喜來稀肉 (登龍街)

營業中

休息中

呢排相信個個香港人一定有旅行癮，而韓國一定係每個人熟悉既地方！而我最掛住嘅就係韓國人既待客之道同野食，尤其係燒肉！為咗止呢個癮，於是就去試吓呢個黎左香港好耐既過江龍-「喜來稀肉」！一入到店舖，就有一陣好熟悉嘅味道，加上老闆係韓國人，完全有去左韓國旅行既感覺！由於我同友人都係細食之人，於是就散叫左三種肉黎食-必食既「喜來稀肉」，「護心肉」同「五花肉」，另外仲叫左個大醬湯配飯！1. 牛護心肉（$158-150g)2. 喜來烤肉($138-150g)3. 五花肉($123-150g)一去坐位，店員已經預備左三款小菜同包肉既生菜，當然唔少得爐邊蛋，分別有芝士味同泡菜味。肉好快手就上到黎，見到「牛護心肉」既雪花紋路都唔錯，而「喜來烤肉」都好新鮮！兩款肉都係兩邊燒30秒已經可以食得，牛肉味好濃，而且一啲都唔難咬！而五花肉都唔錯，但一定要燒到脆卜卜先好食😋！大醬湯（$80）大醬湯材料好豐富，有蜆，蟹，豆腐同牛肉，而且味道都幾正宗，送飯一流！店員既服務態度都好好，會主動換爐板同refill小菜同加蛋。下次如果掛住韓國既時候一定會再黎食！

很多人都以為喜來稀肉只是一間燒肉店，但其實它的午市套餐是以韓國地道熟食為主，真是頗不錯呢!午市套餐共有十四款選擇，價錢由$75~$100不等，包前菜和飯。葡萄汁$15~每次來韓國餐廳必選飲品就是呢罐細細罐的葡萄汁，不緊是味道清甜，提子味濃郁芬香，還有大大粒的剝皮提子肉，一定要倒在杯中品嚐啊!前菜四款~最喜愛就是泡菜和辣魷魚，簡直能刺激味蕾，而且非常開胃。石鍋烤牛肉$90(跟飯和生菜)~這個鍋有大葱，金菇菜，紹菜，紅蘿白，韓國粉絲和份量不少的烤牛肉。韓國粉絲滑捋捋，又彈牙，湯頭除了有牛肉的鮮味，還有清甜的蔬菜清甜味，由於用石鍋做盛器，所以温度一直保持熱度，非常美味。烤牛肉份量出乎意料大，很入味和有咬口，用生菜包着，再加韓式甜辣醬一起吃真是非常滋味。

韓國真係好多美食, 多到花多眼亂~但係真正韓味既一定係喜來稀肉!! 次次黎都有surprise既地方~7點已經超多人! 一坐低已經見到佢地放低好多前菜, 仲係任加, 一食完就加~有泡菜, eggplant~叫左個護心肉同調味醬油雞肉~原來護心肉係位於豬的橫隔膜和肝之間, 燒左之後油份唔多, 但好彈牙, 真係好珍貴既部位~ 辣辣好開胃我地最鐘意當然都係菜任加, 因為夾住肉食真係好好味, 點下醬汁~調味醬油雞肉非常入味, 比起辣肉來得清楚所以我都會同泡菜一齊食, 正!咁好味既燒肉真係食極都唔縑, 又有菜同肉balance! 健康的一餐~

／喜來稀肉／銅鑼灣／雖然無影低，但依度提供嘅前菜很不錯，基本泡菜之餘，仲有辣沙律，同埋一碟青辣椒洋蔥青瓜，好解膩。唯獨想吐嘈吓，依款爐由於中間拱起，燒燒吓好易滾咗啲肉落去未熟嘅爐邊蛋度(´･_･`)同埋都好易燶，要不時用舊肥膏產乾淨或者叫人嚟換個新嘅先用得｜牛大腸 ｜ $160 ｜咁多款肉中最好食，味道最濃。建議每面燒2-3分鐘至金黃色，再剪開細細粒，烤到啲油漏出嚟，就會好好食。另外佢唔係一圈圈，而係一條腸開邊切開一半，見到係清潔乾淨，同時脂肪亦保留到｜牛舌 ｜ $148 ｜一大盤嘅牛舌，基本上放上爐5秒變色就可以反轉，變埋色就食得。不過味道就普普通通，都係中意厚切而食落又爽口嘅多啲｜五花肉 ｜ $123 ｜好怕五花肉得一大堆肥膏，依款唔會，分佈幾平均，煎到兩面金黃就煎開一塊塊，等四面都烤脆嚟食口感更好。五花肉同生菜好夾，配泡菜、蒜片、點啲韓式辣醬，中意可以剪多粒青辣椒同加啖飯，好好味。加上五花肉會keep住出幾多油，算係最唔怕痴底嘅肉｜護心肉 ｜ $158 ｜其實已經拎咗幾舊去燒，本身份量都係滿一碟，聽聞護心肉係必食，不過未到話驚艷到我，有時係幾爽口，但有時咬落口就feel到無咁嫩｜

