坤記煲仔小菜

營業中

休息中

To be fair, the 小菜 & 煲仔鈑 there is ok, but that is not the reason I write tonight...I am sure all of us reading this believes the idea that we don't just "EAT TO LIVE"! Why we like to eat? Simply, great food makes us happy. Traditional 色、香、味, are of course the key to Master Dishes, but "食德" is equally or even more important! There are quite a number of aspects to "食德", what I want to point out today is Service Attitude! I haven't been to a restaurant' with that poor service for a very lon

最近天氣涼涼地,所以嚟咗食煲仔飯呀~知道呢間嘢好full 下,前一晚打電話嚟book位,都係得番8:30 同 6:00 ... 勁呀^^大約一年前食過~覺得好味丫,今晚再嚟食過呀...因為最近無雞供應呀~叫咗白鱔排骨煲仔飯($44) & 羊腩煲 ($90)附送時菜一碟8:25左右嚟到,等咗一陣有位呀,係等的過程我己經落咗單了~坐低後,食住個羊腩煲等.......... (好好味呀,可惜就少咗d肉囉) 90蚊都幾貴下...好彩有羊腩食喳...等到9:20才有飯食...好香既豉汁白鱔,白鱔香味混入飯既香味..d魚肉好香好淋...good ar 但排骨就無驚喜~呢間嘢真係好full, 好多人無訂位都無得食.....(大家記住訂位呀)

太座極想念這兒的煲仔飯。自從上年尾來過後，太太已不斷嚷着要重溫舊夢。今次趁天氣凍了一點，就馬上要過來訂位了....上次是一行四人來訪，今年則只有太座及小朋友仔相陪，因胃納問題，能試的自然不多，唯有專攻煲仔飯了....話雖如此，還是要重温一下上年吃過後驚為天人的荔芋油鴨煲。事隔年餘，是晚吃到的令人有點失望。望上去像水汪汪的，吃上口後也覺是如此，creamy程度遠遜舊時，且椰奶下得不夠，香味欠奉。吃至此，太座登時有點扁扁嘴了可幸芋頭質感仍頗"粉"，還吃得過；油鴨就偏瘦了點，油香欠奉。整體來說，這招牌是有點撑不住了不過，作為正印的煲仔飯卻是保持水準。一向覺得，這裏的煲仔飯餸料水準並沒有甚麼了不起 ，但最出色的還是那白飯及無敵飯焦。這兒的飯粒煲得粒粒分明，不會太爛也不會太硬，韌度正式啱啱好，配上豉油，吃一兩煲淨飯也是等閒事la飯焦一挑即起，完全沒有燶底，吃上口猶如在吃充滿飯香的薄脆一樣，極精彩。最難得的是每煲也能找到如斯水平的飯焦，水準極平均。小朋友仔未吃過這兒，拿着那飯焦愛不釋手，差點讓她全吃清光光是那飯焦，已值一個大笑臉了

昨天打波後一行五人又去西營盤的坤記食晚飯，到達時門前照舊有大幫人在等候，還見有人專誠駛車到桂香街，雖然已預早訂檯，但足足等了差不多一句鐘才可入座。 今天人頭較平日少所以只叫了五味菜，分别是 豉汁田雞煲仔飯、豉汁白鱔煲仔飯、茄汁煎中蝦、麵醬唐生菜、蒜蓉妙芥蘭及京都骨。今天不知大厨發生什麼問題，是否做咗股市蟹民還是雷曼兄弟，除了蒜蓉炒芥蘭之外每味菜都带極重甜味，連招牌煲仔飯的豉油都像是瑞士汁一樣只有甜味，茄汁煎中蝦用的根本不是茄汁，更像是它的招牌美極煎中蝦加糖，不信你們可跟美極煎中蝦的相片比較一下，問店員是否厨師落借了糖，她回應這碗是甜豉油當然是甜的。 難道你當我們第一次來還是從來食過煲仔飯哮嗎?！菜牌上的價錢都已上調了，但碟頭包括煲仔飯反而细了很多，那碟茄汁煎中蝦的蝦剪開成頭及蝦身兩件，用从掩飾份量嚴量不足，又不是大頭蝦試問都會有人吃污漕的蝦頭。一句到尾水準跟股市一般插水，下次大家都唔好浪費時間等候如此水準低的食物！

