喜膳燒

營業中

休息中

這次走到接近尖東方向的地帶，希望可以到比較少眾的餐廳吃飯。沒想到給我找到了這家小小但應有盡有的串燒店。裝修偏日式，而且座位很闊落，坐得很舒服，適合小倆口或者一大班人喝杯酒，吃吃串燒。餐牌上很明顯主打海鮮類，當然也有一些肉類、丸類和蔬菜類，甚至有各種佐酒小食及主食，務求滿足每位個人的不同胃口。🍽燒芝士響鈴比較少在串燒店看到燒響鈴，加上我們又是響鈴的粉絲就更加不能錯過。響鈴燒得香脆，表面微焦，裡面塞滿了滿滿的cheddar cheese。兩者很搭，芝士的鹹香味配上脆脆的口感很好吃，又完全不會膩。🍽海鹽燒牛肩胛這個是整晚最推介之一！牛肩胛肉質很嫩，而且非常juicy。師傅火候把握得很好，裡面仍然有點粉紅色，不會過老。海鹽最能夠帶出牛肉本身的味道，而且完全不會韌，超級好吃！🍽燒火辣牛肚這個非常適合吃辣的人。以為串燒店也不會做得特別辣，但是沒想到吃下去也是蠻辣的！是四川麻辣的味道，但是不會很麻。而且牛肚都很大塊，一咬下去也是非常juicy，我也覺得很好吃。🍽燒手切雞腎串（孜然）雞腎串也是串燒店不能少的菜式。這次選擇了孜然口味，孜然粉很惹味，雞腎也很爽口，又不會薄得好像沒有吃到什麼東西一樣。也是佐

朋友話想食串燒，搵到呢間覺得可以一戰，我就用OpenRice book位 18:30 到達餐廳好快就點餐，好多選擇餐廳環境細細間，但staff都好好服務先講講飲品，酒都有好多款，但我地唔飲酒，所以我地點左益力多沙冰巨峰提子梳打兩杯都好飲！上菜！先嚟黑松露鵝肝多士！好香既松露味，加上肝既油、綿，好rich！多士都好香，但都無搶到肝既風頭玉子燒甜甜的，嫩，但同時好夠熱田螺加上薯蓉，不錯，但蒜味略咸大蜆，鮮！甜！完全沒有overcook蔬菜類其實好怕會好乾，但是！完全不會點左四季豆露筍韮菜，都仍然好juicy，唯獨韮菜調味粉略多了一點午餐肉牛舌雞腎雞軟骨多春魚雞皮，都很不錯！特別是午餐肉，很有驚喜芝士豬五花，乾身了一點點和牛串！很嫩！牛味濃郁！每次食串燒都必叫燒菠蘿我最期待嘅畫面出現了菠蘿本身已經超甜！加上小小肉桂粉 味道已經好出，但佢喺菠蘿上加了焦糖，薄薄一片焦糖，咬落脆脆嘅！整個口感即刻有晒層次，出色好正

放工出尖沙咀幫老細交收之後，突然間好想食串燒，喺尖沙咀我有一個好選擇就係喜膳燒，飲啤酒食串燒，即叫即燒，串燒選擇款式多，價錢又唔貴，地方細細好有日本風情。燒海鮮- 馬來西亞大蜆時令海鮮都有很多選擇，燒馬來西亞大蜆生熟度剛剛好，味道鮮甜，蜆肉幼嫩入口即溶，另外配上自家秘製酸辣汁特別開胃醒神。燒多春魚 欣賞小店好有 heart，串燒會用塊熱石奉上，唔會容易凍，食落更加好味，一個咁簡單嘅舉動已經感受到餐廳好細心。三條多春魚都燒得好香，皮脆肉滑，無骨好味道。燒沙嗲魚皮餃火鍋打邊爐魚皮餃就食得多啦！串燒形式咁樣食就第一次，沙嗲汁令魚皮餃變得特別惹味，口感煙韌又唔會乾。鹽燒五花腩肉呢個係我嘅必食推介！平時食韓燒最鍾意燒五花腩，但係自己燒就簡直浪費咗塊肉，串燒店食就最好啦！燒到沒有多餘的油分，鹽燒夠甘香，五花腩肉肥瘦均勻，入口柔潤，味道濃郁。燒金菇牛肉卷 又係我每次必叫嘅食物，呢度做得更加好食係因為個燒汁好好味，多汁入口特別香。金菇爽口，牛肉柔軟，口感層次豐富。燒龍躉黑豚肉卷 令一款特別推介係燒龍躉，魚肉厚身夠滑多汁，外層黑豚肉燒得薄脆，一軟一硬，好滋味。燒蒜蓉茄子仔很有川燒的味道，蒜蓉味香甜濃郁，

