唯一雲貴川風味

營業中

休息中

唯一雲貴川風味 📍 荃灣👅8.88/10成個湯底都好惹味 甜酸辣香都十分出色！！最神奇嘅係食完唔會勁口渴💦加埋超滑 又彈牙煙韌嘅米線真係食到唔停口啊！有幾個餸係必叫架！🥢腩肉 🥢豬頭肉-又爽又滑 ✨小tips 原本湯底已經係酸辣㗎啦落單嘅時候再叫酸辣嘅話會貴dd gaa

今晚終於去食左宜間荃灣好出名嘅米線， 7點幾去到要等一陣先有位，我同朋友分別嗌咗一碗酸辣腩肉米線同酸辣豬腸貢丸（醬爆）米線， 本身想叫豬潤但賣哂啦😋酸辣腩肉米線（$47）😍湯底好濃，夠酸，有好多肉碎同酸菜，同埋又唔會好辣， 啱哂鐘意食重口味嘅人，腩肉都有幾多塊， 入哂味，肥瘦適中，米線份量好足，食哂成碗實夠飽🍜酸辣豬腸貢丸（醬爆）米線 （$56） 豬腸好入味同埋好淋，唔會好韌， 貢丸好大粒， 連埋啲湯一齊食，好好食🤤

荃灣有好多食米線嘅小店，我今次都慕名而來，排隊排咗20分鐘到，終於可一嚐佢啦佢有好多餸可以選擇，又可以食芽菜底，唔洗驚食到好飽，頂住個肚叫咗 腩肉，大腸，腐竹，小鍋 同埋 豬脷，豬膶，腐竹，小鍋佢嘅所有嘅餸都炆得好入味，不過大部分都係同一個味，比較單調，整體都係好味嘅 辣度係會愈食愈辣，夠香夠辣

荃灣雲集多間岀名米線店🍜，除咗連鎖店譚仔之外，仲有雲家小鍋店、新貴香園等小店。不過，我至愛始終都係呢間「唯一雲貴川風味」💕，依家邊打食評，已經邊流口水🤤我超愛佢嘅麻辣湯底❤️‍🔥，同一般米線店嘅麻辣湯底好唔同，唔係隨隨便便溝水令味道變得淡口嗰種，食得岀湯底係每日花心機同時間去熬製，辣椒同花椒嘅比例好重🌶，夠辣又夠麻，味道好重，非常開胃😆即使我只叫咗一款配菜，腩肉🐽嘅份量都好多，唔會吃到一半就只剩低D麵咁dry，而且每一片係有厚度嘅，嫩滑爽口，咬落好有口感，同麻辣湯底一齊係絕配👍🏻雖然環境有D噏揼，但每次去呢間米線店，都總要排一陣隊先入得去坐，下午茶時段都唔例外，可見餐廳真係好受街坊歡迎㗎。姐姐會係排緊隊期間，先幫你定單，一入座，即刻上菜，效率都幾快🤣

唔想排隊 強烈建議大家平日辦公時間去食🤣懶惰小編都幾怕排長龍加上天氣炎熱 係條街排隊? 拿了我的命呀不過 不過 如果要排隊先食到呢碗米線 小編都認為係值得🤣🤣因為佢實在好多料 湯底又超濃郁 (食開3小辣小編) 叫小辣都已經好辣 流哂鼻水餐牌會有一味, 二味, 三味, 四味比你揀其實主要係睇你想食幾多款(味)餸呢度好搞笑 酸辣 同 小鍋都係一個餸不過之前睇過youtube介紹話 唔洗特別叫酸辣 因為佢本身湯底已經係酸辣🧡酸菜+腩肉 $49 (二味)超大量酸菜 腩肉係唔會得肥膏 同埋幾有口感 (個人喜好)腩肉醃得好夠味 原來個湯底 本身都已經有大量酸菜同酸辣一樣, 可以唔洗特登叫1個餸了 除非你大愛酸菜啦🧡腩肉+豬腸 $49 (二味)腩肉係唔會得肥膏 呢樣係小編喜歡的豬腸都係醃得好夠味 佢d餸都算好多 食極都仲有重口味人士應該會好喜歡呢一間米線 因為佢真係好濃郁 每碗都會有好多辣油大家食時, 要小心 唔好啃到啊😋📍唯一雲貴川風味📌荃灣四陂坊14號地下

There are always long queues outside Yunan Guizhou & Sichuan during lunch hours. I have been there at least 10 times over these years. Their soup base is closer to the peanut butter style with SIchuan peppers. Very intense which makes it one of my favorite in Hong Kong. I'd say the quality sometimes fluctuates. There was a time that the soup was so watery and clean even I ordered super spicy. Sometimes it was too oily but most of the time it was alright. The toppings come in big portion. The por

