喬居酒屋

營業中

休息中

8點打電話去問，店員(定老闆)答8:30或9點都有位，見9點有7折就book實。專程去太子，其實8:40已到附近，唯有行吓先。8:58準時到達，竟然無位，店員就話好快有，無奈只好等等，再過一陣又有兩位客人到店；等咗差唔多20分鐘，終於有兩個位，最嬲嘅事情發生～店員竟然俾遲來嗰兩位入先，大家都係book 9點，我哋仲要早到過佢哋㗎，原因係佢哋book先喎。咁唔該你哋電話回覆時講明要等，客人可以諗下食唔食，而唔係要客人專登嚟到等餐懵。你哋都知自己間舖得好少座位，空間細坐位又逼，價位唔平㗎，個蕃茄加到$78(見9月其他食評及餐牌圖為$58)。大家有緣睇到，book前要考慮清楚。嬲都要搵食，我哋過隔籬泰聚食泰菜，坐得舒服，服務又好，食物質素都非常好，值得推介。

早於3星期前已訂位，whatsapp已確認仍遺漏紀錄；最終被安排坐樓上既火煱店（所有人冇晒mood). 不斷新述2間餐廳都是一樣的，仍可叫日本食物。 他們完全不明白餐廳氣氛既重要性！！！！！下單後1st round食物要差不多等30分鐘，約包括5款食物。可惜其中1至2款食物係凍的（相信要等其餘食材熟透，先烤好的食材溫度便下降-這是常識吧！）串燒沒有跟相應既調味料，難道用火鍋醬油代替。我們要開聲問才跟配！因樓上樓下關係，每次發出要求都要靠Whatsapp聯繫或直接打去串燒店。簡直浪費時間！埋單絕對不便宜，但食物質數只可說入得口而已,全女班都不飽（朋友回家還要煮麵食）。最初係因為聽聞他們用“心”製作才試一下，經歷過今次體驗真不敢恭維。

話說 放工之後去咗一間隱世嘅居酒屋喔喺太子站附近 其中一條唔顯眼嘅巷仔呢舖頭外面嘅牆上 掛滿曬好多日式嘅燈籠夜晚呢個位打張卡 成件事真係有氣氛哇舖面相對細 位置有限同當日有包場活動所以坐喺出面嘅長枱 真係別有一番風味呢度串燒嘅價錢相對貴 但勝在質素高呢記得嚟之前提早預約 唔係就會白行一趟下次有機會嘅話 真係想體驗下店內氣氛哈哈 同朋友喺度聚舊小酌下應該都唔錯-雞心 （$32）雞肝 （$32）雞腎 （$32）雞胸脆骨 （$32）估唔到係咁好食 咬落特別爽脆㗎雞胸同軟骨夾雜咁食 好有層次感手羽先 （$38）雞翼燒得外脆內嫩 帶點鹽香嘅味道啊A4和牛串 （$88）呢款 係我嘅至愛嚟 牛味重且肉質鮮嫩又多汁師傅燒得又啱啱好 口感一流 成件事好高質喔燻煙芝士 （$38）黑毛豚肉五花腩 （$42）賣相好邪惡 望住已經流晒口水咬落外皮香脆內軟 燒得啱啱好鹽燒豬肋條 （$48）鹽燒雞肉串 （$36）汁燒腦天 （$88）呢款 係吞拿魚頭上面嘅肉嚟 魚香味濃郁入口即融口感好特別 值得一試 強烈推介黑糖燒菠蘿 （$38）面上有層黑糖 而菠蘿入面勁多汁 甜甜地食到停唔到口

