喜來稀肉 (登龍街)

營業中

休息中

難得lunch time所有老世都唔係度，同同事一齊去食韓式燒烤。依間因為疫情，好耐都無食過，好懷住佢地嘅護心肉。好少地方有得食。因為同事唔食牛，所以叫咗豬嘅護心肉。護心肉係橫隔膜嘅肉，完全唔肥，肉好juicy，又淋，好嘅燒烤食。可以包生菜食，減油膩。我發覺加埋泡菜，或者前菜嘅酸辣沙律，仲惹味。燒烤完肉，爐邊嘅蛋就啱啱熟，一邊蛋加咗芝士，另一邊加咗泡菜碎，我就好鐘意加咗泡菜碎嘅蛋，特別香。我地另外叫咗雜錦石頭鍋飯，個石頭鍋好夠熱，有飯焦 😍😍😍，超好食。加埋燒烤盧邊嘅芝士蛋同泡菜蛋一齊食，簡直停唔到口。今日依餐大滿足，我同同事都棒住個肚走。

原來在銅鑼灣返工咁耐，都未試過lunchtime韓燒，所以就同同事搞搞新意思，lunchtime去食韓燒，還去了間正宗地道韓燒餐廳- 喜來稀肉。原來lunchtime除了燒肉外，還有lunch set的，和同事點了一個烤肉，一個lunch。值得一讚的是、餐廳內每張抬上的防疫用品非常充足！餐廳會先上前菜，前菜也做得好出色，泡菜用上新鮮泡菜，雖然表面上不是非常紅，但辣味十足。特別喜歡這碟，上面的辣醬好夠香辣味！🐷護心肉：印像中這是第一次食護心肉，原來護心肉是這裡的招牌菜，亦是罕有的韓國料理。護心肉是豬橫隔膜與肝之間嘅肌肉荕，不含油份而且好珍貴！燒到好香之後食起上來好有嚼勁，肉質亦好軟嫩，好特別的味道，一試難忘。還可以將燒好的護心肉包在生菜內，再配上辣味的前菜和燒好的蒜頭，慢慢在口中咀嚼，味道好match！🌟石鍋拌飯：鋪滿面的全是紫菜，然後就有蛋、蘿蔔、牛肉、菜等豐富配菜，仲有飯焦，撈起上來好香。餐廳內坐得舒服，可以放鬆下傾計，下次可以再來食護心肉😋😋😋

今日再去呢間好有韓國地道風味嘅韓燒，一入到去就覺得自己好似去咗韓國咁，啲裝修都好友韓國風味，就連職員都係韓國人。一坐低就即刻嗌左幾款肉，叫咗護心肉，牛肉同埋牛舌。個人認為護心肉最好食，肉質非常好而且好入味，簡直係食過返尋味。其他兩款牛肉都非常新鮮，配上佢哋提供嘅生菜嚟食簡直係絕配。當然唔少得可以任添嘅配菜，作為泡彩虹嘅我總共加咗三次泡菜！呢度啲泡菜味道啱啱好，好食過韓國嗰啲。另外仲叫咗石頭鍋飯，個飯有好多飯焦超好食，加埋佢哋提供嘅辣汁真係好惹味！值得一讚嘅係所有員工嘅服務態度都非常好，而且上菜速度都好快，令我哋成餐飯都食得好舒服。

店舖喺銅鑼灣嘅食街登龍街，成日都會經過，記得呢間野都好似嚟咗香港好多年，但係因為食韓燒嘅選擇太多，要揀嘅時候都未必會記得呢間。今日咁啱肚餓，經過左呢一間喜來稀肉，終於可以試吓啦。一入到去，同平時啲韓燒好唔同因為佢除咗裝修同韓國嗰啲差唔多之外連店員好多都係講韓文，真係好似去咗韓國咁。坐低就嗌左佢哋最出名嘅護心肉，諗住試吓因為好似話係豬嘅個特別嘅部位，出面比較少有。咁咪等嘢食嚟嘅途中，佢嗰個煎爐同平時嗰啲有啲唔同，佢係側邊會加咗蒜頭，泡菜蛋，芝士蛋咁樣慢慢煎熟佢，係呢一方面真係幾特別，因為本身以為係好普通嘅韓燒，但係真係好驚喜。除咗爐側邊嘅蛋，佢仲會送唔同嘅泡菜小食仲有生菜。咁都嗌左唔同嘅肉，最驚喜嘅真係護心肉。嚟咗睇落去個樣同普通嘅豬肉冇乜分別，但係食落去真係好驚喜，未食過咁好食嘅豬，好香，醃得又夠味，一定要再食。認真呢個韓國風味好正宗，值得再食。

