四季煲仔飯

營業中

休息中

係到食煲仔飯就一定唔係食環境, 因為一定比不上餐廳, 但食既係香港既地道風味同氣氛!充滿飯焦既街邊煲仔飯, 即叫即燒熱辣辣, 火侯控制好, 飯粒粒分明.有好多不同配料可選, 雞, 排骨, 臘味, 田雞等, 呢D就係比較大路既choice.加埋炒碟蔬菜, 叫個炒小菜, 又滿滿足足既一餐lu.

天氣變冷，第一時間就諗起去食煲仔飯。廟街附近有不少出名的煲仔飯，但我偏愛四季煲仔飯！星期四晚7點去到，已經見到長長的人龍，個個都排隊等食煲仔傻田，等左差唔多30分鐘，就可以入去等食煲仔飯！今次揀左牛肉排骨冬菇煲仔飯和潤腸滑雞煲仔飯，煲仔飯熱騰騰，香噴噴，食完真係暖哂。環境唔係靚，但即叫即煲既煲仔飯，價錢合理，份量足，值得一試！今次人少少，試唔到另一樣出名的蠔餅，餐廳提及蠔餅是用鴨蛋煎，見到其他食客有食，下次真係要試！

好多年冇黎食喇，每次去到附近醒起想食佢，都因為條隊太長而打退堂鼓。尋晚夠凍，13度既晚上，真係好想食煲仔飯，就排左30分鐘隊。兩個人，點左一個白蟮滑雞飯，一個臘腸田雞飯，一個金銀蛋芥菜肉片湯，一份細蠔餅。白蟮滑雞飯，滑雞真係滑，白蟮唔係林身，肉爽實的，是新鮮的感覺。臘腸田雞飯，臘腸選料半肥瘦，咬落去唔覺肥膩。田雞今次的比較瘦小。如果食到多肉啲既就更開心。芥菜湯一如以往，好飲。菜同肉都夠多，仲有一隻咸蛋，一大隻皮蛋。完全足料炮製。味道方面係偏重了一點，較咸，不過佢落一隻咸蛋黎煲，一定會咸，我其實又喜歡既😬蠔餅，咸蛋蠔餅，好鬆化，兩塊47，4塊94，我就點兩塊啦，反正食多2塊都冇著數。總體黎講，質數高，價錢合理，唔怪得之一直keep到咁多人食啦！

一到冬天就會想食熱辣辣、暖笠笠食物，除左平時常吃的打邊爐/雞煲，今次專程到訪廟街食煲仔飯，踏上尋找飯香之旅。其實香港有好多煲仔飯傳統老店，我地揀左其中一間人氣之選 - 以炭火焗煮而聞名的四季煲仔飯，排左大約40分鐘可以入座，可見煲仔飯真的好受香港人歡迎。食煲仔飯需要付出一點時間和耐性，在等候期間，我們點了炸鴨蛋蠔餅、腐乳通菜先填填肚。鴨蛋蠔餅分量超大，每粒蠔仔十分飽滿，蠔餅炸得酥脆香口，加上鴨蛋比雞蛋多了一份濃郁香氣，不沾醬油已經好好味。腐乳通菜爽脆嫩綠，將蒜茸、腐乳醬爆香，再放到通菜一旁，可以隨著自己喜好調教口味，確實細心。在吃蠔餅的中途，主角煲仔飯已經登場！煲仔飯選擇衆多，我們分別點了白鱔排骨和滑雞煲仔飯，上枱夠熱，雖然知道白鱔營養價值高，可是我真的不太喜歡其口感，朋友卻十分喜愛，大讚白鱔蒸得爽脆鮮甜，肉質肥美爽滑，看他吃得很滿足。而我的滑雞煲仔飯亦同樣出色，雞肉夠厚身夠滑嫩，分量很足夠，加上自家製的醬油吃得很惹味，飯焦脆口不會太燶，香味撲鼻，份外誘人。

最近天氣開始轉涼🌬🍂又係時候食d暖胃野, 今晚男朋友提議去廟街附近嘅四季食煲仔飯🥘, 可能時間尚早, 六點半去到只有幾枱客人, 所以唔洗等就可以直接入去坐, 煲仔飯嘅款式較為傳統, 以簡單配搭為主, 我地點左兩個煲仔飯🥘, 一個蠔餅同一碟菜🥬! 等上菜途中比眼利嘅男朋友👦🏻🧐🤓見到枝裝大可樂, 即刻叫番枝嚟gurgur去🤣🙈潤腸排骨煲仔飯🐖🥘煲仔飯嘅米飯算乾身, 食落去仲有陣陣炭香, 不過飯焦較少! 潤腸味道甘香醇厚, 齒頰留香, 排骨唔算好肥, 不過肉味幾濃! 甜豉油有用料頭煮過, 香甜味美!😋臘腸滑雞煲仔飯🐔🥘臘腸味道唔錯, 不過唔夠肥美, 油脂較少, 滑雞肉質鮮嫩!☺️鴨蛋炸蠔餅（細）蠔餅口感鬆脆帶咸香, 蠔仔味道鮮甜!腐乳通菜🥬通菜味道正常, 不過不失, 腐乳份量非常慷慨!🙈

