喜膳燒

營業中

休息中

今日又約了好朋友兼死黨飲酒➕食嘢➕吹水😂😂😂😂😂😂😂😂😂一向只喜歡喝紅白酒類，平日啤酒一滴不沾的我，今日破例，發現咗呢到既手工啤原來係咁好飲，而且仲不會有平日啤酒的難喝味道，和沒有啤酒的那種會頂住胃的氣。吃串燒沒理由沒酒伴吃，店員推介呢個手工啤很特別⋯⋯隨了是organic之外，味道是杏🍑桃味另一款是蘋果味，味道香甜杏🍑味道濃郁好味道，蘋果味清甜，兩款手工啤酒都令我對啤酒🍻的印象改觀了，從來不喝啤酒飲的我，終於今日比我發現到原來有D咁好飲既啤酒🍻..........呢度既環境地方雖然細D，但食物同招呼都非常好，串燒仲熱辣辣好好食⋯⋯一路食住D串燒但食極都是熱的，而且不會凍，原來裝住串燒底下塊黑色板是熟的，怪不之D串燒一直食住都咁好食⋯⋯熱辣辣🤣👍✌️串燒蜜糖墨魚丸——甜味適中，墨丸爽口彈牙好味道⋯⋯沙爹汁串燒豬頸肉——沙爹汁醬味道帶點甜，豬頸肉肉質有咬口，有口感，有夠爽夠脆沙爹雞肉串—-最喜歡呢度既沙爹汁醬燒得夠味又好食。蜜糖🐔中翼——蜜糖味甜甜地，最佳配搭和風汁廚師腸——日本和風汁味道，又係串燒配撘。燒煙肉韮菜卷——韮菜香口，煙肉烤時味道滲入韮菜內，更加滋味.........避風塘廣島

和朋友二人都想BBQ，但係又吾係咁想攪一大輪，所以呢最好就係搵呢類既食肆滿足下，搵到喜膳燒，看看店舖少少，但五藏區全，食物既種類都吾少，適合三五知己聚會，先黎個海鹽枝豆- 豆大粒，鹽味配搭好夾 👍韮菜 （鹽燒）- 韭菜新鮮 👍🏻燒玉子 - 少少甜的味道加埋滑滑的蛋👍🏻炒嗲燒燒賣 - 夠特別👍🏻燒美味雞肉腸 （蜜糖味）- 不會太咸，味道適中👍蒜蓉燒廣島生蠔 - 蠔肥大，有口感👍食飯，聚會，談心，又一好去處。

一直以黎都好鍾意食串燒，以前成日會去深圳食串燒，因為又平又多選擇。本地食串燒既地方好多都由細個好平慢慢變到越黎越貴，通漲得仲快過加人工，依家食野都要諗過度過先食得。不過同另一半食野又唔可以話就住就住既，最緊要食得開心。今日同佢行開尖沙咀行街買衫，行到攰肚餓大家又諗唔到食咩，行行下聞到勁香，就行左入去食。 鋪面睇落有D似日本風，睇落都幾整潔，比人既感覺幾舒服，因為下晝冇食過野都好餓所以叫既野都唔少，我地叫左每人一串鹽燒虎蝦，勁大隻勁肉，好少可咁大隻。燒蜜糖雞中翼，肉質鮮質，個熟度岩岩好，唔會太老。另外仲叫左個燒馬來西亞大蜆，本身呢類食物都係特別難整得好食，因為好易乾晒水，變到口質好差，但喜膳燒可以解決到呢個問題，真係好勁。所以我覺得上面呢幾樣係黎到呢間鋪一定要食。 其他仲叫左好多平時串燒鋪會叫到既野食，比其他鋪黎講，算係比較juicy同埋香口，唔講太多了，留返比大家自己深入了解其他珍寶，唔想限制左大家既嘗試空間。不過食緊果陣見到隔離枱食緊燒魷魚，睇落好似勁正，大家試完好食可以話返比我知，我再去食過。 野飲方面佢好多都係特色飲味，我就叫左自家製花旗蔘蜜，勁濃味，同出面飲到果種真係唔同

