哥登堡餐廳

營業中

休息中

【哥登堡重開試試下午茶～鑊氣夠】  一手推開玻璃木門，老式壁燈微微燈光映照著懷舊陳設同裝修。感覺似回到70 80年代冰室。重生的哥登堡保留經典卡座格局。  重開之前黎過，唔覺有下午茶，今日同朋友再黎，就試下炒野夠唔夠鑊氣🔥干炒牛河油光鑊氣直撲鼻尖，河粉夾雜嫩滑牛肉，碟底零餘油最見功力；朋友食三絲炒一丁食到碟面可照鏡。火腿絲、肉絲、芽菜同D麵每條麵都掛滿焦香醬色。夠火喉，逼出豉油香！  🍵新增懷舊下午茶，份量十足 

很少踏足土瓜灣， 隨意走進這餐廳吃午餐， 進入餐廳後侍應都十分有禮和熱情招待。 然後點了我最喜愛的咖哩牛腩飯， 很快便上了餐湯羅宋湯， 很足料的蕃茄濃湯， 之後亦很快上了咖哩牛腩飯。 有 一大碗薯仔及牛腩， 牛腩非常軟滑 不會乾又不韌， 薯仔葉非常軟糯， 汁料份量剛剛好。去過很多餐廳吃咖哩牛腩飯 ，這一家是最好味的。值得推薦，再會去光顧。👍👍👍👍👍

然後又係另一間話係就結業既餐廳每次坐過海巴士番屋企都一定會見到呢一間土瓜環既哥登堡因為見到話呢間扒房係少有既焗豬傳統會筆上碟既做法加上佢即將結業所以就黎試下同皇后波士頓唔同哥登堡係好迫夾既卡位都特別細張餐廳就係兩邊卡位中間長檯兩條走廊咁設計開業四十幾年三月尾結業我就一月就黎食既星期日五點幾黎到仲係無乜人直入諗住入黎食番個late lunch但去到門口侍應話臨結業就只有晚餐咁都算啦最多食貴些少既姐點hi知個晚餐縮到得番咖哩餐同渣渣聲係無我想食既焗豬上番網睇下lunch餐牌焗豬63蚊既唔知早d黎會點坐低左又唔想7無理由食咖哩餐架嘛咁咪又叫番個鐵板餐啦今次飲白湯但係hi你個hi個鐵板係由廚房渣渣聲咁拎出黎連上檯個儀式感都無埋過一陣聲都唔見埋最貴既牛柳餐伴垃圾三色豆同幾條薯條成個feel都係差過波士頓好多既而塊牛柳都仲幾生下都係淋到無feel果隻所以牛柳牛扒應該都無咩分別一條L樣食得快仲即刻收你碟添唯一好既係有得揀特飲同甜品咁就一定係要紅豆冰架啦懷舊啫喱都無咩地方可以見到真係情懷feel不過食得比較趕老婆又要番工一條友食渣渣聲就真係無咩feel六點幾又開始多人滿座有人排隊咁就快快手走人啦呢度無

这家餐厅出名铁板牛扒餐，今晚T骨扒有D惊艳，肉质鲜嫩多汁，分量也相当丰盛，绝对能满足大胃王的需求。牛扒的烹饪恰到好处，外焦里嫩，配上特制的黑椒汁，味道真系幾正！餐汤有红白俩款，忌廉汤够晒热，味道正常！铁板餐附送嘅田螺，都几有特色，田螺一般，但系个底部嗰啲焗薯蓉就好好食！环境方面，整体氛围还不错，虽然不算奢华，但干净舒适，坐得都舒服！虽然服务稍显一般，但不影响整体用餐体验。总体来说，值得一试，牛扒爱好者一定不能错过！

土瓜灣懷舊西餐廳-哥登堡餐廳今晚懷舊夜，仲記得之前睇到有間餐廳話執，又有東張報，又排長龍食🫢結果佢可以留低繼續營業👏🏻今日經過就想食返以前嘅情懷😌一坐低，伙計已經問飲咩湯，我哋叫左1紅1白😅即係羅宋湯同忌廉湯，叫咗個鐵板雜扒餐🥓🥩🍗🍖（$130)同焗豬扒飯（$75)。個餐包湯，餐包，飲品同甜品，免加一，今時今日算係咁喇👍🏻👍🏻見證全晚坐無虛席，支持小店💪🏻💪🏻

有時會想有少少儀式感又唔想去啲太貴嘅餐廳就會去舊式扒房度今次平日大概七點去到直入揀左紐西蘭牛扒同雜扒餐但咁啱撞正咗佢啲儀器壞咗 冇咗鐵板用膠碟嚟上菜 啲肉好快凍晒 有啲失望紐西蘭牛扒肉味都算濃 雜扒餐就比較普通啲 套餐揀左青口 調味都唔錯前湯揀左羅宋湯 料都足既 整體都食得開心

