唯一雲貴川風味

營業中

休息中

「唯一」米線餐牌貼喺牆上面，一早就俾咗好多款配搭你揀，小鍋、酸辣、麻辣都有。基本上可以根據自己想食幾多個餸而決定價錢，兩餸$49/ 三餸$56/四餸$67等。嗌咗：▪️酸辣腩肉炸醬米線 $56 （小辣，跟蔥，走油）酸（小）辣湯底未及炸醬驚艷，可能關嗌咗走油事？炸醬份量多到嚇一跳，入面加咗啲芝麻，食落幾香口，米線偏腍滑。招牌腩肉好入味，好彩地今次呢碗嘅豬腩肉得一塊係有肥膏🤣 其餘都係瘦肉嚟（啱我）。米線同炸醬好似食極都未食晒咁（最後食唔晒）。-落單嗰陣姐姐會主動問要唔要蔥😗唔要青都記得自己提早講。餐廳環境係6/7張大圓枱，未到放飯時間去食，未有太多人，坐得鬆動。枱面上有一壺茶，應該問拎隻杯就飲得（估）。

荃灣名物開得早 繁忙時間會開埋後面鋪所以你見佢多人要排隊但其實都唔洗等太耐位置都好就腳 以上優點完勝咗另一間同區神級米線會坐得少少迫 上菜好快因為係門口排隊時姐姐已經會幫你落好晒單一坐得好快就有得食三餸酸辣炸醬豬頭肉米線 $56碗嘢上枱 feel到係會淥死人嗰隻熱要攤一攤先隻酸辣湯係好味道 宜家打字諗起都流口水 （酸辣計一個餸）炸醬都係必配嘅餸 老實講係幾油嘅佢地啲米線但次次嚟食都差唔多飲晒啲湯死就死啦……只收現金

我諗好多人都去過呢到食米線😋想食就一定要預時間排隊差不多排隊，姐姐會問你食乜落定單我多數叫兩餸———腩肉、豬腸唔辣（腩肉本身有啲辣）多酸加蔥鍾意食佢的腩肉，因為好入味又唔肥，豬腸洗得乾淨，每次食都會飲佢的湯，好好味，以前會食上引，一星期食2-3次，食完又食，今日食完聽日又再去，好誇張，依家有節制，隔好耐先食一次，俾自己多啲機會試唔同的食物😊另外，有個姐姐串串地，但係佢好可愛的，有時會走埋嚟同你吹水。

我係食譚仔都會覺得唔錯既人，加埋我老公更加係食咩都無所謂既人，佢係連爭鮮都當寶既人。聽過又睇過好多網媒介紹依間米線好多次，今日去試試佢。今日5點前去到間野唔洗排隊，但係門口睇到入面既環境已經覺得好污糟，都預咗。但心諗都黎到又無理由走就入左去食。我叫左小鍋米線口感：米線偏硬，肉碎無味，湯底偏淡。老公叫左個腩肉撈涼米線同蒜泥白肉口感：米線正常，但食咗幾啖之後覺得，好似一pat嘢，腩肉超硬。我食個咁多間既小鍋米線都唔會覺得差，唯獨依間真係唔好食，我加左好多辣椒油都唔好食。個蒜泥白肉好創新，極厚身，唔係一片片薄身既白肉。總結：唔會再黎食，而且張枱同地下都好污糟好難忘。

喺荃灣呢個米線集中營裏面唯一雲貴川係我心目中最有價值嘅米線由28蚊碗食到58蚊碗有時真係覺得自己唔係食緊碗麵食嘅係回憶心入面流嘅係時代嘅眼淚呢間米線舖值得一個版面🥹首先分享吓我食咗咁多年嘅小撇步酸辣/小鍋呢兩個詞語會各計一個餸但就算你唔講碗米線都唔會好大分別正常嗌返唔辣/大中小辣然後建議驚太油嘅可以嗌走油咁就唔會成個碗面有層紅油同埋佢有類似係酸菜浸出嚟嘅湯汁可以另外嗌姐姐俾碗你就有加酸嘅效果順帶一提佢嘅酸菜係未脫水涼乾嗰種同譚仔嘅酸菜唔同😌不過嗌得酸汁就唔洗嗌酸菜食得多都冇益😆嗌餸方面最辣嘅我覺得係炸醬之後係腩肉不過腩肉時肥時瘦捉摸唔到但我認為最值得食嘅係豬類豬肚豬耳豬脷豬腸豬潤豬頭肉可能好多人覺得佢處理得唔乾淨但如果腸胃唔好又好驚污糟我就一律建議唔好去食比較好😆最後講多少少就係唔建議加底因為個湯會變淡變稀冇咗原先最佳狀態嘅重口味不過如果怕過鹹過辣兩個人share都不失為一個好選擇嘅

