和氣食堂 (河畔花園)

營業中

休息中

早幾日同朋友經開河畔花園附近，見到呢間日本餐廳，好似都幾吸引，一於入去試下先🤣見到餐牌都幾多選擇我地最後揀咗下面呢幾款：和氣壽司定身($125)好豐富，有三文魚，虎蝦，油甘魚，帆立貝，海饅，香葱拖羅碎，三文魚籽，芒果花之戀，花之戀魚籽花之戀同芒果花之戀都好正，大大片又新鮮既三文魚包住沙律醬同醋飯，仲有多到差d跌出黎既新鮮魚籽，同埋好鮮甜既香芒，好好味呀香葱拖羅碎,口感好軟滑虎蝦大大隻又鮮甜，包晒成個飯團油甘魚壽司有兩款，一刺身，一鹽燒,食落兩件都係好醇厚鮮美，正三文魚籽壽司，魚子大大粒,多到可以撈飯食🤣呢個餐仲配埋魚湯烏冬同揚物，炸雞脾好香脆可口迷你三文魚帆立貝刺身丼配牛肉烏冬($84)大大件既帆立貝壽司，肥美鮮甜，好新鮮牛肉都好多好新鮮午市追加螺肉＆加州卷2件螺肉好入味，好開胃，當前菜岩晒18蚊可以追加2款小食，真係好抵

和氣食堂（沙田）📍沙田大涌橋路20-30號河畔花園地下35號舖🤍 4點刺身盛B $198我同朋友都好鍾意食刺身，所以都點咗呢個刺身盛😍 入面有三文魚、油甘魚、甜蝦、赤貝，不得不讚嘅係刺身真係好新鮮，三文魚同油甘魚都好厚身，超有滿足感！🤍 北海卷 $138呢個北海卷都好特別，最上層鋪咗甜甜哋脆卜卜嘅三文魚籽，跟住係鮮甜嘅海膽，下面有吞拿魚蓉，最底嘅係紫菜飯卷，口感好豐富，多重享受😋🤍 大阪豬扒丼 $90呢個豬扒丼嘅賣相已經好澎湃，見到個樣都知道厲害，最上層係木魚絲，跟住有一層好足料嘅蔬菜絲，下面有炸到脆卜卜嘅吉列豬扒，再下面就夾住塊煎蛋，底層就係米飯，真係超級豐富🤤🤍 七味河豚干 $52河豚干加咗少少七味粉好惹味，食落去口感腍腍哋，有咬口得嚟又唔會韌，用嚟做下酒菜真係一流👍🏻🤍 燒日本廣島蠔x2（蒜蓉/芝士） $54廣島蠔夠晒鮮甜，蒜蓉味落咗滿滿嘅蒜蓉喺面，蒜香味十足！芝士味都好出色，鋪咗一層厚厚嘅芝士去燒隻蠔，芝士味好香濃！兩款口味都不相伯仲😍🤍 鹽味燒牛舌 $45我同朋友都好鍾意食牛舌，今次都點咗呢個鹽味燒牛舌，食落有濃厚嘅牛舌香味，仲好厚身，值得食多幾串🤭整體評分：味道 🌟🌟🌟🌟環

好耐冇食過日本菜又唔想離開沙田區 就搵到呢間和氣食堂初初食咗熟食 覺得幾正膽粗粗就食埋刺身（平時真係食放題先敢食😆）估唔到有驚喜喎！首先我哋食咗個白咖喱烏冬配炸雞一上到黎就俾佢賣相吸引咗！佢個烏冬上面有一層雲咁就咁睇完全唔知入邊蘊藏咗啲咩夾入邊啲烏冬出嚟先至係咖喱肉醬底呢個配搭新鮮得嚟又真係好食喎！三件炸雞係雞鎚嚟嘅稍為乾身少少 但炸到脆卜卜 好味😋之後仲叫咗清酒石鍋煮蜆啲蜆好肥美！仲要份量好多！個湯比較重牛油味仲有好多菇同蒜香有清酒嘅甜味我哋成碗食晒仲飲埋啲湯添🤣🤣🤣仲有刺身呀 叫咗個set😄因為有得食蠔☺️好特別4款都好新鮮好好味真係好開心喺沙田都可以食到咁高質嘅刺身🤓我哋仲食埋牛油果軟殼蟹卷同埋燒雞翼（好似千迴火鳥🤣）牛油果軟殼蟹卷非常之足料嚿嚿都食到軟殼蟹（有啲日本餐廳真係好冇誠意🤫唔會食得咁開心！）好鍾意食個燒雞翼 燒到啱啱好雞翼又好飽滿多汁 下次要encore encore!不過呢間餐廳真係好多選擇Menu幾十版我見隔離枱都係睇咗勁耐先落到決定咩類型咩款式嘅日本菜都好似有！刺身壽司天婦羅咁都有🤣我哋有排試🤣🤣