成日去酒吧街飲酒嘅時候，都會經過呢間餐廳。但係一直冇機會試，今日終於有機會嚟試吓啦。咩都滿口已經見到呢度好多日本feel，而且呢度嘅食客全部都食得好開心，令我都十分期待。前菜已經畀人一個好好既印象。鱈魚乾既鱈魚肉質細嫩，經過烤製之後，表面金黃香脆，內裡保持鮮嫩多汁。魚乾嘅鹹香味同串燒嘅煙燻味完美結合，每一口都能感受到鱈魚獨特嘅風味，呢道前菜絕對係開胃嘅好選擇。接住落嚟係日式炸白蝦仔，炸白蝦仔外皮酥脆，內裡蝦肉鮮嫩，炸得剛剛好，唔會過油。蘸上特製嘅醬汁，每一口都係味覺嘅享受。白蝦仔嘅鮮味同炸得金黃酥脆嘅口感形成咗完美嘅對比，呢道菜非常開胃。燒雞翼亦係一道非常受歡迎嘅串燒。雞翼經過醃製同烤製之後，肉質鮮嫩多汁，外皮香脆。配上特製嘅醬汁，味道更加豐富，每一啖都充滿咗驚喜。呢道燒雞翼嘅份量足夠，係朋友聚餐嘅絕佳選擇。明太子雞肉串燒呢道菜真係一大亮點。雞肉嫩滑多汁，配上明太子嘅鹹香味，形成咗獨特嘅風味。明太子嘅味道濃郁，令到整道串燒更加美味，每一啖都充滿咗驚喜。和牛串燒係呢餐飯中嘅高潮。和牛肉質鮮嫩多汁，入口即化。和牛嘅油香味非常濃郁，再配上特製嘅醬汁，令到整道菜嘅味道更加豐富。呢道和牛串燒真係

超級隱蔽的串燒居酒屋，坐落於小巷中，沿路由好多唔同花款的燈籠佈置，都幾有日式居酒屋氣氛～～餐廳主打串燒，串燒質素幾高，仲有唔同組合的餐牌，有啲都幾抵食！汁燒腦天必食呢款串燒，腦天指吞拿魚頭頂上的肉，較為軟滑，亦非常罕有，汁燒咬落好juicy，充滿魚油味，而且肉質嫩滑，推薦推薦～煙燻芝士呢款串燒印象幾深刻，自家製煙燻，入口淡淡煙燻味，芝士燒至外脆內軟，配埋酒一流！牛舌心比想中大舊，口感好脆爽有咬口，唔會有怪味，牛味都夠，而且燒到好香口～黑糖燒菠蘿食左咁多串串燒，食番舊菠蘿中和下，黑糖薄薄一層完全地包裹住菠蘿，咬落外層脆口內軟，菠蘿酸酸甜甜好多汁，超推薦！

好耐冇去居酒屋今次嚟到太子後巷仔嘅一間比較隱蔽嘅居酒屋見幾多人讚 真系有啲驚喜喎!🤭價錢雖然唔算特別平 但其實又唔算貴~一於講下有咩好食😋👍🏿前菜漬物喺所有嘢食嚟之前會有啲漬蘿蔔同牛蒡酸酸甜甜 口感爽脆 非常之開胃🥰味道: 7.5/10👍🏿燻煙芝士 $38師傅口講系叫煙燻芝士嘅🤣但唔知點解menu寫燻煙 所以個名就跟佢啦🤣外面燒至乾身 齋聞已經覺得好香芝士處於半軟身嘅狀態 幾乎入口即融😳除咗芝士嘅鹹香 仲帶煙燻嘅香氣味道balance得啱啱好! 有少驚喜🤭味道: 8.5/10性價比: 7.5/10👍🏿汁燒腦天 $88雖然系貴啲 但真心好好食!🤤記憶中淨系食過刺身腦天 今次以汁燒嘅方式烹調 真系第一次見😳燒到半熟狀態 外層食到鹹甜鹹甜嘅醬油香魚質非常之嫩 油脂豐富🤪咬開隨即成個口腔充斥住魚油香接近入口即融!但依然保持濃郁魚味 超正!😋味道: 9/10性價比: 7/10👍🏿汁燒雞肉蔥串 $38大蔥爽脆 自帶些少甜味雞肉呈啱啱熟嘅狀態非常之嫩!😳搽上適量嘅醬油 甜中帶鹹令大蔥原本嘅甜味更突出味道: 8/10性價比: 7/10👌🏿黑毛豚肉五花腩 $42師傅一次過上晒五花腩同豬肋條叫我哋一定要食

