和氣食堂 (河畔花園)

營業中

休息中

店員親切好有禮貌，喺沙田圍嘅街坊食堂4點刺身盛($208)刺身都好新鮮，油甘魚好鮮甜😋生蠔🦪有另外附送一個汁，酸酸甜甜唔會覺得腥👍推介小食燒芝士年糕($35)一定要趁熱食，入口即溶，大滿足😌唔好錯過韓式芝士燒大啡菇係拉絲㗎😋大啡菇嘅軟綿Juicy感覺，加上芝士拉絲真係好正架😌石鍋鰻魚炒飯($122)勁大份😱如果想食飯焦可以一開頭唔好攪勻佢，少少焦香幾唔錯，鰻魚份量唔算好多，但整體份量食得飽兩個人韓式泡菜豚肉豆腐鍋令到成餐錦上添花，肉量唔算少，少少辣，作為主菜平衡返成餐熱食嘅份量👍

未有得去旅行前 去食下最愛既日本菜先❤️-和氣食堂既店員服務態度好好 餐牌種類繁多 本Menu成寸厚😆價錢都算親民👍🏻CP值幾高💁🏻‍♀️🍴5點刺身盛 $248刺身新鮮😆有厚切既三文魚、油甘魚各3塊 仲有三隻甜蝦同埋活赤貝 仲有2隻大大隻既廣島蠔👍🏻🍴三文魚牛油果沙律 $78三文魚同牛油果既組合係💯😆 呢度既牛油果啱啱好熟透 質感柔軟、綿密 再配埋蕃茄同柚子醋 好開胃👍🏻🍴鹽燒三文魚鰭 $42燒到脆卜卜既三文魚鰭 有少少鹽調味 味道啱啱好 咬落好多肉汁同油脂 好邪惡🤭🍴電擊雞翼6本 $38估唔到電擊雞翼係凍🤭第一次食拔絲既雞翼 好特別 脆口的食感令人上癮🥰雞翼全部都係單骨 啖啖都係肉🍴日本清酒石鍋煮蜆 $95上枱個時成個石鍋仲滾緊😆蜆肉比想像中多 用清酒煮 令全部材料都更鮮甜🤭另外仲有好多雜菇係底 吸曬清酒同蜆既鮮味🤤😏 🍴泡菜黑豚肉石鍋飯 $92突然畫風一變 變左韓國餐廳咁🤣滿滿既豚肉、泡菜 份量十分之多 好抵食

琴晚天氣暴跌到18度仲要落雨，老公仲話想食壽司，我只想食熱野，咁就唯有揀乜都有得食既日式餐廳。平時去河畔通常係買燒味飯，隔離幾間店就係呢間和氣食堂，之前見到多人排隊，琴晚未夠7pm 到，好彩仲有兩張吉檯，唔使等位店內唔算好大，十張4人檯左右，唔會要人搭檯，貼牆兩邊係卡位，坐得好舒服。一打開menu, 基本上食乜都有，沙律壽司刺身石鍋烏冬串燒天婦羅，我地睇menu 揀左十幾分鐘左口魚邊牛油果沙律 本身鍾意食牛油果沙律，加埋個酸酸甜甜嘅醋汁，非常開胃刺身盛有三文魚，甜蝦，帆立貝，章紅魚，油甘魚，仲要厚切呀！刺身份量都幾多，食完刺身都飽咗一半石鍋鰻魚炒飯份量好多，好食，雖然鰻魚唔算好多，不過都理解嘅鹽燒三文魚鰭燒到好香，又好食又惹味又啖啖肉泡菜豚肉豆腐鍋凍冰冰嘅時候梗係食返個熱辣辣嘅泡菜豆腐鍋，其實係諗住叫個菜食下，點知份量多到爆，豚肉又多蔬菜又多，成個鍋係爆滿其實冇諗到份量咁多，食到超級飽，非常滿足。下次再黎會想試下白咖喱烏冬同天婦羅

▶️早排有朋友走，想食日本嘢，見呢間近近哋，聽講性價比唔錯，一於就試下😆壽司刺身🍣係幾好食，好肥美足料，最深印象係🧀芝士鰻魚卷，好大舊鰻魚，啖啖肉😋蟹子沙律就正常水準，好多蟹籽可以撈曬成個沙律🥗雜錦天婦羅🍤炸得外邊幾香脆，入面保持到濕潤👍個飯個汁幾配，黑豚肩幾好食，唔會梅唔會嚡，可能太耐冇食吉野家，呢個丼飯係令我幾回味🤤🔯嘢食唔差，少少貴，不過好記得個服務員好串好惡🥲下次唔敢黎食

