發掘一下銅鑼灣好去處，除咗行商場外，當然唔少得發掘食嘢既地方，登龍街一直都系夜晚爆客既食街，要逛就梗系搵間有噱頭既餐廳試試，呢間以日式菜為主既酒吧風格餐廳，岩我地想一邊用餐同時飲酒、一邊暢所欲言🥳❤️ 👉🏻頭盤沙律-蕃茄 開胃沙律汁配鮮番茄，番茄一早去走咗皮切好咗，落埋蔥花系面，擺盤都幾靚，味道蕃茄鮮甜+微酸沙津汁好夾😋😋 👉🏻螢光魷魚 螢光魷魚漬，日本料理常見菜都系用酒醃製，酒味濃郁但又蓋唔住螢光魷魚鮮味，帶少少咬口，配酒真系好正👍🏻🤤💦 👉🏻辣酒凍風螺🌶️🌶️ 第一味厚身爽彈牙，鮮味後，少少辣味後勁上尼先到酒味，比較多層次既凍食，細手到手套+叉+盛載螺榖既碗都預備好，食既時間唔會成手汁，非常體貼既用餐安排🥺☝🏻 👉🏻海膽熔岩魚餅 黑色望落以為系菇類，一咬落就知點解叫熔岩，有爆漿式爆炸咗海膽入口中，鮮甜濃烈，都真系幾讚既一道小食🥳🥳 👉🏻避風塘茄子🌶️🌶️ 茄子帶辣味+ 避風塘做法，飲緊啤酒個時，非常愛追住食，一啖啤酒一啖避風塘茄子，perfect match😆 👉🏻松葉蟹肉甲羅燒 呢味花咗少心機用fresh青瓜，配上3重蟹（蟹肉、蟹膏、蟹籽）做餡料，食落味道濃得尼唔會咁膩，做到口味中和😍😍 👉🏻厚燒牛舌 面頭落咗些少鹽同埋胡椒，厚度成3cm左右，牛扒都冇咁厚既厚到，食落又唔會韌到有筋，三兩個除咗鹽+ 胡椒帶出牛味外，都容易咬，最怕出面食到咬唔完既牛，呢款牛舌完勝無咀嚼困難😛 👉🏻蠔（4件） 燒蠔內汁鎖住系裡面，上枱仲keep住脹卜卜，一咬汁就開始流晒出尼，鮮甜又肥味，一碟4件每人兩件都覺得有d未夠喉😙😙 👉🏻蟹盛卸好燒 有d似大阪燒，擺盤甚至用埋大阪燒個類鏟放底，方便客人分切卸好燒，上邊有蟹膏蟹籽沙律，下面餅底又唔會過厚，除咗配料豐富之外，加埋底層都幾有飽肚感，食到最後真系岩岩好當主食 成間餐廳風格都幾大膽設計，有酒吧吧坐，亦有用餐圓枱設計，播放音樂多元化，有西式歌、韓國歌…唔陌生既歌曲，氣氛好好，一定keep住入客，唔少客人都enjoy吧坐去用餐，唔少陳列酒架做裝飾，霓虹燈擺設，有d入咗另一個世界既感覺 食物除咗選擇多元花，酒類以威士忌、啤酒、吟釀為主，呢三種酒類各有情調各有享受😎enjoy餐飯來講，呢到都幾岩老友/另一半來體驗chill一下，除咗人食飽，連相機都可以食飽，服務亦都好好，細心俾時間空間我地影相再慢慢上菜，值得再光顧光顧既地方👅🍻

深水埗路經呢間傑星冰室算幾早開始下午茶餐 ，2點起下午茶，一於試試佢 下午茶餐牌都幾多選擇，又公司三明治/各類治、西多/多士/波羅包、扒餐/撈麵餐咁，撈麵餐仲有得揀兩餸添 揀左撈麵餐，有得揀細份/大份，兩款餸：瑞士雞中翼、司華力腸，瑞士雞中翼真系好入味，同雞翼已好軟身而且內味唔使咬開用叉都可輕易撥出肉身，滷水味先鮮明，真系好好味🤤，司華力腸切半邊煎香左，咬落外皮微脆香口 食印尼撈點試問可無辣味，辣度岩岩好，麵質唔會過軟系彈牙口感，唔錯唔錯呢個價錢呢個水準很可以喔 比較少見茶記加涼粉飲品，呢到既特飲選擇都算幾多，來叫左款鴛鴦涼粉冰，茶底夠濃，奶夠滿，仲可以鐵匙杯出涼粉感覺滑嫩口感，3重享受 額外點多份班斕咖椰鮮油多，純粹口痕太想試叫多份，自己食就唔需要多杯附送餐飲喇，平時都系食鮮油多，有埋班斕咖椰忍唔住叫份尼試下先，班斕咖椰既甜味配牛油既咸香中和，連埋兩塊脆多士夾住真系無得彈咁邪惡！ 下午茶都唔少客人幫襯，坐下坐下連梳化卡座都因繁忙時間關係要靠邊坐，坐位唔算太多，客流都幾猛枕住入客，食物質素+服務員殷勤落單執枱清潔，果然吸引唔少客人，值得回頭幫襯🙌🏻

