四季煲仔飯

營業中

休息中

突然凍左就會想去食煲仔飯油麻地有幾間煲仔飯都好多人排隊，今次揀咗去四季煲仔飯1. 白鱔膶腸煲仔飯 $91每次食煲仔飯都會揀白鱔膶腸，因為平時好少機會食到白鱔，膶腸係必加，有油香既煲仔飯先好味，睇營養師既三年都冇得食🥲2. 滑雞臘腸煲仔飯 $72雞好滑又香唔太肥，臘腸都好好味3. 鴨蛋蠔餅 $48食咗幾次，今次好乾，無乜蛋咁，唔夠厚，蠔都比較少星期六夜晚6點去都排咗40分鐘先有位，唔想等嘅可以叫外賣拎返屋企食，連煲加$8，不過煲仔飯都係即食先好味🤤抵食：4/5味道：4.5/5

假日7pm，雖然多人，但條隊好快清，等10分鐘就可以入座。而家煲仔飯仲送飲品，我地叫左蠔餅、通菜同煲仔飯。臘腸排骨煲仔飯排骨好嫩滑，臘腸咸香有肉感，煲仔飯煮得岩岩好，米飯乾爽咬落軟綿，飯焦香脆，唔會燶哂。白鱔滑雞煲仔飯白鱔皮爽肉彈唔腥，雞肉超嫩滑，煲仔飯一樣做得咁好，比之前好左。鴨蛋蠔餅（小）炸得夠透，超脆口仲好香，油味都重，所以食完有點膩，但蠔超級大粒又肥美，好抵食，份量足，粒粒都飽滑肥美脹卜卜。腐乳通菜個腐乳醬味道濃郁，咸香有層次，仲有酒味突出，配通菜一流，份量亦很足。

12月19號下午睇完戲後,就去食約定咗好耐嘅四季煲仔飯,我哋仲要係當日晚間第一台嘅食客,所以等咗唔係好耐,我哋叫咗,一個細蠔餅,一個牛肉臘腸煲仔飯,金銀蛋芥菜湯,我覺得個蠔餅煎得非常之好,因為啱啱炸起內脆外軟仲有淡淡鮮味！

呢間位於油麻地雅打街56-58號舖，店名叫”四季煲仔飯”，呢間店油麻油地地鐵站C出口，直行轉左再向前行幾個舖位就是，每日都很多人排隊食，因為這裏有很多唔同種類嘅煲仔飯，今次我選擇臘腸排骨煲仔飯，加一碟細豪餅，煲仔飯來到嘅時候加小許豉油蓋一陣再開蓋食，係好好味的，食完低飯蕉重好味，脆卜卜，除左煲仔飯出名之外，其實豪餅也很出名，此店豪餅是用鴨蛋做豪餅，好香，夠味道。冬天其實除左食蛇羹，煲仔飯也是一個好嘅選擇。

天氣凍返梗係要食煲仔飯，好多年冇食四季，以前諗起食煲仔飯一定係去四季。估唔到水準差左咁多。都明疫情問題生意難做，但係咁既環境都坐到人貼人咁，真係坐落都唔安樂。然後張檯污糟到不行，佢清潔完我再用濕紙巾抹多次，張紙巾都仲黑色既。叫左白鱔滑雞飯，滑雞大概有三四粒既分量，白鱔大概有五片左右，然後啲飯係完全唔香唔好食，唯一可取，熱囉。蠔餅又油膩到不得了，又唔多料。連個菜都要問兩三次先上。真係，如果味覺正常，又想舒舒服服咁坐，我相信附近有好多更好選擇。完全冇意欲影相，係咁易影左一張蠔餅。

和老公拍拖時常去，尤其是喜歡它膶腸排骨飯，生菜鯪魚肉豆腐湯及炸豪餅！10年過去，價格翻三倍，味道還可以，只是地飯不干爽，豆腐湯內豆腐變了迷了小豆腐，鯪魚肉多了粉！蠔餅水平仍維持度！

雖然呢排天氣好熱但經過廟街總會有少少心癢癢想食煲仔飯難得行過見到四季煲仔飯唔使排隊當然要食啦入面其實就冇冷氣嘅但每個坐枱都有把電風扇掛係上頭所以都唔會話太熱煲仔飯嘅價錢小貴啦揀咗臘腸滑雞煲仔飯（$68）送雪櫃嘅罐裝支裝飲品例如有支裝茶同汽水煲仔飯嘅飯份量好多雖然飯有少少濕同硬但係都可以接受而雞肉就好滑、臘腸都幾Juicy撈埋甜豉油送飯都唔錯另外叫左份細份蠔餅 （$48）蠔餅嘅粉漿啱啱好每一啖都食到大大粒嘅蠔仔肉蠔仔肉水潤又新鮮真係唔錯總括來講喺夏天冇冷氣嘅地方食煲仔飯的確有少少辛苦但味道唔錯又唔洗排隊下次都會再黎

係附近睇完戲就順便到以前排長龍既四季煲仔飯食晚餐，但今晚唔需要等位兩個人叫左蠔餅、雞肉排骨煲仔飯同埋通菜可能我地去到已經比較晏，炸出黎既蠔餅比較深色，但都好脆的，蠔肉都唔少但煲仔飯就普普通通，唔夠焦香，不過不失

去到廟街不少得去呢一間煲仔飯...一入去叫左個蠔餅..兩個煲仔飯...一個排骨煲仔飯...一個雙鳝飯..咩叫雙鱔飯...（黃鱔加白鱔）....叫完飯...不得不叫一煲湯飲下...真係好味

