喜來稀肉 (登龍街)

營業中

休息中

登龍街不只有拉麵吃，還有很多其他餐廳。這家韓國烤肉位於樓上，地方原來蠻大的，座位與桌子挺寬闊。入面裝潢仿韓國烤肉店，無論座位、佈置、餐具等也是，有些侍應更是韓國人，感覺仿如置身韓國。桌上也經已放了醬料、前菜、生菜及水樽。餐牌上的肉類主打豬肉及牛肉各部分，雞肉及海鮮卻只有一兩樣選擇。魷魚份量多，最喜歡吃觸鬚部份，更有口感。爐的火候蠻強勁，很快便烤熟了。加上牛肉薄片，條條紋理的油脂分佈均勻，輕輕燒一燒已經變色。雞肉已經醃好，醬汁蠻入味，不過略鹹，通常肉都會跟生菜一吃，減低油膩感。用蔬菜包裹著肉一併吃較好。當然少不了前菜，醃物及泡菜。泡菜應該是他們自家醃製的，第一口入口偏甜，但是辣的感覺緊隨其後，辣勁強烈。這些小碟都是可以追加的。石鍋吞拿魚拌飯這個石鍋飯的材料略為失色，只是罐頭吞拿魚加在白飯裡面，上面鋪滿紫菜及美乃滋醬調味，還有荷包蛋及蟹籽，再拌勻。不過味道較乾及單調。

疫情咁耐都冇得去旅行，唯有去韓式燒肉店吊住癮先。餐廳入邊都係韓國少男少女侍應，感覺好似去咗韓國咁，可以懷念一下異國嘅風情。正門雖小，但係上到大廳非常寬敝，空間感極大，檯椅密度不高，走廊開揚，坐得舒服空氣流通。前菜嘅泡菜鮮甜爽嫩多汁，醃味別具一格。大豆芽，跟沙律機乎一樣，撈個汁不用煮即食得，竟然爽甜多汁沒半點腥味，而且辣辣地幾開胃。生洋蔥圈，調過味的，不過我建議炒一炒去連烤肉一齊夾生菜包食。喜來烤肉 (牛肉) 這個必點，肉質很鮮嫩，烤得剛剛好的時候好juicy ，建議不要燒到全熟，六七成左右就夠。然後夾著生菜 配菜一齊吃 ，肉質有點入口即溶的感覺 真的好想再來一盤。另外建議一開頭好肚餓既時候燒，肉片一放試鐵板幾秒就食得。豬五花肉油脂豐富，燒熟後用鉸剪剪開，濃厚嘅油脂再加埋佢爽口嘅豬肉，實在太正了。另外我叫咗個白飯，我個人比較鍾意肉片、泡菜、蒜片同白飯夾埋一齊食，全部用生菜包埋一齊一啖放入口超滿足！爐邊蛋可以無限refill，個人比較喜歡食芝士蛋，芝士味襯托蛋香味，兩者味道都不會太over！但泡菜蛋味道就比較重，不過兩個都好食。

今日同朋友去左銅鑼灣食飯, 揀左食燒肉! 呢間餐廳真係要預早BOOK位一上到去店員就幫我地量體溫枱同枱之間又有塊高膠板隔住, 咁就食得放心LA一坐低就有三碟小食: 泡菜, 醃物同芽菜, 佢既泡菜辣得黎又爽脆, 忍唔住叫佢加多碟揀左牛舌, 喜來烤肉, 同大醬湯牛舌:薄薄一片, 只要燒一陣就可以食, 食落唔UN, 肉味濃, 一塊接一塊食唔停喜來烤肉: 上枱好似一朵花咁, 打卡一流, 肉上面鋪滿左醬汁, 燒起黎更加惹味大醬湯: 呢個好有驚喜: 湯好濃味, 辣度足夠, 入面仲有海鮮好足料!呢間燒肉既服務同食物都好好, 絶對可以ENCORE

終於我履行左我嘅承諾，帶我阿妹去食喜來稀肉，今次去遠少少，去銅鑼灣，順便行吓街閒日嘅午餐時間，仲要係呢個疫情底下，都真係算多人，午市套餐大概係七十幾咁上下，仲有三色韓式小食，都算唔錯妹妹嗌咗個韓式石鍋拌飯，加多支韓國提子汁，我就嗌咗個人蔘雞湯，加多支韓國啤酒石鍋拌飯熱辣辣，又有少少飯焦，好好食人蔘雞湯應該係熬左好耐，雞肉好軟林林，連骨都一咬就化開，個湯好濃郁三色韓式小食好正，對於正宗韓式前菜來講，佢算係偏甜，但係正正就係因為咁，唔會太辣，更加迎合香港人嘅口味