好耐無去牛大人喇，事關遲遲天氣未轉既關係，少左打邊爐，等到天氣一轉，心郁郁就想來過打邊爐過過癮


呢間牛大人真系超級大間，可以用盪失路咁大形容，每個坐位都系獨立式坐位，私隱度比較高，走廊位置窄少少，不過呢到基本上都系QR code落單，除左去廁所可無太多需要出入，而職員上菜速度十分之快，推車仔一份份咁落枱，望見都開心
另外仲有個自助區：除左醬汁區、飲品區、唔少蔬菜類丸類選擇可以揀，飲品區比較特別依然系佢地既自家製茶樽，無糖燒製又好飲，至鐘意系呢到既桂花烏龍，特別推薦👍🏻

❤️打邊爐最緊要系湯底，一紅一白，最夾始終系一辣一唔辣，我地揀左牛大人秘方麻辣湯+阿嬤養生濃湯，麻辣湯上枱就已攻攻地鼻，最刺激真系岩岩上轉烚肉個轉！阿嬤養生濃湯就咁飲入口都非常舒服，唔會感覺到成口味精或過份咸咩，飲到有雞既湯湯效果，用來烚蔬菜丸類唔錯

❤️自助落單入面都有分收費or免收費選項，自助飲品區外既飲品多數收費服務尼，order左杯啤酒🍻送送口，「洛神花小麥啤」，入口幾清香花味，麥味易相對較濃，對本身鐘意飲1664既客尼講，一定會好鐘意既口味尼，400ml呢個size設計得好好，唔會太多或太少

❤️自助落單機裡面既M5和牛肩卷肉+M9和牛牛丸都真十分推介，好香既牛鮮味，丸的話就多左分爽口彈牙感，因為我地揀左「澳洲極上和牛」，所以有送到M9和牛牛丸，如果唔想額外加費倒不如選擇「澳洲極上和牛」系最抵試晒所有款式既套餐，岩晒我呢種樣樣都想試既為食種（貪吃棗）
限時120分鐘，2個鐘頭左右基本上都真系牛大人話渣咁食到飽，無甜品區設計，埋單情況下提供甜品紙仔客人選擇都幾貼心，有movepick既雪糕or台式仙草凍

朋友介紹左間Fusion西日，話一定要特單過來食呢到既蛋卷+享受番餐晚餐，提早訂坐來到餐廳，咁岩訂位關係冇系門口等位，客流都唔少，暗自竊喜🫢好采預訂+早到左


場地分為咖啡bar、廚房、大堂3 part，較西式木調工業設計，木凳木枱、皮革梳化坐、sideboard、櫃檯，近廚部簡單灰黑牆身牆面，大堂加上多盞吊燈襯托，高樓底更顯空間感，微昏黃燈氣氛輕鬆，menu有舊歐式poster感覺，而且選擇多多，除左menu點餐，QR code內更含更多款item選項，qr code下單快捷方便，大部分已細心圖文並茂

-明太子忌廉汁煙肉意粉
滿滿明太子加上香濃忌廉汁伴意粉，擔擔都充滿明太子+ 忌廉汁味道，恰恰好，汁醬較傑身，令到每條意粉都興意卷起勁多明太子十分加分，煙肉粒令意粉更加香，煙肉碎都落唔少，特別在份量絕對兩位夠飽，唔會太過細碟，帶飽肚感

