四季煲仔飯

營業中

休息中

以前的確係好食好多，依加76蚊一個飯，飯勁多，但餸好少，飯焦又唔好食，一啲炭味都冇，又唔脆。全部野都縮曬水，又貴又唔抵。唔值得試。食過一次以後唔會再食。最抵咪$6支飲品囉。

呢間位於油麻地嘅煲仔飯平時都吸引唔少遊客天氣涼嘅時候仲會大排長龍添細鴨蛋蠔餅 $48 蠔餅有兩件 雖然用鴨蛋但都唔會過咸蠔都好足料 粒粒包滿可惜蛋蠔有d分離 一夾d蠔就跌晒出嚟臘腸滑雞煲仔飯 $71落完豉油再蓋上焗多10分鐘臘腸不過不失 滑雞仲保留到好嫩滑同鮮美潤腸排骨煲仔飯 $71潤腸好香 足料 有口感排骨都好嫩滑 但骨偏多 相對上肉偏少美中不足略嫌豉油稍欠甜味 飯偏濕 唔夠多香口嘅飯蕉

🍲🍲🍲趁著天氣仲未好熱，拿拿聲再食多次煲仔飯先，一如往常踏入冬天都會想去食個熱辣辣煲仔飯廟街出名煲仔飯，其實有好幾間，行過見到幾間都拉客，稍為有些少反感，所以食過幾次，都會簡返依間田雞排骨飯($96)平日少食到田雞，好有期待，肉質好滑好嫩，完全唔會好un，配有少少冬菇，令到飯更香，排骨就稍微份量細少少，骨比較多白鱔滑雞飯($96)白鱔配有豆瓣醬，個人不愛好白鱔，但就甘睇份量黎講，白鱔較滑雞件為多，滑雞夠滑唔乾，但唔算太油兩個煲仔飯一打開蓋都香噴噴，不過飯焦唔多，喜歡煲仔飯飯焦既朋友可能會有些少失望 ，但夠哂地道風味十足

要食煲仔飯，點少得過去食油麻地嘅四季煲仔飯 見近排仲涼涼地 就把握機會 去食個煲仔飯暖下個人先 雖然網上有好多人都話四季煲仔飯冇以前咁好食 但係我哋三個都決定走去食下！排隊時間大約為十分鐘就入到去由於我哋已經係排隊已經睇咗餐牌所以入到去已經可以即刻叫野食 今次我地叫左兩個煲仔飯，四件蠔餅同埋一個肉片芥菜湯 窩蛋牛肉飯有一貫水準，牛肉都係比較滑，再自己加上雞蛋同鼓油焗上1-2分鐘左右就可以開動！ 食落都唔錯 亦都食到有飯焦 正白鱔飯都唔錯，鱔既份量都唔少，每人可以分到三至四件 調味都好好 唔會話有太咸既情況出現蠔餅就真係有少少油，咬落口好多油，我就麻麻地個湯就冇乜特別，不過不失。

╹ 四季煲仔飯 - 油麻地 Yau Ma Tei ╹#tori油麻地ʅ冬天想暖笠笠就梗係食煲仔飯🍲🥰位於廟街附近嘅四季煲仔飯經常大排長龍 非常受歡迎‼️整體都唔錯 值得一試💕ʅ🍲三拼煲仔飯 ($73) (8.5/10分)所有煲仔飯即叫即整 落單之後都等咗大概20分鐘先到上到枱非常熱辣辣 仲香噴噴㗎😝仲有飯焦㗎！！🫶🏻我哋分別叫咗北菇滑雞、鳳爪排骨同臘腸～整體都不錯 滑雞夠嫩滑 排骨嘅份量好多🤩🦪鴨蛋蠔餅 ($53細*/$106大) (7/10分)要一讚嘅係😎蠔仔幾新鮮一啲都唔腥！但酥炸嘅部份 食落就比較油膩🫢ʅP.S. 食煲仔飯之前 其實我哋仲走咗去喺四季隔離嘅牛雜檔食咗一份牛雜、一串炸大腸🤫個人推薦炸大腸！💩ʅvewdie回頭率：🐽🐽🐽(3/5)ʅ📍四季煲仔飯油麻地鴉打街46-58號

排咗差不多45分鐘，覺得好唔抵唔值 好食就話，飯好濕，煲仔飯精髓在於飯焦香味，食落脆卜卜但又不至於燒燶味，完全無飯焦香，已焗咗好耐，超過10分鐘。另一重點係豉油，完全無味道，又唔係鹹，又無甜味，得少少顏色，唔知想點。雞同排骨都無乜味道，肉質好似乸到林晒咁，講真連鎖快餐店一x麵仲好味過佢。蠔餅數埋唔夠10粒蠔，又唔覺有鴨旦，全部係粉多。價錢唔平，可能香港人都係覺得排隊係好嘢，好多野真係試過先知，全晚最好味係支可樂