午餐無人食最啱同同事食，聽他俾老細chur 爆泡菜太辣，我唔鐘意腸仔，無興趣另外兩樣，紅色太咸綠色有點怪味試下牛骨湯，牛骨唔錯，無雪味，湯就味精重飯唔錯。牛骨份量對我來說唔太飽名家好味，肉多，勁飽

因為疫情，餐廳只開半個場，星期六中午Walk In都要等一兩張枱，好彩預先係Openrice預約左。 我同女性朋友二人食量唔大，叫左三碟肉：必點豬護心、豬五花同喜來烤肉(牛)。以份量黎講，的確唔係平價之選。護心肉口感同肉味都夠香，五花就變左薄切👎🏻👎🏻所以好快焦，變得太熟變煙肉咁，無哂咬口，始終覺得五花要厚切先正宗。。。。而牛肉就係普通薄切牛肉咁浸住啲醬油，牛肉味都Ok嘅。值得欣慰嘅係佢嘅泡菜係我想要嘅生泡菜，唔係醃熟哂得個咸味，生泡菜比較脆同清甜啲，包肉食還是就咁食都好正😋無嗌其他熟食，兩個人三份肉加埋爐邊蛋同小菜都好飽，非常滿足！非常盡興🤤🤤都想講下缺點，可能人手不足關係，我剛入座未開爐枱面已經好油，如果可以清潔同準備得好啲先入座就好。

友人話韓燒食開「喜來稀肉」好食，疫情下停晚市堂食前最後一餐就獻俾佢😂。食完中規中矩，出面咁多選擇，搵唔到回頭嘅理由👉🏻👈🏻。任refill前菜正啊！酸瓜、辣沙律、泡菜，泡菜好辣🥵但係甜甜地好好食😂😂。另外就有無限生菜，俾你包肉食😚解下膩又可以懶健康。燒盤好夠熱，肉類如果放正中間好易燶。旁邊又係任fill芝士蛋、泡菜蛋，味道正常，唔太出芝士泡菜味，自己加啲前菜泡菜汁上去仲正😂。😅如果張枱啊，餐牌可以唔好咁油咁痴立立會更好，呢個一坐底已經感受到，覺得衛生一般。護心肉($158)••••••油脂唔，肉質爽口得嚟嫩，唔柴有咬口。五花肉($123)••••••紋路幾靚半肥半瘦，入口啖啖油脂香🤤燒完縮水後略嫌薄切左啲。牛肋骨肉($138)••••••真係唔好燒咁耐！一分鐘多夠哂，肉質較為結實，好易韌，牛味唔濃，一般般。

冇得去旅制又想食韓燒去好？去喜來稀肉就岩哂喇！！依度食到既韓燒都幾地道，好似真係係韓國食緊野咁🤣剛坐底枱上面已經準備好幾款醃菜，相當開胃！我自己最鐘意就係醃青瓜，脆卜卜。食得燒肉就梗係要點牛肉啦，我地點左牛護心肉同喜來烤肉。牛護心肉係推介食品黎既，果然好食D，肉味相當濃，點少少燒肉汁仲好食。喜來烤肉預先調味過，每塊都薄薄地，燒15秒左右就食得！調味過既牛肉甜甜地好好味。最後仲有豆腐泡菜煲，超足料，不過唔算好辣，白飯用黎配燒肉或者豆腐煲都好正！食燒肉點少得啤酒😁😁😁冇得去旅行黎依度體驗下韓國feel都唔錯👍🏻👍🏻👍🏻