朋友生日，帶佢去左我經常光顧既日式餐廳，哩度既日式料理既選擇款式多兼有保證，所以客源不絕。今晚我地叫左和風火焰左口魚牛油果沙律、五色魚生丼、蝦三味壽司拼三文魚五味壽司、日本廣島蠔、牛油果軟殼蟹卷。沙律先上枱，嫩白的左口魚邊被火炙過，擺成一朵花形放於中央,花芯放了黑松露，而沙津菜就加了黑醋、粟米、車厘茄、青瓜、牛油果等多種豐富蔬果，開胃又清新。蝦三味壽司拼三文魚五味壽司：蝦三味選用生虎蝦、赤蝦、甜蝦，而三文魚五味就係分別以三文魚上加左海膽、牛油果、原味三文魚及兩款添加左芝士及咖哩鹽經燒炙過既三文魚壽司，一次過試到咁多款唔到口感唔同味道，認真正，朋友一路食一路估，非常興奮。日本廣島蠔，即叫即燒焗，香味四溢，分別係蒜泥同香草芝士兩款口味，食完都覺得唔夠喉。五色魚生丼，魚生鋪滿哂係飯面上，密封不見白，每款都係大大件，5款唔同既魚生配搭，每款食落都鮮甜美味，完全滿足到口感，同朋友都食得好開心。牛油果軟殼蟹卷，一碟有6件，每件面層都充滿勁多蟹籽，配搭3片牛油果加上外脆內裡軟殼既軟殼蟹，食完一件又一件，好味。食完所有野之後，朋友說每款食物都夠新鮮，樣樣都好好味，好滿意哩餐飯。

#ftf_沙田格價親民 日式食堂晚市來講，定價唔算太貴，魚生處理得好乾淨，食材新鮮，性價比高！4 點刺身盛B $198⭐️⭐️⭐️⭐️⭐️呢個刺身拼盤有三文魚、油甘魚、甜蝦、活赤貝，所有魚生都係厚切，油脂比例剛好，有魚油香，好新鮮，淡淡滿足！甜蝦夠鮮甜，活赤背好爽嫩！黑豚肩燒丼 $85⭐️⭐️⭐️⭐️黑豚肩有肉鮮，肉質唔會太肥膩，有4大塊，加上燒汁同香蔥，味道簡直係絕配！丼飯仲配有泡菜（另上），認真開胃！火炙黑松露3點 $82⭐️⭐️⭐️⭐️有鵝肝壽司、火焰黑松露左口魚邊、火焰黑松露帆立貝，就如肉眼所見，鵝肝好巨型，左口魚邊經輕輕火燒之後，油脂香味更突出，帆立貝背都好鮮甜，配上黑松露，香氣充斥着你口腔嘅每一個角落！性價比高！蝦三味 $62⭐️⭐️⭐️爽嫩、鮮甜、新鮮，所以蝦頭我都有照食，哈哈！但味道就正常發揮，不過不失，唔太驚喜！田樂麵豉燒日本米茄子 $52⭐️⭐️⭐️⭐️麵豉惹味香口，味道偏向濃重，重口味人士一定好鍾意，撈飯食一流！鹽燒三文魚鰭 $42⭐️⭐️⭐️⭐️⭐️雖然係三文魚鰭，但魚肉分量十足，就咁鹽燒已經好有魚香，加少少檸檬汁足已提鮮！回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

今日同屋企人去試但staff 係挑戰mode🤣門口冇code 屋企人唔知邊個位scan 所以誤會左直入先搞點知個staff 係大大聲話「安心出行呀！咁耐都未慣咩？」聽到有少少笑既但 認真咩🙄咁同個客講野入到去冷氣都ok 既鋪頭細所以卡位都好啲枱都係好近個梳化既有需要既自己都可以推前啲張枱枱同餐具都乾淨冇油漬👍🏻茶係熱既👍🏻不過淡過茶記、大牌檔😢呢下真係唔知點做到仲要明顯個茶膽都酸左餐廳用QR code 落單都有俾埋menu❤️呢下係貼心既而且menu 都多圖👍🏻❗️90分鐘用餐時間❗️喇喇聲叫左個黑松露火炙左口魚邊牛油果沙律大阪豬扒丼北海卷三文魚五味腐皮牛油果三文魚個豬扒丼最早到🤣勁多菜好彩個沙律都緊接其後沙律勁多沙律汁👍🏻唔會乾不過略嫌咸左啲個火炙左口魚邊都ok 好食不過就唔暖lu豬扒丼勁打卡able ❤️就咁係啲菜因為啲汁醬感覺似食章魚丸😋❤️👍🏻豬扒同飯擺左輪都係熱既飯同豬扒中間落左好多洋蔥同蛋好食既👍🏻👍🏻👍🏻❤️到北海卷（即係海膽個個）$138 堅性價比低佢一板海膽先$188呢度3粒就$138 仲要飯係黏 紫菜腍🥲🥲🥲飯都暖既 入面有啲青瓜絲都特別但主角海膽既新鮮程度都係🥲到三文魚五味同