有時收工唔想食正餐 串燒都係一個選擇😆去餐廳叫幾串 有時飲下酒 都係有種《我要準時放工》既feel😂有時食串燒真係會停唔到口精選左幾款想share😋呢個涼拌牛舌係十分推介！鐘意食牛舌建議叫呢個！(一定抵食過叫一串得2/3塊🤣)佢少少辣得黎個汁非常上癮係全晚最喜愛食物！右邊既燒鱔都值得一試！ 燒出黎皮夠脆！肉仲係嫩保持到鱔個種油油地既感覺(可惜有d多骨不過食得鱔就預左啦🤣)燒茄子都係食串燒必叫食物😋食落唔會覺得油但如果呢個多d蒜蓉做更加香

寶勒巷一向都有好多隱世美食，呢間專賣串燒嘅喜膳燒門口比較入，比較難發現，如果唔係同事介紹，我都唔知有間咁正嘅餐廳呀！先來一份涼拌牛舌($38)，呢份牛舌可以話係今晚MVP，口感夠爽又Juicy，醬汁酸酸辣辣，夠晒開胃！另外值得推薦嘅就係燒白鱔($64)，燒白鱔一直都係我嘅挚愛，甘香多汁嘅鱔肉同脆脆嘅外皮，令人食上癮！而且店家仲去咗骨，啖啖肉，食得放心又痛快！最後亦都係必點嘅五花腩($38)！肉質夠爽唔癡牙，又充滿油香，勁幸福呀！

這家餐廳主打日式串燒燒物，給人一種日本居酒屋的感覺，客人坐在高枱吃串燒，把酒聊天。餐廳面積不大，位子不多，我也是跟朋友點了些串燒吃。燒物種類繁多，海鮮、蔬菜、肉類分得十分仔細，還有些較少有的串燒，很特別。而串燒的醬汁主要都是沙嗲汁、燒烤汁、和風汁、蜜糖汁，還有些是辣汁。推介幾款串燒：燒玉子層次豐富，厚蛋燒過後，外皮微脆，更有口感且甜甜的。燒牛肚十分入味，炆得軟腍，而且尤其那辣汁特別過癮，還有少不了勁辣魚片頭，也是惹味非常。燒魚皮餃的烤魚皮煙韌，很有嚼勁。第一次試燒麵根，蠻特別的。口感比平日在齋店吃到的麵筋硬身，因外皮燒得脆脆，還掃上蜂蜜，甜甜的，入面則縮小了。燒扇貝大大隻厚肉。上面的蒜蓉粉絲絕對是精髓所在，粉絲吸盡蒜香及醬汁。燒多春魚身較細，魚籽不算飽滿。

自從武漢肺炎爆發開始，真係好少出街食飯都唔知幾耐冇去過尖沙咀見最近疫情開始好轉，都開始約返朋友出街食飯呢個串燒之夜食得好開心🤣有少少令我諗起台灣吳留手，全部都係即燒，熱辣辣！一開始嚟咗牛舌、雞腎、雞翼牛舌超好食！中間夠淋，外面先得夠脆雞腎我不嬲都好鍾意，有少少燒汁，調味唔錯雞翼都唔錯，反開咗啲肉先串起，都幾方便燒秋葵～my favourite雞肝我一般麻麻地，都係陪人食燒扇貝比我想像中大隻呢張相其實係雞皮😂😂😂好嬲自己影到咁樣！雖然真係好肥好邪惡但呢個真係好好食！燒到好脆最後嚟咗個和牛串燒Ok 既，牛味再香濃就更好最後食多一個主食，飽～滿足！

呢間餐廳食串燒之外，仲有唔同既酒可以選擇。夜少少去係openrice訂座仲有85折優惠添！環境雖然唔算大，但係有果種日式居酒屋既氣氛，個人覺得好岩同朋友聚會呀：）呢度menu選擇真係好多，基本串燒，小食同主食都有。好彩一做早足功課睇定邊要食咩，唔係一時間可以會諗好耐。我同朋友就食左500幾蚊連野飲，都划算！推介：-廣島生蠔 ($68)-馬來西亞大蜆 ($88)-蜜糖雞中翼 ($36)-孜然燒韮菜 ($19)-王桂焦糖金菠蘿 ($32)-蒜蓉牛油娃娃菜 ($39)-蒜蓉牛油焗金菇包 ($42)-孜然燒手切雞腎串($24)-香辣燒燒賣 ($19)-燒台式香腸 ($26)-芝士響鈴($19) -蒜蓉茄子 ($26)-雞軟骨($36)-海鹽美國安格斯肉眼串($54)