因為上場未食完未飲完就補趕場之下，友人匆匆忙忙找找附近有什麼串燒可以繼續下半場？找到了一間行10分鐘就，9:00到打去留枱都話要等半個鐘，既然我哋興致勃勃再繼續慢慢行過去跟住就等位啦！去到門口話我哋已經到咗，因為店舖比較少，大概得10個位，咁我哋需要等一陣，然後佢哋好窩心就拎咗一支300ml清酒俾我哋飲住等⋯仲同我哋傾偈。今時今日咁嘅態度先係做生意㗎嘛，大約15分鐘就入坐。我哋三個人再叫多一支720ml $300大門清酒，呢個價錢係良心價。而佢哋清酒嘅價錢起跳係由$200起適合大眾化。首先就每人送咗隻溫泉蛋前菜，然後推介了雞唔同部份嘅串燒，連雞膊頭、雞心喉管都有得食⋯咁我哋重叫咗幾款唔同的部位，雞心、雞腎、雞胸脆骨⋯值得一提就係燻煙芝士係自家燻煙，同清酒超級夾。然後必食鹽燒吞拿魚下巴，入口魚油之香極正！其他串燒也是水準之作⋯在深宵食堂feels嘅小型居酒屋，係你面前燒⋯再一齊飲酒，真係補番上半場的失落感🫶🏻一間有heart 的小店，真心推介👍🏻記得打去訂枱啊！呢啲咪叫：你出粒糖，客人甘心輸間廠俾你啦！21:00去到仍要等位的福利，多謝老板係你面前即燒串燒送的前菜：温泉蛋加了自家調醬汁，

今日係太子呢頭既coffee shop 坐完行過見到有間幾地道既日式餐廳，係條巷仔到，傳出好香既串燒味，呢度掛滿燈籠，店內佈置都好日式傳統風格🎎～ 店員好熱情咁招待左我地入去～食襯串燒我都會必食雞翼雞軟骨雞腎呢啲～ 呢度有埋雞心～ 內臟燒得幾好食，冇雪藏味冇異味！ 👍🏻😋 試埋佢個雞頸肉！ 又燒得唔錯～見到呢個比較小食既波子提豬肉卷，第一次係食提子加豬肉卷，同平時食開既蕃茄仔唔同，提子燒完食落去都係保持左脆脆地爽口既清甜口感，加埋咸咸地既豬肉卷，又幾特別～ 最後甜品就叫左佢個燒菠蘿！ 師傅係上面加左糖衣，再燒，食落多左層脆既口感，好似食緊冰糖葫蘆咁～ 全部都係師傅現場即燒～ 見到有啲食客應該都係熟客，同師傅有傾有笑～ 仲聽到出店家對日本酒都好有研究🍶支持小店！

🐷鹽燒豬肋條用上西班牙依比利橡果級豬🐖 肉質鬆化，肉味都好濃. 係食橡果大既豬豬🌰 食落有淡淡既榛果味. 咬落去脂肪滲透落啲肉， 係口度一齊溶化嘅感覺🤍 哩個一定要食呀🫶🏻🐥免治雞肉棒師傅話雞肉棒係佢手工制作. 同外面買既會唔同. 口感好軟. 再配日本初生蛋，超滑😆🐟汁燒腦天腦天係是tuna魚頭頭頂既肉，每條魚只得2片，相當珍貴。肉質軟滑，油分好高，魚味濃. 我每次食魚都鐘意哩個部位😂🍍黑糖燒菠蘿用既係地門菠蘿. 甜中帶酸. 表面係燒到焦脆既黑糖. 我可以成碟包辦🫢

