四季煲仔飯

營業中

休息中

天氣開始凍所以好想食煲仔飯🥰對上一次食四季煲仔飯已經係3年前😱因為6點後無堂食所以外賣番去一拎上手果下好驚喜連煲都比埋我地🤩有埋個煲就算番到屋企凍左都可以整番熱🤪臘腸依然好味😋個底都有飯焦😋鳳爪排骨就比較遜色😟蠔餅番到去凍左無咁好食🥺但可能佢係用鴨蛋製作，加上蠔都大隻同足料，又有豆瓣醬，所以都無失望🤓

突然間想食煲仔飯，趁著禁6pm後的堂食快啲去食～以往食煲仔飯大排長龍，今日竟然唔使排咁耐！叫左⋯⋯一份細鴨蛋蠔餅，我唔太食蠔，所以比唔到評語～我男朋友話唔錯😜次次食煲仔飯我一定係食例牌～臘腸排骨飯我覺得臘腸同排骨份量還可以⋯⋯但好在食落都唔錯，排骨好滑～仲送大大支可樂，正！下面係臘腸滑雞飯，個樣好似同排骨一樣咁😗

👩🏻‍🤝‍👨🏼油麻地覓食終於等到天氣轉涼😍每年最期待就係11-12月天氣轉涼可以食煲仔飯嘅時候😚即刻約埋groupmate 奮鬥完後過嚟四季食飯🤤可能疫情關係啦去到舖頭門口已經唔使好似以前咁排長隊，可以直接入座🥢鴨雞蛋蠔餅每次嚟到四季我都一定會食呢個蠔餅，雖然依然係好香脆，即叫即整熱辣辣，不過就愈食愈比以前細塊🥲而家叫一個細蠔餅已經唔夠食啦🥢臘腸滑雞飯/臘腸排骨飯我哋三個女仔都唔知點解共同地好鍾意食臘腸所以兩個飯都揀咗臘腸🤣，滑雞真係冇呃人肉質鮮嫩，排骨都唔錯唔會話乾爭爭😍有食開煲仔飯嘅🤓都會知道個飯上咗之後先圍住個蓋邊落豉油，然後再因應你鍾意食飯焦嘅程度可以焗多陣或者即時開蓋🤓天氣涼兩地食呢個熱辣辣嘅煲仔飯真係寧捨正🤤🥢腐乳通菜唔知係咪太耐冇黎啦唔記得咗呢度嘅菜係白灼，開頭以為炒，小失望🥲唔知係咪真係疫情關係生意差咗，而家煲仔飯無論堂食定外賣都會送一支飲品🥢

好幾年無黎廟街開餐了突然想食煲仔飯想起呢度今次揀左四季七點零鍾黎到已經見到一條長龍了等左位大約30分鍾雖然好似等左好耐但難得黎到就唔想放棄點了~臘腸排骨飯大約等左15分鍾先有飯食黎到落左豉油焗多十分鍾先開餐(睇人地食評講的)臘腸味道正常排骨就一般般食到有幾件好似唔太新鮮既味道~梅菜滑雞飯本人覺得呢個好過臘腸排骨梅菜OK無沙的雞肉亦都正常兩個飯都食到飯焦(本人至愛)~蠔餅(細份)呢個反而有驚喜黎到熱辣辣咬落去好鬆化炸得剛剛好蠔仔份量亦叫OK~灼生菜可能落左油灼係好味既菜都算青綠咬落索索聲

星期日晚上8:00到埗，排左半個鐘入座，食飽都九點仲見到條隊。🍲煲仔飯比起以前食差左，唔知係咁岩今次失準定點，唔夠瓦煲香味、個飯亦偏濕、無飯焦🍲臘鴨牛肉煲仔飯臘鴨超多件，無斬開食得好狼狽，無乜鹹香油份🍲潤腸滑雞煲仔飯潤腸唔錯🥚鴨蛋蠔餅覺得個鴨蛋無以前咁香但都好食嘅🥬腐乳通菜正常整體合格但未算精彩，未食過可以黎試吓。

晚上6點鐘左右就到，剛好不用等位，因為想食煲仔飯就黎試下，之前試過附近啲煲仔飯都好食既，不過呢間就未食過，貪新鮮既我就梗係試下啦。入到舖，唔係好多位，不過位同位之間都闊落，唔錯。員工態度就一般啦，黎到問我食乜，餐牌都唔比黎下點叫呀，我又唔係熟客。最後點左鳳爪排骨飯，細蠔餅，同通菜(係油菜唔係炒菜)。先講鳳爪排骨飯，67蚊送野飲，我要左一枝可樂。鳳爪得一隻，好咸，唔淋既，排骨就好細粒，仲要唔好食，飯就有少少濕濕地，唔夠乾，可能係一早整定既，因為叫左都唔夠十分鐘就有得食喇。菜都黎埋，好淋，都可能係整定既。蠔餅就差唔多食晒啲野先黎，新鮮整既，好熱，好正，真係好食。如果黎既話，淨係食蠔餅就好喇。因為煲仔飯同菜都掂。呢間舖得好少選擇，除左煲仔飯，油菜同蠔餅，就係得湯，冇其他野食喇。我去果日仲要得番一款湯。所以我最後都冇叫到。

