哥登堡餐廳

營業中

休息中

第一次下班時份在土瓜灣覓食，這次和食肉獸男朋友一起，當然就選擇一些肉食的餐廳－鋸扒。 餐廳走老港式風格，價錢合理份量多，因此晚上時份不少街坊都來排隊等食！店內的侍應速度絕對可以媲美澳牛，所以客人都是快快食快快走。 ▼整個餐牌最抵食的自選晚餐，只需$95便可選一個頭盤和兩個主菜，還有湯、飲品和甜品，還免收加一，真的非常划算。 ▼餐包很大個亦夠軟熟，如果能熱一點就更好。 ▼羅宋湯很大碗，味道剛剛好，喝了之後已經差不多飽了一半。 ▼焗法式田螺，牛油味很香，味道不錯，如果薯蓉可以幼滑一點就更佳。 ▼吉烈石斑配豬扒($95) 豬扒肉質軟腍，配上蒜蓉汁一起吃很不錯，但吉烈石斑炸得太過，肉質很乾，吃下去很嚡口，不建議大家點這個。 ▼牛柳餐 ($130) 男朋友點的牛柳也有兩大舊，看上去很厚，可是吃下去一點也不韌，而且牛味頗濃，果然是一份錢一分貨。 ▼最後是甜品啫哩，不是舊式的扒房，已經很少會送這些甜品了，啫哩也就一般正常的味道，但是已為今天的晚餐完美作結。 小總結：食物質素其實只屬正常，但以這個價錢這個份量，還是不錯的！侍應哥哥雖然急，但還算有禮貌，只是上菜真的上得太快，湯還未喝完，前菜，扒，飲品全

因為沙中線工程嘅影響，土瓜灣一帶變了天，好多商舖都結業，幸好哥登堡仲喺度。一坐低，侍應哥哥就推介牛柳鐵板餐，仲話唔好食可以退錢，咁有信心？我就真係點左黎食，另外再叫多個焗肉醬意粉餐。呢間餐廳嘅侍應真係好快手，又不失禮貌。我落完單轉個頭就即刻有湯飲，羅宋湯比較杰身，味道濃郁，另外餐包暖暖地，亦很軟熟，好味！重頭戲牛柳有成吋幾厚，肉質淋滑，剛剛好5成熟，堅係出色！唔怪得侍應咁有信心！肉醬意粉好夠醬，味道豐富，加上少少烤焦嘅芝士，真係大滿足。最後仲有餐飲同甜品，食晒成個餐真係飽到上心口！

這裏的鐵板牛柳一定要特登來試。要分清楚，有牛排，有牛柳。兩樣也不錯，但相比之下，牛柳肉質較細嫩，不會覺得韌。鐵板汁任添，同其他的'姑韓'收錢食肆無得比。性價比超級高! 土瓜灣街坊價，價錢包餐包，飲料，仲有dessert，好鬼正!

兒時港式扒房呢?同屋企人試一試。我只能說工作後﹐好耐都冇試過咁快節奏既一餐。一食完就收一食完就收﹐速度之快。不過可體諒的確很多人等位。最好味都係牛柳﹐好懷念既感覺。

是日星期六，工作過後又係時候食餐好既，今日朋友臨時約我去土瓜灣食lunch，呢間餐廳朋友話由中學開始食到而家，保守估計至少二十年，餐廳燈光昏暗，因此有一絲浪漫情調，因為係舊式餐廳，所以不要期望有華麗裝修，整整齊齊乾乾淨淨已足夠，餐廳內大約有二十幾張檯，地方唔算大，好彩我地早入座，因為我地坐低之後就已經慢慢多人。我好鍾意食鐵板餐，貪佢上枱熱辣辣，滋滋聲，所以我二話不說都係揀返鐵板餐。鐵板套餐有時菜雞柳或黑椒牛柳，配炒麵、炒米、炒意粉、炒烏冬，餐湯可以揀羅宋湯或粟米忌廉湯，餐飲有凍/熱飲品或特飲，特飲可以揀椰汁紅豆冰、花旗蔘蜜、涼粉雜果冰。鐵板套餐只係$48，超抵。餐湯: 我揀左羅宋湯，朋友揀粟米忌廉湯，羅宋湯帶微酸及微辣黑椒味，飲落好開胃，而且仲有好多菜，好好飲。鐵板主菜: 我揀左黑椒牛柳配炒意粉，朋友揀左黑椒牛柳配炒麵，黑椒牛柳份量唔少，肉質好淋，肥膏唔多，質素可以接受，炒意粉份量都幾多，而且黑椒汁好多，所以每一條意粉都有黑椒汁，朋友既炒麵外觀好吸引，因為側邊脆卜卜，下次有機會我都會揀炒麵。餐飲: 我叫左熱檸茶，熱檸茶唔會有咩特別所以唔特別講啦，至於朋友就叫左椰汁紅豆冰，我見佢好快就飲