喜來稀肉已經榮升到我心目中食燒肉嘅第一位！份量多，味道好，肉質素又高，真係食幾多次都唔厭呀落完單侍應已經立即送上生菜、泡菜、醬瓜等配菜，呢度啲泡菜雖然辣，但辣得黎甜甜地，食完已經叫侍應再上一碟呢牛舌：一定要叫，力推！每邊燒10秒8秒就食得，而且好多塊，唔似得其他燒肉店得幾塊。喜來烤肉：一睇啲肉就知新鮮，而且攞盤非常靚，成朵玫瑰花🌹，睇到都心情好！啲肉醃得非常出色，咸度適中，包菜或點佢哋啲醬食都好襯大醬湯：第一次叫，就想像中好味，又足料，有海鮮如蟹同蜆，又有瓜，仲有小肉塊，正！餐廳氣氛好好，播左好多唔同類型既歌，而且好多講韓文嘅人黎食，真係好似去咗韓國呢！

同愛韓燒的朋友去左喜來稀肉食燒肉，真的好耐無食燒肉啦，當日去到真的好多人，所以真的要訂位，坐到位，有職員給上了不同的小菜，當然有我最愛的KIMCHI，燒肉真的唔可以無左佢，仲有芝士同埋KIMCHI的旦，仲可以任食，之後同朋友點左牛的護心肉，泡菜煎餅，豬五花肉，另外點左啤酒同埋桃子汁，牛的護心肉，豬五花肉牛的護心肉，豬五花肉真的燒肉一定要點，豬五花肉真的加埋生菜無得頂，牛的護心肉食得出牛味，唔太硬，加埋KIMCHI真的一流泡菜煎餅都唔錯，我地嘗試再在盤上煎一煎，真的更香口，加埋生菜真的無得彈~~啤酒同埋桃子汁啤酒同埋桃子汁，燒肉點可以無啤酒~哈哈

好多吉位都無人坐了45分鐘，都唔俾人入座，眼見到好多人都等咗成個鐘再去問嗰經理都話唔知幾時先有位。佢成日話好快好快，有好多枱Walk in客都頂唔順走咗。有啲客等得唔來煩再問佢要等幾耐佢就話最少一個鐘，如果你話booking多就一開始叫啲walk in 客人唔好等，因為唔知等幾耐，一係就俾一半枱給Walk In 客人先，45分鐘時間大部份人都食完，嗰經理啲安排超水皮。唔係叫啲客人無休止喺度等，下次記得冇訂枱千祈唔好上去食。加埋等候時間隨時餐飯要食三四個鐘。

有一排冇食韓國烤肉，又心思思想去喜來稀肉。今次揀嘅係銅鑼灣分店，位於登龍街，非常就腳方便。前菜三款，可以無限添加。牛護心肉（$150/150g)護心肉係橫膈膜與肝之間嘅部分，每隻牛嘅護心肉都唔多，非常珍貴。食落富有肉香，肉汁豐盈，正！喜來烤肉（$138/180g)呢款亦係店內推薦款，切得薄身，基本上燒幾秒就食得，掌握火候上要控制得宜。海鮮蔥餅 $90熱乎乎嘅海鮮葱餅，顏色金黃，非常吸引，配料豐富，唔會啖啖得麵粉，不錯。豆腐湯 $80熱氣騰騰，味道酸辣開胃，撈白飯食一流！點幾樣嘢食已經好飽好飽，今餐抵食！

呢間燒肉一直都咁多人食，但為左懲罰佢，排下隊都要啦！一埋位佢已經執好晒張檯，set到靚一靚咁，實在太好啦。呢度有三碟小菜，包裝必備嘅泡菜，韓式沙律同埋醃酸菇，全部都好開胃。而我鐘意就係食佢啲爐邊蛋，呢度任食真係岩晒我。我地嗌左牛護心肉，佢呢個肉脂肪唔多，但肉質好腍，好正。另外就嗌左佢地個五花腩，我以為會好肥好油，但食落其實又唔會，煎香兩面仲脆卜卜添。而且佢呢度啲肉厚薄適中，煎幾下就食得，岩晒我呢啲心急人。除左燒肉，我地仲嗌左佢個煎泡菜海鮮餅，佢呢隻泡菜餅啲泡菜係打溶晒，所以比較薄同林啲，但係就好香泡菜味。燒肉就要配啤酒，所以朋友嗌左個韓國生啤。但我呢啲小朋友就飲返個韓國桃汁得啦，佢又唔會好甜，桃味夠濃，而且仲有果肉添。

我又再食喜來稀肉啦！前兩日我同我朋友係銅鑼灣行行下街突然之間落大雨，咁啱係喜來稀肉附近，我地即刻衝去喜來稀肉食午餐同埋避雨。唔知係咪疫情關係同埋個日落雨，冇乜客人，上次去尖沙咀嗰間都幾多人下。環境都相當清靜。一入到去竟然係一位韓國人員工接待我地！幾特別，而且佢態度好好。上次係食左佢地嘅韓燒，今次就就咁食佢地嘅主食。我地嗌左石鍋拌飯同蔘雞湯，另外都嗌左葡萄汁同啤酒作為飲品。蔘雞湯食得出佢煲左好耐，值得一試！我同我朋友今次食完野之後都留左係度吹水。一黎間舖頭唔太多人，環境清靜，二黎出面仲落緊大雨。我地一見出面雨收返細啲，我地就出去繼續行街。