💰人均消費約$200想邊嘆啤酒邊食串燒最擔心啲食物會好快攤凍哂，呢間餐廳非常貼心提供熱石板㷫住，保持一定溫度👍🏻。食物種類豐富，包括海鮮類、肉類、丸類、蔬菜類、小食、烏冬等等。整體食物新鮮，份量都好足，每人約$200都食到超飽🤪！我地食左馬來西亞大蜆($88/份)、避風塘廣島生蠔($68/3隻)、雞軟骨($36/2串)、蜜糖雞中翼($36/3隻)、頂級墨魚丸($26) 、孜然燒韮菜($19)、玉桂焦糖金菠蘿($32)、蒜蓉牛油焗娃娃菜($39)、芝士響鈴($19)、蒜蓉茄子($26)⋯⋯

🔥平價特色燒烤🔥放工之後，又來喜膳燒，特別喜歡這種簡單的生活方式！新鮮的食材加上簡單的烹飪🍳就是完美的一餐。今晚咱們只記得大口喝酒大口吃肉，免去無謂的擔心。危機中大家需要慢慢學會不念過去，不畏將來，每時每刻都活在當下！.燒煙肉鵪鶉蛋🥚$32燒車厘茄煙肉卷$29.燒菠蘿🍍$32飯後甜點🍮新鮮菠蘿🍍在焦糖的包裹下，酸甜適中！飯後吃一些，清爽無敵：）.燒粟米$19牛肉粟米，清甜可口。一口下去，甜在口裡，美在心裡！.燒一口甜薯$24最愛之一，每次必點！一口一個紫甜薯🍠滿滿的都是維生素，飽肚又美味！.燒翠肉瓜$19燒韭菜$19.燒雞全翼$23雞肉外皮酥脆口感多汁，在炭烤的調味下，特別開胃！.燒牛肚$29麻辣牛肚，夠味夠勁道！肉食動物不能錯過！.燒墨魚丸$26 ...喜膳燒 (尖沙咀)尖沙咀寶勒巷10號地舖

呢排肺炎都無乜出街食飯但一早約好左啲朋友仔~ 人少少就照食啦第一轉啲串燒連埋個石板一齊上 確保你吹水吹耐左都仲食到熱辣辣既串燒鹽燒西班牙黑毛豬五花肉、燒豬頸肉串、燒手切雞腎串(孜然)五花肉燒得好香脆好似食緊韓國燒肉咁豬頸肉都做得好出色 好彈牙連埋啲BBQ Sauce都好juicy雞腎串就好有咬口~ 切到細細粒 方便入口燒雞軟骨燒山賊雞翼超級貼心! 佢拆開左黎燒令到雞肉受熱更平均唔會燒到一邊焦左另一邊未熟食既時候又好方便 唔洗拆骨雞翼勁大隻燒雞肉串 (BBQ)蒜蓉牛油焗娃娃菜焗得好入味 食到好重既蒜蓉牛油味泰式燒原隻魷魚平時食開汁燒魷魚筒好唔習慣呢個無sauce~但都好鮮味燒玉桂焦糖金菠蘿呢個好特別用玉桂焦糖黎烤原來係甜品黎外邊燒得好脆好賠波蘿酸酦甜甜咁燒頂級墨魚丸日本霜降和牛串私心重點推介下邊兩款泰式鹽燒烏頭勁好味 lol!!! 條魚好新鮮佢原條拎去燒勁鮮甜 肉質都好滑係魚肚入邊攝左啲香料皮上邊鋪鹽就燒到咁惹味燒馬來西亞大蜆呢個大蜆真心大!!!飲埋啲汁~勁重海水味咁大隻蜆 完全無沙而且全隻都好飽滿! 勁鮮

人在尖沙咀又想食串燒？嚟呢度一定無錯！今次叫咗燒雞泡魚乾，燒蠔，燒韭菜，燒豬肋骨，燒雞全翼，燒雞肉串，燒豬頸肉，燒蜆，燒芫荽，貢丸牛丸，秋葵，肉桂焦糖菠蘿，芝士翠肉瓜，雞髀菇，超多嘢食！呢度啲串燒用一塊燒熱嘅鐵板上，熱度可以keep好耐，慢慢食都唔怕會攤凍呢度嘅格局類似酒吧/居酒屋，坐得近吧位嘅可以見到廚師整嘢食，幾有feel! 叫咗咁多嘢食，樣樣都好好食好有水準，但我覺得其中幾樣焦點就係個蠔，蜆，豬肋骨同燒芫荽！蠔隻隻都大大隻超Juicy新鮮；蜆嘅調味簡單，但正正因為咁反而食得到個鮮味；豬肋骨超入味，烤得超淋，用刀輕輕一切就切得開！而芫荽相信唔係個個人都啱食，但鍾意食嘅一定要叫，烤過之後嘅芫荽味比起未烤係強超級多，非常好食！結尾嘅肉桂焦糖菠蘿亦都係必點，外脆內juicy嘅口感真係超正！