【臘鴨滑雞煲仔飯】HKD77-natfoodiary伏 👈🏻好耐無出現過呢個tag！呢間嘅蠔仔餅同煲仔飯質素真係差天共地😱 煲仔飯真係好難食🤢 滑雞🐔 唔夠滑，只係得三粒。臘鴨唔多咸，仲要切得得唔好，三塊連埋一齊，見其他人都係咁，唔知係咪特色黎呢🤣 煲仔飯🍚係最過份！無煲仔飯香無飯焦，濕到痴線😞 我地同個店員講啦，都好好話整多個比我地，點知第二個啲飯係好濕..... 總之就...不可一不可再！！！

四季煲仔飯 #油麻地 #廟街廟街裏面最出名嘅煲仔飯應該離唔開四季煲仔飯，成日都大排長龍。嗰日試咗個白鱔滑雞飯 $87 不過嗰日太肚餓掛住食唔記得左影😭但係都照介紹翻。啲白鱔同埋雞的確係幾嫩，不過只係得六七舊左右，而且又唔係真係好特別。個豉油又唔係特別好食，煲仔飯最重要其實都係用個豉油黎調味，所以個豉油麻麻哋真係一大敗筆。另外食煲仔飯都係想食個飯焦，點知佢嘅飯焦一啲都唔香脆，仲要係淋嗰隻，所以都幾失望。味道:2.7/5性價比:2.5/5 相反佢哋嘅鴨旦蠔仔餅就出色好多 $46 (細，兩件) 炸得非常香脆，但係又唔會刮口，蠔嘅份量亦都唔少。最特別嘅係佢有浸好香嘅蛋黃香，可能係用咗鴨旦緣故，所以的確比平時普通食到嘅豪仔餅更加香口。味道:4.1/5性價比:4/5 整體來講我覺得唔值得要排咁耐去食，唔特別推薦，如果真係咁啱見到無冇人排隊先試一試啦。

同🇯🇵朋友行完廟街係時候要搵野食醒起廟街必食煲仔飯啦同埋蠔餅咁岩🇯🇵朋友又未試過所以帶左佢黎四季🇯🇵朋友話我點邊款都得因為menu得中文 我都懶得翻譯lu所以我點左雙拼咸魚滑雞飯大概等左10-15分鐘左右個飯就黎喇!🌟鴨蛋蠔餅 半份（有兩塊 ）$4️⃣7️⃣我地兩個人所以都算夠食每一啖都脆卜卜超香架💕蠔仔量適中 唔多唔小煲仔飯黎到之後，姐姐話要即刻開蓋😳🌟雙拼咸魚滑雞飯$6️⃣6️⃣落醬油再焗一陣就食得架喇日本朋友表示非常有趣好玩佢覺得咸魚好香雞又嫩口飯焦有牙力既人可以放心食如果食兩個佢一個人食曬都OK😋P.s. 帶外國朋友黎一齊扮遊客享受下煲仔飯都幾開心，黎齊即收錢，好香港feel ar🔥🔥煲仔飯又香噴噴，飲品自己拎。

有個喺美國返嚟嘅朋友，諗住同佢聚一聚，問佢想食咩，佢竟然話想食煲仔飯。咁我就帶佢去呢一間四季煲仔飯。我好耐之前食過一次，今次再食希望佢唔會失水準，我叫咗個滑蛋牛肉飯， 佢就叫咗個鹹魚肉餅飯，另外我哋仲嗌咗一個通菜，估唔到佢個通菜份量都幾多，最重要係只需要廿幾蚊，真係覺得超級抵食。佢個滑蛋牛肉飯一上到嚟已經好吸引，係啱啱新鮮整起。佢個鹹魚肉餅飯都唔錯，其實唔係肉餅，係肉，但係味道都可以接受。我自己就鍾意食滑蛋牛肉飯多啲。焗一焗個底仲會有飯焦。Btw佢呢度好特別係畀咗錢先上菜嘅，不過唔緊要啦好食就得啦。

同小朋友去完街要搵野食，心血來潮又想食煲仔飯，所以特登出去油麻地。之前求祈食過一間覺得普普通通，知道四季好似係比較出名，所以就去試一試。睇完個餐牌覺得比上次食果間貴左D，可能因為出名D?我地叫左滑雞牛肉煲仔飯同臘腸排骨煲仔飯，另外叫左個細蠔餅同腐乳通菜。兩個煲仔飯得一個有少少飯焦，另一個好似白飯咁，完全無焦。煲仔飯無焦同蒸飯無分別囉這間的蠔餅比較脆，幾好食，但份量就真心細，蠔好少。腐乳通菜幾好。今次食完之後我覺得上次抵食D囉！