荃灣好出名既雲南米線 🍜假日黎既話排左九個字先入到😌最好平日過黎店員都好醒目 會幫排隊既人落定單先 加快速度叫左 🥢腩肉 雞翼尖 酸辣米線 $49 小辣🌶️雞翼尖非常入味 腩肉肥美湯底個人覺得太濃 好重口味 好油太酸 酸到個胃唔太舒服🥲如果唔係食開重口味唔推薦叫酸辣湯底不過見枱枱客都係叫酸辣湯底🫣唔明點解甘多人食 有小小太過吹噓🤨⭐️CP值;⭐️⭐️⭐️👩🏻回頭指數;👩🏻👩🏻📸打卡比分;📸📸

🔹荃灣//唯一雲貴川風味🔹人均約$60🔹🎀荃灣四陂坊14號地下▫️腩肉酸菜大腸酸辣米線腩肉醃製過好入味🫶🏻酸菜切到碎晒好入味，夠酸好食😝推介！大腸正正常常都可以叫既！要講下啲蔥，唔知點解覺得好新鮮好綠😂😂聽到好多人叫多青🤣🔹好飽評語米線關注組推薦🔥已經食過兩次都覺得幾好食，不過真係幾油同重口味未必個個都適合😂我自己就覺得幾好食嘅🫢酸辣米線就係要食咁濃味🤣因為人流好多，通常會喺門口排隊揀埋餸，會坐到入去就直接食😉會節省更多時間😗🧠回頭指數：8️⃣🧏🏻‍♀️打卡港女：5️⃣🌬冷氣溫度：7️⃣🚽廁所評價：⏹🧾性價比呢：8️⃣

🍜🍜🍜聽朋友介紹話係食過既麻辣米線經典之作，所以一直好想試下地方夠哂地道，去到門口已經排左十幾人，趁排隊睇睇佢貼係門口既餐牌諗定食咩先酸辣三味米線($67)湯底已經係酸辣，叫左三味米線，豬頭肉、豬脷、腩肉，全碗米線既餸都係一樣色望落都好似一樣味，幸好有蔥花稍微調色，似辣油既汁同湯底香好夠味，唔算好咸，腩肉好淋，未食過米線配豬頭肉，加埋個湯令到豬頭肉唔覺油膩，一碗已經好飽好夠，加埋枝裝凍豆漿，好滿足呀

叫佐小鍋米線，湯底差佐， 之前湯底好濃洽好味，同其他間比，那種味比較特別；原本環境擠都要拼台，味道好都可以接受。但最近2次味道都差佐，得酸味濃，2次都不太乾淨有頭髮係裡面～失望～，應該都不會再去～

黎到荃灣緊係要食米線😋😋 好耐冇食唯一雲貴川所以今次返黎食✨腩肉豬肚小辣 $49小辣啱啱好 啲餸份量都幾多 腩肉係完全唔肥嗰啲啱晒我 又唔會太柴皮加上佢好入味😋 豬肚唔算好爽不過勝在都係夠入味😋✨腩肉炸醬小辣 $49落左炸醬個湯底昇華左 好正 酸啲又辣啲濃味啲 雖然都油啲😋😋😋 推薦叫呢兩個餸多啲 米線軟硬啱啱好🥛豆漿$11總括黎講我覺得係食過嘅米線舖黎講數一數二好食👍👍👍 湯底 米線 餸都做得好 不過環境就真係逼少少🙈🙈 今日平日點零兩點去到 排隊排左唔算好耐 15分鐘內都有位👍味道❤️❤️❤️❤️💔抵食❤️❤️❤️❤️💔服務❤️❤️❤️💔環境❤️❤️💰午餐人均～$55

