坤記竹昇麵

今（22-11-2025 Sat）朝空肚嚟呢頭做檢查，做完檢查呢喥啱啱開門，我哋喺門口見到有嘅豉油皇雞髀流心蛋竹昇麵，湯麵$29.00，撈麵$39.00，但有冇限時段？入去坐低，老闆招呼我哋，我就問呢個𠲖o家有冇？佢答枱上menu有嘅都有。啊，咁我哋決定要呢個，然後再諗，研究menu都花多眼亂，啲餸有帆立貝，最後老公決定要$78.00嘅G 鎮店大碗湯麵，有牛腩，豬手，雲吞同水餃，呢個包飲品或油菜，我哋揀後者，朝早只有菜心同生菜，我揀菜心，有牛腩汁，豬手汁同蠔油揀，老公揀蠔油。等咗一陣，油菜先到，睇見份量適中，顏色唔錯;之後鎮店大碗湯麵，嘅豉油皇雞髀流心蛋竹昇麵都到嚟。由於麵係一樣，所以我哋分好餸就食得，我先食豉油皇雞髀，呢個只係室溫，都幾入味，有啲位就乾啲；流心蛋有滷過，都OK；麵就正常爽口，個湯都幾好味；我嗰件牛腩唔算好腍，味道都唔太濃；豬手夠腍冇問題；油菜，雲吞同水餃都係正常冇問題。埋單後，老闆娘送咗兩張$5.00現金劵俾我哋。環境：天氣舒服，唔知有冇開冷氣，只知開咗風扇都幾涼。其他：呢喥嘅咖啡竟然即磨，重有酸梅湯飲。題外話：呢喥仍自家製全蛋麵。有枱客人同老闆娘傾偈，話佢哋喺多倫多有間，老闆娘話係佢個女開。…查看更多

深水埗區有兩間米芝蓮雲吞麵一間係劉森記另一間係坤記今次就去左坤記先而家都無乜舖頭會整個半開放式工房公開打麵好旺角門口本身都有個咁既位但而家都好似無人打麵了個位置係長沙灣元州附近永隆街舖頭對係比排檔同棚架遮住所以唔係米芝蓮或者其他媒體介紹就真係唔會見到佢門口都貼左好多車胎人出黎門口有個開放式既打麵房可以見到麵塊同製麵機不過夜晚黎到就睇唔到用竹昇打麵了應該要日頭先會見到坤記店舖細小檯唔多係中式麵店格局入面算整齊既比麵麵棧同劉森記乾淨同埋門口見到有好多唔同類型既自家麵賣平日夜晚七點鐘入到黎唔洗等可以直入仲有全張四人檯坐就算需要搭檯都唔會太迫檯面有辣油調味坐低有杯熱茶送過黎唔洗茶錢亦都無服務費坤記其中一個特色就係勁多餐牌睇完真係頭都痛埋而且望落好多都係差唔多係無可能睇得明同計到邊樣叫法最著數大概只可以當佢蝦子撈麵55加餸加10蚊咁樣睇法同麵麵棧對比係貴些少既咁所以我今次叫左富貴撈麵要85蚊不過佢除左有茶有特別名既幾餸麵叫做係套餐會有杯野飲或者油菜送我係揀左豆漿富貴撈麵係四餸黎有蝦子牛腩豬手雲吞另外有蠔油同辣醬各一羹有放骨既碟撈都都碗一乾三濕個賣相都算唔錯既但之後無事做繼續睇menu其實仲有個90蚊既鎮店蝦籽撈麵係有埋水餃即係5餸一次就可以試晒所有野但當時睇唔到所以我係染左既雖然餸多但豬手牛腩都係比較細件仲有雲吞都得兩粒蝦籽感覺上都比起麵麵棧少唔可以撈暈晒成個麵所以好多麵食到都係未有味既亦都唔夠香真係要再加蠔油先夠味麵條整體唔夠爽口感覺係比較重身個湯有些少蝦籽但有少少那唯一比較好食都係件雲吞係實淨足料另外有貓店長可以L整體唔係難食既不過就真係未夠好食至少同街坊店麵麵棧都唔夠比而且仲要比較貴85蚊收八達通臨前送左張現金券現場都聽到有人會用同埋可能麵既份量多少少仲有杯豆漿所以都幾飽肚佢地雲吞唔差我諗水餃都係好既下次可以唔洗叫豬手同牛腩服務都OK既地點係長沙灣站附近都算方便點都舒服過同區劉森記如果經過開口痕都可以試下但就唔需要專程黎食既水平…查看更多

呢間店由 2012 年起連續幾年獲得米芝蓮必比登推介獎，雖然咁勁，但其實第一次食喺美食展覽，親身叫左一碗雲吞麵，食完馬上買埋佢個麵底+蝦籽粉返屋企食！佢主打竹昇麵，係一種用竹竿打麵團製成嘅廣式蛋麵， 一種手工工藝，亦係市面上少有堅持人手手工製作嘅家庭式人情味小i店！🥢蝦籽蠔油撈麵💫 8.5/10最鐘意個麵，麵質口感清爽，有嚼勁，唔係淋身同冇鹼水味道！佢地招牌蝦籽蠔油撈麵，加埋辣椒醬撈勻，超級之惹味！唔係咩鮑參翅肚，但每隔一排都會想再黎回味！鮮蝦云吞大粒飽滿，蝦肉爽彈新鮮！牛腩正常，筋位爽彈，肉部分幾軟腍。總結：好欣賞麵質，我亦經常買佢個麵，煮完撈蠔油+蝦籽粉食一流，快食都好滋味！…查看更多

幾年冇去食過竹昇麵，今次回港梗係要即刻去「坤記竹昇麵」朝聖啦！我叫咗水餃蝦子撈麵套餐，勁多蝦子，味道同麵味道冇變👍🏻真正爽口彈牙! 仲有唔可以唔提佢個杯超好飲嘅咖啡☕️聽聞X島酒店都係用呢隻咖啡豆.而家啲竹昇麵真係買少見少，好好珍惜呢個文化遺產😁 臨走前一定要食多幾次😋😋…查看更多

今日偶然路过永隆街，看到这一家麫店，適逢肚有点饿，便进去试试这快要失傳的竹升麫。竹升麫的“灵魂”在於老师傅用竹竿弹跳压面，令面条爽滑筋道。我点了一碗云吞麫，先喝一口汤，大地鱼味鲜香醇厚，每一口都是老手艺的温度，麪有咬口带彈性，體现出傳統竹升麫的口感，但云吞的肉质口感有点跟不上傳统云吞的爽口弹牙，有点失色。在快节奏的时代，传统竹升面的制作工艺愈发珍贵，守护这份老味道，需要你我的支持。来店里嗦一碗面，让传统美食在舌尖延续，温暖常在！…查看更多