今天帶兩位外國來的朋友 來吃香港有名的煲仔飯門口外面排著很多人我們來得尚算早，排了半小時便可以進去了。排隊期間跟後面的老客戶聊天。他說以前吃的時候才十幾蚊，現在這間店出名了賣得很貴但仍然好吃。😍我們點了排骨臘腸煲仔飯， 臘腸潤腸煲仔飯。說實話有點失望因為作為煲仔飯飯焦是十分重要的!但這個煲仔飯 可能人多員工不足關係 煮得比較沒有飯焦飯也淋同多水👎👎👎👎性價比十分低。。。再到有名的炸蠔餅蠔餅炸的很是酥脆亦有淡淡鹹鴨蛋鹹香味道很不錯，可惜略帶油膩。味道:4/5分另外有腐乳通菜想說減省一啲油膩感是清燙通菜很新鮮味道沒有很特別就是了。味道:3/5分總括來說，作為一間有名的煲仔飯店，煲仔飯沒有足夠的飯焦，令我十分失望。大概現在主要做旅遊客的生意不是本地客生意。如果是帶外國朋友來的話。。還可以小小一試的。

油麻地有兩間好出名嘅煲仔飯, 個人比較偏向四季煲仔飯雖然另一間鋪頭分店較多座位多, 容易啲入座唔使排隊, 但每次去到都寧願排條長長嘅人龍, 等食四季煲仔飯😁佢嘅煲仔飯我同先生食過好多次, 好味就唔在話下, 今次主要係想讚一讚佢嘅蠔餅😋雖然蠔餅份量比起當初食嘅時候係變細左, 但係食落去嘅味道同質量係冇變嘅, 蠔仔嘅數量一啲都唔少, 亦唔會覺得啲粉好厚, 基本上係一炸好就即刻上枱, 一咬落去非常香脆, 有濃濃嘅蠔仔味, 加上淡淡的粉香, 唔會覺得好油膩, 點上醬汁更加畫龍點睛😋非常推薦

經常見到好多人喺門口排隊，某日經過心血來潮同老公試下，入去坐低之後都等咗好耐先有煲仔飯送上，味道十分一般，唔值得排隊亦唔明白點解成日咁多人排隊食唔會再去......

世界變了，而家早晚溫差好大，定唔知我身體差左 😂 感覺到有啲涼意，要食返啲熱野暖下身 🤡 今日終於食左呢間全港號稱最強嘅煲仔飯，條隊排到去街尾，有咩咁勁，今次食左就話你聽點解咁勁，食左 #臘腸滑雞飯 同 #北菇滑雞飯 $63，哇 😍 係臘腸，係北菇，係滑雞呀 🤤🤤 咁又點，咪又係碎料，個飯一啲炭燒香味都冇，飯焦一粒都搵唔到，有乜 q 咁好食，乜炮都冇呀，打嘴炮就最叻，實戰原來係空氣炮，真係哂氣，搵件靚雞 ..... 嘅盅飯食好過，廿幾三十蚊就有嘅貨色！-The world changed. Day and night difference are very big big channel. Maybe my body is weak so I feel siu siu cold and need something hot. I go to school by bus to be here. Oh! The queue is long. Is it what? I will tell you how good is it. I ate #SausageChickenRice and #

廟街係老外眼中充份表達香港既情懷: 擠迫、夜燈、平貨、熱鬧🎊歌舞,💃🕺而處於廟街尾(定頭?) 既, 油麻地一帶就係廟街既胃, 當中殘忍既煲仔飯更加係地區特色 (你有無見過廣東以外用沙煲煲飯先😎) 事隔多年後重返FOUR SEASON煲仔飯, 又再記起, 呢份回憶中夢寐😘今日早到唔駛排已經有得食, 舖頭真係食堂風格, 多年黎都係用透明膠做門, 入面就好似個未交吉既裝修舖咁, 零裝飾, 摺枱同櫈小齊整咁一排排, 牆上貼住黃底紅字既餐牌, 好似天師啲符咁🧟‍♀️🧟‍♂️重點要有埋ENGLISH, 驚鬼唔識睇 (無歧視成份架) 煲仔飯外, 必食既係佢既鴨蛋蠔仔餅🍳以前因為鴨蛋平, 所以傳統既蠔餅都係用鴨蛋🦆今時今日唔係好多地方用番鴨蛋去做~ 兩塊炸到金黃色既蠔餅係吸油紙塾底下上枱; 炸脆既表面既你一篤開佢就知, 四季用番細蠔仔黎做蠔餅, 令蛋香味唔會比蠔既鮮味搶走, 而且炸得細細塊, 作為小食份量亦啱啱好😁😁 仲有腐乳通菜🥬上枱既翠綠色加埋一PAT既腐乳係家常口味, 但今日既通菜堅係靚, 新鮮無渣點埋腐乳, 簡單而味美🥰 到左主角咸魚🐟肉片🐷煲仔飯 (試下譯番做ENGLISH吖?), 呢度特色係黎