What a surprisingly fabulous Japanese restaurant in Sha Tin which offers good food😍 I enjoy the dinner so much. Very nice experience. The cook cooked so well!!!Very full. The first comes with the salmon avocado 🥑 salad 🥗 yummy 🤤 love the taste so much ❤️💖 😍 it is delicious!The second dish is 三文魚 & 鰻魚 pancake 卷，very yummy & special one 👍🏻 love it so much. Put a highlight on it 😋Of coz we won’t miss the signature 刺身，有海蝦，三文魚 & 帶子，tgt with the 魚料. Love it so much. It is very fresh. Not to mention

今日中午時段同朋友去到沙田行街，見到和氣食堂，就決定入去試下啦😆😆中午時間餐廳滿座👍見到都有8-10個人係門口等位，好彩等左一陣就入得啦，一坐低店員會比個QR code，自助落單，一睇menu原來有中午套餐，價錢親民，唔怪得吸引到咁多人黎食啦～午市餐牌選擇好多，有便當🍱、魚生丼飯、壽司，重可以加$18蚊換兩款小食，再加$2蚊多一個味噌湯添🥰睇左一輪之後，我地決定order👇A16 和氣壽司定食好豐富🤩呢個定食好多嘢食，壽司賣相好吸引📷分別有九件（三文魚、虎蝦、油甘魚、帆立貝、海鰻、香蔥拖羅碎、三文魚子、芒果花之戀同一件花之戀），魚生好新鮮，最喜歡食帆立貝同三文魚😆除左壽司外，重有一個木魚湯烏冬、兩隻炸雞搥，真係樣樣都可以試下👍A4 火炙盛丼 好味🥰有兩件好厚嘅三文魚、兩片左口魚裙邊、三條芝士蟹棒、玉子、蟹籽、青瓜，飯份量好多，一定夠飽！我地重加左4款小食同1個味噌湯～小食分別係👇玉子壽司2件、加州卷2件、溏心蛋、田園沙律飲品方面，我地就叫左兩杯凍柚子蜜🥤整體黎講，餐廳CP值好高，店員態度良好👍會主動詢問客人落唔落到Order，食物方面魚生新鮮，如果中午黎到沙田又想食刺身壽司不妨黎「和氣

之前黃大仙都有食過和氣食堂，味道都唔錯價錢親民。今次男朋友揸車經過沙田河畔我哋搵嘢食發現依家原來都有分店。呢間嘅店面比黃大仙嘅細小，因為都主要做附近嘅街坊生意。我哋要咗佢個招牌白咖喱烏冬配炸雞，日式咖喱係甜甜地配上忌廉好creamy 。仲有推介要點清酒煮蜆佢嘅蜆肉，分量超多蜆肉，仲大大粒好飽滿，加上個湯清清地有酒味，我哋點左個黑豚肉燒丼飯，豚肉燒得好香口薄薄地，唔會好肥膩，正。個飯仲配有唔少洋蔥汁，清甜開胃。點左北海卷，係有海膽三文魚子吞拿魚卷，海膽夠新鮮。都推介炸三文魚皮做小食，原來都幾特別，炸得夠薄又夠香脆。仲有至愛既日本炸雞翼，好惹味。成餐飯食到咁飽都只係四百幾，價錢親民又高質，十分推介。