如果大家XX痕，浪費大量嘅時間、腳骨力、同用一個唔抵嘅價錢去食煲仔飯嘅完全推薦俾大家。早排都係朋友話食過覺得OK所以叫我黎試試，之前黎過發覺太多人排隊又肚餓所以放棄左，今日又經過佐敦諗起依間野就行左過黎。首先係已經6點鐘係門口排隊，Ok！目測有約十幾廿個人等緊，已經比上次黎少一半咁就決定排隊試下。好喇終於到我地（2人）入，望一望錶，小左出聲，結果7點50分先入到去。OK無問題 咁多人排又好似好食咁排得耐都覺得正常，懷住感恩嘅心坐底叫野食！兩個人，一個叫左白膳滑雞，想加臘腸阿姐話唔俾，OK唔緊要。另一個叫三拼滑雞梅菜冬菇加碟油菜加兩枝可樂。叫左野食廿分鐘都未到，因為無野做周圍望下周圍環境偏殘舊，心諗正常老字號通常係咁！觀察到咁多張枱8成都係無野食嘅但有野飲放係枱，唔小心同第枱你眼望我眼之後苦笑，我心諗咩事唯有禮貌點頭。好喇望一望錶已經8點半，肚餓又口乾，追下姐姐想確認下係咪漏左單，阿姐話落左叫等多等，無問題！好食嘅野係要付出完全明白的！但想阿姐出左枝可樂先因為真係頂唔緊。之後可樂火速送上！正等多等有少少燥，望一望錶8點10左右，此刻嘅我頂唔緊走左出鋪頭食左枝煙冷靜下，同時祈求上天希望返到

見到差評都冇諗咁多，諗住自己試咗先講。但結果係差評，呀唔係，係負評🙂。Really disappointed。奉勸大家要認真對待負評，有晒心理準備同時間先至好去食。真係冇咩事都唔會特登花時間寫差評。.<排隊排粒幾鐘>大概6:15pm去到，睇到營業時間係6點pm開始，明明入面有位（起碼8枱吉嘅），唔知點解排晒隊都唔放人入去，後來隔咗15分鐘先陸續入座，但等咗成一粒鐘多啲先輪到我哋（講緊我哋排緊12枱人左右）。途中等到餓，唯有去隔籬檔買魚蛋食，繼續排🙂。.<等飯等多一粒鐘>大概7:30先入座，落完單，同我哋一齊入座個隔籬枱都已經食完，我哋個煲仔飯仲未到，諗住我哋煲飯要煮耐啲。等到唔對路，連排我哋後面4、5個個啲客人都上埋都未有我哋，追完單話等多陣。.好啦，終於嚟咗幾煲，但原來又唔係我哋，跟住話係夾錯單🙂.離晒大譜🙂，直接話唔食，埋單走人。（大蠔餅$104+$10玻璃樽裝可樂x2=$124).等咗咁耐唔知為咩，原本諗住：除非佢啲煲仔飯真係好食，否則要排咁耐隊我都唔會再去，點知⋯😀🙂.煲仔飯味道不予置評，真係等咗好L耐🙂成個體驗好差，落錯單唔好意思都冇句，好似冇

踏入冬天的季節，突然很想去試一試煲仔飯，廟街是吃煲仔飯林立的地方，剛巧看到這一家有很多人在排隊就去試一試吧！鴨蛋蠔餅🐦 $53(小份)這個鴨蛋蠔餅必吃啊！每天限量供應，如果沒有鴨蛋就會轉用雞蛋，鴨蛋做出來的蠔餅原來比雞蛋做出來更香！即炸出來的蠔餅很鬆脆，而且蠔也挺大顆，好吃！田雞滑雞飯 $96這個價格在廟街的煲仔飯來說是偏貴的，中規中矩沒有很驚喜，如果喜歡吃煲仔飯裏的鍋巴的朋友就未必適合了，因為它的鍋巴不多會推薦這家店主要是它的鴨蛋蠔餅，可以去嚐嚐😂

天氣凍 就想食煲仔飯 去左廟街 四季煲仔飯 排隊排左30分鐘 坐低叫左一個三拼煲仔飯 臘腸牛肉排骨飯 細蠔餅 金銀蛋介菜肉片湯煲仔飯 有飯蕉都算乾食 臘腸好食 有玫瑰露酒香 排骨 牛肉正常蠔餅 感覺炸得耐左小小 同埋比較小蠔仔🤣介菜湯 都幾多 肉片 介菜 咸蛋 皮蛋 豆腐 好味道😋