前2日同朋友去尖咀行街，又唔係好肚餓，想搵間野食坐低傾下計，就搵到呢間串燒店，呢度環境幾好，幾乾淨，一點都唔嘈，侍應好好人咁，逐樣逐樣介紹。最重要既係食物質素好，價錢都合理，好耐無食過咁高質既串燒，真係必點白鱔，勁厚肉又新鮮！而牛肩肉同牛仔骨都必點，真係燒得剛剛好，好嫩又香，下次必定再叫！而朋友就大讚玉子、雞翼同牛仔骨，大家都食得好開心，同朋友坐左粒幾鐘，唔會有人趕，係度飲下啤酒吹吹水，真係一流。

今日同朋友收工後想傾下計食下野，去左尖沙咀食串燒，比我們發現到寶勒巷有一間隱蔽串燒餐廳，我哋入到好有日式串燒餐廳，一坐低見到好多選擇，有菜類 肉類 仲要有海鮮，我哋見到樣樣都想食，燒玉子 好香蛋味，唔會話好乾肉 燒翠玉瓜 唔會好乾 燒明太子釀雞翼 食落去唔會太咸 燒雞皮 好脆皮 燒牛舌同 燒牛肩 食落去好淋身 燒蝦 個蝦好大隻 好新鮮 燒蒜蓉什菇。啲菇好香蒜蓉味 會食唔停口 當然叫左一樣野燒玉桂焦糖金菠蘿唔係到到地方都得食，一黎到即時食 好好香焦糖，菠蘿仲要勁甜。價錢唔貴，坐得舒服。

過年前去了一趟日本，日日玩到夜一夜就去屋台村或者居酒屋醫肚。串燒食物加配啤酒🍻，爽啊！今晚響尖沙咀同朋友仔睇完戲，也夜了，想搵個地方坐低傾下偈，醫下肚，又唔想食咁多殿粉質。所以target搵居酒屋類型食店。上openrice一找就找到在附近的這間店。吃串燒一定要配啤酒。我們一坐下就即時點了泰象啤和麒麟啤。今次多是點肉類為主，有燒雞軟骨，山賊雞翼，牛肩胛，日本霜降和牛串，羊架。所有肉類燒得恰到好處。醬汁剛好入味，又不會過燶。尤其是和牛串，中間半熟剛剛好，入口即溶。另外推介黑豚肉龍躉卷，豬與魚是新穎的配搭，入口味道又幾夾。煙肉韭菜卷也幾特別，外脆内軟，韭菜減了煙肉的咸。蔬菜就點了蒜蓉茄子🍆，蒜蓉份量恰到好處，落會太辣喉。一口甜薯，外貌可愛，也好甜糯。另外也點了馬來西亞大蜆和芝士大扇貝。海鮮也挺新鮮。我們邊吃邊坐，吹水啤一啤，不知不覺就坐到店舖差不多打佯🤣🤣如果夜晚不想去酒吧或者糖水舖，這間串燒也是不錯的選擇喔😁

喜膳燒位於尖沙咀寶勒巷地鋪，位置比較隱敝 然而店舖雖小，但亦內有乾坤。燒大蜆鮮甜沒有任何沙粒，生熟程度剛剛好，餐廳配以泰式醬汁，多一種口味選擇。鵝肝多士，香草鵝肝配剛出爐的多士，正。燒雞泡魚乾，平常店舖只會配沙律醬，但喜膳燒雞泡魚乾上有醬汁，好食。餐廳上串燒時會用微溫鐵盤上碟，冬天時串燒亦稍稍能保持溫度，用心服務客人，讚。明太子雞翼蒜蓉燒茄士不得不提的牛油焗金菇，平凡的一個菜式，但餐廳實在處理得好味，推介菜式。