踩完單車之後去沙田大會堂嗰度還咗車就去食日本嘢啦真係超級肚餓🤭海膽三色don💚💚💚💚 💚有帶子、海膽、牡丹蝦同甜蛋不過我朋友唔食蛋 所以就叫左走蛋🫢海膽份量多同埋冇腥味好新鮮刺身拼盤💚💚💚💚 💚 💚有三文魚🍣牡丹蝦、生蠔🦪油甘魚最正係生蠔好肥美又有濃濃嘅海水味😬油甘魚有魚油香 全部都冇雪味very good😬軍艦💚💚💚💚 💚件件軍艦都好肥美同埋用料新鮮😳😳三文魚牛油果沙律💚💚💚💚有粒粒三文魚喺面頭好多生菜🥬、粟米🌽蕃茄仔牛油果Mix埋柚子醋沙律真係超開胃電擊雞翼💚💚💚💚 麥芽糖包裹住隻雞翼喺凍食好新奇🫢

今日去左沙田圍站食日本料理。餐廳座無虛席，等左10分鐘先入座，點餐係掃碼既。餐牌圖文並茂，刺身、壽司、天婦羅、一品料理等一應俱全。淨係個賣相已經令人垂涎欲滴，魚生新鮮，有三文魚、油甘魚、超大甜蝦、帶子、三文魚子、玉子，仲有海膽，成個擺盤色彩繽紛。湯底加左泡菜，有少少辣，很惹味，除左半肥瘦豚肉，仲有大量蔬菜，包括豆腐、金菇、冬菇、芋絲、津白，非常豐富。有大蝦、南瓜、番薯、紅蘿蔔、茄子，炸物外皮既粉醬，炸得酥脆可口，好乾身，唔會好油膩。上枱仲有微溫，炙燒芝士加上沙律醬，包住軟殼蟹，口感好飽滿。牛油果好特別，配上炸蝦，別有一番滋味。塗滿麵豉醬既茄子，燒得好香甜，下次BBQ可以試下呢種食法。整體來說，食物款式多元化，賣相同味道都好有水準，上菜速度快，員工服務好，會不斷幫你加玄米茶。

早排係沙田城門河散散下步，就行咗去河畔花園，晚市時間見到呢間屹立多年嘅和氣食堂，就二話不說再次幫襯，有時d野企得穩就代表有d料到🤭溫泉玉子牛油果凱撒沙律呢個頭盤真係幾令人喜出望外，份量大得黎，仲有滿滿嘅溫泉蛋同sour cream，食食下覺得自己似隻牛多d🐗，因為真係勁多菜🌿日本清酒石鍋煮蜆石鍋熱辣辣，個湯底好好味，食晒d蜆仲飲埋d湯🤣 蜆黎講就無沙同數量充足日式炒野菜基本菜式，有菇有菜，綠色💚飲食大盛刺身每件刺身都大大件，仲有海膽同三文魚子添😆 個人認為2個人share岩岩好，咁就可以食多d其他野🐒🐫芝士軟殼蟹卷細細碟，蟹肉及調味平衡不錯，加上沙律醬及蟹子，食日本野必叫🤪燒日本廣島蠔蒜蓉同芝士都各有千秋，如果你問我，我會投芝士一票，因為d芝士汁溶咗落去隻大生蠔，更有風味🤤雖然無好亮麗的門面，但係餐廳都用心準備食物，餐牌選擇亦不少，算係河畔果頭三數間日本菜中的首選🏆

和氣生財 ，是古往今來的社會共識 ，在紛爭 ，災禍不斷的世界裏， 和氣生財， 更是世人的方向和宗旨。💥位置👌👌👌沙田圍站行幾分鐘 ，在河畔花園當眼處的地舖， 就會見到和氣食堂， 中午時份 高朋滿座 ，食客不斷 ，我們也趁熱鬧， 食埋一份 ，感受一下和氣食堂的和諧美食。💥美食😋😋😋我們揀了兩個午餐定食 ，一個和氣壽司定食，😜 一個和氣😘極強 💪特盛🥰定食， 兩個定食覆蓋了我們想吃的東西， 有三文魚 ，拖羅 ，大魚籽，甜蝦 ，巨帶子， 油甘魚， 海鰻， 芒果花之戀， 冇芒果嘅花之戀 ，虎蝦 ，火炙左口魚邊， 海膽 ，木魚湯烏冬 ，唐揚， 軟殼蟹沙律， 燒黑豚腩丼 ，還有兩杯即磨咖啡。 食材非常新鮮 ，排列精美， 壽司煙韌清爽 ，啖啖滿足。💥服務💯中午時分雖然係好多客， 但服務依然周到 ，我們不太清楚用數碼點餐 ，店員非常細心地教我們用 ，完全冇不耐煩， 由於人客多，餐枱比較細 ，唔夠地方擺放食物 ，所以要盡快食完其中一份， 店員都係好快幫收拾餐碟 ，令我哋食得舒舒服服。繁忙中顯細心❤，和氣中見財源🎉🎊，生意好就是這個原因。👍

