四季常餐 (德輔道中)

營業中

休息中

喺中環嘅返工一族應該唔少人都知道四季常餐。由於距離公司近，我時不時都會黎幫襯，而且中午時段幾乎都會大排長龍。我鍾意黎呢度食嘢嘅原因主要有兩個。首先，同大部分茶餐廳唔一樣，呢度唔會有花多眼亂嘅選擇。三個常餐一年四季從早到晚都可以食到，午餐同晚餐都係幾乎固定幾個品種，可見廚房係比較專注，貴精不貴多。常餐方面我比較鍾意茄牛通，啲鮮牛肉無落嫰肉粉，仲食得出筋部，茄湯嘅味道亦調教得好好，所以每次都會飲曬，跟餐嘅炒蛋都好滑漏，又唔會有膩口嘅牛油味。午餐同晚餐嘅選擇之中我就最喜歡秘制豉油汁滑蛋叉燒飯，醬汁味道適中，送飯一流，自家製嘅叉燒亦相當出色。第二個原因就係餐廳嘅環境乾淨企李，台面除佐有消毒搓手液，仲有餐具清潔噴霧提供俾客人，呢方面比較貼心嘅。店內嘅侍應都好醒目，落單同上菜速度快，效率高，每次去食嘢嘅體驗都係理想嘅。價錢方面雖然俾以前貴左DD，例如常餐之前係48蚊而家要50，不過而家唔少地方食嘢都有唔同程度嘅加價，但呢度嘅食物水準都保持到，所以都係值得繼續幫襯。

開咗咁耐第一次試咋 餐牌內選擇雖然唔算多 不過真心好食喎🥰◾特濃沙嗲牛肉公仔麵呢個係常餐嚟嘅 本身諗住食叉燒意粉 但係見到人哋食緊沙嗲牛好正咁 所以都係揀咗佢❣️果然係夠香濃 我好怕有d茶餐廳做到好稀 呢度呢個好啱心水 而且公仔麵都彈牙 有誠意 睇得出認真揀過先入貨 另外佢哋嘅多士都係脆卜卜架◽叉燒炒蛋飯配特製豉油汁叉燒份量充夠 炒蛋都好滑 豉油唔會太醎帶少少甜味 正！

🍳四季常餐在中環⋄真點忌廉雞湯配叉燒 $50✍︎ 少有會在常餐餐牌出現的湯底，味道濃郁，並不馬虎，但我覺得叉燒一般。多士香脆，一定要和炒蛋配著吃。他的茄牛通和海南雞飯都很不錯。總括而言，茶餐廳來說，四季可稱得上是超班的一間。✍︎ 3.5#852fatboy茶記#852fatboy在中環

四季常餐基本上我一星期都會幫襯起碼一次，因為我真係好鍾意食佢個真忌廉雞湯通粉佢啲忌廉湯通粉同普通茶記真係有好大分別㗎，咸得來又唔會話好重味精味，再加上一杯熱奶茶，簡直係愛完美嘅早餐！另外佢過炒滑蛋多士都好好味，啲蛋真係好滑仲要好香牛油味不過順帶一提，如果想食炒滑蛋多士嘅話，早餐時段去記得都要嗌常餐啊，因為佢個早餐係唔包多士㗎 ！我上次唔知道，唔小心嗌咗個早餐，點知原來唔包多士，有少少失望！如果侍應落單嗰陣提一提醒，咁就會好啲，因為我覺得好多人都會鍾意食個滑蛋多士冇咗佢嘅早餐就冇咁完美啦

終於去了中環的嘉年華🎠不過人實在太多，亦勁猛太陽🌞曬兩曬紅卜卜摩天輪🎡都大排長龍，所以打咗個白鴿轉就走人順手去食埋個四季常餐😚好快就有位佢哋嘅沙嗲牛都幾濃，牛肉唔韌，冇死鹹🐮海南雞飯真好食！🐔個飯喺有味黃飯，雞好滑～但略嫌唔喺好夠喉😹幾啖已冇咗一半忌廉雞湯通粉，堅喺好忌廉，好香，但覺得鹹返少少會更惹味！😼招牌炒蛋好滑好香蛋味，正！😋個多士烘一烘過個面，中間仲喺軟，牛油又夠鹹香，好食！🥰至於凍奶茶喺一杯杯雪定曬喺雪櫃，喺冇得揀多冰少冰～😱好香茶味，比例差唔多，但我覺得奶味太奶，但整體算喺不錯，少返啲奶味會更合口味❤️

