喜來稀肉 (登龍街)

營業中

休息中

同事提議收工去食韓燒，身為韓劇粉絲梗係舉腳贊成。前菜有三種，分別係酸蘿蔔青瓜、泡菜同埋生菜絲。另外仲有生菜葉提供，可以用嚟包燒肉一齊食。呢幾樣都係無限refill。炒年糕除咗韓式年糕外仲有魚糕，味道辣中帶甜，煙煙韌韌好有口感。海鮮泡菜餅好大碟，份量十足，外層香脆，味道酸甜。嚟到一定要嗌嘅招牌喜來烤肉，牛肉已經秘製醬汁腌制好入味，肉質好鮮嫩好好味。另外再點多一份牛護心肉，牛肉切得比較厚，口感豐富有嚼口。另外鍋邊有泡菜及芝士蛋汁，慢慢等佢燒熟就可以食，蛋香味重好好食。