四季常餐 (德輔道中)

營業中

休息中

今日見工去到上環，3:15pm有點餓又不知道食什麼好，經過四季常餐，就進去試試。點了常餐，忌廉叉燒通粉、多士炒蛋、飲品（凍飲+$3），都只是$51，以上環黎說是十分便宜。忌廉湯味濃,但叉燒比較少，凍奶茶偏甜。

自己本身係沙嗲牛肉麵既 fans，咁岩之前係社交平台見到有群組對於四季常餐既沙嗲牛肉麵有好高既評價，於是就決定黎中環呢間四季常餐試下。特濃沙嗲牛肉公仔麵 🍜 ($48) 配招牌炒蛋 🥚+ 多士 🍞- 沙嗲醬好香，牛肉都幾入味同埋食得出係鮮牛肉 😋 麵煮得岩岩好，好彈牙 ! 炒蛋都相當唔錯好有蛋香，多士焗得岩岩好，好香口😋四季茄牛通 🍅🍜 ($48) - 蕃茄既食物自己本身亦都好鍾意，所以就叫左四季茄牛通🍅🍜，蕃茄湯底都非常唔錯，同樣地係用左鮮牛肉，$48 分量都岩岩好，幾抵食 😋好食 : 8/10抵食 : 8/10四季常餐 中環德輔道中88號地舖

星期日，去中環海濱睇完果「彩虹空中河」，諗唔到食咩，就最好食茶記常餐。一經過四季常餐，甘岩唔駛等位，就入去坐低啦。炒蛋多士最好食，沙嗲牛面Keep 到面身彈牙，沙嗲醬同果面都融合到，係唔錯。不過，個忌廉叉燒，就叉燒好少同好薄身，真係一般般啦。好彩，兩個常餐都有炒蛋同烘多士，炒蛋同多士，係幾唔錯。入座之後，反而又開始多人啦，其他人就要等位。上菜其實都好快，岩曬想涼下冷氣，食完就走既香港人。杯凍奶茶都唔錯，係雪凍左無加冰既凍奶茶，少甜得黎幾好飲。

社交媒體嘅沙嗲牛肉群組間中都會介紹四季常餐嘅出品，評價都唔錯，今日咁啱喺附近做嘢，於是就特登走過去試試。叫咗個四季常餐，包括特濃沙嗲牛肉公仔麵配招牌炒蛋同多士，沙牛麵味道微辣偏濃，但係同時亦偏鹹，牛肉份量比較少，不過質素唔錯，有牛味之餘，肉質亦算新鮮。炒蛋有少少嚡，不過蛋味好濃，放喺多士上面食，蛋味加上牛油味，好香口好正👍。間舖喺最最最旺嘅地段德輔道中，呢個常餐只係賣四十零蚊，絕對真心勁勁勁抵食。

最近勤力咗好多，係時候出黎周圍搵下嘢食，會勤力啲介紹下先。係中環有時搵啲平小小都要搵下，呢間係恒生附近，勁容易搵到。如果可以等下，雖然座位唔算好多，但都快嘅人流走得。唔等得都有外賣自取，總有啱你。特濃沙牛，48元，真係夠濃，肉都無hea你，唔錯。炒蛋係好滑，多士就正常。叉燒炒蛋配豉油，58元，叉燒剛好，唔會過肥，蛋都係滑，每啖都夠食到，唔錯。茄牛通，48元，湯都幾多，偏淡，肉各樣都正常瑞士汁乾炒牛肉通（下午茶），43元，有生蛋加落去，幾特別。因為家人想食乾炒河，但無呢樣，叫呢樣頂上。

macaroni in tomato soup with beef + scrambled egg + toast +drink 48 hkdmacaroni in tomato soup with beef 7/10 the soup is ok with tomato flavor, but a bit too sour, tomato fresh, macaroni normal , beef not much beef flavor and lack of seasoning, but eating beef in 茶記 is like that, this one at least better than those use too much meat softener to season, like those flesh 酒樓牛仔骨 is not acceptable. scrambled egg 8/10 used quite a lot of butter to make it, smooth and have some butter flavor.toast 8/1

