坤記煲仔小菜

營業中

休息中

原先想吃桂香街舊店，誰知要8:30後才有枱；只得往新店，兩番了解下知道是同老闆不同厨師！盛名之下，無訂枱的walk-in客往往要候個20-30分鍾。吃的有：貴妃鷄半隻、芝士海中蝦伊麵、蒜茸炒芥蘭、豬骨煲、白鱔煲仔飯、滑鷄煲仔飯。貴妃鷄有肉味而爽嫩，吃罷碟底還有些gel，是鷄貪靚之故？芝士蝦是做到蝦是蝦，麵是麵，各不相欠，和諧共處？？炒芥蘭，鑊氣欠奉！豬骨煲若果重點胡椒味就perfect，但吃勻全煲都只發現兩粒馬碲，幹嗎！？又不是甚麽貴料！白鱔煲仔飯算是全場最有價值球員，若以十分為上限，它个人已獨取得六點五分；只因鱔滑豉汁香，飯煙靱而有焦香。滑鷄煲仔飯，如無意外來季必被降班，或從餐牌成份中剔除！$440.00 4人

上個星期六,專誠去西環咁遠為左食煲仔飯前一晚book 左位,話:"book 聽晚7點 , 2位"講得好清楚架啦個女人仲串串貢咁問番"星期幾,幾多號",仲要我答番佢地既!!之後佢話冇7點, 最快只有7點半 去到果日啦,我地6點30分左右到,附近又冇咩好行,咪去等下位囉佢話7點半先可以俾訂左果d 人坐個女人仲話有人走就入得心諗,而家又冇人等位,我地而家等都快過7點半啦過左10幾分鐘,個女人幫我地落單再過10分鐘,入面有人走wo點知佢係比出面我地坐囉仲話一早同我地講左,黑晒面咁你冇野呀嘛,你冇講過喎!條氣都唔順架啦,仲話入面只係預俾留位既人我地即講番我地都有訂位,但仲有成半個鐘先到7點半喎佢地以為我地昆佢咁,睇到其他人book既時間最早都係7點半之後佢地即俾個位我地坐都未見過d 服務可以差到咁食煲仔飯啦,味道係好,但唔夠熱,只可以話係暖到埋單果陣,明明個menu 寫住加咸魚係4蚊佢都可以同我嘈係5蚊算,我真係冇心機同個女人嘈當施捨俾佢, 真係有d 想拎個menu 同佢對質食飯食到一吐氣幾好食都冇用完全係冇服務可言唔駛指意我會再黎食

星期六晚九點半黎到, 唔使等位, 叫左兩個小菜同一個煲仔飯椒鹽九肚魚 - 5 分鐘就黎到, 香脆可口, 唔錯 小炒王 - 有四季豆, 西芹, 味菜, 腰果, 蝦乾, 魷魚, 豬潤, 豬肉等, 味道偏咸, 要一路食一路飲水臘味滑雞飯 - 想食田雞不過賣哂, 呢煲野勁囉.... 等呀等, 等左成 9 個字先黎, 雞唔滑, 味道一般

永遠趕時間的時候~你會覺得搭一個站都很久~~但漫無目的ge時候~就會希望前路沒有盡頭就最好~~~由IFC步入西環~~不近也不遠~~恰巧晚市剛好開始~~走在坤記的舖前~成為晚市頭一批的客人 ~~原來身邊都有不少是街坊~~很容易分到的~因為慕名來的當然會先點煲仔飯~~但街坊都是吃羊腩煲~小菜~~甚至有街坊買羊腩煲外賣回家吃~~看來下趟再來不容有失滑雞與臘味~~最後還是配合季節吃臘味~~~再寫個蒜蓉炒芥蘭就夠了~還要留肚到鄰街吃糖水~~~邊等邊聞到旁邊半開放式的煲仔飯炭爐陣發出濃濃香氣~~炒芥蘭先到~~看來很油~大比怕小比不吃~~但其實在這等地方~~有時吃一碟有鑊氣有水準的炒菜~多一點點油都可以接受~~當造的芥蘭新鮮翠綠~每條都”pop pop”聲~火喉夠猛~用上大火快炒營養保留得更多~上菜前灑上炸蒜~惹味得多吃畢3/4~~煲仔飯到~~呀姐姐一放下來就把蓋拎走叮囑我睇熱~~~~~叫都叫唔住~打了個突~~小比下了豉油後就即刻召回煲蓋焗一焗~~既然今天都已經將油份的定律拋走~~~選上臘味更富油香~臘腸潤腸臘鴨加菜心~~油香滲滿一煲~~底底的全層飯焦有如蟲蟲特工隊~有朋友看過相片之後覺得有點嚇人~