見到有Youtuber 試食荃灣四間人氣米線店, 呢間唯一就係其中一間...好耐好耐之前我係已經食過呢間,我記得自己係覺得麻麻地,但見佢人氣又真係歷久不衰,又唔知食乜好,甘就再試一次😌因為我外賣,無影到內部環境...內部用餐環境就真係唔多好, 全部圓檯,除非你人多,如果唔係都應該要搭檯, 檯同檯之間係好逼, 如非必要,唔會堂食餐牌一眼睇曬, 兩餸要$49,價錢唔平🍽腩肉米線本來想叫埋豬腸, 但已經賣曬☹️一打開個蓋, 哇好油下窩🤨腩肉既分量係幾多既, 但味道就非常一般只係有鹹味而幾嚡口既肉,有d嚡到黏牙添😓個湯底味道一樣好普通,係有陣炒過配料既味,但都唔好味...... 荃灣甘多間米線, 講腩肉,雲貴香既腩肉已經好過佢, 講米線,譚仔d米線仲好, 湯底,恕我唔識欣賞, 真係點排都唔係佢, 吃不出的人氣🤷🏻‍♀️

重口味人士一定要嚟試下呢間米線，我叫咗少辣、腩肉、炸醬。上面有一層辣油，但自己覺得唔會好over同油膩。佢入口係非常香口，主要應該因為個炸醬同啲肉碎好香口。腩肉絕對唔係hea你嗰種，超大塊，而且有好多塊。肉質唔韌又入味。朋友試咗豬頭肉，本身都唔係幾知係咩嚟，發現其實好少肉，會有啲類似豬耳嘅軟骨，鍾意食軟骨嘅可以叫嚟試吓覺得都幾特別。但係我自己就prefer腩肉多啲啦。特別一提呢碗米線真係好夠熱，雖然我係外賣，攞到坐低食都隔咗一陣，但係依然非常辣，成碗都好滾。食晒成碗之後碗湯都仲係熱嘅真係好滿足！

在網上比較有討論度的米線店餐廳裝潢比較簡單　是需要併桌的是香港的米線店文化豬腸雲吞小鍋米線雞肉小鍋米線小鍋米線是酸辣的基礎型的湯底　很濃的酸味辣的質感比較一般配料選擇不算很多像雲吞的加皮很厚　比較差勁雞肉是絲絲狀的　很柴的質感也不太能吸收到湯底的味道不過麵的質地各方面呈現出普通質地

荃灣友應該對呢間餐廳好熟悉,因為每次嚟都見到好多人排隊~就算旁邊間店拍晒烏蠅,呢間店都依然係咁多人…第一次嚟試嘅係腩肉,因為話係最出名嘅~但原來腩肉都好辣下,而且好油...第一次叫,哥次應該食咗半碗都無,十級後悔…第二次嚟就醒目叫返啲正常嘢,叫咗個豬膶腐竹米線~個豬膶唔係硬崩崩哥種,幾軟熟得嚟食得出佢係另外有汁煮過嘅,幾香濃~而腐竹就正常嘢,但份量好多,再加上佢湯底酸菜味重,用嚟吸汁一流~另一半叫咗個火腿雞肉米線,正常過唔正常~但又係料嘅份量好多,食晒啲米線都未食晒啲料🙈其實呢間店喺香港興起好多間米線之前已經存在~而且可以屹立至今,證明質素有保證~如果嚟開荃灣可以一試,但如果話會唔會掛住到想過嚟食又唔會,可以話係連鎖店以外嘅一個選項吧~

平時談論起米線，不少人都會想起譚仔或是譚仔三哥，它們分店廣泛，市場佔有率高，差不多成為了本地米線的icon和主導者🍜其實不同地區均有各式各樣的米線店，相比起譚仔連鎖店，有另一番獨特的風味。因為看了網上的影片和介紹，所以就去了荃灣區頗出名的唯一雲貴川風味，本以為會吃到令人難以忘懷的味道，結果卻令人大跌眼鏡😵‍💫😵環境🌴因只是一間小型的米線舖，故沒有特別的裝修。在牆上見到有一兩塊可愛的卡通揮春，應該是新年之後仍舊繼續用以點綴🧨🧧衛生情況一般：特別是地下，感覺油淋淋的，未見有人清潔🧹我更在結帳時差點被地下的油漬滑倒，感覺狼狽🥺🥺食物🥟餐廳以米線作主打，配料也不算特別多，以腩肉、大腸等較受食客歡迎🐖另外，它的米線湯底分為小鍋及酸辣，兩者均當作一個餸計算，食客們要注意了⚠️⚠️1. 腩肉炸醬🍖（$49）2. 腩肉豆卜🍜（$49）🔸因為兩者之間的味道差不多，故今次作一次過評論。雖然它的米線如坊間評論的口感煙韌，而且配料如芽菜、酸菜份量也多，但米線和湯底基本上不入味，只是一味的辣，加上湯面有一大泡油浮在面，變成了油泡米線。雖然米線有一層油是正常現象，但今次感覺好像過量了🤢配料方面：腩肉肉質非常粗糙，不夠