叫了雜扒，紐西蘭牛扒，t骨，牛扒飯，店員服務態度好，街坊鄰居似友善對待客人，儘量滿足客人需求，有講有笑，環境衛生算好，夠乾淨，只可惜食物質素不足，肉類都是雪藏的，肉質腍且無肉味，份量雖大和相對便宜但不好味，我唔會再去光顧多次。

本身仲驚哥登堡會執笠，早排好多人排隊一路都冇食。今日終於去咗食，質素就算不錯，不過排隊時間耐咗啲，就係因為性價比較高。一個餐$170 包晒餐湯前菜甜品，我哋點咗一個紐西蘭牛柳、一個紐西蘭十字骨份量十足。正常女仔應該食唔晒一個餐，所以真係抵食。如果想一班人食一定要早少少排隊，今日小弟19:00最少都要排20分鐘，呼籲大家放工先好排隊啦一係就搵個朋友幫手排。以下可以睇到我點咗個五成熟嘅牛柳質素，歡迎去食啦。

佢重開之後第一次嚟，好開心佢嘅羅宋湯keep到水準，係我最鍾意嘅港式羅宋湯，辣辣地，有好多雜菜，服務員有效率嘅程度冇變過，仍然都係你未坐低，就已經問你紅湯定白湯😂格局冇乜點變，純粹覺得光猛咗，冇以前咁浪漫😂食物水準同以前都差不多，今日叫咗個「吉列石班配薯菜」同埋「紐西蘭牛柳煎蛋飯」，反而個石斑幾有驚喜。佢哋嘅Menu好似有重整過，冇以前咁多選擇，不過我覺得以前比較花都撩亂，而家比較精簡啲，食嘅嘢其實都差不多。

今日同朋友傾開偈，原來大家今晚都冇約人食飯，之後我就即刻約佢出嚟，我哋仲傾緊食咩之際，朋友突然間話想鋸扒，佢就講起呢間店未執之前食過一次都好食，依家重開返，佢話想再試吓，而我就未食過呢間店，之前都聽過其他朋友講呢間店嘅食物質素都可以，咁我哋就去咗呢間食。我哋一入到去見到幾張卡位冇人座，店員就叫我哋隨便坐，枱同坐位都有啲迫，我哋一坐低連餐牌都未睇，店員就問我哋飲咩湯，我哋講咗飲白湯，好快地另一位店員已經送上餐包及餐湯比我哋，之後我哋一邊飲湯一邊揀嘢食，我就揀咗黑椒汁羊扒配薯菜、青口，朋友就點揀咗黑椒汁牛柳配薯菜、沙律。整體食物質素一般般，羊扒較為好食。服務態度好急速，令到我哋食緊嘅時候有啲壓力。

同朋友諗緊去邊食嘢，因為朋友有車，隨口講邊度易有咪表，然後朋友突然提議去哥登堡！我一直以為哥登堡執咗，但原來已經重開⋯！餐廳後兩條街有咪錶，啲咪表都唔難有位，好易就泊到車。去到門口，只係門口望緊時，已即刻有人開門迎接。入面裝潢睇得出無咩變，而卡位唔迫，都幾闊落的。啲staff 服務不錯，同好有效率，一坐低已立刻問你想要咩湯，都係例牌紅白湯可選擇。因為係平日1點幾去，所以有幾款午餐揀，如果唔叫鐵板，平均都係六十幾蚊，包飲品，免加一，而家茶餐廳都要呢啲價啦！最後叫咗個咖喱雞球同吞拿魚意粉。咖哩先上，初頭仲覺得好少飯，但個咖喱都有好多雞球，食食吓都好飽！之後上意粉，面頭有啲溶咗的芝士，意粉唔會太淋，好食！餐飲可加5蚊轉紅豆冰，但太飽，無轉。最後叫咗一杯凍飲加3蚊，埋單$123，抵食！