同事提議收工去食韓燒，身為韓劇粉絲梗係舉腳贊成。前菜有三種，分別係酸蘿蔔青瓜、泡菜同埋生菜絲。另外仲有生菜葉提供，可以用嚟包燒肉一齊食。呢幾樣都係無限refill。炒年糕除咗韓式年糕外仲有魚糕，味道辣中帶甜，煙煙韌韌好有口感。海鮮泡菜餅好大碟，份量十足，外層香脆，味道酸甜。嚟到一定要嗌嘅招牌喜來烤肉，牛肉已經秘製醬汁腌制好入味，肉質好鮮嫩好好味。另外再點多一份牛護心肉，牛肉切得比較厚，口感豐富有嚼口。另外鍋邊有泡菜及芝士蛋汁，慢慢等佢燒熟就可以食，蛋香味重好好食。

520，又係作為男朋友好好表現嘅日子😂今次帶屋企隻豬黎食「喜來稀肉」淨係聽到個名，我隻豬已經勁興奮🤣.黎「喜來稀肉」食主打嘅韓式燒肉建議選擇牛肉同豬肉，一定吾會後悔😆.🔸調味醬油雞肉 $110美味指數：🌕🌕🌕🌕🌕不得不說呢份雞肉都幾大塊去哂骨又去哂皮仲要成個手拳咁大，重150g 添👍用左韓式秘製調味味調味未落鐵板煎已經聞到陣陣香氣～煎香後嘅雞肉，肉香四溢，軟嫩味美外層金黃微焦，但肉質仍係鮮嫩多汁 .🔸馬鈴薯煎餅 $90美味指數：🌕🌕🌕🌕Pizza 版嘅炸薯餅😂薯仔切嘅條狀，幾兩面都煎至金黃色外脆內薯，好香口！可以沾埋特製醬汁微辣帶點酸，仲有濃郁嘅麻油香😋.🔸西柚汽水 $35其實係西柚梳打汽水酸酸甜甜，甜度恰到好處，一飲即fresh🥳.PS. 每枱都附送三款小前菜同生菜仲有最期待嘅爐邊蛋！一款係原味，一款係泡菜味，一流呀🤩

環境：👍👍👍👍👍服務：⭐️⭐️⭐️⭐️味道：😍😍😍😍😍影相：📸📸📸📸Encore:92%📝進入前要度體溫➖➖➖➖➖➖➖➖➖➖➖➖➖➖➖最近確診數字持續多日都係"0"開始心思思出去覓食啦😂但提提大家，出去都係要維持高度警覺性乖乖戴口罩，勤洗手，多用酒精搓手液呀⚠️.🔸環境銅記嘅喜來稀肉位於二樓面積寬敞，枱與枱之間都格得幾開中間更加設透明膠板作分格.🔸餐牌以燒肉為主，亦有吾少韓式地道熟食供應大醬湯，拌飯，煎餅，拉麵樣樣都齊🥳.🔸辣護心肉 食韓燒，必食牛同豬佢地嘅牛同豬除左用料新鮮醃製出黎嘅肉，更係極之入味，嫩滑非常我地就揀左近年係韓國大受歡迎嘅護心肉佢係出自於豬嘅橫隔模同肝之間每隻豬只有200g-300g，所以係非常矜貴👍而呢到$168就已經有200g幾乎係成隻豬嘅所有啦😂護心飲燒香後油分不多，肉質結實又爽口彈牙韓式秘製嘅醃料更係醃得好入味焦香又實肉帶點微辣，真係好正😍無論係配合白飯或生菜食，都絕對一流😎.🔸海鮮拉麵韓式拉麵亦係必選之一🙈看似簡單，但真係比自己煮嘅好味好多🤣拉麵略為粗身，極富彈性又爽口每條都沾上辣辣嘅湯汁，非常惹味加入左大蔥，大蝦，青口等海鮮令成碗湯增添鮮味😋

放工想食燒肉，近近地去咗銅鑼灣喜來稀肉，又可以食韓食。每次食喜來稀肉都好開心，因為有好多前菜同蛋，又可以無限refill。必點招牌菜喜來稀肉，醃得好出色，個醬汁入味到唔使再點醬。肉又大塊，過足癮。牛護心肉又係我至愛，夠厚身，食到濃郁嘅牛味同淡淡嘅黑椒味。另外點咗兩樣韓食，泡菜煎餅同炒年糕。泡菜煎餅嘅邊煎得香脆，仲食到有魷魚。點埋個秘製醬汁，更鮮甜更惹味。炒年糕夠辣同入味，除咗年糕，仲有魚糕同紫菜卷，好多料。愈食愈辣，愈辣愈過癮！

今晚book左食晚餐，食物比兩年前差，豬皮、護心肉吾得，知道有時限，都埋單先。時，仲有一支燒酒未飲完，想叫多一個提子汁，店員態度好差囉！好吾想我哋叫囉！再提醒我地你哋得返15分鐘。如果出面有人等位，你甘催我，我接受！但係冇人等位之餘，仲有吉檯，我覺得吾使甘囉！