-海鮮pizza(三文魚、墨魚、蝦滑、蟹肉棒、磨菇、洋蔥、鰹魚乾)
Pizza餡料豐富，薄批但都做到微拉絲效果，近外圍既皮底更系偏鬆化，入口有聲個種脆感，pizza大眾化，而多餡料pizza通常都系冇輸，正
-白桃烏龍茶蛋糕卷
白桃系鮮果切粒入面，仲要系青甜味道，配合唔會過甜既烏龍茶蛋糕卷，出奇地百搭，原來擔心水果帶酸+烏龍茶過濃蓋過蛋糕味+cream過膩，難得一樣都冇中，真系要約過姊姊下次來high tea
-開心果自家製卷蛋
厚厚開心果醬+抹茶味道，中間仲有軟糯粒口感，煙煙軔軔既口感，出奇在一種蛋糕兩種口感，襯番杯咖啡真系perfect
-flat white+ genmaicha tea lattle
熱咖啡☕️呢到既咖啡師都會細心拉花，滿足客人打卡既喜好，同咖啡師好細心盡職，見到隔唔時都會主動親自將咖啡遞給客人，將自己作品送俾客人，非常親切

好耐冇打邊爐，路經牛氣見秋の定番秋鍋全新推出：野菌藥膳湯，秋冬第一邊爐就揀佢啦，由於閒日lunch時間上去，客冇咁密集 場地闊落光猛，卡位坐式設計，大大增加左私人空間，播住日餐經常耳熟既日本歌單，氣氛輕鬆 揀左：澳洲穀飼黑安格斯牛 <美國極黑牛放題+海鮮放題> 肉類方面可揀選：S&F美國極黑牛/牛小排/美國肩胛肉眼/穀飼牛肩肉/雞腿肉/豚肉 海鮮方面可揀選：日本帆立貝/三文魚刺身/花膠/青口/大海蝦/墨魚滑/水魷 揀好左餐手機掃code就可落單，除左主餐單，仲有少類手工餃子/迷你丼/壽司可落單，迷你丼size其實都系做到一口size，細心唔會食個丼怕食唔落嘢 另外出面既自助bar位：前菜、小食、菜類丸類、甜品、飲品區、醬汁區都非常齊全 -連小丸子、魚蛋燒賣、棉花糖機、窩夫機、雪糕機都有，$3xx真系算性價比，打邊爐最緊要既湯底得唔得，職員提醒打邊爐前記得先試試藥膳藥底先，入口味道有藥材味道，有d似川芎or天麻較濃味藥材湯底，愈飲愈開胃，烚完既食物都有陣藥膳湯底香味，正👍🏻 整體而言，卡位坐得舒服，食品味道唔錯，order左唔少牛，怕打邊爐汁醬彈到衣物，仲有圍裙提供，員工都非常殷勤，上菜+收嘢都非常快速，講解餐種都十分清晰，用既好多菜類都支持番本地有機農耕，食得安心值得再來幫襯

☝🏻每次經深水埗都會對呢區既飲飲食食選擇困難🫣，近排中日西食多左，系時候食番地道嘢，正想搵間車仔麵/牛腩麵店撞見呢間人流暢旺小店，光猛+感覺衛生還可以，不容錯失啦當然～ 一眼望晒枱局，大約5-6張圓枱左右，客源輪轉，食完就走一走又有人入，上枱，5-10分鐘內嘢飲+食品全齊，食緊途中隔離枱都換左好幾枱，唔系講笑都認真幾旺🤔 👉🏻金牌牛三寶麵 呢到牛三寶分別系：牛肚、牛筋、牛腩，牛肚對比出面食到更為厚切，味道食出已經醃製夠晒入味+煙韌口感，牛筋入口似花膠質感，咬落黏黏地未去到痴牙，而牛汁入味，牛腩質肥瘦均衡，食落肉+脂肪同時間融合 必須要讚一讚湯底一d都唔過油，比著平時食開牛麵容易見到成層油脂系面，而呢到湯入口唔會覺得太肥膩👍🏻😚 👉🏻馳名崩沙腩麵 「崩沙腩」，系橫膈膜附近，兩邊腩位打開似蝴蝶🦋，先叫做「崩沙腩」，有層薄膜+豐富膠質，爽軟鮮嫩不硬同時間叫「爽腩」。呢到崩沙腩比想像中俾得多，$45都成5-6塊厚切既，帶少少爽韌，牛味都系香濃，配牛麵一流 👉🏻淨上湯鳳城水餃🥟 原本打算來貨嘢，驚喜食到鮮包水餃，餡料充足：木耳絲、蝦粒、肉碎、蒜粒，蝦系彈牙新鮮，雲吞皮唔會過厚，食落又香又鮮，配埋幾條生菜🥬食得滋味有營 ✍🏻來既時候爆晒客，都要等一等先搵到位，伙記落單上菜都爽爽快快👍🏻，生麵唔會重鹼水味，湯底都系唔油而香濃，每碗麵/餃子都有配搭幾條菜仔🥬，照顧客人既需要，真系非常貼心，雖然menu唔系話好多款式，但系叫既幾款都好好味，相信入得既菜單十系有信心既出品，價錢同質素都合理，唔該得人來人往，一間地道既牛雜粉麵口味❤️值得回頭

