唯一雲貴川風味

營業中

休息中

當日很想吃米線，便到這間人氣一直頗高的餐廳叫外賣。可能是剛中午午膳時間，不算多人等候。如要外賣的話，就到餐廳內點餐，眼見餐廳幾乎坐滿客人。當日點了：❣️酸辣+腩肉+雲吞份量超足料，湯底偏麻辣，是很香的，但不夠酸；腩肉較乾身，偏柴口的；雲吞是酸菜豬肉餡，外皮是挺厚身，感覺像水餃。整體米線質地都是軟滑，不會太淋身，吃完超有飽腹感，但湯底真的偏油了點，吃完肚子會有滯膩感。總括來說，沒有到必試不可的米線，但偶然想吃小窩米線，亦可以作考慮之選。

由十幾歲食到宜家近呢幾年無再去食直至今日有時間見無人排隊試下質素有無下跌每次都叫腩肉雞翼米線小辣多葱腩肉我只會喺雲貴川先會叫因為我鐘情薄身腩肉 外面嘅米線店多數厚身米線質地較譚仔粗身食落口感較為實在同飽肚湯底色澤深，heavy，偏油鐘意重口味嘅啱哂雞翼無特別譚仔土匪會較出色🤣葱雖然係小配角但一加落呢個湯底就會有畫龍點睛作用令成個湯底層次更鮮明而且經過浸軟咗嘅葱花係好好食！建議考慮列入其中一個餸😂

今日經同事介紹，叫我試吓呢間好出名既米線，係元祖級正宗雲南米線！店面裝修好舊，好小店形式，好似大牌檔咁，放lunch時間都已經好多人。我叫左碗腩肉大腸米線（酸辣）配支豆漿：賣相好正！熱辣辣，湯底好濃，酸酸辣辣，好重蔥香！腩肉已經煮得好入味，大腸都偏肥，食到好有鑊氣味，比出面d米線鋪多左份大牌檔既惹味！另外想講下個米線麵質，比以往食既煙靭，有咬口，都比較粗身，個人黎講，我幾鐘意！味道真係偏重口味！但呢個係獨有既風味～

今次黎食唯一，我係第一次食，朋友就食咗好多次架啦，如果唔係佢提醒我應該唔識嗌，因為原來佢出名好辣，我地唔係好食得辣，叫佐清湯湯底人人都嗌嘅腩肉，同埋雲吞，朋友加蘿蔔，職員會提醒腩肉本身有啲辣，冇得走辣，同埋問需唔需要蔥花，個湯底雖然係清湯，但飲落都覺得似酸辣腩肉朋友好鍾意食，但我鍾意半肥瘦，嫌佢太乾啦唔太啱我食，雲吞足足有三粒咁多，仲要好大粒，但相對餃皮就偏厚，蘿蔔好甜，米線🍜偏硬身，值得一讚嘅係成碗米線🍜都好够熱，有下次

.呢一間荃灣米線，可以話係殿堂級！喜歡吃米線的人，一定有幫襯過佢！佢出咗名大碗，門口永遠有條隊排緊！所以今日我揀咗2:00之後幫襯，希望條隊可以短啲！果然，等兩張枱就到我啦！點了一個腩肉、雲吞、豆卜酸辣米線，味道一如既往的好吃！既然如此，在這裏就給大家幾個小貼士：一、如果唔食得辣，不要點腩肉！即使你點了清湯底，但是有腩肉，你的面還是會有麻辣10小的效果二、大概每個餸，都可以用三粒來換算，即是話：貢丸有三粒、雲吞有三粒……如此類推三、如果喜歡吃酸辣的話，是可以要求加「酸」的，我個人認為，咁樣更好吃！.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

