四季常餐 (德輔道中)

營業中

休息中

一早去跑步，回程11點在中上環吃個早餐。就選了門口有排隊的四季常餐，雖然第一次去食都有期望的。入了QR code 選了茄牛通加杯奶茶$39, 在中上環算ok啦，等咗15 mins牛通没有、奶茶沒有到。追問之下，QR code 冇下單，阿婵侍應叫再入，這次早餐奶茶話售馨，阿婵侍應再confirm 話早餐冇奶茶的，唯有唔食啦，早餐沒有奶茶只有四季常餐好意思講得出，食物質數相信是好的，看見對面一對年輕夫婦叫了火腿炒蛋多士和沙嗲牛肉麵，ok的，希望管理䃈層俾多D training 前線啦

黎到中環都預餐廳價錢比其他區貴，今日想食平時香港茶餐廳早餐，公仔面配多士炒蛋，呢間餐廳早餐常餐$50，價比平時貴，但味道卻出乎意料地好食，你以為可以好食得去邊，佢就偏偏每樣野都整食中等水平之上！ 所以貴得黎值回價錢！如果想食個好味醒神早餐，呢到好啱～呢間餐廳都好貼心，枱面會有一支清潔餐具專用清潔液既俾客人使用，另外用電話點餐，非常方便，無需苦等侍應望你一眼，節省不少時間！坐位亦坐得舒適。講返佢既食物，叫左沙爹牛肉公仔麵配多士炒滑蛋，先上奶茶多士同蛋，奶茶味道正常，冇苦澀味，茶奶比例合理。佢個多士值得一讚，多士係厚身多士，整個表面查均牛油烘到脆卜卜金黃色，好似bbq既味道，熱熱地食一流，咬落表面脆內裡好軟熟，好好味👍🏾👍🏾🥲估吾到茶記可以做到咁既水準。到個滑蛋，比平時滑蛋口感有點吾同，好多時滑蛋會整到成個都好軟多汁，有時牛油味會偏重，呢到既滑蛋多汁但多左個口感，有軟身又有部分蛋係熟身，食落會有吾同層次咬口👀👀👍🏾牛油味剛剛好，本身已經有咸味，吾需要加調味料，配埋多士食一流食埋個公仔面，望落牛肉吾算多，但每塊都大塊，第一啖有淡淡既花生醬味，牛肉食出係新鮮，冇筋同軟身，醃得夠味，公仔麵亦煮到

隔咗一2,3星期黎食，今次變咗自助scan QR code落order見到隔離枱咖哩好似好吸引，好掙扎之前次次都係食常餐或者叉燒蛋飯食咗咁多次，今次第1次食南洋咖哩豬扒飯($62)豬扒厚身煎香大大塊，咖哩係另上，咖哩顏色深色偏紅，味道帶濃郁香料味，仲有少少微辣，好岩送飯，薯仔好淋香料味有別於其他茶記既咖哩，唔通呢D就係南洋既味道!!!食完會有少少油膩，但真係好香好好食咖哩有驚喜! 重口味之選

老實講從前很少光顧茶記，但自從經歷過風風雨雨，便學會懂得欣賞及珍惜港味！兩年多了，初心沒變，仍希望繼續抓緊機會到訪每一家同聲同氣的茶記 (現實是除了這樣，沒什麼可以做得到，慚愧)！初次到訪是趁老媽往中環眼科醫生覆診，兩母女不嘆茶，改嘆茶記！老媽大讚這兒的早餐好吃，作為嚵嘴的女兒亦無異議，出品確實是有質素，吃出用心之處，而且服務、用餐環境也比傳統的茶記優勝！第二訪選擇晚餐時段前往，除了讓老公一試吃不厭的常餐，還想試試碟頭飯的味道！結果證明水準有保障，碟頭飯同樣吃出滋味來，於是在念念不忘下作出了第三次的晚訪！平日 2030 Last Order，而星期六、日會提早關門，曾兩度於假日吃閉門羹，回想起來真的搞笑！但不容易的又何止是為了品嚐好吃的常餐與碟頭飯，試問多少無辜與受害，縱使是千萬倍的艱難， 我們也得為將來和光明支撐下去！簡單來說早餐不是湯粉、便是炒蛋多士、或是三文治，似乎未能滿足我大胃王的要求！幸好只要願意，早餐可變身成為常餐，於是乎湯粉麵加炒蛋多士的組合便出來了，Yeah！不過變身後的早餐，份量其實挻多的，吃得老媽和我抱著肚子去見醫生，哈哈哈！老媽要了四季茄牛通 + 招牌滑蛋 + 多

可能其他食評寫的有點太好，期望高了，卻有點失望。早餐只能叫預設套餐，不能轉例如沙爹牛麵不能轉通炒蛋不能轉太旦迫著叫了茄牛通加炒蛋多士。通粉質感不好，太細粒。茄湯底太重茄糕味，本人不愛。咖啡非常低水準，就是港式咖啡底經咖啡機出咁囉。牛肉是可以的，沒有過度*拿*過。炒蛋亦 OK. 就是太油我不愛。多士非常好食，外脆內軟。員工就是黑面姐姐囉，就黎變成茶記特色要讚！呢度提供消毒劑清潔餐具！吃的不爽，始終不便宜 hkd50。應該不會再來啦！

叉燒炒蛋飯炒蛋滑身唔會過老，加上葱花同甜豉油，好香好惹味！叉燒份量唔少，厚度適中，部位唔算太肥，整體唔錯！南洋咖喱豬扒飯豬扒屬於比較厚切，油香比較少，但連埋咖喱汁一齊食就未至於太乾。南洋咖喱辣度適中，好香好好送飯，附上嘅薯仔口感幾好！