想起以前喺何文田讀書，特登同班同學仔行落嚟搵食。所以我細細個中學時候lunch Time已經成日嚟食。今次開飯所有回憶返晒黎，雖然個menu 十年如一日，但個種味道依然保持一貫水準！今次去都排左一陣，感覺上除咗街坊之外，好多外面嘅客人過嚟特登幫襯。今次食午餐只係叫咗佢一個lunch set ，set 入面有羅素湯，牛油麵包，main ( 炸魚柳+ 火腿配反個黑椒汁意大利粉) ，再加杯野飲lemon tea 簡直冇得彈！

這裏的牛扒真的是，我們兒童時的味道， 鐵板牛柳、T骨牛扒，我們點了五成熟的，出來的牛扒真的是剛剛好不多不少。👍🏼 肉醬意粉，配上熱騰騰的羅宋湯、餐室的餐包。這個晚餐超級好吃，超級滿足，穿越回到小時候了！

20171230 哥登堡除了在晚餐吃扒外下午茶是很受歡迎舊式的卡位必定選炸雞脾 加烏冬 炸脾立即叫就炸 加上鹽粉雞脾計落都叫做大隻 而且咬落去仲好脆口 烏冬係用清場麻油底烏冬份量一大碗 冬天時間飲個熱蔘蜜全個大大的下午茶 $36不收加一 我放假唔食午餐黎食下午茶

哥登堡店名好似愛丁堡，其實是一間老牌的据扒餐廳。店位於土瓜灣，價錢不貴，不收加一。牛排有西冷，牛柳，丅骨牛扒，全部可鐵板上。西冷牛扒，肉太淋太軟，感覺一般。推介指數：6/10牛柳，肉不太軟也不會硬，有兩大舊，份量足夠，好好味。推介指數：9/10丅骨牛扒，嘩，好大塊，鐵板也裝不曬。不過，條丅骨都好大條，令到啲牛肉小咗，愛食牛扒未必夠食啊！推介指數：8/10套餐仲包紅白湯，餐飽，飮品及甜品。羅宋湯內有好多蔬菜，味道適中。餐飽有弄熱才送來。飲品可選擇，棷汁紅豆冰，花旗蔘蜜或一般冷熱飲品，有時可叫涼粉雜果冰添。甜品仲有啫喱。推介指數：7/10可惜以上牛扒也不能加焗田螺，必須另叫，有小小唔開心啊。

是日尖子帶著筆者一試港式扒房, 來到哥登堡. 週日晚上八時二十分到達, 門外有條人龍, 很有人氣. 等了差不多數十分鐘, 終於可以入座. 店內燈光有點昏暗, 舊式的sofa卡位, 感覺很懷舊.看看menu, 點選了哥登堡什扒餐(HK$110), 紐西蘭牛柳餐(HK$130). 老牌侍應先送上餐包和餐湯, 哈哈, 不論餐具和味道, 也跟筆者兒時常吃的麗斯餐廳的一樣, 果然是港式風味. 餐湯是水汪汪的那種忌廉湯, 會有數粒粟米粒增加口感. 哥登堡什扒餐, 有豬扒, 牛扒, 雞翼, 腸仔, 煙肉和蛋, 醬汁用上蒜蓉汁. 扒類經過處理也夠軟身, 味道方面就是一如以往的偏鹹, 蒜蓉汁夠濃味. 薯條也是港式的那種, 口感偏淋. 紐西蘭牛柳餐, 用上黑椒汁, 夠惹味. 牛柳較牛扒更加軟身, 但經過處理, 牛味始終不會很香濃. 回憶兒時味道的一夜.

