哥登堡餐廳

營業中

休息中

朋友帶我去一家超過十幾年歷史老店，見證了香港歷史飲食文化，整個裝飾依然保持著香港懷舊風，食物價錢都係普通茶餐廳價錢，但個食物係有驚喜既，d扒類好大塊啊，我點左個魚柳，足料又幾好味，係值得去食既一家店

首先有羅宋湯或忌廉湯選擇，一向都不太喜歡入羅宋湯所以沒有選擇到，忌廉湯很濃郁舊式的忌廉湯入面除了粟米外也有少許洋蔥，粟米也不是現時的超甜粟米。餐包是舊式扒房牛油餐包仔，熱烘烘的，把它界開，把一整舊牛油放入去，已經不需要任何動作牛油已經溶化，所以我並不覺得一舊牛油足夠我食用。蒜茸羊扒配薯菜，羊扒有三件，肥瘦適中，羊蘇味不是太濃厚，但每一片羊扒都能夠煎到邊邊全都是金黃色的。蒜茸牛柳配薯菜，有兩塊，而兩塊都是差不多一寸厚，肉質非常軟身，牛肉味很重。不需要加錢就有紅豆冰飲。但紅豆口感有些硬，奶味唔夠重。有些像加冰稀釋了。最後有青檸味啫喱。多奶唔該。

我於本月，12月20日,經過哥登堡餐廳，就門口看餐牌，下午茶時間為，兩點半至六點，於是進去，預備點餐，還是侍應說沒有下午茶，現在已是晚餐時段了，於是我便起身，走了，再到門口看清楚是否自己看錯，但是，沒有啊，其實如果他們要提早做晚餐，下午茶不如由兩點半至五點半吧，不要弄到客人無所適從，那我下次，還是那個時段去好呢？

覺得不錯的中式扒房！以前成日都去土瓜灣九龍城嗰邊睇吓有咩好食呢間中式扒房都去過好多次 講起都幾搞笑 入到去第一下就覺得好有澳牛既style 因為啲侍應個個都好趕 贊同澳牛5同 呢度嘅侍應都幾Nice會主動同你傾計去咗食幾次仲認得你 所以感覺都幾親切基本上去親都係食鐵板餐同埋呢度嘅粟米肉粒飯 呢個配搭講起上嚟都有啲奇怪 但因為通常都係兩個人食呢間如果食兩個都係扒會有啲太膩太多肉 同太貴🤥所以就諗左呢個配搭 因為個鐵板餐本身唔係跟好多飯意粉反而比較多肉 啲個粟米肉粒飯化算得來又幾好食同埋佢比較大份好多飯 同埋肉粒都幾算足料 一個牛扒加個飯餐食落去就啱啱好牛扒套餐大概$160 包埋餐包餐湯嘢飲甜品 中式扒房呢個價錢都算 偏高 但因為叫咗個飯餐兩份食所以除翻開價錢都可以接受同埋佢呢度嘅餐都幾好食 所以都幾值得回頭 如果大家想食鐵板餐唔建議大家叫豬手 因為份量都比較少 反而牛扒會抵食少少

早排經過土瓜灣，見到中學時期成日去既哥登堡餐廳，諗都唔洗諗啦，直接入去食返個lunch。記得中學時，佢地個學生餐係係3x蚊，咁多年之後，佢地仲係做緊3x蚊，呢種良心老闆邊到搵啊。 叫左個吉烈豬排拼楊州炒飯，大大塊既排亦係佢地餐廳既特色，中學時代食到飽飽都係靠佢嫁咋。

再次到臨土瓜環哥登堡，是次是夜訪，是意外，也不是意外。鐵板牛柳($130)已經成為了你不需要思考的選項。熱辣辣的鐵板，澆下香噴噴的蒜蓉汁，吱吱聲的叫起來。牛柳依舊軟腍，五成熟，恰到好處。薯條稍腍，更香脆更好。不過，雖然我一向也選鐵板，但望到別人的晚餐，心思思試了它。晚餐($98)沒有鐵板，但卻帶來比面更大的吉列豬扒及薄牛扒。吉豬厚切，不會炸得乾乾。牛扒普通，但份量仍足。晚餐的吸引之處是有前菜，選了法式焗田螺。田螺肉不算厚，但配那牛油薯蓉，香氣充滿整個嘴巴。羅宋湯與餐包一對老戰友，依然好味。為整餐晚飯作結，一定要是椰汁紅豆冰及花奶啫喱。椰汁紅豆冰依舊香濃，花奶啫喱則預先點定，生怕吃不到。花奶好味道，啫喱甜甜，底部菠蘿如尋寶。喜歡它的老港味，也喜歡它那60分的理論。港式豉油西餐之首，當之無愧。

