四季煲仔飯

營業中

休息中

沒有飯焦的煲仔飯記得以前食過呢間係不錯今次去食完全係垃圾，冇飯焦，但底下啲飯有燶到，黑黑地，但食落去一點都不脆，只係食到浸唔好味既燶味料正常份量但唔多，食到最後會淨番啲飯價錢又比較高蠔餅都一般新鮮炸出黎但係脆既程度得6/10分靠啲醬汁搭夠唔！會！再！去！食！

印象中幾年前去食好香好正，飯焦勁多。但今年再幫襯，飯粒偏濕軟，唔夠咬口，冇飯焦有啲失望。可能平日既關係，所以人唔多，唔需要排隊。接近90蚊一個煲仔飯既價錢有啲偏貴，而且冇以前出色了

今日趁天氣仲涼涼哋就嚟咗油庥地試呢間開咗好耐嘅 四季煲仔飯未夠7點去到已經坐咗八成人，煲仔飯款式都唔少，但除咗煲仔飯之外，現場亦都不乏叫炸蠔餅嘅客人。☄️臘腸滑雞飯 （$86）雞肉雖然唔會太多，做唔到啖啖肉嘅感覺。之不過肉身嫰滑，加埋惹味嘅臘腸同飯焦，難怪咁多人食！☄️鴨蛋蠔餅 - 細 （$72）雖然叫咗細份，但份量都唔少。蠔肉數量唔多唔少，炸粉味道都唔錯，算係幾出色！現場本地客同遊客人數都唔少，食完出去已經排滿哂人，唔想等位嘅朋友可能要早少少到啦！

由期待到失望1. 門口寫17：30 開市， 18:45先開始放人2. 我明白客人等得耐會燥底， 不過老細（我估）係咪應該冷靜處理？唔係同客係度單打.影響其他客人. 3. . 食物質素真的非常一般（ 臘腸雞飯可以出嚟個飯2個味都冇--臘腸直接食都冇乜香味，飯多不過餸少到呢.......飯焦都冇，排骨飯一半都係淨骨冇肉，不過都係得幾舊）4. 蠔餅唔差嘅，通菜...正常.5. 埋單果時有遊客問係咪得現金， 扮聽唔到， 遊客名店咁對遊客，唔優做？

網上話佢系煲仔飯始祖，心諗應該有口碑啦啩。夜晚6點去到已經有人排緊隊。6點半開市，入得好慢，差唔多7點先輪到我哋。出品都好慢，排隊嗰陣已經叫定，入到去坐低都仲要等幾個字先有得食。叫咗臘腸滑雞飯，從來未食過咁冇味嘅煲仔飯，平時屋企蒸嘅臘腸飯都香過佢。餸少，有飯芯，冇飯焦，食兩啖已經咬到牙胶軟。加咗勁多豉油都依然冇味。完全對唔住依個價錢同依個排隊時間！奉勸各位真心唔好幫襯！見到現場有好多游客，真心覺得依間嘢拆緊香港招牌。

天氣凍好想食煲仔飯，喺油麻地有兩間人氣店舖都好多人排隊👫👫👫我哋一人排一間，其實兩間都排了差不多半個鐘就到，不過呢間會先幫我哋落單就去咗呢度✌️鴨蛋蠔餅和腐乳通菜嚟先，蠔餅係炸嘅，啲粉漿都算薄夠鬆脆，但蠔仔就略嫌少咗啲😐通菜都算大碟ok架。等多10多分鐘就有熱騰騰嘅煲仔飯食喇♨️♨️♨️餸的分量都算幾多，飯再乾身啲就更好😍💕臘腸潤腸排骨煲仔飯 $90💕白鱔排骨煲仔飯 $99💕北菇田雞煲仔飯 $99💕鴨蛋蠔餅(細) $72💕腐乳通菜 $29💕可樂 $6

之前慕名想食，見到排長龍，唯有放棄。今日一早等開門入去食，大失所望。餸少，飯濕亦都冇飯焦，連煲仔飯豉油都係行貨。唔明點解之前咁多人排隊！唔通轉咗師傅？咁就真係唔推薦喇，求其一間都唔會差過佢。

少餸，叫白鱔得兩mm咁薄，個底燶咗又冇飯焦，一個伏字，對唔住$99，以前好食啲又冇咁貴，依家賺到盡，總之以後唔會幫襯。都唔明點解仲要排隊？欺騙遊客鼎龍一次，完全唔掂！