呢間鋪位人流並非旺盛地段，位置於橫街細巷，雖然有啲隱世，但特別在門口總有位伙記幫手招攬生意，未入到前已非常好態度推薦煲仔飯同埋煲仔飯做緊嘅優惠，令到身一身感受系非常之熱情餐店系傳統舊式茶記/打冷鋪格局，衛生感覺一般，不過有時傳統口味，必須去搵傳統格局老店先食得出功夫技藝，所以就因呢位熱情款待嘅服務員，令我哋揀選入去一嘗佢哋馳名嘅煲仔飯👉🏻蠔仔餅（可點細/大份）今次叫咗細份，份量嚟講適中，都算非常抵食唔少蠔粒，脆口蛋醬+粉醬都包住晒蠔仔，又其實唔會太厚炸粉感，望落就睇到炸開好好火喉咁，微蛋同蠔仔鮮香味，提提大家可以配搭鼓油/胡椒粉去食都系一流嘅調味手法喔🤤即刻更好味👉🏻臘腸雞煲仔飯（叫任何煲仔飯免費汽水1枝）伙記擺底煲仔飯後，會同客人講等多10分鐘後先好開蓋，原因系令到飯焦可以形成，不竟煲仔飯嚟講，大多數食家都知為咗「飯焦」啖滋味而來，乖乖地等夠10分鐘後，再用匙羹刮飯焦，撈勻佢哋嘅煲仔飯鼓油食，味道唔錯不過不失，飯裡都滲透埋臘腸同雞油嘅味落飯粒上唯一略厭系份量偏細份，一個人食的話加多碟油菜會更好👉🏻腐乳炒通菜呢個唔使問，最簡單嘅餸菜可以最好味，腐乳非常開胃同入味，帶鹹香味配搭通菜，可以

琴晚同朋友來食煲仔飯。可能種種原因，七點去到水靜河飛，睇得出幾位大嬸服務員應該好得閒。朋友係之後來到，坐低後佢問我有咩想食，當時其中一個大嬸係我地無叫佢的情況已經企咗係隔離，聽到我地交談似乎想叫北菇滑雞飯已經準備寫單，我見到同佢講等等先我地未落單再睇。然後同朋友繼續研究餐牌，過程中佢有好多野都唔食，個大嬸聽到我地研究食咩的時候就自己不停加把咀話可以叫乜叫物。由於覺得煩，我用比較強硬的態度話：得，我地自己會睇。佢終於收聲行開。最後叫咗二個煲仔飯，一碟通菜。個人覺得煲仔飯料可以菜都可以，但飯就一般。朋友覺得飯有些硬。基於唔算特別好食，加埋服務員好煩，無意再去。

早排趁着天氣仲涼涼地，打算喺天氣熱之前食多一次煲仔飯，咁啱喺油麻地行緊，唔使諗一定係去又廟街最出名嘅四季煲仔飯啦！平時去多數都非常之多人，但係當日去到呢有半個場都係冇人嘅，於是我哋就直接坐低，叫咗個我最鍾意食嘅潤腸同滑雞，再加隻蛋添。可能因為冇乜人，煲仔飯好快就上菜啦，上菜之後侍應姐姐都好友善咁話俾我哋聽加完醬油要再焗一陣先好食。四季果然冇令我失望，條潤腸非常之香，送飯真係一流呀！雞肉就正正常常啦都係幾滑嘅，對我來講係煲仔飯上面嘅蛋同埋煲仔飯嘅豉油先係成個飯嘅精華，吉穿隻蛋之後啲蛋漿流到成個飯都係再加埋另外加嘅蛋真係非常之好味😋四季仲有一個叫做鴨旦號餅嘅餸，睇落都非常之吸引，但係因為太飽冇叫到，下次一定要食到！

早排有幾日天氣突然轉凍，所以突然想食啲比較暖胃嘅食物～💨朋友介紹油麻地附近嘅四季煲仔飯🍲所以就趁機去試吓先🤓可能因為近排肺炎嘅關係，出街食飯嘅人少咗～☹️我同朋友係星期五大概八點去到嘅～大概有三成嘅位係有客人食煲仔飯之前我同朋友夾份叫咗一個蠔餅個人就覺得中規中矩蠔仔係好食嘅，但同時都太油🥺煲仔飯當然唔少得臘腸啦～我叫咗一個 臘腸排骨飯（$66）整體來講都非常開胃但個人覺得排骨嘅肉真係好少令到有少少失望如果下次你嘅應該會叫臘腸豬肉飯～朋友叫嘅係北菇滑雞飯($66)佢就覺得幾好食😋總括來講，我都覺得呢間煲仔飯係唔錯嘅不過至於會唔會再嚟 我可能要三思始終佢都冇好食到我覺得要再食多一次 🥶