想同媽媽傾下計 所以帶左佢黎食下串燒飲下野 同埋行左陣街覺得攰 咁岩見到呢間串燒店就入左去了 有小小日本feel啲裝修😚提子梳打 $38提子梳打好好飲😚好濃提子味又唔會太甜 食完串燒飲啖呢個 好爽🤪燒大蜆8隻 $88隻隻都好大隻 而且好多汁再配小小既海水咸味😋燒紐西蘭羊架2p $78羊架唔錯 唔會太肥亦唔會有羊騷味😌海鹽燒牛肩胛 $48牛味算濃 好易咬開！海鹽燒皇牌牛舌 $49屬於偏向淋身既牛舌 但個人偏好爽口個重牛舌多啲🤓燒雞全翼 $23一開頭以為係汁燒或者蜜糖燒 原來係鹽燒 都幾有驚喜 燒蒜蓉茄子仔 $28好正 好多蒜蓉 夠曬重口味😝

喜膳燒是一間日式串燒店，店舖面積不大，約有二三十個座位。燒烤備餐位置雖設於店中，但未有煙霧離漫的感覺，抽風系統良好。最先送上的是數款海鮮燒烤食品。燒馬來西亞大蜆賣相飽滿，味道清甜。雖不算十分嫩口，評價仍屬正面。燒珍寶大扇貝 (蒜蓉) 出品很像中式蒸扇貝，面上放滿小編喜愛的搶味蒜蓉。一口吃下甚富滿足感。燒新鮮白鱔與燒黑豚肉龍躉卷 (鹽燒) 同屬魚肉代表。前者外皮香脆，肉厚鮮嫩；後者款式富新鮮感，豚肉外層亦成功賦予卷物一份香口及層次感。不過，如以燒龍躉卷與燒白鱔作比較，小編還是覺得燒白鱔更為美味，價錢亦較相宜。燒午餐肉(BBQ)及燒蜜糖雞中翼皆屬搶味食品。吃這兩道串燒最緊要趁熱吃，確保外層脆香。燒台式香腸 (蒜味) 屬現成製品，味道合預期。燒蒜蓉茄子向來為小編所愛，只是茄子選材略為小巧，不夠盡興。響鈴多見於火鍋飯局，直接燒製比較少見。以火輕炙響鈴，脆感不減，更多了一份邪惡的焦香。在響鈴的中心部份，注入了少量芝士，加熱後放出濃郁的香氣。小編貪心，建議進一步追加芝士的份量，最好能做到半融溢出的效果。是晚的甜品燒玉桂焦糖金菠蘿同樣是燒製食品。甜品以清甜多汁的菠蘿入饌，菠蘿表面掛上一層脆薄焦糖，甜

喜膳燒-最近好鍾意食居酒屋，串燒再加啤酒真係好正! 呢間喜膳燒似串燒fusion, 有日式、中式同台式串燒-今次同朋友嗌左兩杯生啤再加十幾串串燒左起：燒豬頸肉、秋葵、黑豚肉、牛舌、雞軟骨個人覺得燒豬頸肉嘅醬有啲奇怪，酸酸甜甜咁，其他就不過不失啦-我覺得全晚最好味嘅就係呢個燒菠蘿！有啲鹽再燒帶出曬個菠蘿嘅鮮甜味！-仲食咗好燒燒賣、燒台式腸等等，全部都熱辣辣，性價比高！-值得一提嘅係嗰日朋友遲到，原本張枱限時90分鐘，侍應哥哥好好人咁幫我哋延長左半個鐘，so nice!