晚餐來到太子一間充滿日本巷弄氣氛嘅《喬居酒屋》，門外的燈籠牆，猶如置身於日本一樣。這裡主打串燒菜式，主廚Sang 師傅曾在香港知名五星級酒店與日本師傅共事多年，其後任職於澳門知名酒店擔任總廚，更於具代表性的米芝蓮星級餐廳工作，在名廚Hiroki Nakanoue 麾下習藝，練就一身廚藝，今天就交由Sang師傅為我們發辦吧！😉師傅自己包既「日式煎餃子」， 皮薄餡靚，再配上特製醬汁，吃再多都不感油膩😌「汁燒腦天」是吞拿魚嘅稀有部位，天靈蓋，質感好軟綿，配上特製嘅醬汁燒烤，口感豐富，令人齒頰留香，值得一試。「牛舌心」牛味濃又夠肉汁😍「鹽燒豬肋條」經鹽燒烹調後，帶有微微嘅焦香，同時也保留上肉汁。「黑毛豚肉五花腩」味道美妙，回味無窮。「手羽先」雞皮燒得又薄又脆😋「免治雞肉棒配日本初生蛋」香滑美味，絕對值得推介👍🏻「雞心」 口感鮮嫩帶嚼勁。「雞腎」 爽脆入味。「明太子雞肉串」雞肉鮮嫩多汁，配上明太子，味道更加豐富，再加點青檸汁，口感就更清爽。「雞胸脆骨」最愛吃那爽脆的口感😊比較小有的「燻煙芝士」，輕輕燒燒，味道又幾好食喎！「黑糖燒菠蘿」外層黑糖脆脆口感，內裡香甜多汁。最後再嘆番壺「想天坊」，味道較

居酒屋門外掛住好多紅色燈籠好有特色，入面座位雖然比較少，但係變相同店主更加親切一開始上咗前菜，就係醃蘿蔔同埋一啲牛蒡全部自家製，食落酸酸甜甜非常開胃免治雞肉棒配日本生蛋 $42有少少燶邊嘅免治雞肉，本身已經好濃郁嘅洋蔥香味，再配合埋生雞蛋汁，兩樣嘢都幾夾汁燒腦天 $88初頭叫嗰陣唔知咩嚟，問咗原來先知係吞拿魚個腦，所以叫做腦天🫢但係食落好似吞拿魚咁，好滑中間有少少生嘅口感非常之好，最重要係冇腥味雞胸脆骨 $32食落好重炭燒味 雞軟骨 ，中間夾住少少肉令到層次感豐富。手羽先 $38，估唔到咁大隻雞翼，表面有少少香脆，入面仲係細嫩多汁。煙燻芝士 $38做埋芝士燶邊都係最好食。今次都唔例外仲配合係煙燻味，加上有少少脆口，送酒一流日式煎餃子 $78，即叫即煎唔同啲，入面餡料好豐富同多汁，餃子皮一啲都唔厚！牛舌心 $68牛舌好厚好大塊，燒得好香好juicy 雞腎$32外面表層焦香，送酒一流黑毛豚肉五花腩 $42半肥瘦口感，肉味好重，油份齒夾留香。黑糖燒菠蘿 $38用黑糖燒新鮮菠蘿既表面，熱辣辣嘅菠蘿香甜多汁配合表面嘅黑糖，令到層次感更加高今餐大滿足！

好掛住日本，去喬居酒屋懷念一下日本先，未進餐廳前就已經好有日本feel，長長嘅燈籠路，餐廳有廚師吧，可以一路睇住師傅整一路食， 仲可以同師傅交流一下日本料理一開始有餐前小食，是自家製的牛柳絲和柚子蘿蔔，好開胃免治雞肉棒配日本初生蛋免治雞肉扒好軟熟燒得好香，仲可以點日本初生蛋一齊食更加滋味煙燻芝士芝士軟面頭燒到脆咗，內裏軟淋淋，濃厚嘅芝士味鹽燒豬肋條 & 黑霧豚肉五花腩 豬肋條啲肉有口感，煙韌啲五花腩一層一層 燒得剛剛好軟熟牛舌心牛舌心切得好厚，燒得好軟熟雞腎和雞心 雞腎好軟熟，雞心好爽口，燒得剛好波子提豬肉卷店主推介波子睇豬肉卷，用豬肉包住波子提子，咬落去好juicy，鹹甜一齊食好夾腦天 牛柳粒 鹽燒雞肉串 雞軟骨 雞胸脆骨腦天係吞拿魚天靈蓋，店主介紹，好好食，好軟熟，推介得好好牛柳粒&雞扒都燒得好好雞軟骨和雞胸脆骨都好特別，個軟骨燒得好脆手羽先兩隻雞翼大大隻，燒得好香脆，裏面仲juicy