今日放工見一個人係尖沙咀無咩野做 又唔想返去對住四面牆自己一個食飯 就諗住食埋先返去 行行下見到大廈中有間縮左入去嘅串燒鋪 於是就行入去試一試野食嘅種類有好多 有又有海鮮又有肉 總之你平日食串燒諗得岀嘅都有 我第一輪就叫左雞腎、牛舌、五花肉同芝士響鈴先講個雞腎 第一啖食落去真係不得了 又爽又脆 加上果陣鹽燒嘅鹹香 配啤酒真係無得頂而個牛舌你睇佢好似好厚 但食落十分軟嫩 一咬就開 完全唔會有一絲根嘅感覺再講個五花肉 五花肉嘅質素完完全全就係因為個選料 你睇下佢啲五花肉一層又一層就知有幾靚 而且佢啲脂質燒到溶溶地 加上下面熱石保持熱度 幾時食都唔會感覺到油膩最後不得不講佢個芝士響鈴 表面焦脆 裡面芝士流心 一夾起就一滴一滴咁滴岀黎 呢個真係大推第二輪分開上左炸雞皮同肥腸自從係日本食過一次炸雞皮就深深咁愛上 每次去到唔同嘅串燒店都會叫黎試 而呢到個炸雞皮都無令我失望 炸得又乾身又脆 又係配酒良品而肥腸真係無改錯名真係好夠肥 油香真係令人無法抗拒第三輪叫左幾隻蒜蠔啲蠔隻隻都漲卜卜 食落好彈牙 而且完全唔會有鯹味 一絲都無 上枱嘅時候我仲見到殻上面嘅汁起緊泡泡就知有幾熱辣辣 到我食完寫緊呢篇食評

新年去尖沙咀剪完頭髮周圍係附近醫肚搵食，咁岩朋友帶左黎呢間日式居酒屋係TST N2 出口附近，好易搵我地兩個人食左400零蚊，捧住個肚走老細話平時DINNER同宵夜HOUR都一樣咁多人幫襯架所有野都係即叫即燒熱辣辣 重好惹味唔少菜色都有蜜糖 / BBQ / spicy 選擇每樣食物都唔同favour 一流呀大推呢個牛肉串！入口即溶冇估到居酒屋都食到扒房嘅質素脂肪同紅肉比例冇得彈勁好味重有必食晚一定係呢個cheese mushroom pie個皮好薄好脆入面有啲辣辣地嘅椒加埋mushroom and cheese Perfect match呢個大菇都係必食唔使多講大菇配厚厚既芝士係所有人都冇抵抗力架個菇重好juicy廚房燒既時間岩岩好

今日我放假，我朋友都放假，就係一齊出去尋覓好野食既日子！去左尖沙咀一間隱蔽既串燒店～🥰鹽燒西班牙黑毛豬五花肉，有一層脂肪一層層瘦肉比例既五花肉，入口就好快溶～😋沙嗲燒豬頸肉串，夠彈牙，沙嗲汁好香好好味😚海鹽燒秋葵同法國蘆筍，兩樣都係好健康既蔬菜，食佢就算係串燒都心理上無甘邪惡🤪燒馬來西亞大蜆，粒粒咬開都爆汁架！仲要係無沙既～真心推介！😝泰式燒原隻鮮魷魚，配埋個泰式酸辣汁係無得輸，拎黎做佐酒小食一流，但今次因為大家聽日都要早起無叫到酒🤓芝士焗意大利大蘑菇，蘑菇裡面可以藏住幾多汁，我真係講唔到比你知，我建議你可以叫返一個黎試下！🤩自家製紫貝天葵同自家製花旗蔘蜜，燈泡造型既容器好可愛～花旗蔘蜜唔會太重苦味，即使平日少飲既人都可以接受🥰

這幾星期都無同麗妹出去搵嘢食啦！人都發晒霉。今晚特意搵左間特色串燒嘢，可以飲飲嘢，閒聊一下，解解悶。喜膳燒開在尖沙咁都好易搵到，酒店隔離。餐廳裝潢似酒吧，座位高高的，無一般燒烤店油煙味，反似日本居酒屋，可以佢用了不少酒樽作裝飾。餐廳座位不多，不過未到深宵，可能人流未出現，也好可以靜靜地傾下計。坐下後麗妹就話叫我拍板落單。燒烤，不外乎豬牛羊雞，不過，佢有不少特色小食，例如黑豚卷龍躉肉，好特別架。仲有佢有好多海鮮魚蝦蛽⋯⋯⋯我最喜愛佢嘅芝士帶子，芝士哋香到隔離街都聞到。佢用料新鮮同烤得剛剛好，少少焦香，唔係麻夫了事。佢自家特製嘅醬汁非常有心，酸甜少少辣，似泰式辣醬但無咁辣同鮮味多了，點點可以提鮮，串燒味道有另一番風味呀。食得燒烤一定要啤啤佢，摸下酒杯傾下計咁就今宵多寫意。