四季常餐 (德輔道中)

營業中

休息中

見網上平台做緊優惠，$150三個常餐，就同同事夾份試下，我地大家都未食過呢間。特濃沙嗲牛肉公仔麵湯同麵係分開上，呢點都抵讚。牛肉肉質就普普通通啦，比較薄身，但沙嗲汁就好似真係濃過平時茶記。麵嘅份量都OK。忌廉雞湯通粉配叉燒同事評語就話不過不失。跟餐嘅炒蛋同多士好大份，多士烘得幾好，個盒嘅設計好貼心，兩樣野分開黎放，唔會令到個多士整濕晒。由於未食過呢間，大家都唔敢叫咖啡奶茶，穩陣起見叫咗熱檸茶。灣仔區黎講算係街坊價。

今次專登過海試吓呢間街坊熱捧嘅 四季常餐 ，叫咗個 滑蛋叉燒飯配凍檸茶，果然係「平靚正」嘅典範！【滑蛋叉燒飯🍳】一上枱就聞到蔥油嘅焦香🌿，米飯粒粒分明🍚唔會係「黏埋一嚿嚿」嘅頹飯！滑蛋薄到透光🥚鋪喺飯面，蛋漿半熟流心💛撈埋蔥油汁簡直邪惡到震呀！😎叉燒🍖同牛肉🥩都好正——叉燒切得厚薄適中，肥瘦比例三七分，滴蜜汁滲入滴肉入邊，醬汁鹹甜嘅滋味令人停唔到口😍牛肉片嫩滑得嚟好有肉味🤤最抵讚係 ：份量夠晒手鬆👍大胃王都唔使驚食到一半冇餸送飯~🤭【凍檸茶🍹】以為茶記嘅凍飲求其沖，呢杯檸茶🍋 認真有誠意！茶底濃而不澀， 飲到最尾都唔會淡茂茂，食完叉燒之後啜一啖即刻解晒叉燒嘅油膩感，簡直係食肉獸嘅救星👌

幾個月前米籽同澳牛太子講到杯凍奶茶咁好飲，就慕名去試試。杯奶茶茶味過濃有啲澀，唔係我心水，再叫個招牌滑蛋豬扒，份量少 賣相欠佳，個碟就大，但豬扒只係得零碎的五件，可能係黑毛豬，所以咁矜貴？！望落應該唔係原塊切岀嚟，應該係一早切定，求其乸幾件就上碟。五小件好精巧，賣相成砌圖方塊，仲要搭舊肯你啃，食落非常乾身柴口。半年內食過兩次，完全無進步，應該唔會有第三次了…

今天在中環lunch, 來到四季堂餐見到已有人排隊但人數不算多，平時成日經過都未試肻今日決定一試。食物選擇不算很多，室內環境不大，坐得也有點擠迫。我選了滑蛋豬扒飯配凍檸茶，食物賣相很好，立即增強了我的食慾。但當我吃了之後覺得自己點錯了餐，原本我想試佢地嘅招牌茄牛通，呢個滑蛋豬扒飯塊豬扒有點乾，而且完全冇味，如果唔係有醬油調味我諗唔會食得落。最離譜係白飯，唔知廚師係咪只識煮通粉，白飯只有6-7成熟，每粒都好硬，因為趕時間關係只好照食，最攪笑係坐我隔離嘅食客都係叫滑蛋豬扒飯，佢仲同佢朋友講：「啲飯好似生生地」，令我哭笑不得。資料相片如下：

經過中環嗰陣，無意中見到四季常餐嘅餐牌，出名食「叉燒滑蛋飯」，睇落幾吸引，啱啱又係午餐時間，就入去試吓啦！諗住一次過食多啲，最後叫咗個「叉燒滑蛋拼滑牛雙拼飯」。出餐夠快，等咗一陣就上枱啦。一睇就覺得好正，炒蛋煎到金黃色，賣相靚仔。入口滑溜溜，最正係啲蛋汁流晒落白飯度，食落完全唔乾，飯都變得好惹味，好滿足！叉燒就普通啲，係瘦叉，唔係嗰啲肥叉，少咗啲油香味，但又唔算太差。反而滑牛肉好出色，肉質夠嫩，完全唔韌，食落都幾入味，配埋滑蛋飯一齊食，口感又滑又香。總體嚟講，呢個雙拼飯算係簡單滿足，價錢合理，特別啱啲想快快手搞掂午餐嘅人。如果你鐘意滑蛋飯，呢度呢個真係值得一試！

