喜膳燒

營業中

休息中

今日放工見一個人係尖沙咀無咩野做 又唔想返去對住四面牆自己一個食飯 就諗住食埋先返去 行行下見到大廈中有間縮左入去嘅串燒鋪 於是就行入去試一試野食嘅種類有好多 有又有海鮮又有肉 總之你平日食串燒諗得岀嘅都有 我第一輪就叫左雞腎、牛舌、五花肉同芝士響鈴先講個雞腎 第一啖食落去真係不得了 又爽又脆 加上果陣鹽燒嘅鹹香 配啤酒真係無得頂而個牛舌你睇佢好似好厚 但食落十分軟嫩 一咬就開 完全唔會有一絲根嘅感覺再講個五花肉 五花肉嘅質素完完全全就係因為個選料 你睇下佢啲五花肉一層又一層就知有幾靚 而且佢啲脂質燒到溶溶地 加上下面熱石保持熱度 幾時食都唔會感覺到油膩最後不得不講佢個芝士響鈴 表面焦脆 裡面芝士流心 一夾起就一滴一滴咁滴岀黎 呢個真係大推第二輪分開上左炸雞皮同肥腸自從係日本食過一次炸雞皮就深深咁愛上 每次去到唔同嘅串燒店都會叫黎試 而呢到個炸雞皮都無令我失望 炸得又乾身又脆 又係配酒良品而肥腸真係無改錯名真係好夠肥 油香真係令人無法抗拒第三輪叫左幾隻蒜蠔啲蠔隻隻都漲卜卜 食落好彈牙 而且完全唔會有鯹味 一絲都無 上枱嘅時候我仲見到殻上面嘅汁起緊泡泡就知有幾熱辣辣 到我食完寫緊呢篇食評