細個住荃灣 第一次食米線就係食哩間( •̀ᴗ•́ ) ̖́- 因為屬於重口味嘅米線 所以記憶深刻 即使搬左屋都會返來食 鍾意食米線嘅一定要試下哩間^ω^）腩肉必點‼️重點提示‼️酸辣唔洗特登嗌 原本就係酸辣湯底 如果嗌嘅話就計一味餸 試過嗌酸辣同唔嗌基本上冇乜分別🙈🙈✿ 腩肉貢丸醬爆米線 ✿ ［$49］依碗米線湯底酸酸辣辣非常開胃 腩肉方面:佢同出邊嘅腩肉唔同 唔係齋水煮熟就算 而係用一啲醬炒好 👧🏻本身都唔鍾意食腩肉但都食 可想而知依個腩肉值得一試啊🤤 貢丸(醬爆)方面：佢同普通貢丸好唔同 佢肉汁非常豐富 一咬落去啲汁就爆曬出嚟 完全係令到我對貢丸改觀 都係值得大家一試👍🏻🤤✿ 腩肉雞翼尖米線 ✿ ［$49］每次去腩肉都係必點 最鍾意佢有啲香料同辣 係成碗米線嘅靈魂之處(♥ω♥*) 雞翼尖係滷水嘅 雞翼尖滷得好林 好容易就可以撩返啲骨出嚟 唔會食到好遴迍 米線質地係中間偏淋 仲可以加蔥(〃▽〃)­­★好食指數★：9/10★服務態度★：一般 因為係老店環境都一般 但為咗食物係值得嘅

上一次食已經係好多年前，食過一次覺得太辣同太多人就冇食！今日再去試下，入到去大約坐咗6,7成人，已經冇當年咁多人😝餸嘅選擇真係唔多，而且餐牌設計麻麻，對第一次去嘅客人會難明小鍋當一味？唔抵食~因為同我隔離冇揀小鍋嘅都一樣，下次唔會揀小鍋，少咗樣餸就揀咗小鍋、雲吞、腩肉，雲吞根本就係水餃，有3大粒，但好溶爛~腩肉值得食，份量好多，後尾先知腩肉有分辣同唔辣~整體： 餸嘅選擇真係唔多，成碗嘅份量多，而且都算多餸，但真係唔係講到咁好食

食左呢間米線好多年，當年其他米線未興起，荃灣呢間已經日日排隊，對比下係相對重口味，但鐘意辣就會識欣賞落單：腩肉豬潤中辣多芽菜少米線多蔥一份酸菜另上，落單唔叫蔥就自動走蔥，同朋友食酸菜另上會多d,自己食就唔洗另上都好多，自製腩肉係必叫，近年都鐘意食豬潤，呢間豬潤夠厚身又唔會腥，多芽菜少米線都好夠飽，朋友就鐘意走米線轉芽菜，小食涼拌木耳都好好味，另外每次都會飲黑松茶花綠茶，好香又無糖，之前7-11有得買，而家除咗呢到未見其他地方有

係香港本身要搵到正宗既雲南米線其實都幾難，其實雲南唔係下下都要食到辣一辣，不過來到香港唔知點解變曬唔落辣唔得既米線，因為冇咩邊間肯用心去煲一碗好味既湯底出來。今次食下依間比人大推既米線，叫左一碗豬頭肉，一款腩肉，少辣的，不過相當油，唔係人人食到，豬頭肉即係豬耳，好多人誤以為豬頸肉，較硬，麻麻地，但腩肉唔錯，勁爽，同埋有味道唔係白水煮。整體不過不失，如果冇咁油又整到個風味出來，咁就好啲，都係差個好湯底。不過另一次叫外賣，就差左好多，米線硬的，腩肉好dry…. 同樣係油到爆，應該唔會再食了～