聖誕晚餐...係港島行行下... 唔知食乜好...其中有人suggest坤記. 其實已經打左幾次電話去, 但都冇人聽...冇book到台, 希望咁早 (6pm) 唔會咁快爆掛...點知, 去到, 只不過係6點, 所有台都已經book哂!得返一張! 好彩!!! 再加上我地已經齊人, 所以阿姐就俾張台我地咋~哈~ 好彩! 為免等得太耐, 所以我地好快咁order左以下呢幾個菜:鴛鴦腸煲仔飯 (要等約15mins): 好味! 勁正囉~ 天氣凍, 最好就係食d咁熱既野! 好多豉油, 又有飯焦. 真係一流既煲仔飯.臘腸唔錯... 至於另一個腸我不嬲都唔食, 所以唔知個味道係點.不過我估都好味既~ 臘味滑雞煲仔飯 (要等約15mins):呢個都正! 個雞真條幾滑下~再加上豉油, 真係正到呢 (仲係回味中! )...不過一坐低真係要叫, 唔係有排等~豉椒炒蜆:呢個就普通. 因為有沙, 所以要扣分~同埋好多吉殼, 入面都冇肉既 (定係我次次都咁唔好彩, 夾到d吉殼?!)! 不過個汁幾正, 夠入味!炒芥蘭:好新鮮, 好爽, 好甜!夠大棵, 一個字: goooood!不過略嫌細碟左dd~多幾條芥蘭會開心d

坤记煲仔饭之名如雷贯耳已久，第一次去因为要等八个字，所以坚持不下走左；第二次去迟左，老板话就收铺了，只做炒菜；今次，第三次，终于决定，等八个字就八个字吧！点了个白鳝排骨煲仔饭，水准相当不负盛名！首先是服务态度。本来大排档应该无乜服务态度，但是老板娘非常友好，因为太多人，所以叫我点定先，我话去对面M记等，她就话等40分钟就会搵人去叫我，一D都无嫌弃我得一支公！我原本怕她会太忙唔记得，所以提前20分钟就站在门口对开马路，点知她真系去M记搵我，冬天里友好的人总是让人温暖~再来就是那煲白鳝排骨煲仔饭！一打开热气腾腾，即叫即煮既果然唔同D!白鳝非常野味，质地爽口，仲沾有阵阵豉椒既辣味，酱油的咸甜，美味！面头是切碎的辣椒仔，辣度适中，令鲜味又提升一级，仲开胃添！排骨肉质滑嫩，与鱼肉的爽口，酱油热饭配搭得天衣无缝，底部是香脆饭焦，适当地带点焦香，蘸酱油食简直一绝！酱油甜得来又带点咸香，所以一D都唔腻！最后就系个煲底啦！以前虽然喜爱食煲仔饭，但是不常食，因为觉得会浪费好多米，因为煲底会粘着好多米。而这里的煲仔饭是可以好轻易地食个底朝天，又唔系真系好油！系一间相当出色既煲仔饭店！

晚上七點右到了新店，一問之下(毫不在孚)就話九點半才有位.......不是嗎??算..試去桂香街，一看店前有空位以為有得食，一問又要等到九點.....why????生意手法？？？走人永不推介......只有一字"差"

男友大人一向喺坤記附近返工，佢話幾年前呢度係佢食晏飯堂，不過近年越嚟越多人幫親，成日都等唔到位，所以少咗去，但係佢都成日同我講坤記啲煲仔飯真係好正，所以相約好今日去會吓啲煲仔飯。佢一早親身走去BOOK枱都話要去到下個星期，好彩男友大人以前經常幫親，同啲資深阿姐+老板娘有兩嘴好辦事，不過都成7:30先有枱。到6:30...因為見有微雨，不如早啲去博吓可唔可以有位啦。一去到唔好講笑，真係坐冇虛席，連門口位都排到滿滿咁，男友大人又搭膊頭，等咗大概15分鐘就可以坐底啦，GOOD!本應一心打算試白鱔田雞煲仔飯，不過最後我要咗田雞煲仔飯，大人就要白鱔排骨煲仔飯，再叫我一向至愛嘅椒鹽九肚魚，加多個蒜蓉炒西蘭花。大概15-20分鐘個西蘭花同椒鹽九肚魚先後上枱，個西蘭花一食落去就知係先烚後炒而唔係生炒，然後灑上現成乾蒜蓉，冇口感，而且只有咸味，蒜蓉味欠奉。椒鹽九肚魚炸得唔過火，乾身唔油，而且好香椒鹽味，魚肉質唔會一夾就散，佐酒一流。再過多15分鐘，田雞煲仔飯同白鱔排骨煲仔飯都分別嚟啦，田雞肉好滑，而且飯質粒粒分明有飯香，煙煙靭靭又彈牙，不過可能田雞本身冇咩味，個人嚟講真係要加上大量豉油，但係一讚係田雞除

