影片
更多
2022-05-14
216 瀏覽
第一次專登寫食評 因為太差 個經歷差到要特登入尼寫 等人唔好中伏平時我都唔寫食評，但真係太差先入到尼寫。同女友staycation完打算食lunch，聽人講荃灣多米線食咁就google search到呢間，行左勁耐先去到四坡坊。首先入到去，係完全冇人招呼，全部都係自動波，仲要入到去已經覺得個環境勁差，唔係好想食。連隔板都冇，每一張枱仲要坐勁多人爸爸媽媽坐成七至八個人都得，大佬有少少衛生都唔係咁做，食肆最緊要第一樣野就係衛生同埋乾淨，嗰人大聲講嘢口水就噴曬落去個中間嘅碗筷到，同檯對住個人佢又你望我我望你 跟住又要係咁呻鼻涕 ，人同人之間隔都唔知有冇一米。其實限制住每一台坐幾多個人，碗筷唔好自己拎，同埋有個夾板已經可以控制得到。位又勁迫，同後面個人又撞埋一齊，個袋都唔知可以擺邊好地下又濕。侍應又係，你隻手啲浸曬落個湯度都唔知我飲唔飲好，環境衛生極差。總之勁唔舒服。因為佢餐牌就係出面寫住啲唔知咩兩餸三餸幾多味，嗰個餐牌已經係超級唔清晰，但員工解釋都算清晰同埋有解釋到我都算，第一次聽酸辣要加多七蚊，都唔緊要，雞翼又冇味，嗰啲炸醬又肥又唔好食一睇就知係勁低級嗰啲肉碎，個湯係全部都係油 個湯係全部
平時我都唔寫食評，但真係太差先入到尼寫。
同女友staycation完打算食lunch，聽人講荃灣多米線食咁就google search到呢間，行左勁耐先去到四坡坊。首先入到去，係完全冇人招呼，全部都係自動波，仲要入到去已經覺得個環境勁差，唔係好想食。
連隔板都冇，每一張枱仲要坐勁多人爸爸媽媽坐成七至八個人都得，大佬有少少衛生都唔係咁做，食肆最緊要第一樣野就係衛生同埋乾淨，嗰人大聲講嘢口水就噴曬落去個中間嘅碗筷到，同檯對住個人佢又你望我我望你 跟住又要係咁呻鼻涕 ，人同人之間隔都唔知有冇一米。其實限制住每一台坐幾多個人，碗筷唔好自己拎，同埋有個夾板已經可以控制得到。位又勁迫，同後面個人又撞埋一齊，個袋都唔知可以擺邊好地下又濕。侍應又係，你隻手啲浸曬落個湯度都唔知我飲唔飲好，環境衛生極差。總之勁唔舒服。
因為佢餐牌就係出面寫住啲唔知咩兩餸三餸幾多味，嗰個餐牌已經係超級唔清晰，但員工解釋都算清晰同埋有解釋到我都算，第一次聽酸辣要加多七蚊，都唔緊要，雞翼又冇味，嗰啲炸醬又肥又唔好食一睇就知係勁低級嗰啲肉碎，個湯係全部都係油 個湯係全部都係油 個湯係全部都係油 ，食落口係乜味都冇，麻到cls ，因為全部都係油，乜都冇得個酸字。米線就正常 ，但係雞翼炸醬同埋米線都係份量極少極少，食完一陣兩三個鐘又肚餓咁我食嚟做乜。我真係唔知點解要食呢間，食譚仔仲好。大佬你整到咁樣你唔好叫唯一啦，你呃咗我過嚟試 中曬伏。
價錢就要56蚊唔包嘢飲 ，紙巾乜都冇。呢個份量同質素係勁貴同埋完全唔值 我去買個譚仔外賣都份量多佢一倍，仲要好食過佢n倍 。
不如叫唯一油面啊 油炸鬼啊笨
唔會再尼 奉勸大家隔離仲有好多間川味架， 真係唔好食呢間 真係唔好食呢間 真係唔好食呢間。一定會後悔 。食完我哋出尼都覺得比人搵笨，超唔開心，唔知食緊乜。
雞翼炸醬酸辣 三味米線 + 腩肉炸醬酸辣 三味米線
$112
23 瀏覽
0 讚好
0 留言
張貼