有咩開心得過放完兩日假返一日工聽日又放假，所以今日又有藉口唔煮飯出街食。今日揀咗屋企附近食日本嘢，其實呢間都食過好多次，但就下晏多，成日簡set lunch。今次食dinner,好有驚喜，所以寫個食評讚吓佢。我同老公都鍾意食刺身逗號所以就叫咗個5色海鮮丼$138 睇相都見到好新鮮， 呢個價錢性價比好高。再叫咗個燒日本廣島蠔蒜蓉芝士燒四隻$98，老公不嬲麻麻地生蠔，但呢個熟蠔連佢都話冇得頂。鐵板煎鬆軟牛舌$78，果然冇改錯名非常鬆軟，黎到已經聞到好香，份量好足，食落亦好有牛味。三文魚牛油果沙律$78，呢排食得太多，所以帶咗沙律冇咁Heavy，用料新鮮。芒果三文魚加州卷$65，唔知邊個發明芒果加三文魚簡直絕配。千迴火鳥三隻$45，黎到熱辣辣，燒得好香，表皮脆脆地啱啱好，再加上少少辣好惹味。呢間可encore

住沙田好多街坊都知道"河畔"聽到呢個屋苑名字就熟悉"食"果頭有好多食店其中呢間"和氣食堂"如果搭港鐡沙田圍落車行過去只係大約十分鐘如果踩單車都方便附近係單車徑我同男友都係踩單車過去食門口泊單車好方便小店細細間但係好多選擇之前係出面有間日本野出名忌廉烏冬都有其實佢似居酒屋有日本酒飲又有特色飲品男友係三文魚粉絲呢度最正係有個叫"五味三文魚"(原味,海膽,牛油果,火焰芝士,火焰）叫咗個日本丼飯"珍寶赤蝦海鮮丼"😋👍🏻真係好大隻赤蝦好新鮮好鮮甜跟圖一樣🤣牛油果軟殼蟹卷真係好大件軟殼蟹😱天婦羅盛盒(大蝦,冬菇,番薯,紅蘿蔔,青椒,茄子)千迴火鳥即係雞翼燒得香脆電擊雞翼原來係凍食外層重蜜味好得意雞翼迷可以試試鹽燒三文魚魚鰭燒得啱啱好好滑

放假入沙田圍探外婆,午餐同佢行過去河畔花園呢間和氣食堂食午餐。正值食晏時間,要等位,幸好等咗十多分鐘就入得去。餐廳細細地,裝修簡單,勝在乾淨企理。QR code 落單,既環保又清楚,慢慢諗完先確認, 方便check 單。會員仲可以儲分潻。餐牌有實在感,有佢嘅存在價值。午餐有壽司定食、雜錦刺身定食、壽喜牛肉鍋定食、魚生丼、拉麵/烏冬餐等多款選擇。午餐有優惠,除免費奉送咖啡或冷熱飲品外,轉特飲都係加$9。加$18可追加兩款小食或$20追加兩款小食及味噌湯。✨巨峰提子梳打&熱柚子檸檬用優惠價,我點咗杯清甜提子香配透心涼梳打。外婆就點咗杯清新潤喉嘅熱柚子檸檬。✨枝豆(第一款小食)用埋第二個優惠,用水煮再加鹽調味嘅枝豆,簡簡單單,保留毛豆原有清香味道同粉腍口感。✨天婦羅(第二款小食)炸粉薄薄嘅天婦羅,新鮮炸起,脆脆口感,除咗茄子同冬菇,外婆食吾出橙色嘅係南瓜定地瓜,總之佢話好甜啦😂✨吉列豬扒蕃茄湯讚岐烏冬大大塊吉列豬扒,外金黃酥脆,內肉質腍軟無骨。讚岐烏冬煙韌滑劣劣,配埋個酸酸甜甜嘅蕃茄濃湯底同爽口昆布,外婆食得好開心!✨芝士牛油果炸蝦卷定食(附:木魚湯烏冬)烏冬有咬口,配上木魚湯,清新吾膩口。