發現長沙灣一間新四川菜館，門面光猛、菜色相片清晰大隻，稍望左眼菜單，價格公道，坐位多數為闊落卡座，自問對川菜小菜特別鐘情，一於入去朝聖🌶️🌶️🌶️ 8點半相對晏既時間入座，都佔有半場客左右，餐廳內依舊保持明亮，入座後有茶芥花生提供，要提一提呢到所用既系玄米綠茶唔系獨立包裝，而系金色茶壺的隔茶渣位倒上玄米綠茶，用滾水沖泡而成，由開始到結味茶香都系有變化，一開始醒位玄米淡香，到後期茶味濃左，起解膩解辣作用👏🏻 ▪️👉🏻乾鍋花椒雞🌶️👈🏻 由職員上鍋+點火，成個點火過程安全既，基本上火酒著約莫5-10分鐘就會停落尼，視角設計有用心👍🏻入面雞粒+蓮藕有被切割成細粒，更易入味，四川口味偏好麻辣，呢鍋認真又麻又辣得過癮，唔單單入味，麻香更令人想追住食，入面4款不同辣椒：指天椒粒、湖南青椒、花椒、乾辣椒🌶️，搭配蒜頭、芫荽，香麻刺激下揀直想添多碗飯 ▪️👉🏻乾焗四季豆🌶️👈🏻 配料有指天椒、青蔥、豬肉碎、梅菜，頭先個味花椒雞系「咸麻辣」，而呢款四季豆則「甜辣」型，入口微甜剛剛好中和左花椒雞刺激性，絲絲甜辣味更顯開胃 ▪️👉🏻蒸水蛋👈🏻 最最最簡易蒸水蛋，不論大小都鐘意食，勝在水蛋夠滑！有配搭豉油蔥花，選盤上有驚喜發現，小小耳柄方便拎外，保溫效果又不錯喎，15分鐘落匙筆出尼個啖都仲可依然熱口，而且俾大鐵湯匙實在太好，盛起上尼快靚正 ▪️👉🏻紅糖糍粑👈🏻 到甜品出場既時候已經抵守唔到咁飽，落單前已order好甜品要後上，職員提左提我地上甜品前，請開聲提佢地預備，成個用餐過程順暢無特別追趕，職員收空碟時間拿捏得岩岩好，整餐飯感覺系舒服啦，亦服務周到，可能飽+嘴內微麻微痺，對甜品吸引力下，相對無咁高，甜品以正常出品，上盤砌得好靚，就算食唔晒，打卡亦非常開心咁俘虜左我呢位拍攝控 ✍🏻感受到餐廳對客人用餐體驗細緻位特別貼心，呢點真系非常欣賞，價值亦系合理公道，值得帶朋友過來一聚👏🏻💋

去完佐敦百貨，搜索到間區內挺有情調的一間西意式餐種餐廳，見評語咖唔差，作為為食既先鋒當然要特搵路過去探店 餐廳設計將餐桌，隔開包廂/出面Aera兩區，一樣都偏黃的浪漫燈光+木調枱凳，不同在稍稍風格各異，包廂內水泥牆身+以水管燈於場上做襯搭，行工業風的感覺，打卡亦十分吸精 火辣水牛城雞翼 -Buffalo Chicken Wings- 講到明火辣，醬汁來講第一次食到咁辣既火牛城雞翼，自家特製特辣醬汁，入口先辣後酸，個種辣勁令人追住想食，而且雞翼煎得亦夠香身，有4隻/8隻唔同份量嘅雞翼任君選擇 芝士蟹肉焗大啡菇 -Baked PortobelloMushroom with Crab- 一見芝士大啡菇就心動，醒起以前青衣劇棚，呢到芝士大啡菇更改良加入蟹肉，揀直唔邪惡唔入口，芝士大啡菇爆汁、蟹肉有鮮味、芝士鹹魚，3種口味互相配搭真系一流 菠菜煙三文魚批 -Spinach and SmokedSalmon Pizza- 呢款pizza薄身批尼，都幾合適想邊飲酒邊食小食既一眾粉絲，除左菠菜煙三文魚，仲有芝士+香草，呢味道更加豐富有層次，pizza餅底更做到鬆脆口感 -1664 -Somberby Apple Cider- 最後點止就咁order幾款美食，美食當然要襯靚酒，啤酒🍻萬能百搭，乾杯Chill一Chill～令呢餐令每人樂而忘返 整體來說，服務人員非常有禮貌，帶位、送餐、出餐、收餐都非常順暢，餐廳位置闊落食得安心，枱與枱之間有一定距離內，下次一定要來再叫過其他食品🤤