四季常餐係中環一間比較高質嘅茶記，Lunch time時段成日都要排長龍。.佢哋嘅午餐王牌係滑蛋叉燒飯，上枱時賣相唔錯，同廣告相差唔多。炒蛋火候控制得剛好，入口超滑溜，且富有濃郁蛋香，係我暫時食過最鍾意嘅炒蛋。叉燒厚薄同肥瘦都適中，燒得有焦香，飯底粒粒分明，索左蛋汁都唔會過濕或過淋，蔥花令到碟飯更香，係加分位，再配埋佢地自家製嘅甜豉油，撈飯食一流。

肚餓之時剛好是下午茶時間，經過四季常餐看到邪惡的menu，雖然門口有三四人排隊，但不用三分鐘便可入座。先來一個鑊氣十足的瑞士汁乾炒牛河肉肉通粉，橙色雞蛋黃實在加分🤩味道絕對重口味，吃了幾口已經覺得很鹹，食到底很多汁，吃光的話對腎真的有負擔。通粉很小顆，很掛汁，汁容易滲透到通粉裡面，味道真心鹹，調味輕一點的話是好吃的。叉燒炒蛋飯不錯，雞蛋炒得很滑，可惜叉燒瘦同鞋了一點。這碟的調味比上一碟適中很多，醬油不會過多，飯粒粒分明，不錯好吃。

.食物質素：🌕🌕🌕🌗🌑打卡指數：🌕🌕🌕🌑🌑抵食指數：🌕🌕🌕🌖🌑再訪機率：🌕🌕🌕🌘🌑==============================招牌炒蛋火腿配多士（跟熱華田） $38✨多士好重牛油香😆熱辣辣+烘得唔會過脆，仲食到麵包柔軟嘅質感😍✨同其他餐廳唔同，依度嘅火腿厚身少少+有煎過嘅，係香咗但個人覺得有啲油膩✨炒蛋超香滑！！生熟度啱啱好同好香蛋味🤤但係感覺落咗好多油去炒🙈結論：熱華田世一🥰早餐好食嘅同時好邪惡🤣芝士鹹牛肉餐包（跟熱華田） $39朋友的～無試到但份量超澎拜🤣📍中環恆生總行對面

薄切叉燒唔係燒味舖個種好甜嘅味道係茶餐廳擺喺湯意粉個種整體偏瘦 味道冇咩特別有事先煎香 食得到有種焦香味個炒蛋感覺就一般 係好薄同埋啱啱熟嘅蛋皮同想像中嘅有啲唔一樣 變咗冇乜蛋汁撈飯但估唔到最驚喜嘅竟然係個✨飯底就算加埋豉油 都完全唔會覺得濕 粒粒分明 唔會痴埋一舊舊仲有佢地個✨甜豉油食得出有好濃既酒香加埋啲蔥真係越食越香💯((利申: 平時走青 但今次覺得啲蔥都係加分位‼️ps本身諗住會似係旋風蛋包飯嗰啲半生熟嘅樣下次試下佢地常餐個炒蛋 睇下有冇唔同先🥰

今日朋友帶去中環這間四季常餐食下午餐，第一次去。🤗望個餐牌又幾吸引啵。。。可惜今晚要留肚去邊邊。只能輕食~朋友要了個叉燒炒蛋飯配秘製豉油汁，上枱時驚喜啊，買相基本跟餐牌相片無分別，已經加分！再試食一口飯。。好味啊。。蛋滑豉油香，蔥花都係呢個飯的精髓所在，讚啊！至於叉燒就無食啊！~ 另位朋友要了個瑞士汁乾炒牛肉通。。略咸了小小，讚嘅係不油炒得夠乾身，通粉硬度剛好，牛肉夠稔！~奶油豬，新鮮脆身非常優質的茶餐廳，推薦啊。。絕對可以再去

