，一啲都唔鞋口又唔會梅，皮面軟身，皮底夠脆，真係好好！同生煎包一樣，滿滿湯汁喺小籠包裡面，皮唔容易穿，但又唔會覺得好厚皮，有時有啲店舖做得皮太薄，反而食唔到皮嘅質感，依個堅信號做得幾好一開始食無乜特別，唔覺麻亦唔覺辣，食到一半左右先覺得麻辣，但只會食一次就夠，難度要成碗酸菜魚要撈勻晒先有溫度、麻同辣？唔係一齊煮的嗎？其實真係希望老細知道，你啲嘢好食，但環境同職員唔改善，一手一腳嘅生意好快玩完，值得嗎？

端午節唔知食咩好 行過見到堅信號冇人排隊 見佢假日套餐$8x有一個小食，一個主食，一杯野飲，好似都到抵食，就決定入去試下我地叫左一個雞扒拌麵套餐同一個蔥油雞套餐，再額外加配左4隻生煎包叫左無耐生煎包就好快上左枱，入面好熱好多汁，但係個皮就煎得唔夠香口之後係雞扒拌麵套餐，小妹小食就揀左青瓜雲耳，雲耳酸酸地幾開胃，至於雞扒，煎得脆既，但小妹就略嫌佢淡左小小，冇任何醬汁點，拌麵就比較硬老公叫左蔥油雞套餐配菜飯，小食就揀左紅油抄手，又唔會話好辣，至於蔥油雞就不過不失啦，雞肉唔鞋2個人埋單連加一$209，公眾假期黎講算ok啦

叫了一個炸黃魚菜單飯，超級難食！炸魚很硬，入面冇肉，全部係粉，硬到咬唔到。有一個妹妹仔，好黑面，叫佢加餸又唔記得，價錢又講錯，飯未食完就要收餐具走，趕住收工。體驗極差，下次唔嚟了！

本身幾鐘意食上海野 試過上海正宗生煎包 來到這裡食覺得好奇怪 🤔雖然有湯汁但個生煎包好似縮水未熟甘 叫左個蔥油雞飯 同擔擔麵 蔥油冇咩味 個雞又係好奇怪質感 都滑但又係冇咩味 明顯雪藏雞 擔擔麵就還可以 叫做不過不失啦 平平地食個快捷既晚餐都可以既 但唔好有期望

豬扒勁難食，塊皮硬到咬吾到。店員換過塊豬扒都係咁，搞到要食淨面，湯麵個湯都無味，要落好多匙豆辦醬先有味，上海粗炒又硬又難食，真係食到火滾，一定吾會再有下一次！！