土瓜灣這舊區真的有不少歷史悠久的老店，懷舊港式西餐廳的代表必定要數哥登堡餐廳。德國的名字本身已經吸引，懷舊裝修帶出阿飛的味道。餐湯點了開胃羅宋紅湯，就像港式餐廳的餐湯，有肉有菜，微辣開胃，配上脆口牛油多士，先填填枱。焗豬扒飯的份量大得驚人，豬扒就是平常的雙倍份量，豬扒腍滑鬆軟。飯是炒底，蛋香足，配上微焦的茄汁，一流。紅豆冰，透出淡淡椰汁味，加上淋淋金時豆，涼快。$45 一個午餐，包括各項湯、飯、飲品，性價比高得不得了。

今日一個人係土瓜灣搵飯食，突然想食牛扒就黎到呢間老字號餐廳，呢間標榜不求最好，只求合格既扒房係我好多時一個人會黎既餐廳，因為平平地有扒据的確幾爽。一黎係餐湯，呢到羅宋湯帶有一啲微辣，味道濃厚。同湯一齊上既有大大個餐包，雖然冇深水埗飛鷹餐廳咁大個但都好大好鬆軟，另外牛油永遠放係熱餐包下面等佢個溫度變暖係一個好細心既做法。我個人最愛T骨扒，貪佢夠大件又有西冷同牛柳兩邊可以食不同口感同味道，不過今日塊扒好似有啲唔夠上色，食落冇平時咁香口，薯條蕃茄同雜豆係扒下面，佢地有隔閡鐵板傳熱既作用，怕牛扒愈黎愈熟既朋友記得先食牛扒同埋唔好撥開啲菜啦😁最後係呢到既甜品，係我兒時最愛青檸啫喱，呢到仲有得揀加唔加花奶，今次我就冇加啦～總結的確呢到唔係咩食材上乘，技術超班既餐廳，但作為扒房的確係抵食夾大件，正如佢地口號，係一間合格餐廳。最後要提我見到對面位客人食既西冷更加大夾厚身，下次可能要轉食西冷啦。

每次想飲有水準嘅羅宋湯，去哥登堡實無死！百零蚊有大大塊牛扒，全世界最好飲嘅羅宋湯，熱辣辣軟林林嘅餐包，同埋懷舊味道十足嘅飯後甜品(啫喱) 當然仲有充滿親切咁嘅侍應叔叔們。其實去呢度食飯，真係食個整體感。

在學生時代已曾光顧過，多年後想懷緬一番，無得吃學生餐，唯有叫午餐。午後人不多，室內光線較暗，午餐有些特別，中西合璧，叫咗吉列石斑配粟米肉粒飯，想即粟米石斑配飯啩。又見飲品可選涼粉什果冰，好耐無飲了，好想飲吓呢！先上羅宋湯，很濃稠，亦都很鹹。主菜上枱，吉列石斑塊都很大件，但一拮下去，很硬。切開見到全是炸粉層，本已薄薄的，再加已有厚粉層，魚肉塊真是少得可憐，食落無味，又乾又柴，最後食咗少少便放棄了。唯一安慰是栗米肉粒飯還可頂少少肚。繼續有驚無喜，涼粉什果冰在我基本的認識是有花奶、刨冰的組合，但一見此杯冰，真有一刻呆住，心想係咁嘅咩？？？面前是一杯糖水+冰塊，又一次失望。

去到係門口都幾多人等位，等左15分鐘。雖然侍應做野好爽手，不過就幾有禮貌。入到黎就真係覺得去左十幾二十年前既香港，裝修介乎西餐廳同茶餐廳之間咁，幾有特色。餐版主打係鐵板餐，老實講呢個價錢就有少少貴啦。餐湯- 感覺就無加大量茄膏果種。感覺不過不失。餐飽 - 軟熟，有預先加熱法國田螺- 有極之香濃既牛油味。好香口，不過除左牛油就無咩味道。雞排 魚排 蒜蓉汁 意粉 - 整個分量真係好大，大到真係一般人都唔會食得哂。 雞排雖然好大塊，但係有啲薄身，導致雞肉唔係特別多汁嫩滑。而且雞皮都無特別煎脆，口感就有少少比下去。魚排味道就怪怪地，有少少既雪味。而意粉就好正常既範圍啦。牛柳係侍應既推介。見到牛柳咁厚身都好興奮。不出所料，牛既肉汁都保存係裡面，而肉質都好淋身。黑胡椒汁都係幾有誠意既一款，有微微既辣味。凍檸檬茶就... 一般啦 不過就唔係重點