半身想食舖頭前面間泰國嘢，但係見到旁邊嘅燈籠寫住居酒屋走走入去望望，有種穿越時空嘅感覺，去到小店。我們叫左呢啲都幾好食🤤柚子蘿蔔非常之清甜開胃。食完搞到我想喺屋企自己試吓整。伊比利亞豬肉爐端燒師傅所介紹，這一種伊比利亞豬是食橡果🌰 長大，所以會有堅果 Nutty Taste 香。雖然我食不出，但是味道就是很香。我下次會再encore ;)汁燒老天外熱內冷、有種冰火交融的口感。原來老天是吞拿魚頭部的兩邊肉，所以可以一次過食到串燒和刺身嘅感覺汁燒牛柳牛柳燒得非常冧身、熟透。煙燻芝士🧀師傅都自豪咁show畀我地講係自家製嘅產品。因為平時芝士燒完好多都會溶咗，但係佢講到一隻可以燒完做到煙熏效果。燒雞腎落左七味粉、有少少辣，但幾過癮。雞翼非常之彈牙、好味

位於太子的隱世居酒屋, 雖然地方細細, 但店員十分熱情有禮, 性價比及CP值極高, 材料新鮮, 真心推介- 日式煎餃子 (5隻) $78.0皮簿餡靚, 內有豬肉，韭菜和椰菜, 香脆爆汁, 配埋特製的醬汁, 超開胃醒神- 汁燒腦天 $88.0唔講唔知，原來腦天就係吞拿魚的天靈蓋，我都係第一次食，據師傅所講每條吞拿魚的天靈蓋每邊只有一舊肉，十分之珍貴，油脂豐富及味道濃鬱，值得一試-黑毛豚肉五花腩 $42.0微微焦香慨五花腩，一層肥一層瘦，層次分明，咬落軟淋好juicy-黑糖烤菠蘿 $38.0新鮮菠蘿連皮燒，菠蘿面掃上黑糖, 黑糖燒至脆皮，包住多汁鮮甜嘅菠蘿，一啖咬下去，超正🥳-鹽燒豬肋條 $48.0肉嫩又多汁, 肥瘦均勻, 肉味豐富，肉汁帶甜，好好食-鹽燒雞肉串 $36.0 雞肉軟淋, 零油脂, 唔鞋口，- 白鱔 $78.0皮脆肉嫩, 魚肉夠厚身, 彈牙又多汁, 無泥味, 十分鮮甜-雞心 $32.0 微焦香的雞心. 脆卜卜的外層， 咬落去好爽口好juicy- 煙燻芝士 $38.0好特別的，把芝士燒至乾身，煙燻過的芝士嘅鹹香又帶有一陣微微煙燻過的味道，好好味，佐酒一流

喬居酒屋太子花園街239號C舖經開太子站，老友推介地道居酒屋，果然冇介紹錯，有驚喜呀！😼自家製牛肉+漬物前菜牛肉肉汁豐富，漬物開胃惹味，好味道！🐱日式煎餃子自家製餃子皮薄餡靚，新鮮爆汁，又香又脆，加大廚調配的秘製醬汁，正呀喂！😽煙燻芝士外層香脆，香濃煙燻芝士味刺激味覺，好爽！😍牛柳粒牛味香濃，肉汁豐富，口感嫩滑。😋汁燒腦天魚油豐富，香氣四溢，口感煙韌，醬汁調配得恰到好處，大滿足。😻黑毛豚肉五花腩肉味香濃，脂肪和肉的比例剛剛好。😁鹽燒豬肋條爽口煙韌，肉汁豐富，肉味更加有層次，必食！🤤免治雞肉棒配日本初生蛋香濃的免治雞肉棒，配初生蛋醬汁，剛好中和了鹹味，絕配！😘雞腎、雞心、雞肝、雞頸肉和雞胸脆骨雞味濃郁，爽口煙韌，醃製得恰到好處，加秘製醬汁，好邪惡！😈黑糖燒菠蘿焦香味濃，鮮甜多汁，酸酸甜甜好惹味！😀喬居酒屋 地道小店，食材高質，自家製醬汁正，即燒即食，侍應服務態度好，還會再來。😎🤘🏻