坤記竹昇麵

營業中

休息中

位於永隆街的坤記竹昇麵,在地鐵站出門過一條馬路就見到.是米芝蓮推介的美食.愛吃的我.當然要一試.其實呢間店有3間分店.只有長沙灣店得到客人注意.環境光猛,衛生.坐的是沒有背的椅..奇怪地貴為米芝蓮食店.我去到時候.只有我一位客人.同一位店員在舖面.竹昇麵是招牌食物.但同樣有客飯賣.但沒有牛丸.魚旦的來貸食品賣.我臨走時,忍不住影低.雖則沒有人表演.但做竹昇麵的工場放在門口.這個舉動算是証明!店內也有一些大地魚粉,辣椒油,同麵可購買.作送禮之用.其實贈送的熱茶.十分熱...都好好飲..凍檸茶7元..茶顏色很深.茶味超濃.檸份量也足相當出味,但茶味超濃.我喝下沒有苦味.應該加了不少糖.但茶味蓋了甜味.雲吞麵18元.我又覺得抵食.雲呑形狀扁扁.有點散尾.內左的餡9分半肥瘦,.一隻小蝦.也吃出肉的鮮味.麵有彈力,有咬口.但不算銀絲細麵,也完全無蛋香味,幸好麵有做除去鹼水步驟,也沒有令人討厭的鹼水味.至於湯底很出色.用了大地魚.蝦殼,羅漢果煲,最後加上蝦子,相當清甜.還有啖啖回甘的味道...18元比起其他雲呑麵名店大碗,味道又不俗,若下次去長沙灣,我應該會再試.

本來想試下好食既竹昇麵，不過都係好似這間店名咁，坤！昨晚同太太去食這間所謂出名既麵店，入去都唔駛搵位，可能早既關係啦。坐下就有人立即招呼 ，我地叫左出名既姜蔥蝦子撈麵加姜蔥 $38 和姜蔥蝦子撈麵加牛腩 $38 同一杯熱檸蜜。 我地都睇過下d 食評話這店的麵要湯同麵分開上，麵先會好食，所以我地先叫撈麵。麵到後，我地一食，味都ok, 不過麵太硬同痴埋一舊，份量又唔多，收$30幾蚊真係唔係好值。而且入面d快子，杯好唔乾淨，杯熱檸蜜個杯口全部都係黑漬，好似個杯執返咁，所以到左我地見到都冇飲過就算。總結：試過就算，永不回頭！！

見到有食評才記得早兩個月去開長沙灣，很難才找到永隆街這店。叫了一個什麼瑤柱雲吞麵連飲。瑤柱(仔)雲吞雖然有瑤柱味，但沒特別，;可能普通的雲吞會來得自然一點。麵身有口感，但不彈牙，味道也算不錯，帶點蛋味。個人覺得永華的好些 ，因為麵很有彈性，微微捲曲的型態，加上麵本身的蛋味和少少的鹼水味，讓我有兒時的回憶。整體上覺得是一間中上的小店，憑什麼入米芝連呢？

常道在香港吃不到令自己稱心滿意的竹升麵，老字號如灣仔"永華"亦是讓人食得一肚氣。於九龍地段則以"劉森記"的做得不錯。最近得悉於長沙灣的一間打正旗號賣手打竹升麵的小店有相當的水平。愛吃麵的小弟當然要試一下了.....一走進店的最當眼地方便看到師傅打麵的地方。雖然這日看不到師傅親身的真人表演，但看到如此的擺位陣容，給人的信心還是頗正面的....要了一個蝦籽雲吞撈。索價約三十八大洋，不是便宜但也不至貴如像"麥奀"般的名牌級數。不過份量卻是比麥奀的多出了不止一倍....專程而來為的是一嚐手打麵的風味，當然要先試麵了。麵是沒如好些食友說是嗅到濃烈的蛋香，但走鹼方面則做得甚為徹底，吃時是一點鹼水的苦味也感覺不到，與在"永華"時食到成口苦味的慘痛經驗實在是有雲泥之別。麵條本身不算很幼身，是不能稱之為銀絲細麵的，但咬落是爽至嗦嗦聲且比預料中的彈牙，的而且確是無花無假的手打麵；蝦籽份量是不吝嗇且夠鹹鮮不帶焦苦，有水準；雲吞則比想像中的大粒。蝦肉與瘦肉參半，後者既稱之為瘦入口自然較嚡，是缺陷之一；蝦的鮮度則普普通通沒過人之處....伴麵吃的上湯也有水準 ---- 湯清而味濃，嗒落很有由蝦殼及大地魚熬出來的