我一向對麵線都是一搬，不過朋友誠意拳拳帶我去試吓，所以就一試，舊式麵舖，在門口排隊時，已經有人幫你落定單，等了一陣好快就有位，舖頭面積不大，可搭枱，環境都算衛生，見到多數外賣，原本想叫蒜泥白肉，但已沽清。我們點了1. 炸醬+腩肉+大腸 - 腩肉真係唔錯👍🏻，炸醬都可以2. 酸菜+雲吞+醬爆貢丸 - 湯底很香鹹酸菜味道👍🏻，雲吞皮都算薄，大大粒，有3粒，醬爆貢丸只是中間有肉，不是醬爆3. 酸辣+雲吞+腩肉 - 比較油膩，不算太辣推介豆漿👍🏻已經叫他少麵線，但份量仍然很多，一碗可以兩個人食😅。

相信住喺荃灣葵青區嘅朋友 對呢一間米線舖一啲都唔陌生🫢由細細個同爸爸媽媽一齊食到之後自己出嚟做嘢都一樣咁中意食😍每次都一定會嗌雞翼尖 仲要雙份🫢佢啲雞翼尖真係一入口好容易就食到 另外腩肉同埋豬肚都係我嘅必點 好入味 辣得夠過癮🤩🤩🤩不過我本身唔係太食得辣 所以嗌咗呢兩個辣🌶🌶🌶嘅餸之後 基本上碗米線我都係會嗌唔辣🫢🫢 仲有腐皮 吸晒啲湯嘅精華🤤🤤不過食當日 米線略為比較淋左啲 成日都好想買呢一間嘅淨送🫢好似車仔麵咁可惜佢哋冇淨送賣🥲

重口味米線，荃灣很有名的米線，格局唔會expect係乾淨，坐得都逼，疫情其實都有d驚，但無計，鬼叫佢出名。米線酸辣湯底係會令人上癮，酸辣料足，唔算好辣但食緊時會keep住流汗，哈哈。至愛腩肉豬肚，諗起就想食。

紅……😁紅色滿滿既辣油滿足到我呢位辣妹。🌶🍜一講米線，好多人都會推介呢一間唯一，琴晚睇完youtube 米紙 @rice.zi2 推介荃灣米線大戰呢集就忍唔住要試下，聞說平日要排隊，所以決定來個早午餐，11點去食，早午兩餐一齊KO, 係就係少少顛，早餐來個中辣🫣。今日第一次食，就來個酸辣米線，餸就來毎全豬宴🐷豬脷、大腸、腩肉、豬膶、豬紅(應該同豬有仇😼）老老實實，同上次推介既 金西南比，大家都係濃味之選，值得推介，好味回食指數都有成80分。🤤🤤🤤👍👍👍酸辣夠勁度🌶🌶，要講既唯有係太油，米線夠滑同彈牙，餸料豬脷🐷、腩肉🐷、大腸🐷都唔錯，但豬紅就啲血蘇味麻麻地，豬膶就只係好譚仔少少，都係勁鞋，或者可能佢既材料無乜加功，無用鬆肉粉醃製既效果，但街食就略為遜色如果大家都係米線粉，呢間個人認為都值得推介🥰

唯一好好食，真係唯一既味道，其他米線鋪食唔到呢個味，好重口味，我一定會叫多酸多蔥佢既米線係屬於粗米線，非常彈牙😋😋😋而且好大碗，2餸米線都唔洗$50，抵食👍建議要叫一個辣餸，個辣味會香啲如果覺得油仲可以叫佢走油，但就會比較多辣椒籽辣餸我推介豬脷，腩肉，豬肚，豬頭肉炸醬真係好油，所以唔好叫唔好叫酸辣同小窩，因為佢當係個餸要收錢，酸辣同小窩只係加左肉碎，個湯係一樣鐘意食酸可以叫多酸，如果都唔夠可以再問佢拎酸汁一定要加蔥，個人覺得加蔥會清新小小

由細到大都好鍾意食米線，雲貴川係我其中一間愛店😆平時我都會食麻辣米線，不過今次想試吓佢哋清湯口味😚出奇地又唔錯，雖然係清湯不過其實湯底都好濃郁，啲餸都好入味👍🏻