平安夜這種特別日子，想食餐好的非常困難，聖誕大餐往往需花費四五百元，吃的除了應節的火雞外，又不是甚麼珍貴佳餚，抵食與否真的見仁見智。為免被人鋸至一頸血，亦唔想在鬧市同人迫，於是將節目的慶祝還原基本步，和女友去西環坤記食暖笠笠的煲仔飯，別有一番感覺。坤記這間街坊菜館在區內人氣極高，總是人來人往的，平安夜也不例外，晚上六點半到達，剛好可以搭檯，有點行運，因為再遲一步的話就要等位了。全店座無虛席，幾名侍應做到踢晒腳，落單前請先想好菜式，不要左挑右選，有時老闆娘可能會粗聲粗氣，但其實無乜惡意，做事仲好有效率。本想叫一窩時令羊腩煲，但二人胃口不大，最後叫了沙爹芥蘭牛肉 ($45) 及白鱔排骨飯 ($48)，老闆娘循例的說：「要等三十分鐘，食住菜先啦」，當然無問題！ 不用多久，沙爹芥蘭牛肉率先送到，份量甚足，沙爹汁掛在牛肉上，再加上菠蘿粒，相當惹味，牛肉肉質腍滑，芥蘭亦新鮮當造，入口鮮甜，此刻心想，如果這碟沙爹牛肉加入河粉炒，或面前有碗「靚仔」，就更好了。一邊看新聞一邊等，不知不覺間，新鮮熱辣的白鱔排骨飯 ($48) 已經呈上，男侍應竟手快快的拿走煲蓋，連用來剷起飯焦的鐵匙羹也比漏了，幸好，飯焦仍

We arrived at 5:30pm and although the tables were empty inside the restaurant, we were told they were all reserved and that we were lucky to get table outside, which I don't mind, just don't sit too far out onto the street or the cars turning in might bump into you.First up, deep fried squid which was light crispy and simply irresistable. Then it was the steamed eggplants with garlic, and the eggplants were steamed just right - not too hard and not too soggy, and with just the right amount of ga

話去西環食飯，人人都推薦坤記，既然如此，一定要試。今夜來到，真是客似雲來，座無虛設。臺仔細細，都逼滿了衣香鬢影客人。臺上都大煲小煲，熱氣騰騰。我們先選了一隻「貴妃雞」，$160。果然肉滑皮光，細嚼之下，嫩滑無比。頭一道已令人非常滿意。再來一個「招牌猪骨煲」，$95。猪骨極大，湯味濃陏。鎮店英姐介紹狗肚魚，肉白如豆腐，入口即溶化，從未嚐過。叫了三個煲仔飯，窩蛋牛肉飯、北菇雞飯，還是臘味飯最正，內有我最喜愛的臘鴨臘肉，鹹而甘，臘腸油光閃閃，潤腸令人回味不已。煲煲都有飯焦，吃來香脆而不刺牙、不傷腭，只有炭燒才有這種效果。「猪骨煲」吃得差不多了，再來一個「招牌枝竹羊腩煲」，$95。回頭一看，有一個油浸筍殼魚，很想懷舊，也叫了一個吃，不過就不太脆。綜觀此行，非常滿意，出品好，氣氛好，只是座位逼了點。“貧在路邊無人問，富在深山有遠親”，開店要靠好出品，那怕你遠在那裡，地方擠逼也一樣遠近馳名，客似雲來。

兩個人來吃夜宵，由於女友之前已吃了一點東西，而我又喝了碗湯，所以二人只點了一客腊味滑雞煲仔飯，另外再多條菜就成了。見差不多入冬了，非常掛念芥蘭的滋味，所以點了蒜蓉炒芥蘭，一碟只是二十八元，真的是很便宜呢！芥蘭條條也很粗壯，用來作蘭度也不錯，吃起來很是爽口，而且也可以說是嫩綠無渣，但個人認為還是可以再嫩一點，而店家炒是炒得不錯，但似乎可以炒得再久一點，因為數條特別粗的莖，吃起來有點過硬，至於味道方面，店家用了生熟蒜同炒，也算挺有蒜香，但那熟蒜即炸蒜蓉，個人認為對此碟菜的香味貢獻不大，香味也主要是來自生蒜，但以這個價錢來說，又真的不能再要求什麼。吃到碟菜也幾乎吃光了，煲仔飯才姗姗來遲的到我們的桌子上，同來的當然是一小碗的煲仔飯豉油，一打開煲蓋，淋上煲仔飯豉油，立即聽到咋咋聲，証明那煲仔真的是熱得很呢！然後也撈呀撈，撈勻了豉油後，就與女友分吃，飯粒是粒粒堅挺而乾身，吃不到硬飯的人可能會覺得不太習慣，但對我而言是不錯的，而每粒飯粒油份充足，粒粒油潤反光，帶了點腊味的香味及豉油的甜香，味道真的是很不錯，但個人認為其油份的充足跟腊味的份量不成正比，相信店家是下了很多額外的油同煲，這點真的要扣一點分