中午在中環找快平午餐真的不容易，一個人趕去下一場工作最好當然就是吃茶餐廳！！這間茶餐廳長期很多人，我最愛的常餐都有幾款選擇，雖然座位不算太舒適，但快食就沒關係～🔹四季茄牛通 $50常餐皇牌蕃茄湯牛肉通粉配炒蛋多士😍首先份量很ok，蕃茄湯底很足料甜度高而且很稠，每一口都好像喝得到蕃茄蓉般～牛肉不難咬也有牛肉味，如果可以薄一點會更好咬；值得加分是牛油多士烘過，牛油完美滲透在多士面層，鹹香滿滿又脆口，厚度亦很適中😋😋吃完會很飽肚。比較可惜是飲品方面沒有鴛鴦，而且我叫了凍奶茶少甜，茶底苦澀，加奶都不能平衡味道，最後我放棄了整杯飲品😨希望下次會喝到一杯正常的飲品...

今日番工，去到中環呢間四季常餐食LUNCH，條隊表面上排好耐，但其實換桌率好高，好快就輪到我地。我叫左個午餐B餐 滑蛋牛肉飯，唔過五分鐘就上左菜，賣相好好睇，熱辣辣！佢個鼓油汁好甜，配合埋口感潤滑既蛋汁，實在係最佳絕配。餐廳既佈置裝修有著港式茶記舒適風格，座位尚算闊落，唔會太逼夾。我覺得係中環食間質素OK既茶記，呢間係一個唔錯既選擇！

🥫四季茄牛通常餐💰$50😈多數一朝早如果係中環到我就會去食四季常餐💛今日照舊都係叫左四季茄牛通🐮佢個常餐仲有兩件烘過既多士同埋一份炒蛋🍳佢個炒蛋好滑好似加左牛奶炒咁😍而茄牛通份量都唔少😳個番茄湯底唔算話好濃但都唔錯😬牛肉都好好味

曾經有一個心願就係食勻晒全香港好食嘅沙嗲牛麵，但係其實呢件事都幾有難度。一來咁樣對身體上太過唔健康，諗深一層啲咁邪惡嘅都係間唔中食下就好。星期六朝早，約咗醫生我未夠鐘所以就去食個早餐，見佢唔算好多人就叫咗一個早餐，佢哋嘅沙嗲牛嘅份量其實唔算太多。不過個面都煮得幾彈牙，唔會煮到過晒龍，沙嗲牛嘅味道偏濃，肉就只係得幾塊，反而佢哋嘅炒蛋多士，就更加出色，因為佢哋嘅炒蛋炒得好滑。唔怪得知要返工嘅日子每一次經過都見到佢大排長龍

去文華staycation前去四季…常餐食lunch先🤪因為過左lunchtime，所以完全唔駛等位，平時lunchtime好多人嫁，不過人龍都去得快嘅。叉燒滑蛋飯雖然好似好多豉油，但又唔會咸喎，叉燒入味，我唔特別好蛋都覺得呢個飯好食。海南雞飯都唔錯，啲飯粒粒分明，不過鍾意油飯嘅人可能覺得乾身左啲，但我就好鍾意，兩個飯軟硬度都控制得好好。奶茶好飲，檸水對我黎講就太酸，我鍾意酸味都覺得佢太酸估唔到四季都幾好喎，唔怪得lunchtime咁多人排隊啦🥰

📍 四季常餐中環德輔道中88號地舖.🤓叉燒炒蛋飯配秘製豉油汁💰60 (w/ hot drinks).的起心肝去排四季都等咗20分鐘.叉燒偏瘦 又薄 覺得有啲呃秤蛋唔算特別滑唯獨個汁係真係好食 蔥油加豉油 正.食物質素 正常普通過得去但排咁耐隊就真係唔值要排咁耐嘅話真係寧願食返尚樓

中環嘅午市好繁忙，呢間門外嘅人龍打蛇餅，就知道佢平靚正。常餐$50午餐選擇不多，就四款。[] $60炒蛋略嫌熟左啲啲，不過整體係非常好味。呢到嘅秘製豉油汁鹹香味好正，配飯真係一流，叉少就瘦左少少但質素ok! 配埋炒蛋真係一啖接一啖。份量比較細，女仔都輕易食得哂。[]呢個就有少少失望了，原本以為湯底會好濃稠，可惜比較稀，蕃茄味微，但勝在無咩味精，酸酸地。牛肉比較乾柴，難咬開。厚多士配滑蛋就無得輸啦。

沙嗲特濃公仔麵配招牌炒蛋多士🍞🍳🍜熱奶茶 ☕️$48晨早出到中環，梗係去食個靚早餐先啦，口袋裏的茶餐廳，最愛沙嗲牛肉麵，沙嗲汁香濃好味，牛肉軟淋冇渣，炒蛋炒得好滑，多士即烘即搽牛油，奶茶好香濃，普通一個早餐都可以做得好精彩💛💛

高質茶餐廳四季常餐炒滑蛋真雞湯火腿通  濃香咖哩牛腩飯四季常餐用料做法講究實行做到平靚正 又好食!炒蛋做得滑溜，多士既厚身又香脆，就連火腿通粉的湯底也是自家熬製誠意十足而且常餐盛惠 $46在中環區來說實在抵食大碟炒滑蛋 不加忌廉一樣滑 以美國蛋日本蛋湖北蛋混合而成快火炒便成招牌炒滑蛋火腿通粉也不是行貨，湯底熬足6小時，味道清甜除左常餐出色,連招牌咖哩都係一樣咁香濃惹味 牛腩條用美國牛肉,味濃肉厚,炆到好軟淋入味咖哩汁香辣惹味!中環德輔道中88號地舖消費$111