唔知大家認唔認為常餐有種特別嘅吸引力, 間唔時就想食常餐因為佢可以一次過滿足晒我食多士,麵 ,炒蛋, 同飲凍檸茶嘅願望依間茶餐廳就係我嘅不二之選喺中環返工嘅都應該對依間餐廳陌生, 食晏嘅時候都會排晒長龍.茄牛通粉 ($50)蕃茄味好濃郁, 而且有好多牛肉. 跟餐會有牛油味濃郁嘅烘多士同嫩滑炒蛋對於OL來講, 呢個餐絕對夠食.忌廉雞湯叉燒通粉 ($50)唔想食咁濃味既茄牛通, 佢哋仲有忌廉湯通粉, 一樣跟埋招牌多士滑蛋.其實依間茶餐廳仲有好多招牌菜, 例如滑蛋叉燒飯. 因為食晏真係好多人排隊, 餐廳都會等齊人先比入座.

四季常餐應該係肥佬黎家族在香港最後的生意, 無論你喜歡肥佬黎與否, 見到如斯境地, 實在心有點戚戚然. 和舊店比較, 新店在大馬路邊, 店面面積更大, 人流更多. 衛生情況以茶記來說已算不錯, 當然之前”二手檸檬茶”的事件太經典, 但至少這餐吃完身體沒有甚麼問題.點了這裡經典的常餐, 就是茄牛通炒蛋和嗲牛麵, 牛肉肉質較韌, 纖維感重, 好聽來說就是沒使唔使用鬆肉粉, 難聽一點來說就是肉質欠佳. 蕃茄湯蕃肉豐富, 但酸甜味道有點做作, 似是加了茄醬. 沙嗲醬香濃還帶點花生顆粒, 比前者做得好. 麵和通粉煮得夠爽, 沒有糊化是我喜歡的口感. 至於炒蛋就一般, 火候可以但欠蛋香. 還是那一句, 功能性可以, 不會令人難以下咽, 但就僅此而已.

禮拜六既下晝5點倒去到餐廳，餐廳坐左一半人倒，我同朋友兩個人想坐卡位，職員既態度都好好，由得我地鍾意坐邊就坐邊。覺得常餐張相好吸引，本身又鍾意食茄湯，就叫左個常餐茄牛通配炒蛋同多士。佢個茄湯本身色水都好夠，見倒都開胃，而且仲好濃又夠味，比起出面一般冇味既茄水，好味好多。而多士亦都係高質素，烘得剛剛好，厚度都夠，出面脆入面軟，唔錯！炒蛋亦都係OK既。朋友都係叫常餐，佢就叫左沙牛面，佢都話正。茶餐廳黎講，職員態度好好，比個讚！

一間常餐，又唔係老字號，點可以一夜之間咁有名氣同一直可以係中環做得住。就係，佢嘅質素常餐。好普通嘅食物，間間都一樣，好小因為一間好味d 就去果間，最多可能一間平d 份量多d 就去果間依間嘅老闆係法國藍帶，咁嘅level 去煮茶餐，佢d 茶餐一定唔同越簡單嘅野食就越難煮得比其他好火腿通粉，佢個湯係精華，用佢自己嘅方法起煮個湯出黎，成件事昇華左會上癮，小心多士認真咁焗出黎，個炒滑蛋，好滑，唔太生又唔熟，唔易煮的唔想食常餐嘅，可以叫個飯叉燒滑蛋飯，都係同樣炒蛋嘅方法去煮，成件事高級左好多