作為西環街坊, lee間鋪頭我係o向其他non西環街坊度聽番o黎佢地猛話d煲仔飯好好味....於是今次決定試一試炒蜆, 味道唔錯, 不過細隻左d同埋份量少左d栗子雞, umm.........我覺得味道好一般, d人已經不停咁話煲仔野好正, 而且我入到去睇menu都發覺除左煲仔飯多, 其他煲仔菜式都一樣咁多, 於是味order law.............佢係好新鮮, 熱辣辣咁上菜, 但可惜d栗子未夠lum, 敗筆!!!!主角--->窩蛋牛肉煲仔飯, 不過點解唔係肉餅而係肉片呢?感覺有d怪 & 格格不入咁..........!!!! 雖然佢d肉片味道都唔錯, 幾嫩, 可惜始終食開肉餅, 所以覺得有d失望!!!! overall 個煲仔飯水準係average之上, 但你會覺得美中不足咁, 唔知點解, 可能係少左d火喉, 唔算好煲仔~~~ 而且價錢我覺得略貴tim.............平均係 $40一個煲仔飯......wow, 其實西環多做街坊生意, 我覺得真係貴左d............當然唔可以同廟街o既 $20比較, 因為要計埋d鋪租..........但個人認為

10月9日（星期五）晚，是晚女友來圖書館找我，為免餓壞了她，所以比平時早了些去吃晚飯。我見時間尚早，又再一次來這裡碰運氣，因為我們來過幾次，因為過了十點而沒有機會試試這裡的煲仔飯。這次我們來到的時約九點幾，問過阿姐還有煲仔飯供應，不過要坐在門口，女友說不介意，就當吃街邊檔罷！我們商量過後，決定叫一碟芥蘭炒腊味和一個白鱔牛肉煲仔飯。芥蘭炒臘味的芥蘭很翠綠，臘味頗多，約有四、五塊腊肉和蠟、潤腸各一條，不過臘肉很肥；等了約二十分鐘，白鱔牛肉煲仔飯終於來了！打開煲蓋，白煙立時霧散，飯香四溢；我先把白鱔拿開再下豉油，將豉油撈勻再吃飯，飯粒乾身夠熱，加了豉油也不覺咸，飯焦更是可以大塊掘起，個人來說真的很少見！飯焦香脆，口感有點像窩巴，女友愛吃飯焦，當她發現煲內還有少許飯焦，使勁把剩餘的飯走挖走再吃掉！至於材料，難得白鱔夠鮮味，肉質結實幼滑，就連怕吃鱔的我也覺得不錯；初時以為牛肉是肉餅狀，但原來是滑牛片，肉質尚算嫩滑，應該沒有下過量的梳打粉。終於吃過這裡的煲仔飯，水準果然超班，難怪來吃煲仔飯的人絡繹不絕。若要選本港最好吃的煲仔飯，「坤記」應可擠進頭五位！不過個人情感上，依然覺得「雲興隆」（未拆前的舊

聽人講這裡的飯好味, 所以七時未夠就來到等位。 我們兩人一到, 見座無虛席, 打算留個名等位, 我見到門口有個四眼阿姐, 大約四十左右, 跟她說我們兩位, 她好像聽不到, 我再說多幾次, 她才說冇位啦, 也不打算給我留名或示意怎樣等位。我見她這樣, 便走到街上的枱旁等位。等了大約半小時, 終於有人埋單, 我們便坐埋去。一陣之後, 個四眼阿姐走埋黎, 極悔氣說: 未到你地呀, 然後自顧自抺枱, 我打算跟她說, 我們都跟你說兩位, 你都冇講點等位, 她眼見我地等緊該張枱, 又唔多見其他人在附近等位 (因所有人來到, 她都不理人, 只說無位, 又無叫人等, 那些人沒她好氣便走了)。那個阿姐, 又極悔氣說: 都話未到你啦, 然後自顧自set 枱, 她當我們隱形, 又唔回應我。我見間店咁, 便跟同行老公說: 不要再等了, 根本等位無制度, 又混亂, 點都等唔到, 而且服務態度又咁差, 去隔鄰的潮州店食飯仲好。接着我便走, 那四眼阿姐就大聲叫: 點服務態度差, 我都費事理她。 公道些說, 其他侍應都服務態度良好, 只有這個阿姐好悔氣, 但其他侍應都好似怕了她, 我們坐低時, 其他侍應都問我那四眼