一直係喜來稀肉嘅擁躉，所以一有時間都會想返去試吓佢特別出邊食唔到嘅肉品。今日喺銅鑼灣就同個friend一齊食，可能係因為疫情仲未好細嘅關係所以夜晚食飯時間唔使點等都可以入座。首先嗌左支桃味韓國燒酒飲，食烤肉配呢一個燒酒真係啱啱好。燒肉我地叫咗三款唔同嘅肉分別係燒肉眼扒，牛舌，同埋護心肉。燒肉眼扒係今次第一次嘗試嘅，真係冇失望呀好好食！因為除咗夠晒juicy之外，成塊扒夠晒韓牛味！同我喺韓國食過嘅差唔多！同埋份量都唔細㗎，兩個人食都夠！至於護心肉就係喜來稀肉嘅招牌菜，每次返嚟都會再叫一盤食！唔知點解喺出邊食過咁多間韓式燒肉都冇一間做到好似護心肉咁好食🤤將肉燒完之後連埋唔同嘅配料同埋生菜包住一齊食再點埋喜來稀肉秘製嘅sauce好正！ 除此之外我仲好鍾意食係火爐旁邊二款唔同嘅煎蛋，一款係普通煎蛋，另外一款係加咗泡菜！仲要係任食，鍾意食煎蛋嘅朋友唔可以錯過。

講到喺香港食韓燒，我永遠都會諗起喜來稀肉。因為好多地方食牛都好好食，但係唔知點解豬永遠都差啲。呢度就唔同啦，呢度嘅豬非常出色，甚至令到我可以喺度淨係食豬唔食牛。未講主角之前，呢度嘅配菜都值得一提，前菜嘅醃物辣度適中，好開胃。仲有可以無限refill嘅爐邊蛋都相當出色，仲要有誠意咁有兩款口味，分別係泡菜同芝士。個人比較喜歡芝士，將蛋燒到半熟，加拉絲嘅芝士配合滑滑嘅雞蛋好正。到主角燒肉，今次叫嘅呢個一頭豬套餐有6款唔同既豬部分，包括護心肉，五花肉，豬頸肉，豬大腸，豬皮，同埋梅肉。其實全部肉質素都好高，唔會有豬嗰陣腥味。而個人最推介最愛嘅一定係招牌護心肉，其實係位於豬的橫隔膜和肝之間，每隻豬只有好少好少，非常珍貴。 護心肉燒香之後油分唔多，爽滑彈牙，真係好好食！雖然呢個餐望落好似唔多咁，但係其實兩個人食再加埋啲配菜，都夠食咖！

之前食過旺角嗰間喜來稀肉分店一直念念不忘🙈🙈 今次喺銅鑼灣登龍街見到分店就忍唔住衝入去食🤣🤣 呢間燒肉好受歡迎，我哋好早到六點幾可以唔使等位有得入。不過食完走嗰陣已經排曬隊🙊🙊好彩早嚟啫😆上次三個人食叫左"一頭牛"set， 今次得兩個人決定散嗌2款肉加一個飯🍚 用嚟送爐邊蛋一流 🍳🍳招牌喜來烤肉(180g) $138🐂🐃🐂 呢款比較薄身，油脂分佈均勻🤩 好快就熟☺☺ 每邊烤幾秒就已經食得🥳🥳 夾埋生菜、蒜頭同埋辣醬一齊食 🥬🧄🐮正牛護心肉(150g) $150 🐮🐮🐮護心肉相對厚身，牛味較重，冇筋同時有返d口感。同樣唔使燒好耐 😋😋 跟自己喜好點 唔同嘅醬汁，唔夾生菜就咁食都好好味🤭豆腐湯 $80🍲🍲🍲唔好睇佢紅卜卜但其實一啲都唔辣😂😂 而且驚喜嘅係佢入面有海鮮 🦐🦑 入面啲蜆細細隻但啲肉脹卜卜 好鮮味😋 豆腐亦多 ，用嚟送飯一流🍚🍚