依間野成為我屋企近期最愛吃的飯堂~午市幾抵食~28蚊有炒粉面飯+例湯/汽水不過千祈唔好12點半後去....因為好多人加埋個度人手不足...漏單不特止...重要d野食冇咁好水準..(上次奶左野...碟碟都好咸..)午市值得推介豉椒牛肉炒河~所有野d味好夾,好適中~d河粉又冇黏埋一齊~晚市方面...因為見新店好似坐得舒服d...所以去左新店..點知我去果陣重未有煲仔飯....要舊店先有(依家唔知...因為都去左一段時間)我地唯有叫小菜~3個人叫左椒鹽鮮魷,京都骨,東江豆腐煲,豉椒炒蜆同蒜蓉炒油麥菜其實所有野都好好,因為全部都熱辣辣上~食得好過癮椒鹽鮮魷: 同出面唔同,依度係炸到金黃色,好脆~不過d椒鹽味就唔係好多~京都骨:絕對驚喜之作~以前食d京都骨都係担担肉..一定會"痴牙"點知食個一咬落口好淋~好似d煲湯豬肉咁~好明顯有炆過,d汁酸酸甜甜~好好味!!!!東江豆腐煲: 因為煲仔上,所以最後先黎..依個已經係五個菜最失色的了,冇咩特別,不過因為熱辣辣~我地好踴躍飲d湯~豉椒炒蜆:依間野d豉椒汁真係好多...雖然d蜆肉冇咩特別,不過睇在佢四十令蚊同豉椒汁份上~抵食~蒜蓉炒油麥菜:因為冇菜,所

同老豆老母女朋友行完上環，去坤記食飯，一樣多人，要坐馬路。出名煲仔飯既坤記真係一 d 都無昆人。煲仔飯水準依然。雙腸煲﹕飯身乾爽，軟硬適中，配上煲仔飯鼓油，無得頂！豬骨煲﹕多配料，豬骨大件但係無咩肉食，湯底唔差，幾好。但好似羊肉煲扺食 d…紅燒斑腩煲﹕足料好味，但無驚喜！

前晚去到西環這一個古樸的地方，去試下呢間坤記煲仔飯，六點幾去到好在唔係太多人，再遲d就要等位了，叫左 ....1. 椒絲腐乳通菜 ... 炒得幾好，有水準2. 黑椒牛仔骨煲 ... 牛仔骨好入味，洋蔥好甜，牛仔骨都好多件，正3. 臘味滑雞煲仔飯 ... d雞好嫩，有好脆的飯焦，豉油唔咸倒好多都得, 不過煲仔飯等好耐先到，食晒其他野d飯先黎4. 白飯一個 ... 無特別，用黎low黑椒汁坐裡面好大煙，食完之後成身煙味，好似燒完野食咁

是日老婆煲仔飯癮起，於是又去坤記，雖然在德輔道西開了新分店，但還是對這間舊舖較有信心，畢竟一眾阿姐和老細都留守在這裏。照例叫了膶腸田雞煲仔飯、椒鹽九肚魚、豉汁炒涼瓜。一切保持水準，涼瓜有鑊氣之飯仍爽口，九肚魚外脆內嫩、煲仔飯更是一貫的令人叫絶，飯焦金黃香脆，但又不會黐底，可以整塊夾起來食。可能是平日，新舖又分流了不少人，加上大熱天時，較少人食煲仔飯，當天下午仍可訂到位(以往要兩三天前預訂)，雖然仍然滿座，但沒有以往的擠迫，以往等一粒鐘的煲仔飯，今次只用20分鐘便上枱。埋單$109，抵食。