近年米線舖愈開愈多，但係試過之後都係會食返依間屹立係荃灣多年嘅唯一雲貴川風味🥢腩肉+炸醬米線 ($49)店內所有米線都係配酸辣湯底，可以自己揀辣度🌶每碗湯底都配有豬肉碎、芽菜、酸菜，湯底好濃好香，酸味同辣味配合得啱啱好👍米線軟硬度適中，偏粗身，食落好爽口，吸哂湯嘅精華😋招牌腩肉雖然偏瘦，但係好入味，煮得好腍🤩炸醬份量好多，一上枱就聞到好香，食落都唔會好油膩🌟 Lamlam脷指數 😋😋😋😋😋(5/5)🌟整體評價: 依間米線會食上癮，湯底好足料，酸味辣味啱啱好，就算要排隊都一定會再encore💯🌟 Encore指數 ⭐️⭐️ ⭐️ ⭐️ ⭐️ (5/5)

好耐無食唯一，記得上一次食應該有10年了!!以前每次都係買外賣返屋企食，仲好深刻印象嗰時第一次食覺得好好味😋跟住連續食咗三日。。之後唔再住喺荃灣就少咗買外賣返去食了.. 可能你會覺得奇怪點解我唔堂食？係因為食開嘅朋友都知每次都要排好耐隊🤭入正題，事隔10年後再食嘅米線🍜-以前每次都會叫酸辣👍👍*今次我無叫酸辣，就咁叫中辣食.. 真係吾掂.. 吾知點解個米線湯底係苦嘅.. 感覺就好似炒燶咗嘅辣椒碎湯底🫠🫠死個碗有4份1係湯渣(辣椒碎加酸菜？)中辣一點都吾辣… 但係不得不讚既係佢地既腩肉❤️真心好味既.. 肉既份量都算多…下次會再食，希望叫反酸辣可以食反記憶中既味道🤭

二味小鍋米線-腩肉-豬皮$55好味指數：9/10因為叫咗🐷腩肉嘅關係，本身腩肉🌶️辣辣哋，令到個湯都會有少少辣，適合唔食得辣嘅人，呢個味道啱啱好。腩肉一啲都唔肥，而且好入味，係我食過嘅最好食，豬皮吸晒湯嘅💦精華，掛晒個湯🍜底。叫咗少米線size份量都好大碗。三味酸辣小鍋米線-腩肉-炸醬-腐竹$65好味指數：9/10呢一碗湯底🍲酸辣味道，因為第一次食，所以叫咗🌶️小辣，唔算太辣，仲有好多酸菜，芽菜，韭菜墊底，酸菜好入味😋，而且唔會淨係得個酸，炸醬份量亦都好多，佢啲炸醬肉碎都係偏瘦，唔會太肥🥸，另外腐竹浸曬落啲湯度，吸晒啲湯好惹味，湯底唔會太鹹，唔同出邊舖頭勁多味精。👍🏽

食物味道係冇咩問題既 覺得吾差添但衛生惡劣 環境差 成地下都係食物殘渣垃圾！食食下姐姐埋黎掃地都算掃完成堆野係地又吾清走食完一個鐘都冇即肚痾 痾左幾次未試過嬲到要寫評！

🐽 腩肉炸醬米線（小辣）$49呢間係豬魚係荃灣必食嘅米線，成碗米線都係自家制嘅辣油係佢地嘅特色。腩肉辣得好入味，有別於其他米線舖嘅半肥瘦腩肉，佢地呢間腩肉雖然係柴柴地，但勝在啖啖肉。炸醬炒得好濃味，而且米線係粗身米線，彈牙好有口感。一口炸醬再加一啖米線，再飲埋碗米線湯，簡直係絕配。基本配料有芽菜，酸菜，同蔥，可惜當日夜左冇哂蔥，少左蔥香味。另外，除左腩肉炸醬係必叫嘅餸，豬肚豬大腸豬脷都係推薦嘅必試之選。如果覺得唔夠辣，可以加枱面上嘅辣椒油，同廚房入面嘅辣椒油係一樣。另外，如果覺得太油膩，係可以要求走油，但成碗米線會無咁香。