比老哥帶黎食煲仔飯地方比想像中涼快bo, 都巧多位置下三十幾位應該都坐得落。 點左個窩蛋牛肉煲仔飯（蛋要趁熱打落去再蓋住焗下先，不過小心個蓋燙手）肉片都幾多下架。排骨煲仔飯料多但煲過左火候所以d飯食落有焦味，飯焦開始偏苦的個種程度，但整體上okay的。梅菜雞煲仔飯個人覺得係三種中最好食的，因為梅菜會為d飯帶多般鹹香味，d雞又幾滑下。叫個腐乳通菜，菜係水煲好似話開唔到爐定咩，最欣賞d腐乳不太死鹹幾好食。佢個鴨蛋蠔餅好食丫可惜好細份

星期五6:30pm去到，可能時間尚早，唔使等即刻有位。食物方面：1. 臘味煲仔飯 - 啲臘腸同潤腸好夠味，所以落少少豉油就已經夠曬味，可以覺得唔夠先再加，如果唔係好易咸過龍！2. 白鱔煲仔飯 - 啲鱔肉係爽脆嘅，算鮮味，讚👍🏼3. 腐乳通菜 - 個腐乳醬真係好好味！4. 煎蠔餅 - 好香口好脆，兩個人去食叫份細嘅已經足夠，有兩大片。最後加埋支烏龍茶，盛惠$220埋單⋯⋯ 7:30pm走人，門口已經有大概10個人排緊隊！

今日想食𧐢餅煲仔飯梗係去返油麻地廟街嘅四季煲仔飯🙌🏻每次去到都大排長龍至小等半小時以上但今日完全唔使排隊🤭🤭🤭可能疫情嘅關係真係少咗人出街😌但無影響到我嘅食慾😜及佢哋嘅出品👍🏼今次又叫返金銀蛋芥菜肉片湯好大碗只係六十幾蚊好抵及好好飲唔多味精飲完喉嚨唔確😉跟住梗係叫我最愛嘅大鴨旦𧐢餅有兩大塊炸得鬆脆又夠熱基本枱枱都叫冇得輸🙌🏻最後就係熱辣辣臘腸排骨滑雞煲仔飯又係會令你一試❤️上嘅煲仔飯😋排骨有咬口滑雞肉嫩加埋食煲仔飯必加嘅臘腸yummy day👏🏻

👏🏻冬天咁凍 梗係要食暖笠笠嘅煲仔飯聽聞廟街呢間有成30年歷史 一於去試吓🤣-臘腸排骨飯 臘腸多汁肉味濃 開蓋落咗豉油後再焗多咗3分鐘 不過飯蕉唔係好多 飯食落有啲啲濕排骨都係正常份量 肥肉比較多 整體比較普通 有少少失望跟飯會送埋野飲 係支裝嘅大汽水 呢點都幾抵讚👍🏻-臘味飯 店員事先有講佢哋係冇臘肉供應只係包一條臘腸同潤腸 賣相有點空虛🥲幸好兩條腸嘅質素都唔差 潤腸好香玫瑰露味食落送飯都幾好 同埋咁岩呢個飯就比上一款乾身飯蕉效果真係煲煲都唔一樣 好睇運氣😂-鴨蛋煎蠔餅 有分大細兩個size 兩個人叫細份就啱啱好蠔餅煎得好脆 上枱時熱辣辣 比平時多左鴨蛋既香味食落鬆脆好多 蠔仔份量不算多 但都可以接受配埋枱面嘅豆瓣醬風味十足 幾建議大家叫呢個好味評分😋：4 /5🌟🌟抵食指數🤑：4/5 🌟🌟餐廳環境 🤪：3/5🌟🌟價錢💰：臘味飯 $66 臘味排骨飯 $68 細鴨蛋蠔餅 $47地址📍：四季煲仔飯 油麻地鴉打街46-58號

相信係冬天嚟香港旅行乜必食嘅菜式之一。可惜這個冬天不一樣，今年遊客人數實在大減，平時排晒長龍嘅四季煲仔飯，今日唔使等位直接有得食。當然可能亦都係因為我黎嘅時間唔係高峰時段。食煲仔飯唔少得臘腸，今次叫咗兩個煲仔飯分別係臘腸滑雞同埋臘腸排骨。雞肉同埋排骨一如以往鮮嫩多汁容易入口，加上餐廳嘅豉油，將煲仔飯嘅飯香提升到另一個層次煲仔飯出爐即食真係相當好食，又係一樣冇可能外賣嘅菜式。除咗煲仔飯當然仲有四季嘅招牌菜式，炸蠔餅。粉漿加蛋打發，再撈埋蠔仔去煎，酥脆得來完全唔油膩，只係略嫌蠔仔好似少咗跌啲不過真係好值得一試。

最近氣溫又下降 好岩食個暖笠笠既煲仔飯～依間聽講係廟街煲仔飯既始祖，有超過30年歷史。朋友話一向都排長龍 而家少人可以直接walk in✅ 牛肉滑雞飯 ($68)✅ 鳳爪排骨飯 ($68)牛肉同雞肉都好嫩滑！腌過所以有少少偏咸 建議豉油撥開肉 淋飯。鳳爪正常 排骨都入味。飯量都幾足 不過我覺得偏濕 可能再焗耐d先開蓋比較好（？）有飯焦！！➡️ 腐乳通菜 ($25)正常 夠大份🦁 四季煲仔飯 (油麻地)油麻地鴉打街46-58號🦁 人均消費：$80｜推介：❣️❣️❣️❣️