結業前幾年食過一次，印象唔係太好，舊式茶餐廳咁黑蚊蚊，到佢結業嗰時，見人排曬隊更加唔會去。早幾日啱啱行過見佢重開，六點鐘到，畀佢吸引咗入去，其實170蚊一個餐都唔係平,不過見話重開又睇下佢有咩改善。結果入到去一坐低，即刻埋嚟好似好趕咁叫你嗌嘢！飲乜嘢湯。跟住我話睇下先已經有少少唔like。之後我叫T骨扒，佢又話冇！喂 ！大佬，你冇，出面你就劃咗佢啦！結果叫咗羊扒同埋普通牛扒。牛扒話五成熟，其實都係六七成！味道…同花園餐廳嗰啲差唔多，冇乜牛味，仲有少少梳打粉味。總括黎講係屬中下級數。蒜蓉汁黑椒汁都係一般舊式茶餐廳扒類嘅醬汁。羊扒有四件，份量好大，都係好一般嘅嘢，冇乜特別唔再多講。食得飽你，又唔係難食嗰種囉。跟黎嘅沙律同田螺都係一樣，基本嘢。好啦，最講返最重要一部分，就係服務，份扒我未食到三分一，佢已經埋黎問我飲乜嘢！跟住我話稍後先，又唔Like,成餐飯d侍應不斷喺你坐位側邊行來行去，每一枱都係咁，擺低啲嘢就好大聲話…奶茶，凍咖啡，牛扒…真係好怕佢揸住啲嘢會倒落嚟！有個侍應仲要好快咁喺度跑！食餐飯啫，好大壓力囉！食嘢咁大壓力，我真係食咗背脊骨落！唔消化兼夾胃痛！使唔使咁趕呀！總之成餐飯畀壓

哥登堡重新開業那天，剛巧經過，所以就向朋友提議試試。店內裝修像是舊的，之前暫停時的內部裝修可能是修整廚房吧。無論是我們這些生客，又或是熟客，侍應們都熱心招呼，加友善嘅笑容，氣氛溫馨。點了兩份套餐 - 鐵板什扒餐($130)及咖哩牛脷飯($75)，餐湯有白湯(忌廉湯)或紅湯(羅宋湯)，餐包是烘熱的，好吸引。什扒餐有牛扒、豬扒、雞扒、煙肉、腸仔，很豐富(切開才記得影相)，選了黑椒汁，唔辣，可放心吃。咖哩牛脷飯的咖哩汁好香，牛脷有一兩件少許靱(只是少許)，但大部份都ok，且份量不少。什扒餐的甜品是啫喱，這頓晚餐很滿意，很有港式西餐的味道。

雖然我寫食評嘅呢一刻，哥登堡已經結業，但筆者都好想舒發一下哥登堡與我多年來嘅緣份。話說筆者中學就讀附近某陽氣極重嘅學校，所以30幾年前就開始食呢間野，老實講由於當年年紀細、見識少，有得食鐵板牛扒已經覺得好勁，即使好貴、儲一段時間錢就會嚟幫襯下。不過，其實當年都已經覺得食物水準一般，30幾蚊有得lunch鋸扒都算係咁。畢業後離開呢區，20幾年來應該幫襯過3次，主要都係老人家返嚟食下回憶。今次結業，返嚟完整地總結一下我認識的「哥登堡」環境 ✅✅✅論環境，同我30幾年認識嘅哥登堡可以話係無分別，當年環境好舊、依家一樣咁舊。枱椅擺設同以前一模一樣，舒適度都係一樣，真係好痴線！點解可以咁keep得食物 ✅✅✅雖然上文提到當年細個見識少，但其實當時已經覺得食物水準一般，去食嘅原因都因為成班o靚仔去鋸扒好型。今次返嚟同哥登堡埋齋，帶埋另一半叫咗兩份鐵板餐，分別係$160嘅鐵板牛扒及$170嘅鐵板牛柳，味道維持水準～～～唔好味！牛柳唔淋又細份，牛扒肉質有D假。跟餐飲品叫咗一杯紅豆冰同涼粉冰，前者味道幾好，不太甜又夠花奶，有傳統冰室嘅感覺；而後者味道一般，加上「涼粉冰」唔太有冰嘅感覺，所以都係差。性價比

土瓜湾兒時長大的地方，得知哥登堡快將結業，到來支持一番，早上11am到步已滿座，等差不多15分鐘便入座，懷舊老店設計，暗淡燈光，兩旁是四人卡位，中間設置四人方枱，侍應仍然熱情款待，實屬難得。倒數2天結業，Memu只供Signature鐵板套餐。👉👉主菜配甜飽+餐湯+飲品+甜品石斑和牛柳用鐵板上時，發出吱吱聲响，那份熱騰騰口感真的棒👍💥石斑>>用蛋粉薄煎石斑，魚質軟腍配薯條雜菜。💥牛柳>>牛柳軟腍，味道正常。💥甜飽，羅宋湯，紅豆冰，涼粉雜果冰，糯米糍，全屬正常😄今次到訪能尋回那份情懐💃💃心滿意足。😄再見🙌哥登堡。。。