好耐無出街食港式早餐行中上環好多茶記已經消失不再趕時間見到四季常餐人唔少網上食評都好好，就決定入去第一次食四季常餐早餐叫咗特濃沙爹牛肉湯公仔麵 配炒蛋 多士炒蛋想轉煎蛋，無得轉飲品想要鴛鴦，只有奶茶咖啡阿姐見我咁唔知埞都唔係好想show我沙爹係唔錯，牛肉得3-4塊，但居然有條腸仔麵條偏軟，個人喜歡偏硬炒蛋唔知點解好重胡椒粉味，滑就滑，但胡椒粉蓋過所有味多士過得去，脆口少少牛油香另外想講門口座位係入口斜坡隔離，坐埋位個陣無為意，kick到拗柴無咩事唔會特登返嚟食

中環區大眾化茶餐廳高質 中價 大份四季茄牛通常餐指定食物真係好大碗茄味好香濃酸酸甜甜好開胃通粉彈牙牛肉嫩滑完全唔似其他食肆牛肉又鞋又韌不過漂到有點白值得一試滑蛋又係好出色都係嫩滑 再加有蛋香配上厚切多士熱辣辣香脆口感滿足整份常餐每一個細節都處理得好好味道口感配合非常好明明唔太肚餓最後食曬成份

中環食咩好?呢日放lunch去左中環食四季常餐-蕃茄牛肉通粉 (配招牌炒蛋加多士）$52-沙嘇牛肉公仔麵 (配招牌炒蛋加多士) $52 總評：食飯要搭枱，食物不過不失，正常茶餐廳發揮啦，無乜驚喜，茄湯味足，沙嗲湯味足，賣相算吸引嘅，麵質煮得啱啱好，唔會太腍/太硬，中環價錢嚟講算係唔錯，好多打工仔嚟食，如果你唔喺呢度返工就唔洗專登過嚟排隊食喇！(⁎⁍̴̛ᴗ⁍̴̛⁎) 四季常餐 (德輔道中) (中環)中環德輔道中88號地舖

一個普通的返工日👀其實已經食咗好多次☺️次次午餐都超多人排隊，難得今日早咗放飯所以有機會食到😍🍽️ $60 叉燒炒蛋飯配秘製豉油汁叉燒肥瘦適中，咬落唔會覺得靭😏😏😏炒蛋真係好滑💕配埋豉油汁甜甜鹹鹹咁😳非常之夾份量都幾大，女仔食會覺得超飽，男仔應該啱啱好👌👌👌朋友食嘅係常餐，呢度叫得四季常餐，呢度嘅常餐都唔會令人失望！！！我都食過 幾次，不過冇影到相，個包真係好香脆🍞暖暖地烘完，又有蒜蓉香🙈

四季常餐嘅位置係中環，我食過佢哋嘅早餐，揀咗忌廉雞湯配叉燒通粉。餐廳環境方面，都幾好，我會比四個星。服務質素真係好好，啲人好友善又樂於助人，我會比五個星！食物味道就真係好正啦！忌廉雞湯好香滑，叉燒肉好多汁又嫩，通粉煮得啱啱好，有口感又唔會太軟。每一口都好滿足！我會比五個星！性價比真係好高！餐廳價錢合理，食到咁好味又高質素嘅早餐，真係好抵食！我都會比五個星！總括而言，四季常餐係一間值得推薦嘅餐廳！餐廳環境舒服，服務質素好好，食物味道正，性價比高，絕對可以帶嚟一個開心嘅用餐體驗！