同姊妹一樣鐘意食中菜，正當苦惱揀邊間中菜廳相聚時，同事介紹左間常去既中菜廳，話氣氛、環境、服務都相當唔錯👍🏻預早左book定靚位，來感受一下「富豪」式聚會 職員帶位後，主動上茶芥，小食系醃菜+蓮藕，涼盤尼，小小辣味幾爽口開胃，Menu選擇都算多種類，見到唔少菜色都有加辣/四川風味/水煮/椒麻/XO，睇得出由小食到餐牌設計都幾有滿足辣感愛好想法-💋黃金豆腐磚💋 超級外脆內軟，表層有椒鹽咸香味道，唔會太厚做到鬆脆口感，筷子夾得起唔會散，而內裡系軟滑既豆腐，豆腐系較易出水食品，要做到大大件擺左一陣，相機享用左先，依然保持到外脆內軟，堅讚-💋玫瑰香焗鱈魚球💋 呢味系酒店力推招牌菜之一，銀鱈魚先用自家醬汁炮製，做到魚肉入口香滑，細爵可食出淡玫瑰🌹味道，再配合蛋黃菜、菜絲、少許辣粉調味刺激味蕾，多重享受😎值得推薦獨有菜色-💋脆皮三黃雞💋 平時較易食到吊燒雞多數土雞個類，而三黃獨特在雞皮更薄、油脂感相對高，肉身味更濃雞香，皮一咬即「嚓」聲，就算唔點淮鹽喼汁，雞肉本身夠最鹹味，想更食出雞味唔沾醬料更建議，或少許喼汁增添開胃感都唔錯，食到一啖接一啖停唔到-💋鮑汁鱆魚雞粒炆飯💋 酒店中菜廳都算常見既炆飯，砂煲上飯經砂窩熱力下，煲底下會有飯焦，更香更有口感，有種煲仔飯感覺，而且炆飯好處多汁，微濕唔會成個飯乾爭爭，配搭鱆魚雞粒口感多左層次之餘，仲好入味添！✍🏻整體來說，環境寬敞明亮，場地非常多用途，除左晚市餐聚，見偏廳幾間宴會獨立房、正廳可作婚宴酒席，坐位圓枱闊落，幾道菜上桌唔會太迫 職員非常有禮殷勤，帶位、上茶芥小食、落單、安排上落菜速度、細致詢問客人是否滿意用餐體驗、埋單，整套過程行雲流水，達標酒店級水準服務

朋友介紹尖沙咀樓上間中菜，話坐位闊落，小炒好味既中菜餐廳，大家都咁鐘意中菜，刻意帶埋我過來開餐 位置近I square，唔難搵，上到去光猛同闊落，好多一家人聚餐既客，有卡位有圓枱位置，員工好好禮貌，就算連傳菜既姐姐都有介紹到餸菜名同講幾句，相當親切 👉🏻翡翠花雕蒸蝦球 賣相擺盤非常有心思，精心既砌搭見到都開心，水蛋做到滑嫩口感，唔同平時要加豉油調味，面頭打個芡汁既蝦球，芡汁落到水蛋好夠味，而蝦球做到爽口新鮮，仲用埋翠玉瓜襯搭，感覺豐富 👉🏻韭菜煎蚝烙 同平時食到蚵仔餅類似，細心在有cut到煎烙，一塊塊搭好，方便食用，配埋特別既醬汁，鮮味更出，煎烙仲見到唔少韭菜，岩晒我呢種韭菜控 👉🏻黑椒牛仔骨煲 黑椒牛仔骨相信唔少香港土生土長，又細食到大小炒菜之一，要做到入味、唔會太多筋、肉多過骨、煲夠熱先算得精神既黑椒牛仔骨煲，同特別欣賞細洋蔥粒，黑椒汁撈埋洋蔥真系好正呀，送飯一流小菜 整體餐廳合適一班朋友/家庭聚餐，餐枱容納多人，菜色種類多而且味道相當不錯，服務態度好好印象深刻，值得回頭餐廳❤️