平時大家都應該食開三哥 譚仔多就試下其他米線先睇下有無機會改變我心目中嘅米線排行榜🧐*❣️三味 小鍋+炸醬+雲吞 $54長期排滿人龍嘅一間荃灣米線🔥🔥🔥🔥🔥啲人食完又到另一台入去 一台駁一台呢到最出名係佢地腩肉同炸醬雖然今次無嗌到腩肉 但就嗌左佢地炸醬🥰🥰不過好彩嘅係。。我同事就嗌到腩肉 俾我偷左塊黎試下😋同我地食開嘅譚仔腩肉完全係兩回事佢地嘅腩肉係無任何肥肉 不過就韌左啲而佢地嘅炸醬真係好好好多肉碎下 成碗都係🍜炸醬啲肉碎粒粒分明 睇相應該都見到🐽聽街坊講 佢地嘅腩肉同炸醬 本身用左辣汁而醃所以食落會帶少辣 不過都係可以接受嘅程度🌶🌶雲吞個皮就厚左啲下 如果鍾意食皮多過餡嘅就岩曬🥟對於揀飲擇食嘅我 食親米線會走韮芽嘅我嗌小鍋對我原來係蝕底左 小鍋原來係指多韮芽嘅意思🤥🤥都係啲街坊食客同我講先知食完先知有種被騙嘅感覺🥺不過到最後都係始終改變唔到心目中嘅米線排行榜😂

第一次專登寫食評 因為太差 個經歷差到要特登入尼寫 等人唔好中伏平時我都唔寫食評，但真係太差先入到尼寫。同女友staycation完打算食lunch，聽人講荃灣多米線食咁就google search到呢間，行左勁耐先去到四坡坊。首先入到去，係完全冇人招呼，全部都係自動波，仲要入到去已經覺得個環境勁差，唔係好想食。連隔板都冇，每一張枱仲要坐勁多人爸爸媽媽坐成七至八個人都得，大佬有少少衛生都唔係咁做，食肆最緊要第一樣野就係衛生同埋乾淨，嗰人大聲講嘢口水就噴曬落去個中間嘅碗筷到，同檯對住個人佢又你望我我望你 跟住又要係咁呻鼻涕 ，人同人之間隔都唔知有冇一米。其實限制住每一台坐幾多個人，碗筷唔好自己拎，同埋有個夾板已經可以控制得到。位又勁迫，同後面個人又撞埋一齊，個袋都唔知可以擺邊好地下又濕。侍應又係，你隻手啲浸曬落個湯度都唔知我飲唔飲好，環境衛生極差。總之勁唔舒服。因為佢餐牌就係出面寫住啲唔知咩兩餸三餸幾多味，嗰個餐牌已經係超級唔清晰，但員工解釋都算清晰同埋有解釋到我都算，第一次聽酸辣要加多七蚊，都唔緊要，雞翼又冇味，嗰啲炸醬又肥又唔好食一睇就知係勁低級嗰啲肉碎，個湯係全部都係油 個湯係全部

以前好多人都話呢間好好食我曾經都食過一次但係都已經係N年前嘅事今日搭車落車嘅地方都近嗰頭就順便買一個外賣，試試11:30到就去到，入面都坐晒人，我就嗌外賣好快都有得拎Menu其實我都唔知點，佢就揀好哂既配搭但我又唔岩食唔洗理佢，就咁自己叫餸都得掛，咪就自己叫左小窩米線加腩肉加豬腸，在就58蚊米線煮到屬於軟身嗰隻，我鐘意～大腸滷得好入味同埋好淋～唔會好韌呢個必點～推介～腩肉都調好晒味，但有啲榎歰歰，有啲乾下次再食就未必會揀腩肉整體嚟講都唔錯，米線店黎講算好食既但荃灣區黎講，不過不失既，中上，因為有幾間都好食過佢

呢間嘢可謂全港數一數二好食🥰睇見啲枱同水牌都知有返咁上下歷史，餸嘅選擇頗多，不過要留意佢酸辣/麻辣/小鍋都當一樣餸LOL👅酸辣腩肉豬脷米線（$5x）8.3/10唔記得咗幾錢lmao😅三餸米線$52起，腩肉個啲就貴啲，自行mix & match 啦大家😗啲餸多到睇啲米線唔到，仲有勁多炸醬酸菜個啲，唔係講笑湯底係杰身嘅，濃郁足料，頭個幾箸筷子都有啲難摷到底🤪湯底超重花生味，酸味偏重，辣得嚟好順口～食到爆汗好爽！！米線係彈牙有咬口嘅，唔會一夾就散。豬脷驚為天人，好有豬味（明嘅會明🤣🤣），份量超多，大大塊，口感偏軟身。啲人話呢間啲腩肉好正，所以嗌咗，不過我本身麻麻地腩肉，但呢間腩肉嚟講算做得唔差，肉質firm得嚟唔乾柴，肥瘦適中。飽到上心口都要食晒成碗🤪___________________________幾廿年嘅舖頭，講真環境同衛生都麻麻，但食米線又唔係fine dine，好多街坊嚟食😌總之係一間我會想食過返尋味嘅米線，有少少難揾，千色店一期隔離轉入去嘅角落位🥵不過都值得嚟食啊各位！！味道：8.3/10環境：3/10服務：6/10性價比：7/10