由於住係附近，於是見到團購即買！買左5張！今次食第二次！辣青瓜, 都幾辣下, 但好味道! (圖為二人份量) 叫左招牌蝦子撈麵，加$6有豬手，豬手唔會太林，但得好細嘅兩舊喳！ D麵好爽口，唔會太林，配蠔油好味，蝦子亦好香！本食唔太好粉麵類嘅我都食晒成碟！大地魚湯，少少甜甜地味，好特別但好咸， 飲左幾啖都飲唔落（但見到有其他客人一啖飲晒！ ）飲埋豆漿好飽，豆漿唔會太甜，幾好！

蠔油蝦子撈麵被游說+$6 XO醬,點知無左蠔油XO醬很香,但完全蓋了蝦子味,早知就唔加麵很爽口,good湯無味精,很鮮甜,但我未飲完就被人收走左油菜一碟正常手拍青瓜好味,但只有5舊...豆漿正常服務態度幾好

今晚终於試咗依間報稱"竹昇麵"好食嘅"坤記"...但真係令我再次失望而回,我真係唔會再信啲"米X蓮"推介...鬼佬真係唔識食中國嘢架"招牌蝦子蠔油撈麵"...$32蚊碟,啲蝦子一啲都唔靚,麵就得個"硬"字,一啲都唔爽"五花茶"...$5蚊杯,淡而無味佢實在令我太失望喇...... "番卓"指數:0分 (10分為滿分)

大熱天時踢完波口淡淡，但又有啲肚餓，求其食碗麵算。忽然諗起附近有間米芝蓮推介竹昇麵，就即刻去食！我就叫咗個牛腩麵，係柱候牛腩，柱候汁都算入味，牛腩都夠腍，唔錯，但點題嘅竹昇麵底太腍，唔夠彈牙，而麵條又係太直身，好似麵線咁，好怪，同劉X記嘅竹昇麵差咗一大折，唔得。個friend就叫咗雲吞麵，雲吞唔錯，有大地魚味，麵上撒上一把蝦子，幾香口。雖然雲吞同牛腩都唔錯，基於麵底唔得，咁喱間都係一次起兩次止。

今日見落左堂又見係個頭附近，就拿拿聲用左張團購卷先。其實講開團購卷，大家都好驚其實係咪會唔好食... 但今次呢間，真心真心覺得係好味既。去到店度... 無咩人，所以位都唔洗等，雖然個舖面大大隻字寫左係米芝連的食店，但都幾難令人相信無咩人既... 可能係平日，同埋夜左啦...哈哈哈。坐低，招呼同禮貌都很好的服務員即刻拎2杯熱茶過黎...因為我地有2張... 然後大家又愛吃牛腩，(其實都有幾樣野CHOOSE的~~~)...所以我地2個人都叫了牛腩撈面。咁個團購呢係有個青瓜同油菜送的。呢個青瓜真係幾好味... 不過2個人都係得咁少... 好似少好多咁...雖然我見佢原價都係12蚊...但我估12蚊唔會得個呢幾條既... 我估..XDD油菜，都係咁上下啦~ 無咩特別。但係都起碼叫唔洗特登叫多碟菜既~~haha主角，牛腩撈面。哇呢個真係真心好味...個個面係無鹼水味的。我好耐都無食過平價得黎係無鹼水味的面。真係真係好好味...d牛腩好入味，牛根都不錯... 佢唔係話炆到好爛個d~ 佢係"淋"身得黎有返個形狀，係真心煮到入晒味個隻。好鬼死正~~~ 仲有..大家唔好睇佢咁細細碟咁... 個碟面大碟

