影片
更多
2018-04-12
776 瀏覽
是日星期六，工作過後又係時候食餐好既，今日朋友臨時約我去土瓜灣食lunch，呢間餐廳朋友話由中學開始食到而家，保守估計至少二十年，餐廳燈光昏暗，因此有一絲浪漫情調，因為係舊式餐廳，所以不要期望有華麗裝修，整整齊齊乾乾淨淨已足夠，餐廳內大約有二十幾張檯，地方唔算大，好彩我地早入座，因為我地坐低之後就已經慢慢多人。我好鍾意食鐵板餐，貪佢上枱熱辣辣，滋滋聲，所以我二話不說都係揀返鐵板餐。鐵板套餐有時菜雞柳或黑椒牛柳，配炒麵、炒米、炒意粉、炒烏冬，餐湯可以揀羅宋湯或粟米忌廉湯，餐飲有凍/熱飲品或特飲，特飲可以揀椰汁紅豆冰、花旗蔘蜜、涼粉雜果冰。鐵板套餐只係$48，超抵。餐湯: 我揀左羅宋湯，朋友揀粟米忌廉湯，羅宋湯帶微酸及微辣黑椒味，飲落好開胃，而且仲有好多菜，好好飲。鐵板主菜: 我揀左黑椒牛柳配炒意粉，朋友揀左黑椒牛柳配炒麵，黑椒牛柳份量唔少，肉質好淋，肥膏唔多，質素可以接受，炒意粉份量都幾多，而且黑椒汁好多，所以每一條意粉都有黑椒汁，朋友既炒麵外觀好吸引，因為側邊脆卜卜，下次有機會我都會揀炒麵。餐飲: 我叫左熱檸茶，熱檸茶唔會有咩特別所以唔特別講啦，至於朋友就叫左椰汁紅豆冰，我見佢好快就飲
我好鍾意食鐵板餐，貪佢上枱熱辣辣，滋滋聲，所以我二話不說都係揀返鐵板餐。
鐵板套餐有時菜雞柳或黑椒牛柳，配炒麵、炒米、炒意粉、炒烏冬，餐湯可以揀羅宋湯或粟米忌廉湯，餐飲有凍/熱飲品或特飲，特飲可以揀椰汁紅豆冰、花旗蔘蜜、涼粉雜果冰。鐵板套餐只係$48，超抵。
餐湯: 我揀左羅宋湯，朋友揀粟米忌廉湯，羅宋湯帶微酸及微辣黑椒味，飲落好開胃，而且仲有好多菜，好好飲。
鐵板主菜: 我揀左黑椒牛柳配炒意粉，朋友揀左黑椒牛柳配炒麵，黑椒牛柳份量唔少，肉質好淋，肥膏唔多，質素可以接受，炒意粉份量都幾多，而且黑椒汁好多，所以每一條意粉都有黑椒汁，朋友既炒麵外觀好吸引，因為側邊脆卜卜，下次有機會我都會揀炒麵。餐飲: 我叫左熱檸茶，熱檸茶唔會有咩特別所以唔特別講啦，至於朋友就叫左椰汁紅豆冰，我見佢好快就飲晒，我諗應該唔錯既。
48蚊就食到一個有質素既鐵板午餐，而且出菜速度都幾快，兩個人去食一百蚊有找，真係好抵食，仲可以去邊度搵丫。
其實除左鐵板餐之外，仲有其他午餐選擇，午餐供應時段係11:00-14:30，鐵板餐供應時段係11:00-18:00，免收加一。
張貼