呢間韓燒有幾個吸引處： 抵食，乾淨同好味。店內油煙味少，裝修幾有韓風，坐下時已set好枱，有哂前菜同水提供。仲有美味爐邊蛋，呢幾樣野都係免費的。本人覺得無限量提供水呢種服務好貼心。燒肉睇圖好細份，但其實份量一d都唔細架，我地一行四人點了兩份肉同兩份主食，好清飽，每人都係一百蚊多d, cp值高。同場加映韓國人主理餐廳，同年輕侍應，放工黎飲返杯好relaxing. 主食比燒肉更有驚喜，石頭飯可自選加或不加辣醬 ，而豆腐既辣同咸到位，豆腐很嫩口，一食就諗起梨泰院class. 燒肉令我想起鬼媽媽 （hi bye mum), 如店內播放韓劇就很應景。

之前發現呢間咁正燒肉店，今日再嘗韓式滋味。很有緣地我地一家人都很鍾意食韓國菜，一邊食燒肉，聽住k pop, 在這寒風中，很想念韓國既冬天，疫情後，第一個想到訪既國家就係韓國喇。今日閒日六點入座可避開人潮。上次有唔少青春少女做侍應，今日怎麼變左中年婦女了？ 可能係暑假過了。五花腩，石頭拌飯，豆腐湯，呢三樣韓國菜最地道既美食我今日一次過食哂。味道很地道，五花腩加上生菜和泡菜蒜頭，食完冇油膩既感覺。就係呢種氣氛食物，令人有享受人生回味無窮既感受。限時90分鐘，我地慢慢食都只用了1個鐘，再飲返杯吹下水，時間岩岩好。

好耐冇食韓國燒肉啦!!! 試過幾間唔同既韓燒肉, 一直都會回頭既暫時只得喜來稀肉, 今晚行完HYSAN就去左CWB分店過下癮!好掛住依度既一頭牛拼盤, 但係朋友係小鳥胃, 最後只揀左兩款肉, 下次先搵個大胃朋友食一頭牛先! 幾款前菜係入座時已經預備好, 有泡菜, 醃青瓜, 椰菜同埋生菜。ORDER好後店員就會準備埋爐邊蛋, 有兩種味, 分別係芝士同泡菜, 慢慢溫熱變熟, 算係依度既亮點之一黎!牛護心肉係牛護心肉同牛五花之間掙扎左陣, 最後店員推薦牛護心肉人氣勁D, 果然冇介紹錯~ 肉味香濃口感軟嫩, 油脂豐富好香口, 正正正~ 燒燒下忍唔住叫碗白飯送, 燒肉配白飯都係一絕!五花肉五花肉肥瘦相間, 一放上爐油脂溢出個樣堅吸引, 有三大塊, 入口滿咀油香超正! 依個時候最岩配合生菜包起食, 感覺會冇咁膩!賣單只係二百幾蚊, 加上配菜任FILL, 其實CP值都幾高, 食肉獸一定中意!

每次經過登龍街，都會留意到喜來的招牌，霎時衝動想食韓式烤肉，今晚終於言行一致來光顧。正好如想像中的擺設，韓式烤爐周邊放蛋漿，烤爐上吊掛長而巨大的煙筒，幾乎滿座，熱熱鬧鬧的氣氛。桌上早已放上辣涼菜及用來包肉的生菜。三碟涼菜都幾辣，有些不同的辣，泡菜厚切有汁，尤其好吃。點了三款肉類，沒有湯及飯跟隨。護心肉 $158喜來烤肉 $138真雪花牛肉 $208始終都是護心肉最好，肉質緊緻，厚切有利有弊，比較難燒熟，烤爐太熱，容易燒焦，沾上了黑色的焦就不好了。兩款牛肉比較容易烤，真雪花牛肉真的雪花多。烤蛋漿好吃，外層微焦內心滑溜。

喜來稀肉黎左香港咁耐就HIT足咁耐, 今時今日晚飯時間仍然要排隊等位架! 今晚約左朋友食, 特登早走少少放工就直奔登龍街, 成功6點幾去到唔洗等位~ 一坐低枱上已準備好前菜配菜, 有唔少得既泡菜, 辣醬椰菜, 酸青瓜同生菜, 無限永續, 今晚都食左兩ROUND!餐牌有分肉類同熱食, 今晚就係想燒肉, 於是就叫左兩份肉, 加埋其他前菜配菜, 兩個女仔食都好夠啦!爐邊蛋係喜來稀肉既重要配角, 芝士雞蛋同泡菜雞蛋隨住你燒肉既時間慢慢成形, 你中意生既時候點肉食又得, 7成熟滑溜時食又得, 總之你中意點食都得!五花肉硬係覺得食韓燒既話五花肉係不可缺少, 3塊長長五花, 有少許厚度, 脂肪位油潤又甘香, 燒至表面微微焦香好惹味, 包生菜泡菜食一流之選!牛肉眼(200g)超大塊肉眼扒原塊上, 差D長過個爐, 成塊上爐燒見到都流口水, 肉眼厚身咬落好有口感但又唔會韌, 肉味香濃, 超滿足!最後加多杯麥茶, 解膩又清涼。