*留喺屋企無嘢做摷返啲相機食先相出嚟寫吓食評先*-去食四季煲仔飯嗰晚係最凍嗰幾日市區得10度仲要落好大雨又濕又凍超攞命於是就同老公行去廟街食煲仔飯天寒地凍第一時間諗起煲仔飯應該都算係香港人嘅集體回憶吧人流少咗無咗自由行之餘都少咗人出街食坐得好鬆動我哋兩個人打算食完煲仔飯會再食糖水所以就叫咗一個飯share食(不同嘅侍應姐姐都喺唔同時間行過嚟問我哋洗唔洗叫多個蠔餅同汽水......)我哋叫咗個臘腸滑雞煲仔飯叫完過咗10分鐘左右就上菜成煲飯未開蓋都聞到超香🤤記得打開蓋落咗豉油再焗多5至8分鐘咁先會有脆脆飯焦！即刻開始分飯！每人分到兩個半小飯碗算係咁啦！個飯都做到粒粒分明幾乾身食到底刮到晒飯焦證明師傅煮米落水功夫到家👍🏾雞呢就有少少雪味不過佢都唔係主角😂所以可接受但條臘腸個腸衣就真係煙韌過頭😂好難先齒得開佢但煲仔飯又一定要配”臘類”先好食下次食臘鴨睇吓會唔會好啲先-總括來說食得過食煲仔飯都係要去廟街食先最有風味😋-P.S.我哋兩個一食完就即刻起身走😂廢時兩個人叫得嗰一樣嘢仲要磨爛蓆會被姐姐老歧多兩錢🙉

四季煲仔飯呢間飯店超出名，我細細過已經食。好耐好耐以前，四季只係賣煲仔飯同生滾湯，係絶對冇煎蠔餅的。以前舖頭係邊？其實就係現鋪的對面，即是現時興記鋪頭，佢賣煲仔飯賣到出曬鋪頭外面，啲枱枱櫈櫈放曬出去坐，真係好熱鬧，好多人，氣氛非常濃厚，好有香港特色。點解以前四季唔賣煎蠔餅？因為有一檔好出名嘅煎蠔餅係條街的中間，又係超多人買又係超多人排隊，我估四季想各有各做，所以冇賣蠔餅，不過四季准許客人買入去食。淨係准蠔餅同汽水可以帶入店內，其他食物一律不淮進入的。可惜，某年某月某日，政府要維持秩序，小販管理處，唔批准店鋪擺佔街道，因此各人都要搬回舖頭內了。香港獨有的街頭飲食氣氛也大大減少了！四季入舖後，就開始了賣鴨蛋蠔餅，沒有使用雞蛋。因為鴨蛋比雞蛋味濃，炸起來脆卜卜，加上新鮮葱花，蔥花味濃，美味可口！

有啲凍又有啲落雨，喺油麻地附近，最想食一個熱辣辣嘅煲仔飯，呢間係之前一直想試嘅，所以今次得償所願啦！因為疫情嘅原因，係唔需要排隊就可以入座啦！一份細的鴨蛋煎蠔餅有兩塊，剛好與朋友一人一塊，送飯一流！這個臘腸排骨飯，臘腸肥美，排骨肉滑，飯到粒粒分明，暖胃飽肚之選！這個鳳爪排骨飯，排骨一樣好滑，可惜鳳爪只得一隻，如果多隻可以試吓就好啦！天氣凍食個美味熱辣辣嘅煲仔飯，食完之後滿足好開心！今次唔使排長龍食，真係好值！

食親煲仔飯 好多人都會諗起呢間嗰日放工同老公去食時間尚早嘅關係我哋唔使等位 老公坐走廊位成日俾員工撞到想調入黎坐 員工就話唔得 話一陣會有好多客 唔可以打橫坐結果佢坐幾耐 有人行過都撞到佢 叫咗兩個煲仔飯 各$66一個牛肉排骨飯另一個係鹹魚肉片飯再叫半份蠔餅煲仔飯 一開蓋就覺得好少餸每一片都好薄男人覺得唔夠都唔奇味道又無特別好食一向都知佢地無服務啦無同我地講幾耐開蓋我地就等左一陣先打開蓋不過最後都係無飯焦無左食煲仔飯既意義蠔餅係脆既 $47無咩蠔 男人話佢地好孤塞這種蠔原本就超平最抵就係支汽水啦 $9 大小同價 要支大啦 食完要過對面食返兩寸串燒食一串串燒啲肉仲多過一個煲仔飯裏面嘅肉唔再食依間

I heard about this place from a local taxi driver and decide to take a trip to try. Took a while to locate the shop as it was located along a quit stretch of road 2 mins from Yau Ma Tei station. I sat down and looked at the menu and ordered a chicken and Chinese sausage claypot rice and a serving of Kang Kong with fermented bean curd. The claypot wasfreshly cooked but the meat portions and the sausage was nothing like what you see on the picture. I counted about 4 - 5 pieces of chicken but the t