趁住夜繽紛去廟街食煲仔飯，叫咗個鍋蛋牛肉飯，侍應安排生雞蛋自己打落去，叫我哋焗五至10分鐘就可以食🥲，10分鐘之後，隻雞蛋都係生，煲仔飯沒有焦香，食唐記真係好過佢，真係未試過煲仔飯係凍，一啲煙都冇😟，收80幾蚊，貼錢買難受😟

又是一個有關情義結的故事，第一家在港吃的煲仔飯就是這家，每一次排隊也是考試嚟，而今次都係一個意志力嘅考驗！但等嘅時間都幾快，排隊40分鐘，食物15分鐘，以這個人流嚟講都算快，但其實味道咁多年都冇特別改變，相反價錢就貴了好多！

細細個喺廟街長大，由小學開始食起，搬離油麻地好多年，我記得細細個嗰時候油麻地廟街人頭湧湧，今次返到去都有啲唏噓啊，其實剩係得煲仔飯生存到，附近啲攤檔，甚至乎店舖都死死地，見證住30幾年嘅變化，講返正題先，細細個因為喺附近住宵夜屋企人買99%係煲仔飯，超好食，小弟尤其鍾意食排骨煲仔飯，排骨又林又入味，齒頰留香，多年後再試，好似差咗啲，但係問心呀其實都幾好食㗎，以前我見到佢係用炭火煲，而家就唔知係咪啦，最衰係夏天去啦，如果唔係冬天嘅應該會更加舒服，我經過嘅我都會想再去。

好耐冇行過廟街，人流真係少咗好多。廟街煲仔飯以前好出名，而家都唔使等，可以直入。裝修枱櫈應該十幾年都冇變過， 都係一模一樣，真係舊，不過都乾淨清潔。煲仔飯落完即煲，要等20分鐘左右，係熱辣辣上枱。淋咗鼓油，要再焗一焗，香氣會再出啲。嗰飯係正既，粒粒分明，有飯香，又有飯焦。- 白鱔飯白鱔好薄，好少，好快就得番啲飯。- 北菇滑雞飯賣相一般，比想像中少，雞幾滑，味道唔錯。- 鴨蛋蠔餅 (細) 招牌菜，必食。蠔餅炸得很鬆脆，好香口，都有唔少蠔，SIZE 都OK。鴨蛋係比雞蛋做出來更香。- 腐乳通菜炒得正正常常，多腐乳。

今晚我同屋企人去了呢間鋪頭食煲仔飯，價錢合理，用餐的環境都算不錯，我就叫了鳳爪排骨煲仔飯再加臘腸（三餸煲仔飯-83元），再加埋細的鴨蛋蠔仔餅（61元），非常一流，真係食得好飽😋，要頂住個肚埋單離開煲仔飯的精髓在於豉油，要落豉油，跟住要焗10分鐘之後先至食得，食到飯焦先至是一流👍，呢度就真係食到煲仔飯的真正精髓，再加上去呢間鋪頭的交通非常方便（油麻地站C出口），怪不得呢度就真係馳名中外的煲仔飯鋪頭👍

放工以後特別想食煲仔飯，於是從灣仔慕名而來，可是沒有臘味飯賣，就點了臘腸滑雞飯和一碟腐乳通菜。味道不算特別突出，中規中矩。覺得偶爾嘗下，轉下口味可以。記得煲仔飯上來後，淋上豉油要再蓋住蓋子燜10分鐘，我差不多吃完才聽到店家提醒隔壁的食客。環境不算好，簡陋乾淨。

喺網上面都有唔少評論關於呢一間煲仔飯，所以決定試一次。因為係一間老店，所以都冇得預期裏面嘅裝修會係坐得舒服，當然冷氣都充足嘅。🤔呢度最出名嘅，當然就係柴火煲仔飯，餸菜配搭都有唔少，但最經典同埋比較多人嗌嘅多數都係臘腸滑雞排骨同埋牛肉呢一類☺️。落完單大約等十幾20分鐘啦，的確熱辣辣係好有懷念嘅味道。不過爭咁少少嘅，始終砂煲就唔同以前食煲仔飯嗰一種。🫢不過已經都有八九成相似度，我叫咗嗰北菇滑雞都幾滑，而且味道都唔錯。啲飯絕對係粒粒分明。😉另外必食絕對係鴨蛋蠔餅，即叫即炸絕對唔會凍咗，蛋味夠晒濃郁，而且蠔嘅份量都唔少。😌不過最可惜嘅始終都係個態度實在麻麻哋啦、喺呢一方面點都要打下折扣，🥲又催落單又催交枱，😵服務態度非常差，語氣都唔好…😓