星期日專登去試, 但家人落單時佢話無煲仔飯, 失望, 但我聽不到沒有煲仔飯的理由, 後來亦忘記問家人, 唯有遲些再去試過最後點了2個小菜士汁白鱔 ...幾好味椒鹽鮮魷....可能椒鹽落少左, 他們炒的鮮魷同其他中菜館有些不同, 是較黃色的, 其他中菜館是較深色的, 家人話因他們用的油不是番兜油(千年油), 是否這樣不得而知枝裝汽水比罐裝平

位於西環的坤記，其聞名煲仔飯早已傳遍港九新界﹔其獨步靚飯焦更是只此一家，能夠每個煲仔飯都可以整個飯焦而起的，也只有它才能做到。(新店方面的情況便不太清楚了....)在這裡點煲仔飯有一個技巧，就是要在同時間內把想吃的都一次過點，絕對不要分開來，否則前後可以相差半小時以上。這是因為老闆的一份堅持，一檯十爐絕不增加數目，以確保水準可以保持著。亦因為煲仔飯製作需時，所以大部份客人都會點這裡的小菜來在"間場"時間打發時間。今天除了要了些小菜之外，也額外拿了在轉彎位的滷味進來一起品嚐，還幸老闆娘大量容許我們自攜食物，實在不勝感謝。先來的小菜<<椒鹽鮮魷>>，炸粉薄椒鹽惹味鮮魷彈牙宥咬口，如此這般又喝完了一杯啤酒，痛快﹗下一道<<油浸筍殼魚>>外表金黃底部皮脆上部肉厚夠鮮甜，實肉魚比其他魚出色的地方，就是其味道更濃更香。數十元便有交易，，物有所值~ <<咕嚕肉>>實為開胃之用，取其酸味令開始有點呆滯的味覺再一次回復過來。粉不過厚，酸甜來得自然，肉亦夠鮮味，如果沒煲仔飯隨後而來，必定來一碗白飯一起吃下去，一

老友話呢度好正, 趁早無乜人食左先. 果然我地坐低無耐就開始人頭湧湧, 主持阿姐仲要留枱俾熟客, 幾個食客想自己坐低都俾佢趕返出去, 果然係有D唔憂做. 六點半就食晚餐, 胃口真係一般般. 簡單食左三個菜:1. 椒鹽鮮魷: OK. 魷片好新鮮, 彈牙到不得了. 炸野火喉掌握得好, 魷魚仲有D柔軟. 唯一唔好係蒜粒偏咸.2. 豉椒蜆: 呢個大路菜居然唔多得, D蜆好削, 有D仲有沙. 豉汁味道就幾好, 唔係得個辣字.3. 蠟味滑雞飯: 等足廿分鐘, 主角終於出場. 開蓋一陣飯香肉香沖出嚟, 淋埋黑過乳膠漆既甜豉油, 撈兩撈馬上開飯. 絲曲細米粒粒分明, 夠乾身但一D都唔硬, 撈埋豉油古銅色更加誘人. 牡丹夠哂靚, D綠葉都係超班. 蠟味除左蠟腸太瘦, 蠟肉同潤腸都係頂呱呱, 一半肥膏一半肉, 瘦肉沾滿哂D膏既油, 蠟味應該係咁. 唔通西環D蠟味靚D? 滑雞更係一著, 滑之餘仲幾有雞味下, 就憑呢點可以同電車路D茶餐廳分個高下. 鍾意滑口既人可能會覺得咁係唔夠滑, 因為雞背白肉係有D渣的. 好多人食肉淨係講滑, 話之D梳打醃死哂D肉味. 我鍾意食肉, 唔係食用膠, 乜都滑口就得, 點解唔淨