一間舊式西餐廳七八十年代裝潢，與男友經過幾次望到個門面一直都好想入去試下，估唔到前晚我地話去就去食對於這個決定好意外也特別開心。入到去環境陳舊地方唔算大但都乾淨企理，我地被安排坐卡位，羅宋湯味濃開胃好飲，5成熟的牛扒拿捏的啱啱好，色均衡口感軟綿椰汁紅豆冰好有椰味，紅豆顆顆分明，我別於男友喜愛這裡的凍奶茶，我好耐都冇飲過好喝的凍奶茶了，奶茶很香很滑。很滿足的一晚！感謝身邊那位所做的決定且一直陪伴著我..

土瓜灣區有好多懷舊嘅餐廳，有住呢附近嘅人推介左呢間扒房，齋睇鋪頭嘅門口都已經好有懷舊feel。入面其實唔係好大，晚飯時間去到都要等位，不過都好快就有枱。鐵板餐嘅價錢百零蚊左右，包餐湯餐飲仲有甜品，對比其他餐廳來講，都唔算好貴。佢呢度嘅羅宋湯甜得來又帶點辣，都幾時開胃我就點左一個蒜蓉汁牛扒，友人就帶咗個蒜蓉汁牛柳，上菜嘅速度好快，餐湯都未飲完就已經嚟到。滿滿嘅蒜蓉汁五成熟剛剛好，唔會好難切，肉質仲係好軟林林對比之下，份量其實都一樣，但講未到嘅話，我覺得牛柳好味過牛扒雖然土瓜灣仲未有地鐵可以去到，但其實好多巴士都可以去到呢個餐廳，交通尚算方便。有機會嘅話會再嚟試吓！

哥登堡其實已經係我既飯堂好耐，細細個就開始食。一排冇去，今日又去返，就幫佢寫個食評。佢出曬名抵食有質素，而且出菜超快！坐係坐得有少少逼，但咁先有懷舊既味道！食物既款式唔算多，但貴精不貴多！除左依幾款仲有其他，但主打依幾個餐！我就食返我既最愛，牛排餐($120)加個意粉百二蚊塊排成塊鐵板咁長，邊到搵！個餐係包埋餐湯、餐包同餐飲！牛排五成熟，肉汁夠多，好香牛味，又唔會太油。切落去炸炸聲，仲不斷有牛油香湧出黎！very very good!

呢間係舊式既西餐廳, 呢類型既餐廳相信難免會被時代淘汰, 各位趁有機會要黎食下。用抵食夾大件黎形容就絕對無錯, 叫左個$95餐, 有羅宋湯+牛油餐包, 頭盤 法式焗田螺, 主菜係牛扒+吉列石班配意粉, 仲有杯餐飲,叫左凍花旗參蜜。真係非常抵食!先講羅宋湯,味道較重, 少少嗆喉, 唔能夠飲晒,餐包就熱辣辣軟棉棉加埋牛油好好食。法式焗田螺呢個就真係幾口味, 田螺本身無乜味,但有薯蓉調味得幾好, 加埋一齊幾好食。主菜: 黑淑牛扒+吉列石班意粉, 2樣都大大件,牛扒就真係麻麻地, 一般茶餐廳質素, 石班還可以但寄望太高。而家香港既西餐水準比以前真係高好多, 呢類舊式西餐廳喺廿年前既基層黎講算係高級啲, 一講鋸扒啲人已經開心, 但而家相信已經無左呢個驚喜。雖然唔係好好食,但黎食真係有細個時既味道, 煮既方法及調味都同以前一樣,呢種感覺好特別, 好懷念。但呢種經營模式相信會被淘汰

我一個朋友既父母 由結婚到依家 每次週年紀念都會去哥登堡食扒 距話又平又好味 d水準又keep到聽距地講到咁 當然要去試下！一行到門口 感覺好殘舊 好似開左10幾年 無咩華麗裝修既樣但係反正黎到 就膽粗粗入左去叫個八成熟牛柳餐首先有餐湯 餐包 再上扒 最後上飲品一食不得了 8成熟岩岩好 加埋濃縮黑椒汁 配埋薯條 好惹味下次會再幫襯！