第一次去呢啲咁舊式餐廳食煲仔飯🤩未到6點已經好多人排隊😱準時6點鐘就開舖安排客人入去坐低三拼煲仔飯-臘腸鳳爪排骨煲仔飯評分：👍🏻👍🏻👍🏻👍🏻見到個煲真係好興奮😆姨姨叫我地等十分鐘先開蓋應該就係要焗啲飯焦🤩🤩臘腸同排骨超好食 飯嘅軟硬度都啱啱好鳳爪唔好食 冇味又好似浸左好耐水咁嘅感覺下次要嗌double臘腸😂三拼煲仔飯-梅菜臘腸滑雞煲仔飯評分：👍🏻👍🏻👍🏻👍🏻👍🏻滑雞好夠味同埋好滑 好好食配埋啲梅菜同埋臘腸食 真係好古式古味食完中間啲飯再食煲底嘅飯焦但可惜…飯焦一啲都唔脆 好淋☹️呢下好失望 最想食就係啲飯焦不過舊式茶餐廳有玻璃樽嘅汽水🥤真係gur一gur都好爽 玻璃樽真係特別好飲蠔餅🦪評分：👍🏻👍🏻👍🏻👍🏻👍🏻啲蠔食落都好新鮮 而且好脆啊個餅但又唔會覺得好多粉jam住個口

有個朋友從外國回港，想同佢聚一聚。最近天氣開始轉冷，就想到食煲仔飯，我就帶佢去呢一間四季煲仔飯。四季煲仔飯，喺廟街尚算出名。好耐之前食過一次，希望今次再食唔會失水準。去到已經見到有好多人排隊，大約等咗30分鐘，就可以入去。我點咗滑雞排骨煲仔飯：雞肉排骨鮮嫩多汁，又滑又好味。朋友就點咗滑蛋牛肉煲仔飯：一上到枱就感覺到熱騰騰和香噴噴，牛肉非常嫩滑。加上係餐廳自製嘅豉油，將煲仔飯提升到另一個層次，個底仲有少少飯焦，食完就暖哂。總體來說，價錢合理，分量十足，值得再來。

唔計排隊， 入座落單到上枱要45分鐘 超態度差，超級難食！ 蠔餅唔掂，只係食到過哂火嘅炸漿， 煲仔飯冇飯味冇香味冇飯焦， 只有上手洗唔乾淨嘅燶跡。滑雞變雞粒， 以為錯手甩落去， 離地價錢諗住有質素，點知質素堅離地， 寧願食唐記蒸飯都冇咁嬲。貼錢買難受難食難食難食難食難食難食難食難食難食難食難食難食難食難食難食難食難食食難食難食難食難食難食難食難食難食難食難食難食難食難食難食難食難食食難食難食難食難食難食難食難食難食難食難食難食難食難食難食難食難食

閒日晚上8點，大約排隊20分鐘，都算快。最近天氣轉涼，就開始想食煲仔飯，不過呢度個蠔餅都好吸引。蠔餅（細）$53，鴨蛋已轉左雞蛋，不過都炸得好透好脆身，蠔肉超大粒，蠔味濃郁，非常香脆，油味偏重。金銀蛋芥菜肉片湯 $68，原粒咸蛋同皮蛋，介開連湯飲，好正。芥菜唔苦又腍身，肉片3塊都幾滑，個湯好夠菜味，清爽順喉又下火，好好飲。白鱔滑雞煲仔飯 $96，保持水準，白鱔好滑好有彈性，加左豆瓣醬更香甜，滑雞份量少左d，但都嫩滑多汁。個飯好有飯香，飯焦幾多。梅菜排骨牛肉煲仔飯 $76，牛肉好滑，排骨入味又嫩，加梅菜咸中帶甜，拌飯好味，呢煲飯焦少d，但仍然好香飯味，米飯乾爽好咬。

呢個星期天氣開始轉涼要食個煲仔飯，咁就食廟間四季煲仔飯。呢間四季煲仔飯都係好出名嘅，但係價錢就會比其他偏貴，我同女朋友每人一個煲仔飯，我哋叫咗「潤腸滑雞牛肉」同埋「北菇田雞」！煲仔飯大概都要等15分鐘左右啦咁都係用生米即刻煲，上到嚟嘅時候叫我哋加豉油再諗過等10分鐘，打開之後就發現有龍龍嘅香味同埋煲底真係好多飯焦！除咗食煲仔飯之外其實一樣真係好好食，就係煎蠔餅，新鮮即製嘅煎蠔餅香脆可口，同埋佢唔係用鴨蛋去做！有大細，細份蠔餅有2塊，大有4塊，我哋梗係揀大份啦，好彩食煲仔飯嘅時候加$10可以有鴻福堂涼茶，可以飲番支夏枯草，清熱氣減少罪惡感！今次食評評分為4分，最主要嘅分數係俾咗個蠔餅。