今日天氣好熱，諗住自己一個過黎食下野啦，氹吓自己開心。點知即使餐廳入面有8個位（一張大枱兩張二人枱拼埋），都要等成十五分鐘，焗到出晒汗！等左一陣，有枱4人個職員就直接比佢地入左餐廳。咁我試下問個職員有冇位，佢又勁不屑叫我等下明明入面有勁多位，只要將兩張二人枱拆開，就已經可以安排入座，但係個職員懶理客人！仲要啲態度勁差！我明白間店細，想留反啲位比4人，但明明可以郁動到既，點解唔郁下？只可以話啲職員態度真係勁差，特別係個收銀！！即使野食好食，幾用心去到整啲好味啲野，但個職員態度咁搞法真係唔會再黎！勸各位自己一個人千奇唔好過黎食！完全唔係啲咩人情味餐廳！！！

對上一次想食和氣食堂已經係一年前嘅事，但果次因為太多人排隊嘅關係所以放棄左，今日卒之食到！參考上一次嘅經驗，今次我地一行二人踏正六點正已經去到門口等佢開門，成功入座，不過入去坐左一陣都唔覺有太多食客入嚟，可能時間尚早？餐廳用QR code落單，同時會提供一份完整紙本菜單俾客人閱覽，呢一個細節值得一讚！因為時下部分餐廳採用電子落單之後就奉旨唔俾實體菜單客人睇，覺得手機入面都睇到，駛咩仲俾實體menu客人睇？但係我想強調嘅係：紙本菜單同電子菜單仍然存在好大分別，至少喺文字同圖片大細上面，前者一定清楚好多。而且，實體菜單可以照顧到年長同不擅電子落單嘅食客，係有保留嘅需要。食物方面，我地嗌左兩份主食："蒜香一口和牛濃蕃茄湯烏冬"、"野菜天婦羅稻庭冷鳥冬"同埋兩份小食："芝士燒日本廣島蠔"同埋"燒芝士年糕"。整體嚟講，食物水平中上，烏冬彈牙可口，蕃茄湯底十分濃郁；稻庭冷鳥冬配有一份醬油同鵪鶉蛋，將半熟鵪鶉蛋撈勻放入冷麵，再配上醬油，個味道好清新！至於燒芝士年糕，簡直就係神來之筆，鍾意食芝士同年糕嘅我，最期待就係果種煙韌拉絲同香濃嘅芝士味，呢一份芝士年糕真係滿足到我呢個口味，值得一試；最後有少少失

呢間算係河畔區嘅人氣食店，每次經過都會見到一大班人喺門口排隊等入座。是晚係聖誕節，當大部份人都去食西餐慶祝聖誕節，我地就反其道而行。當日經過見到冇乜人排隊，所以就好快入到去食喇。甫坐低，都見到一對對情侶同我地一樣食日本嘢慶祝聖誕節。打開本餐牌，好多款式選擇，非常吸睛，而且價錢仲相當親民添。由於當日天氣都幾凍吓，我就唔太想食海鮮丼之類嘅凍嘢。所以我地兩個都點咗熱辣辣嘅拉麵。價錢大約６０幾蚊，湯底尚算濃稠，拉麵也尚算彈牙，以呢個價位嚟講，亦唔能夠要求太多。我嘅最低要求係最緊要啲湯夠熱，湯底唔太油膩便可以。最後我地都嗌咗個吉列蝦牛油果卷，湊吓米氣先覺得滿足。豬骨湯叉燒拉麵黑蒜湯叉燒拉麵

見openrice 好評如潮慕名而来，食完卻發覺味道同想像中好大出入，埋單時更發現好唔抵食。臨訓前都仲有少少嬲上黎post 個食評。e.g. 火炙海膽左口魚*2味道方面海膽雖唔腥，但未到好鮮甜。左口魚好淋唔夠彈牙，飯都偏濕。同母上食完一致覺得so so....收費$54+1堂食服務費 食物就根本對唔住個價。如果大家去食，千奇千奇千奇千奇唔好叫壽司!其他卷物，丼飯同白咖哩烏冬(附厚粉炸雞)味道中~中上，都係偏貴.....唯一令人驚豔同抵食既就只有燒日本廣島蠔，$98/4隻 (未加一) ，芝士蔥燒都好好味最後可以食返d 令人開心既嘢都算無白黎。總結: 唔會再encore。

中午1點時間食，多人等位，同枱入座後我係出面搞緊安心出行既scan code，因為一直顯示QR code錯誤，職員就好大聲同態度惡劣地催促，顯得很不耐煩，我都無話堅持scan唔到都要入，都表示理解，佢地就話：「你都見到我好忙㗎啦小姐！唔好阻住收銀位！」。唔係要求好好服務態度，但希望有基本禮貌同尊重。食物質素ok，但職員態度好影響成個體驗。