四季常餐放假一早去左中環搵食，想揀一間早餐試吓，行過見到呢間價錢平民化又好似幾好坐咁，就決定入去試一試😜四季茄牛通加配午餐肉茄湯味足，賣相吸引，牛肉唔會醃到失去原來既牛肉味，午餐肉有煎香唔hea，通粉口感彈牙，唔會煮到淋哂，但係對比坊間同樣以茄湯做賣點既餐廳黎講整體唔算十分出色🤭特濃沙嗲牛肉公仔麵加配香腸牛肉同茄牛通既牛肉係一樣既，不過佢另外加左沙嗲汁，值得一讚佢既湯配沙嗲汁相當有驚喜，朋友試左都想同我交換呀，另外公仔麵煮得岩岩好，一路食既時間唔會出現愈食愈淋既情況，絕對值得encore🤩🤩🤩芝士咸牛肉餐包本身我地其實都夠哂飽，不過見到隔離叫左又忍唔住叫埋，實物睇到係好大舊，兩個人share岩岩好，咸牛肉配上牛油真係天作之合，另外炒蛋蛋味夠而且滑嘟嘟，加埋塊半溶既芝士，為今日既早餐作結☺️

話說工作關係，下午來到上環做嘢，見到啲Yen幾平咪又唱下咁樣，跟住就順便食個下午茶，行吓行吓見到依間嘢有位坐又幾舒服，價錢好似又唔係好貴，咁咪坐低嗌個下午茶瑞士汁乾炒牛肉麵囉，嚟到嘅時候見到有隻蛋，以為執到筍嘢，點知食落去超鹹，鹹到要係咁飲嘢，牛肉得嗰兩三舊細細舊，大佬呀你收$48都冇理由咁樣啦，我好少嚟呢邊食嘢，係咪租貴啊大佬，你咪加多幾蚊俾多少少人哋囉，唔好咁肉酸啦，個炒麵又冇質素又鹹，講真我都唔會再幫襯，唔怪之咁多位坐，真係茶餐廳都咁難食🤦🏻🤦🏻🤦🏻

以前食過兩次外賣都好好味，點知今日個白飯入口係kok kok聲，白飯未熟，應該係未焗透，食咗幾啖要放棄。太可惜，叉燒炒蛋同豉油仲係好好味。唔想行轉頭換過個飯，但希望可以有改善啦，唔好嘥咗炒蛋叉。

好耐冇去這間茶餐廳食早餐了，依然想食他們用新鮮牛肉煮的沙嗲牛肉公仔麵早餐送到枱面，沒有失望，和其他那些唔知煮咗幾耐，一“劈”的沙嗲牛肉比，這個看到一片片牛肉剛剛白灼好，放在公仔麵上，在淋上秘製的沙嗲汁，好好味同事們讚佢哋的炒蛋依然好味，炒蛋好滑，多士熱辣辣，如果可以多少少牛油，就更加好同事叫的茄牛通，蕃茄湯濃郁，同樣可以見到，他们用新鮮牛肉白灼後加入通粉，最後加上一些香草在面，賣相立即升級了奶茶依然好香，為了環保，我謝絕用飲管

身為一個中環上班族，食個lunch真係閑閑地都過$100。四季常餐就係中環嘅平民飯堂，所以成日都會同同事去食。呢個茄牛通常餐就係我經常會叫嘅餐。一個通粉加埋多士同埋炒滑蛋，唔好睇佢細細份，對女仔嚟講已經好飽，仲有包埋嘢飲添。佢個牛肉唔會話太韌，蕃茄湯都幾濃郁，酸味味咁好開胃。滑蛋嚟講都幾出色，唔會話炒到好乾，仲要有蛋汁。多士就不過不失，正常水準。👍🏻雖然lunch time比較多人，長期都排長龍，但係人流都去得幾快，唔會話要等好耐。座位嚟講都唔會話好窄，不過不失。所以要喺中環食個平價快餐，四季常餐真係一個唔錯嘅選擇。