位於中環嘅「四季常餐」主打茶餐廳美食，招牌菜包括忌廉雞湯通粉配火腿、叉燒炒滑蛋飯等 😋 之前去食過佢哋嘅叉燒滑蛋飯，覺得好好味，今日一於再去試埋其他嘢食 😍四季茄牛通 ($48) 嘅番茄湯底味道濃郁，入口酸甜開胃，而且𢳂到好多茄蓉，好足料 😋 據講個湯特別加入意大利罐頭番茄同埋本地新鮮番茄一齊熬製，所以番茄味尤其突出，而且飲多兩啖亦唔會口乾，應該無乜點落味精 🤣 招牌炒滑蛋嫩滑多汁，多士亦都夠厚夠脆，好味 😚 惟一美中不足嘅係茄牛通d牛肉略韌，份量偏少 😬

上碟既時候，一睇以為佢熱辣辣，食落先知佢只係微溫（澄清番我只係影左一張相就食）比起一般既奶油豬大， 厚度就差唔多！質地較鬆軟， 薄薄既外皮唔算好脆口亦冇好硬既感覺，煉奶超多，不過要趕快食，因為食完半邊再另外半邊已經覺得有D漏氣 個人黎講都幾欣賞依個通粉撈夠新穎，放左好多蔥花同熟蒜，增加佢既口感，不過醬料有D 過喊，好采有隻蛋溝稀左D醬料,唔係應該仲喊叉燒較肥，不過問題都係一樣～超喊，惹味同喊真係好講個人感覺

中環係我眼中食乜都貴，連最平民既常餐都變得不平民…….但居然有餐廳係中環區做到$50有找既常餐!!! 唔太肚餓既我同友人，當然要撐下啦!🤗星期五晚市時間，餐廳人流唔多，無需等位。晚餐選擇唔算多，6款飯同3款麵，友人表示好耐無食沙嗲牛肉，所以二話不說點左個特濃沙嗲牛肉公仔麵 $48湯底如其名，真係好濃沙嗲，我個人唔中意濃花生味既沙嗲，呢個正合我心意😋。公仔麵煮到偏硬，我中意。沙嗲牛肉亦比得慷慨。四季茄牛通 $48我一向都中意食羅宋湯通粉，本以為呢個茄通應該同平時食開嗰d大同小異之際，先現我諗多左😮。呢個湯偏酸，味道比較素，個人唔太中意個湯；牛肉口感ok，唔會好乾好鞋，可以接受。常餐包招牌炒蛋+多士老實講，個賣相真係呃得下人，燈黃色既炒蛋，配烘到少少燶既多士，根本就係我杯茶!! 😏可惜，多士已經放左一段時間，唔再脆口，而且仲有少少韌既口感；多士牛油味好濃，相信如果新鮮出爐，應該好正。🤔 至於招牌炒蛋，我同友人都認為唔好味😣，一黎完全無蛋香，二黎炒到幾碎，三黎幾鹹，個炒蛋食落有雞粉/味精味，個人覺得齋落鹽調味其實已經好夠，唔駛加咁多野。

👍🏻特濃沙嗲牛肉公仔麵 配炒蛋多士(包嘢飲) $48沙嗲麵真係做到特濃，d麵掛到湯🤪正炒蛋係英式炒蛋，偏濕個種，幾香滑多士係厚身個種，烘得夠鬆脆👍🏻成份常餐係高水準之作，唯一美中不足係份量唔大🤥味道：9/10性價比：7/10-👍🏻海南雞飯(包嘢飲) $59雞肉嫩滑，做到雞胸肉質都唔鞋，雞翼就更加入味添😋油飯好重雞油香味，讚👍🏻👍🏻👍🏻配埋好濃郁既甜醬油，好味😍！不過份量就少左d，性價比低少少啦味道：8/10性價比：6/10-📍#四季常餐中環德輔道中88號地舖#hkfoodie #foodiehk #hkfood #foodhk #hkeat #hkrestaurant #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #中環 #中環美食 #中環餐廳 #茶餐廳 #西多士 #沙嗲 #沙嗲牛肉 #海南雞飯 #上環 #上環美食 #中環好去處 #中環打卡 #上環好去處 #上環打卡