坤記入選了米芝蓮推介食店，主打竹昇麵，今次要來試試，正好與之前食過的深水埗老字號比較一下。買了團購套餐，食物包括一款撈麵、油菜一碟、手拍青瓜和一杯熱飲。未夠六點鐘就來到，時間尚早，店內只有兩個食客，店員招呼周到。兩張餐券，叫了蠔油蝦子撈麵和柱侯牛腩撈麵，飲品要了熱奶茶和檸茶。青瓜是掩好的，浸在紅油中，放在一個大膠箱裡，要的時候就拿出來放在碟上。青瓜兩個人的份量就只有一小碟，份量非常小，但紅油的顏色和味道俱備，令青瓜非常好吃。撈麵的份量比劉森記多，麵色較淡，伴隨兩塊生菜。蝦子下得同樣多，鋪滿了麵底，味道也很鮮香。蠔油不鹹也不鮮，吃不出甚麼味道。至於麵條，沒有鹼水味，入口夠爽，但欠缺了劉森記那種彈性充足、結實而不死實的口感。另上的湯底，灑入幾粒蝦子，味道清甜是肯定的，但也及不上劉森記的鮮。另一碟是柱侯牛腩撈麵，牛腩的肥膏頗多，把大部份肥肉分了出來，雖然只吃瘦肉，但也覺得牛腩炆得很軟腍入味。但這碟牛腩撈麵，麵底吃起來有種古怪的「油臆」味，估計是麵底加了生油，與麵條本身無關。生菜的份量不算多，撈上一樣的蠔油，味道平平。難得的是熱奶茶，茶味奶味都濃郁，入口香滑，比很多茶餐廳都優勝。坤記的竹昇麵，

在必比登這個範疇, 米芝蓮是有比較廣泛的名單, 每一年的新上榜及跌出榜的頻率也特別高, 這一年的必比登推介, 有不少新登場店子, 當中就包括這裡. 是晚就拉了文迪, 還有爸媽一行四人來一試. 這裡環境是幾光猛的, 尚算整潔. 來得這裡, 當然是吃自家手打竹昇麵, 就一人一客麵分吃吧. 蝦子雲吞麵 $23: 8分, 先講麵條, 質感不俗, 幾彈牙, 吃不出鹼水味, 這個手打竹昇麵, 實是水準之作. 雲吞方面, 蝦肉爽口, 配上點點蝦子, 是幾香口的.招牌蝦子蠔油撈麵 $30: 8分, 當然要一試店方的招牌, 就是蝦子蠔油撈麵, 蝦子份量下得相當多, 幾近覆蓋整碟麵. 蝦子鹹香足, 再加上蠔油, 這個配搭是相當得宜, 最佳的方法是每吃一口麵才加上適量蠔油, 這樣才能把兩者的化學作用發揮得最好.豬油撈麵 $23: 5分, 相對來講, 這客豬油撈麵就令人失望, 偏乾身, 豬油香不足, 而豬油渣是實實的, 幾難咬開. 這客麵, 淡淡而不健康, 唯一可取之處是麵條吧.柱候牛腩撈麵 $29: 7分, 也試了柱候牛腩撈麵, 牛腩質感不俗, 但有部份還是實了點, 不過把牛腩汁來撈麵又是幾惹味的.另外要了

一支公順路經過，見到招牌有米芝蓮星星，又見到師傅在門口打緊，應該差極都有限，決定入內一試。先試湯頭，色擇清澈，大地魚和蝦子味道濃鬱但又不混濁，果然比劉X記好。雲吞就一般水準，不太突出，沒有驚喜。最後條的問題來了，確實沒有水味又有蛋香，見到是師傅手打的沒錯。但是煮得太過火了，淋淋的沒有咬口。食竹昇其最大享受是其彈牙的質，但卻被煮壞了。正恨得牙癢癢間，聽到樓面呀姐廚房：X仔煮D好硬，尤其是撈，......"。我明白食物喜好各有不同，但是身為一間米芝蓮餐廳，廚房出品不是應該有堅持嗎？怎可能任由個樓面影響個廚房的出品(雖然我不知道那個啡眼鏡架樓面呀姐是否老闆)。若可做好D，貼張告事本店竹昇，質爽口彈牙，若需煮淋，請早揚聲。不是更好嗎？