記得細細個爸爸好鐘意帶我去呢類扒房晚餐，但而家呢類嘅舊式西餐廳已經越黎越小了...羅宋湯❤️超大愛，個人認為只有舊式餐廳先有呢種完美嘅羅宋湯味道😂足料，茄味濃郁。 餐包熱辣辣，用嚟點包一流😬😬焗田螺❤️田螺size偏細，用叉有d難整出嚟..但味道唔錯~薯蓉牛油味超香😋抵讚👍牛扒x 炸鱈魚❤️哈哈，擺碟真的有夠風味😍童年回憶真係返哂嚟😊細細個唔鐘意食雜豆..sorry，而家都係😂眼見呢類餐廳係香港越嚟越難搵，平民價錢嘅西餐，侍應隨意嘅服務，充滿港式風味。希望呢度可以繼續長做長有💪💪💪

今日，我們一家開車去了土瓜灣，希望在舊區內能夠食到懷舊的風味在出發前，我們上網搜集資料，見到這哥登堡餐廳看來也很不錯的樣子，於是我們便選擇在這裏進食午餐從門面已經看到懷舊的氣息！我們大約於早上11時半左右到達，店內沒有其他客人。一走進鋪內，我們便聞到一陣奇怪的味道.....一場黎到我們便照食吧！我們一共六人，點了四份餐，因為份量很大，所以便很足夠了！羅宋湯比忌廉湯好飲第一個： T骨扒套餐（送田螺） ＄160T骨把尺寸很大，但是味道一般...我們點了七成熟....但真的不太吸引第二個：咖喱牛脷飯是＄46 （白飯另上的）咖喱味不太濃，所以不會太辣！牛脷味道不錯第三個：黑椒牛扒配薯條 $45因為有T骨扒⋯⋯這牛扒更加是不吸引的選擇第四歌：焗蕃茄豬扒飯 $4x一睇賣相便知不吸引，豬扒更加是非常硬總括來說，每一個餐的份量也是非常之大！可是，味道真的不吸引，即使價錢是廉價的，也有其他更好的選擇

食左幾次，真係無得輸！屬於懷舊餐廳，門面細細，路過可能會錯過。餐廳保留著懐舊風格，侍應們都穿上制服，落單、上菜都很快手，店內一切，給人一份熟悉而久遺既親切感！午餐同下午餐價廉物美，差不多有成二十款選擇，碟碟大大碟，味道不錯。另外，部份套餐重可以免費揀椰汁紅豆冰 / 雜果涼粉冰做餐飲，杯杯大大杯，平時去其他餐廳，特飲閒閒地都要加$7-$8，呢度就免費餐飲，真係好抵！所以每次去親都人頭湧湧，尢其下午茶時間更加要排隊。

今日熱到成37度，係咁熱既時後身爲土瓜灣fans既我一定第一時間聯想起：哥登堡！點解？食過都知佢地裡面d冷氣係好勁D員工夏天都係著2⃣️件哈哈琴日午市去好多人，好多學生，真係好夠冷氣！氣氛好好，仲保留到懷舊式冰室既裝修午餐我同事叫左個C餐，滷水雞比免治牛飯同事表示隻🐔比值回票價，好淋好入味，個牛醬都係舖滿飯，一d都唔姑寒，牛味仲好重而我不得不贊呢個set，好抵食，48蚊呢個價錢而家茶記都差唔多，但呢個鐵板set跟埋紅白湯，跟埋凍飲特飲，重點重點系難得一見系鐵板炒麵，鐵板肉就食得多，呢個set可選擇鐵板炒麵/炒米/炒意粉，不得不提佢個鐵板一d都都唔求奇，唔似美心所謂鐵板炒麵，個鐵板唔熱沒燒🔥熱過，個麵底口感又硬又實哥登堡呢個鐵板我叫左米，真係估唔到，個汁掂到板個陣jaja聲既鐵板聲好正！食到一半仲出緊煙，加埋個底少少米粉飯焦，好好食！第一次覺得個麵底搶左個牛🐂地位，個牛柳粒唔老，有好多淋肉筋位有咬口！紅湯好有牛尾香味，甜辣度剛剛好但有一個位美中不足，係杯野飲太細杯，係類似普通飲水杯，我叫左雜果涼粉冰，但個底係水底，唔係汽水，有d淡味，涼粉就好多不妨試下呢個鐵板炒麵餐