平時都好鐘意食韓國烤肉，但因為疫症嘅關係冇得飛韓國，唯有喺香港食。點知而家香港又爆！好彩上個星期爆發前食左一次咋！唔係都唔知又要等幾耐先有得食！.韓式烤肉店我食得最多就係喜來稀肉，因為啲分店都係喺我行開街嘅地方附近。呢次我地兩個人嚟食，叫左兩款肉同埋兩樣主食，本身怕唔夠，但原來食食下都好夠飽，因為佢啲前菜、爐邊蛋同生菜係任refill～我個人就好鐘意食佢個kimchi，酸辣適中，我不停叫佢加。.《護心肉（豬）》$158護心肉係比較矜貴嘅部位，每次嚟我都必點嘅，一係牛一係豬。牛就快熟啲快啲食得，但護心肉嚟講其實我鐘意食豬多啲，份量會多啲之餘亦比較厚身有咬口，但又唔會韌，沾上醬汁真係非常惹味。呢個我覺得唔包生菜就咁食，更原汁原味！.《喜來烤肉》$138呢個係牛嚟，份量相對較多，肉捲成花嘅形狀，一上碟已經覺得好靚🤗碟上有特制嘅烤肉醬汁等你點完先燒肉，每塊肉都好薄身，好快速咁燒幾秒已經食得。燒完唔駛再點醬汁都好夠味！牛肉味好出，肉質嫩滑，夾喺生菜入面，既有生菜爽脆嘅口感，又有熱辣juicy 嘅烤肉，真係lam lam脷😛.《海鮮蔥餅》$90非常大，每人都食到極大塊！好足料，煎得夠香脆，唔會太厚

已經唔知第幾次黎，食左一次之後，就寧願黎呢度多過韓燒放題，肉類配料都有質素，而且價錢唔算貴。當然唔少得源源不絕既爐邊泡菜蛋同芝士蛋。本人最中意就係用生菜包肉同泡菜一齊食😍《喜來烤肉》$138整到成個玫瑰花🌹每塊都好薄身，每邊燒幾秒就熟透。雖然唔知咩部位同產地，但牛肉味好濃郁，而且口感軟稔。《護心肉（豬）》$158護心肉唔係間間韓燒餐廳都有，護心肉有牛同豬，豬個份量會多啲，口感有點豬頸肉。《炒年糕》$75年糕幾彈牙，個醬同年糕都似係韓國食個啲。除左年糕，仲有飯團🍙，個飯團最好早啲食，如果唔係紫菜會淋晒。《海鮮蔥餅》$90蔥餅做法間間都唔一樣，呢間既蔥餅比較薄身一點。

由於我係星期六去，所以一早book定位！去到已經滿晒😣見到出面仲有好多人walk in要等位，所以最好book定位先去！入座後開始計個半鐘要交枱！因為之前次次都叫過韓牛套餐所以今次想試吓散叫！牛五花(180g) $158牛舌 (180g) $148牛肉眼(200g) $150水冷麵😋😋$85個人比較推薦牛五花同牛舌，食落比較有油分亦有牛味唔會太鞋！佢嘅牛舌份量都好多雖然係薄切但有成碟勁多塊真係好滿足😋牛五花都好正超快熟然後包住生菜食真係一流，順帶一提佢提供免費嗰啲泡菜都超好食夾住啲肉係勁好味😋而牛肉眼個人覺得麻麻哋因為中間啲肉比較鞋所以建議可以試吓其他！而爐邊蛋食咗頭嗰轉已經冇加過因為實在太飽啦，侍應服務都好好見到生菜食晒會自動refill🤤去到最後男朋友次次黎都一定要食嘅水冷麵，其實已經超飽但食咗咁多肉之後食返碗水冷麵真係好清新😂感覺已經冇咁濟！個水冷麵啲面係勁煙韌超正☺️總共好似食咗六百幾蚊，食到呢啲質素嘅韓牛都真係唔錯！除翻開都係三百幾蚊一位同出面食嗰啲韓燒放題差唔多價錢但質素就好好多啦😉

平日經開登龍街，第一次行入去光臨，一試難忘。本身想食韓燒，然後見呢間前菜（泡菜，沙律，醃醬菜） 同生菜無限任加，真係好吸引。七點去到都幾多人，我地點了四樣食物：牛舌$148 喜來稀肉$138石頭飯$85 豆腐湯 $80以豆腐湯味道最正，濃郁，鮮同辣都十分到位。必食推介。石頭飯牛舌喜來稀肉燒肉就睇落細細碟，其實份量真心大同好食。我點既牛舌同喜來稀肉厚薄同醃得入味，令我一試難忘。侍應做事好快手呀，會主動幫你加生菜，仲有三份前菜都係任食架。老公就好鍾意食個沙律（左上），我覺得泡菜夠辣超正（右上）。蛋蛋到尾聲就可以食得，慢火煮真滑口，一邊係泡菜蛋，一邊係芝士蛋。