四季煲仔飯

營業中

休息中

晚上6點鐘左右就到，剛好不用等位，因為想食煲仔飯就黎試下，之前試過附近啲煲仔飯都好食既，不過呢間就未食過，貪新鮮既我就梗係試下啦。入到舖，唔係好多位，不過位同位之間都闊落，唔錯。員工態度就一般啦，黎到問我食乜，餐牌都唔比黎下點叫呀，我又唔係熟客。最後點左鳳爪排骨飯，細蠔餅，同通菜(係油菜唔係炒菜)。先講鳳爪排骨飯，67蚊送野飲，我要左一枝可樂。鳳爪得一隻，好咸，唔淋既，排骨就好細粒，仲要唔好食，飯就有少少濕濕地，唔夠乾，可能係一早整定既，因為叫左都唔夠十分鐘就有得食喇。菜都黎埋，好淋，都可能係整定既。蠔餅就差唔多食晒啲野先黎，新鮮整既，好熱，好正，真係好食。如果黎既話，淨係食蠔餅就好喇。因為煲仔飯同菜都掂。呢間舖得好少選擇，除左煲仔飯，油菜同蠔餅，就係得湯，冇其他野食喇。我去果日仲要得番一款湯。所以我最後都冇叫到。