因為近期疫情稍緩，限聚令都放寛咗少少，所以，約咗夏總呢個死佬聚一聚，老實講，自一月尾至今，都無乜點約過啲朋友。就算今次，都只喺得兩個死佬嘅飯局，始終疫情一日未完全消失，都仍需要小心啲，尤其保持個人衛生。「喜膳燒」兩年幾前嚟過，印象甚佳，所以，有信心帶夏總嚟試，佢為人食嘢都有少少咀刁架。「喜膳燒」喺家主打串燒嘅小店，亦喺間酒吧，所以，由門面到裡面，都見到有唔少跟酒相關嘅擺設或物品。雖然，整體地方就唔喺好大，但坐滿人就甚具氣氛。其實，如果細心留意，有啲地方都花過心思裝修，好似天花嘅燈盆同雀籠。睇到有咁多客人支持，除咗店家嘅串燒有質素之外，夜啲嚟仲有85折優惠，唔怪之得越夜越多人。此外，晌門口，已見到有個螢光燈牌，有多款串燒推介，我哋亦睇啱幾款添。而餐牌，亦即喺點菜紙，打開一睇，比上次嚟多咗好多選擇，類別五花八門，一時間真喺花多眼亂，我哋都諗咗好耐先揀啱食乜。另外一張紅色長形嘅喺飲品餐牌，如近年大行其道嘅手工啤，仲有雞尾酒、紅白餐酒、生啤、沙冰、梳打、参蜜、汽水……等等。剩番一大張白色嘅餐牌，喺各種日本清酒，如果好清酒之人，應該都不愁無選擇。枱上除備有七味粉、自家製泰式酸辣醬之外，仲有支搓手

今晚收工和朋友出左去食晚餐 ，選了這間日本串燒餐廳𥚃的選擇超級多，看到眼花撩亂😂燒馬來西亞大蜆雖然唔算好大隻，但份量補足，而且好鮮甜👍🏻最重要係無沙！無沙！無沙！🤣泰式燒原隻鮮魷魚魷魚都幾大隻，燒得唔錯，配埋個泰式酸辣醬，好開胃😋黑松露鵝肝多士鐘意食鵝肝嘅一定要叫，價錢唔貴但質素十分好，入口即溶😚明太子釀雞翼兩隻岩岩好同朋友一人一隻，食釀雞翼最正係唔洗吐骨，啖啖肉👍🏻👍🏻鹽燒黑豚肉龍躉卷呢個配搭好新穎，原來都幾夾，而且龍躉肉走左骨，唔怕食到魚骨👍🏻蜜糖燒墨魚丸就是平時燒野食嘅味道，而家燒唔到野食就係到過下口隱😆燒蒜蓉茄子正！每次去串燒店都必叫！自家製紫貝天葵，這涼茶只有冷的，而且沒有慘水，很真材實料☺️自家製花旗蔘蜜，這個朋友叫的，沒試到🙈

暫時覺得食串燒黎講呢間算唔錯,多選擇得黎味道有水準。每次黎都會叫一兩份海鮮。今次叫左3隻GARLI OYSTERS,3隻都好肥美,燒得好香,果D汁仲可以飲晒添!單點左隻GARLIC大扇貝,GRARLI味重,粉絲彈牙入味,扇員裙邊有咬口,肉質結實有口感。另外叫左個燒白膳,有別於以前食既膳,呢個冇咩骨,肥美得黎好香,皮好脆,正!個黑椒台式腸又好香口,黑椒味令人食上癮!個蘆筍細細條,好好味!最後叫左杯LIME SODA,好清新好REFRESHING!呢度既燈好靚,係咁柔和既環境食野心情都好暢快。今次黎有HAND SANDNITIZER提供,食得安心D。見佢下午既餐幾抵食咁!早知下午黎食啦!下次黎食LUNCH先。

寶勒巷飲野就最出名，今日朋友帶我來才知有間食串燒的，而且價錢頗相宜。*燒龍躉黑豚肉卷($59)啖啖肉的龍躉被黑豚肉片包著；油脂不會太膩，龍躉很重魚肉味。*海鹽燒牛肩胛($48)牛肩胛肉質很軟淋。*海鹽燒安格斯肉眼($54)肉眼的肉質比牛肩胛實；肉味都較濃。*金菇牛肉卷($38)因為想吃菇又想有肉，所以便點了金菇牛肉卷；但略嫌燒汁太多。*燒雞泡魚乾($48)是每一次食燒物都必點的；魚乾甜甜的，好開胃。*鹽燒秋葵($24)吃太多肉，一定要點菜吃；秋葵燒得剛好，不會太乾。*燒雞髀菇($19)略嫌孜然粉的份量太多，有點辣和太重味。*燒豬頸肉($24)豬頸肉味道剛好，肉質不過不失。*燒雞軟骨($36)爽口的雞軟骨，配上鹽燒，是絕配。*燒雞全翼($23)雞皮少少燒焦了影響了賣相；但雞肉仍然很JUICY。