我們是去桂香街的舊店的。「坤記」在當區已是出了名的，其小菜固然不錯，卻也不及它們的煲仔飯出名，為了辦這個飯局，朋友已於較早前訂了檯，到了六時多，其也已訂了檯的食客，也陸續進入，原本很靜的一間小店，立時熱鬧起來。採用炭火加石油氣混合來煮飯，其老闆兼師傅，就是一個人在一個細小的角落裡，每晚都在看火侯和翻蓋子，忙個不停。長期對著個火來工作，應付大量的客人，不辛苦才怪，正是「力不到，不為財」。先來幾個小菜作「間場」，計有椒鹽魷魷、油浸筍殼魚、生炒骨和乾煎中蝦。大體上算是不錯，椒鹽鮮魷初炸起時是十分香口的，平平地幾十元一條筍殼魚，漫火油炸下，其外表呈現金黃，外層有點脆，而內裡的魚肉也鮮嫩，咕嚕肉的酸甜汁，其色澤和味道調教得不俗，也滷得入味，略嫌炸得不太夠脆口，乾煎中蝦用上美極醬油，蝦肉爽口，亦吊出其鮮味出來。煲仔飯共有六款，分別是臘腸飯、窩蛋牛肉飯和田雞飯、排骨、滑雞和白鱔。其配料固然新鮮，白鱔雖不是最當造的時節，仍然不俗，而其所用的米，據聞是用幾種米混合來作調配的，加上火侯控制得宜，其爽口飯身，帶點軟糯的口感，最重要的，是每一個煲仔，都能起出一大塊脆而不焦的飯焦出來，在其他地方，實在不易找到。

由不知何時開始,煲仔飯同火窩一樣,無須一定邂逅在傷春悲秋,一年三百六十五日,一樣可以對住煲仔飯同火窩,高歌一曲四季歌.就是如此的進化論,在八月的某個氣溫三十度的一夜,七個甘去蹈火海的人,乖乖坐在西環桂香街的煲仔飯名店"坤記".夏日炎炎本來正好眠,我們仍樂於同炭爐煲仔搏鬥,果然是火山孝子.踏正六點,在門外的人龍,開始魚貫地入場.由於炭爐煲仔需時,除一些煲仔菜式之外,亦要叫一些小炒來作"間場",食住小炒等煲仔.雖然是間場戲,但其小炒水準絕對不賴.椒鹽鮮魷脆漿不厚,甘黃香娶,鮮魷彈牙,油浸筍殼的魚皮又是香脆,肉質纖細嫩滑.而豉油皇煎中蝦,未吃已聞到陣惹味的美極醬油味.惹味到連殼也吞下,咕魯肉也比街邊的胡塗貨色好.吃罷小炒,煲仔就陸續上場,有臘味飯,田雞飯,牛肉飯,排骨飯,白鱔飯等等,夏天吃臘味有點點同大自然搞對抗,我們炎夏吃煲仔飯,已經是反傳統,為何不可?一向愛潤腸多過臘腸.這店用的潤腸很甘香.臘味底下的飯底,每粒分明,生熟程度較得很好,粒粒直豎舞指.而飯底亦滲進臘味香,吃落更得心應手.底下的飯焦,香脆鬆化不過焦,火喉掌握得好,是功力之所在.其他的牛肉飯,排骨飯也不俗.白鱔同田雞也很高水準,

14-5-08 (三)上次沒有訂位，無煲仔飯而返，今次去電訂六時正，才成功有位。一心想試煲仔飯，叫了白鱔滑雞煲仔飯和臘味牛肉煲仔飯。等侯期間看見小菜也很吸引，又大碟，又惹味，看見蜆介鯪魚球大大粒，新鮮熱辣，流哂口水。等呀等，幾近一個鐘，煲仔飯終於現身。白鱔肉厚味鮮，滑雞又滑又嫩；潤腸雖皮不脆但味很香，牛肉也嫩滑可口。這麼美味的煲仔飯如果份量大些和不用久等就更好了。

琴日同幾位舊同事黎呢度食煲仔飯。我地訂左九點鐘，我地早左少少到，不過都好快有位。唔係好覺個四眼女人好惡，唔通因為琴晚唔多客？！我地四個人叫左窩蛋牛肉飯、白鱔滑雞飯、臘味排骨飯、椒鹽鮮魷、蘿蔔牛腩煲、蒜蓉芥蘭、豉椒炒蜆、椒絲腐乳通菜同埋四枝大藍妹。煲仔飯~一個字形容...好味！飯焦夠脆！鮮魷新鮮、芥蘭靚，不過碟頭細左D。牛腩煲42蚊抵食。有機會一定再黎。