哥登堡餐廳

經過土瓜灣就去咗一間經典老店去食鐵板餐， 叫了一個黑椒牛扒鐵板餐，熱辣辣的鐵板放上2塊厚厚的牛扒， 將牛扒煎到全熟， 岩我口味， 再倒入香濃嘅黑椒汁， 炸的一聲， 冒出白煙， 充滿晒成間餐廳。 除左食扒之外， 我仲叫了碟炒貴刁，送上枱面，已傳來陣陣嘅香辣味，河粉香滑。食料豐富，不到5分鐘俾我食晒，再加一杯冰凍紅茶， 甜到啱啱好， 解辣。簡直似去了人間仙境。…查看更多

今日一個人來到這間懷舊餐廳吃午餐，去年宣布結業時也沒有來，殊不知它竟涅槃重生了，哈哈。一進餐廳，我便選了卡位坐，侍應立即來問我要什麼湯（紅/白，明明餐都未點），我選了白湯（即忌廉粟米湯）。白湯三分鐘之內便來了，感覺普通，麵粉味有點重，忌廉味不足，勝在夠熱。想了一下，點了咖哩牛腩飯餐，$66，跟熱奶茶。飯餐6分鐘之內便到了，牛腩夠淋，而且有筋腩，份量也算多，不錯~。咖哩就普通港式咖喱，唔算特別，但這個價錢唔出差錯我已經收貨。奶茶都唔錯，有足夠茶香也夠熱，是標準香港餐室水平。環境方面，餐廳燈光較為昏暗，有懷舊風；服務態度好，上菜相當有效率，作為食客我也不敢太慢，全個用餐時間在半小時之內。我是在中午前到的，如果再遲少少到就要等下位同埋卡位俾人坐哂。…查看更多

老老實實講佢嘅扒真係OK，上菜好快同埋份量都足夠，不過侍應嘅態度就一般般啦，而且環境衛生欠佳，有待改善，張枱抹完都係黐粒粒。順帶一提，佢嘅黑椒牛柳粒都唔錯，有少少辣…查看更多

呢間餐廳無論門面定係環境都好有80、90年代感覺.勾起咗我細個嘅時候, 同爹哋媽咪去鋸扒嘅回憶.羅宋湯勁多配料.味道酸酸地, 有少少辣.粟米忌廉湯同羅宋湯好唔同.味道淡好多.似足細個鍾意飲嘅嗰種粟米忌廉湯.咖喱牛腩飯 (HK$63)咖喱嘅質感比較稀, 但係味道好濃郁, 撈飯一流.我覺得牛腩再腍啲就更好啦.鮮茄焗豬扒飯 (HK$60)豬扒鋪滿成個盤.裡面啲飯係炒到粒粒都金黃色㗎.豬扒嘅厚度正常, 但係佢嘅份量多到食唔晒.最後叫咗杯檸檬茶令到呢個lunch好完美.呢度嘅午餐HK$60左右有湯、主菜同飲品.份量多, 性價比超高, 絕對值得一試!隔籬枱嘅鐵板炒麵香到我已經計劃下次再嚟啊!…查看更多

之前電視📺有講過餐廳無生意，要執笠。今日路經呢區，就順路入去試。服務態度好好👍🏻一坐低，即刻問你要咩湯，紅定白湯。叫左一紅一白湯黎試。果然都系紅湯較優勢👍🏻 白湯都有味，但有點淡。叫餐期間，侍應都好好，會有俾意見你。好彩有聽侍應哥哥講，塊T骨好食。套餐包埋甜品，懷舊花奶啫喱，仲要系青檸🍋‍🟩味😍😍總結：比想像中好，食物服務都好好👍🏻值得再幫襯！！…查看更多