🌤四季常餐特登早起去食既四季常餐早餐🤩 7點左右就唔洗等位 不過食完既時間就開始多人 如果lunch去食 係長期要排隊!🥩四季厚蛋治-芝士鹹牛肉 ($39) [😋8.3/10]比較特別用上餐包 麵包厚身軟熟 搽上牛油烘至外脆內軟 中間夾上芝士鹹牛肉好香 仲有好厚既炒蛋 夠滑身又有蛋香 balance返較重味既鹹牛肉 呢個配搭無得輸 每樣都好好食超滿足🥰🍳正蛋治 ($32) [😋7.98/10]四季既炒蛋果然名不虛傳 即使無落牛油忌廉都好滑身 亦無落好多牛油唔會膩 蛋香亦好足! 若果多啲蛋就更好 覺得麵包可以烘耐啲 略嫌唔夠脆同埋挺身😌 整個性價比較低—————————————————————😋 味道評分: 8.1/10🥳環境評分: 7.7/10🤑性價比: 7.4/10🤩回頭度: 8.05/10—————————————————————📍 四季常餐 中環德輔道中88號地舖

話佢係最受中上環上班族歡迎嘅良心餐廳應該冇人會反對，每日午餐時段都人頭湧湧，座無虛席，好彩食常餐同碟頭飯好快，等15分鐘左右就有位。🍽常餐：特濃沙嗲牛肉公仔麵 +招牌炒蛋+多士 ($48+凍飲$3)先講沙嗲牛麵，牛肉有七八塊，軟腍又冇筋，沙嗲幾重花生味，公仔麵掛到湯好正，雖然佢嘅忌廉雞湯通粉好出名，我覺得呢個麵更岀色。炒蛋嫩滑，但調味重手左啲，偏鹹。多士搽滿牛油，烘得夠鬆脆，邪惡但好食。凍檸茶茶底就正正常常，勝在夠大杯。

黎到四季常餐，一於嚐下佢個常餐😜——四季茄牛通+招牌炒蛋多士 ($50)湯底有茄蓉，加分！我好怕食啲好酸嘅番茄湯，但呢度嘅茄湯酸甜適宜☺️牛肉唔算滑但都ok腍嘅，份量都足夠～招牌炒蛋不得了，好滑有蛋汁😍加埋厚脆多士，正👍🏻🈯️推介指數: 🐥🐥🐥🐥 (4/5).‼️終極之評分‼️✍🏻味道: 4/5✍🏻抵食: 4/5✍🏻環境/服務: 3.4/5 ——📍四季常餐中環德輔道中88號地舖

出發離島前約埋朋友去中環搵食，週末去中環，竟然唔洗排隊於是就試試，叫左兩份早餐，唔洗幾分鐘就可以食，送餐速度真心快沙爹牛肉嘅醬汁香濃，牛肉淋身，非常入味特濃沙嗲湯底味道濃郁。果然好好味。炒蛋好似過生但就好滑身，仲有陣陣牛油香同蛋香。厚多士焗得剛好另加奶油豬焗得非常香脆鬆化。好好味真。忌廉雞湯通粉配义燒睇相幾吸引，义燒比份量較少，較薄身，肉質較鞋。通粉都算有咬口彈牙。忌廉湯底偏咸，雞湯味唔算好出，普普通通。

好鍾意食茶餐嘅我，除咗沙嗲牛麵之外，另一款我會叫嘅常餐就係忌廉火腿通，不過依度仲好係忌廉湯叉燒通，未去之前，已經很期待😚，果然真係冇令我失望，我忌廉濃湯味好濃，通粉都好有口感，叉燒都好淋，真係好好味，另外佢嘅多士充滿牛油，炒蛋都好滑，下次我都要試吓另一個茶餐沙嗲牛麵😙

breakfast $39 each ,有點小貴一份是芝士鹹牛肉炒蛋，其實都沒有不好吃的理由，加杯奶茶a good morning start ,蛋係好滑仲有些蛋汁，芝士再添左份鹹香。另一份好鹹呀個炒蛋，平時我都係食開濃味都覺得好鹹呀，塊火腿又勁油膩，toast 就正常，焗脆左表層抹butter 已經好香啦！但呢個價以茶記早餐，人地常餐會多份麵食，咁就比較覺得佢唔係好值啦，加上失準太重調味我勉強食半份已經極限食唔到。