今日在銅鑼灣工作，做完肚餓去食韓國烤肉，之前朋友介紹過喜來稀肉，話幾抵食。兩個人兩款肉，招牌護心肉及喜來烤肉各一，百多元一份，份量不少，白飯$12碗另計，無跟湯，送三碟前菜及生菜。因為曾經有韓國人朋友，知道泡菜對他們很重要，而且吃泡菜就試點，知道餐廳質素，這裏的泡菜都算過得去。有件肥膏用來開爐，肉冇咁易癡底，用這款烤爐是必須的。以$130 吃到這個份量的喜來烤肉實屬平靚正。$158的護心肉物有所值，一隻豬的護心肉不多，肉鬆軟。最後食埋周邊的蒸蛋，夠晒飽，滿意。

喜來稀肉的裝修一向都是有滿滿的韓國味，座位與座位之間覺得非常寬敞，所以他往往是我最喜愛的燒肉店之一。韓式燒肉的特色就是永遠都有豐富的配菜和爐邊蛋，這些都是可以任添的。這次特別想嘗試一下不同的部位，所以就點了這個一頭牛燒肉拼盤，而當中我最喜愛的是牛肋骨肉漢堡扒，厚厚的漢堡扒在煎香後表面香脆，裏面肉汁豐盛，牛味香濃。另外招牌的喜來烤肉卷成玫瑰花的樣子，脂肪較少，只要輕輕炙一炙，再配上白飯或生菜，已經非常好吃。另外還叫了一個護心肉，這個護心肉是每次來必點的菜色，脂肪比例分布均勻，輕輕用鹽和胡椒調味，肉質細嫩。

餐廳環境非常寬敞，而吃燒肉最怕是滿身油煙味，餐廳的抽風系統做得非常好，進入餐廳後幾乎聞不到油煙味。桌上已經準備好了泡菜等等的醃小菜，和一大籃生菜，爐邊亦已經有芝士蛋漿和泡菜蛋漿，這些都是可以無限任添的。這次跟朋友兩個人來吃，叫了一個燒肉拼盤，裏面已經包含了最招牌的喜來燒肉，牛肋骨，牛五花，牛頸等等的部位。還有一塊厚厚的牛肋骨肉漢堡扒。而在拼盤裏，我特別喜歡醃製的牛排骨肉，排骨肉醃得非常入味，由於比較濃味，包着生菜吃實在是非常匹配，適合重口味人士。另外我們還叫了一個牛護心肉，護心肉賣相非常漂亮，油花分布平均，因為切得比較薄，只要輕輕燒一燒，就已經非常細嫩，牛味香濃，十分推介。

喜來稀肉地址：銅鑼灣登龍街41-51號金龍大廈地下3號舖及1樓韓國菜中, 泡菜多款又好味, 去韓國餐廳好多時係想去食KIMCHI, 而喜來稀肉係由韓國人開架, 來到一定有幾款泡菜端上, 仲可以REFILL架LUNCH TIME仲有LUNCH SET, 亦都可以有燒味, 不過無閒情時間, 要快就係要LUNCH SET啦, 價錢只係$8-90泡菜酸甜甜的令人好開胃, 也有辣的, 有蔬菜食到感覺健康要多D吸收水份,$90 RIBS SOUP, 中文叫醒酒湯?不過湯湯水水都是好味的, 平時多食蔘雞同泡菜湯, 轉轉口味試下, 因食過好多韓國餐廳都小見有~豬肋骨大大條, 都有幾多用連住骨邊位, 湯飲落係鹹鹹香香咁啦,唔用來醒酒, 好開胃架。埋單計埋加一, $100有找。

尋晚大約5點去到 餐廳裝修好有韓式風格，座位寬闊，坐得舒服他的招牌菜是喜來稀肉當然我們要叫一客啦！其次我們還叫了護心肉以及五花肉 以及大醬湯喜來稀肉是韓牛油脂香濃 肉味十足 。 牛肉的香味散發出嚟來到第二份肉係護心肉啦 份肉肉質鮮嫩可口 入口即溶選配上白飯食一流最後一份是豬五花肉油花香濃 豬味濃厚 十分有咬口最後大醬湯味濃湯汁可口美味 用白飯配上10一流除了肉以外還有任食的爐邊蛋芝士拉絲 十分邪惡總括而言這間餐廳食物都做得10分有誠意餐廳環境也不錯擺盤也10分好 食材也很新鮮下次一定會再來光顧

本身想order野飲  見到呢一杯叫做藍色檸檬汽水 出於好奇就問下系唔系波子汽水既味道 非華裔女店員唔單止無回答我問題 仲要答我米藍色檸檬汽水lor 然後仲要搵埋其他店員嘲笑依個問題(*系我面前*) 真系火都黎埋 經反映之後都無得到經理合理既解釋 個經理仲要兇我地問我地想點喎 其實件事真系好小事 我唔明點解可以當住個客面前笑個客呢？經理仲要連道歉都無仲要系到包庇個員工 ？貼錢買難受 幾好食都無用