哥登堡餐廳

營業中

休息中

因為沙中線工程嘅影響，土瓜灣一帶變了天，好多商舖都結業，幸好哥登堡仲喺度。一坐低，侍應哥哥就推介牛柳鐵板餐，仲話唔好食可以退錢，咁有信心？我就真係點左黎食，另外再叫多個焗肉醬意粉餐。呢間餐廳嘅侍應真係好快手，又不失禮貌。我落完單轉個頭就即刻有湯飲，羅宋湯比較杰身，味道濃郁，另外餐包暖暖地，亦很軟熟，好味！重頭戲牛柳有成吋幾厚，肉質淋滑，剛剛好5成熟，堅係出色！唔怪得侍應咁有信心！肉醬意粉好夠醬，味道豐富，加上少少烤焦嘅芝士，真係大滿足。最後仲有餐飲同甜品，食晒成個餐真係飽到上心口！