喜來稀肉 (登龍街)

營業中

休息中

一直係喜來稀肉嘅擁躉，所以一有時間都會想返去試吓佢特別出邊食唔到嘅肉品。今日喺銅鑼灣就同個friend一齊食，可能係因為疫情仲未好細嘅關係所以夜晚食飯時間唔使點等都可以入座。首先嗌左支桃味韓國燒酒飲，食烤肉配呢一個燒酒真係啱啱好。燒肉我地叫咗三款唔同嘅肉分別係燒肉眼扒，牛舌，同埋護心肉。燒肉眼扒係今次第一次嘗試嘅，真係冇失望呀好好食！因為除咗夠晒juicy之外，成塊扒夠晒韓牛味！同我喺韓國食過嘅差唔多！同埋份量都唔細㗎，兩個人食都夠！至於護心肉就係喜來稀肉嘅招牌菜，每次返嚟都會再叫一盤食！唔知點解喺出邊食過咁多間韓式燒肉都冇一間做到好似護心肉咁好食🤤將肉燒完之後連埋唔同嘅配料同埋生菜包住一齊食再點埋喜來稀肉秘製嘅sauce好正！ 除此之外我仲好鍾意食係火爐旁邊二款唔同嘅煎蛋，一款係普通煎蛋，另外一款係加咗泡菜！仲要係任食，鍾意食煎蛋嘅朋友唔可以錯過。