自問對中式麵不是很熟悉，通常去粉麵店，都是要河粉，很少吃幼麵。星期日晚上加班過後，鬆弛說要帶我到長沙灣吃竹昇麵。 門口放左一個個麵餅，旁邊有一條很長很粗的竹，我記得我曾經在電視節目看過這個，不過印象中好像是在澳門的。 八蚊一碟油菜，不貴，而且菜心很甜。 我們點了一碟蝦子撈麵加豬油渣。這裡的竹昇麵標榜絕無鹼水，果然是零鹼水味，而且麵質非常彈，在夾起麵條時，完全能充分感受到其彈力，可以說幾乎有橡筋般彈，是我吃過最彈牙的。蝦子很香很有鮮味，和竹昇麵很配，再加丁點蠔油同吃，是完美的配搭。唯一失望的是那些豬油渣，不夠脆口，軟腍腍的，只有油味沒有香味，所以不加比較好。店員的服務很好，很有禮貌，也很細心，見我們兩人分享一碟麵，主動給我們兩個小碗。鬆弛說他上一次來的時候，老闆概嘆因為米芝蓮的關係，業主大幅加租，大概做完今年的約就會結業。能夠做出如此高質素的竹昇麵，卻因為租金而被迫結業，惋惜之餘，實在很痛恨這個畸型的社會。趁老闆還願意每天努力親手做竹昇麵，快點去試試吧，那裡還有蝦子、大地魚粉和新鮮麵餅賣，吃完不要忘記買些「手信」回家呢！

雖然我喺呢區長大, 但因為唔多鍾意食鹼水麵, 所以從來對呢類麵店視若無睹, 掂行掂過, 真至知道永隆街出咗間米芝蓮, 哎呀真係失覺, 點都要搵日幫襯下, 幫襯之日係年初三, 我估因為假期關係,佢收的價錢比平時貴, 所以呢篇食評就唔講錢, 淨講食物.老公點的牛腩撈麵,撈麵非常爽脆, 牛腩炆得幾腍, 係碟菜樣衰啲, 及格啦.我點的紅燒滷肉麵待應推介呢款, 話佢地做滷肉好出名,滷肉賣相既乾且薄, 得嗰幾片, 又硬又實, 麻麻咋喎, 湯麵得幾箸, 我一向細食, 都覺得唔夠, 老公都覺得我碗麵份量太細, 响佢碗撈麵度挾幾箸俾我!結果兩個人都唔飽, 兩點未夠就要食下午茶都係嗰句, 大時大節幫襯水準不能作準.

知道佢攞咗米芝蓮嘅推介店後.............jan 03 &13, 12.............來食lunch.........叫咗 :1) 雲吞蝦籽撈麵+xo醬 (hk$4x)-sorry,碗湯張相out咗focus-都幾鮮,味道唔假-蝦籽都落得幾重手吓,不過味道又唔多鹹鮮,淡咗少少-而個麵無鹼水味,不過唔喺明顯彈口嗰種-最可取就喺佢嘅雲吞,蝦肉爽,鮮度溫和,ok啦-而店員推介自家製嘅xo醬..........我已走辣油,入口幾惹味,香濃,不過對我嚟講,越食越辣~~~~2) 紅燒滷肉麵餐 (hk$29)i) 菜-嗰日喺生菜,正常ii) 飲品-叫來熱好立克..........正常iii) 紅燒滷肉麵-望落都擔心肉質會有點實-入口果然唔鬆,喺有點實,不過又唔洗要"趙"好耐-滷水味道入味,ok的-最可取就喺個麵,湯底夠鮮味,麵比較幼身,仍是1d鹼水味都無,今次個彈性比上次好..........個麵真喺唔錯