裏面燈光舒服，黃燈都可以光猛播住日文歌 個餐牌勁多選擇 好多嘢食相片賣相相當吸引 一個長方形 一眼睇晒 同朋友食得幾開心 地方整潔整齊唔需要好奢華嘅裝修蒜香一口和牛濃蕃茄湯烏冬 蕃茄濃湯夠晒誠意鮮蕃茄配菜夠晒多不馬虎乾蒜和牛粒 食落去啖啖油香 烏冬嘅口感啱啱好唔會太硬身又唔會爛晒雙重芝士鰻魚卷。 芝士愛好者小心！雙重芝士究竟點樣整原來免頭鰻魚上面有一浸黃黃地嘅芝士 卷卷入面仲有一舊好厚身嘅忌廉芝士食落去非常重芝士味 兩種唔同味道嘅芝士同鰻魚相映成趣鹽燒三文魚鰭師傅燒得好好 功價十足外皮燒到極之香脆 三文魚嘅油脂比例令到肌肉非常滑身 真係欲罷不能🤣和氣食堂地址:沙田河畔花園35號地下

位於河畔花園嘅街坊食堂丼飯、刺身、壽司、卷物、熱食等菜式都齊備雙重芝士鰻魚卷（$60）超大件！一件要分兩啖食，除了鰻魚面嘅芝士，卷內亦有creamy 的軟芝士，只係鰻魚稍為凍左，如果熱d會再好食d三文魚牛油果沙律($78)好多三文魚、牛油果同粟米粒，醬汁帶少少酸，開胃！三文魚5味（$82）有原味、海膽、牛油果、火灸咖哩鹽同火炙芝士，每件嘅三文魚同好厚身！火炙仍keep到暖暖地👍🏻鹽燒三文魚頭（$72）燒得好香，魚皮脆，肉多，加埋蘿蔔蓉落醬汁度點黎食，好搭味鹽味燒牛舌（$45）牛舌厚身，燒完邊位有d脆，好易咬，牛味夠明太子雞肉串($25)😂凡係有明太子嘅我都覺得好好食四色三文魚丼（$132）有三文魚厚切、三文魚籽、呑拿魚蓉同刺身蝦，魚生夠新鮮，三文魚籽亦脆爆，亦唔會得浸咸水味，飯量剛剛好，一啖魚生一啖飯，正最後食串牛油燒一口番薯($24)暖暖胃甜甜地，口感軟糯最後二人埋單連加一$570，呢個價錢，已經可以叫到成枱都係野食如果想食平d，叫個魚生飯/鍋物都係一百多d，價錢都算合理

今日到沙田圍一帶，到晚飯時間搵食時先發現附近一帶食肆唔多。最後揀左光顧和氣食堂。是日平日加上早食晚飯，一去到就有位坐。叫菜後大概六七分鐘開始上菜，速度正常。首先送上係軍艦同刺身拼盤。壽司飯體結實唔會散開。材料新鮮無腥味，當中三文魚同魚子尤其上佳，鮮味突出。其後上枱嘅係鐵板煎牛舌。牛舌切得好厚身，但火喉掌握得啱啱好，以致牛舌仍然非常柔軟。而牛舌亦充滿牛味。牛舌下方鋪有洋蔥，吸收牛肉肉汁後極為惹味。隨後送上嘅係主食黑豚肩燒丼。肉質唔會粗嚡，飯質軟熟，但相對燒肉而言味道會淡一點，所以熟食中建議先食。最後送上係石狩鍋豬骨湯。豬骨湯之上加上煎香左嘅三文魚頭同三文魚骹煮起。豬骨湯中唔覺有味精，而且同三文魚嘅味道意外地配合。總結餐廳水準頗高，難怪用餐期間不時見到有其他食客買外賣。

💛 主打日式料理· 和氣食堂 (沙田)#和氣食堂 #日式料理 #壽司 #和牛 #沙田餐廳主打日式料理，包括壽司、丼飯、便當等，食材新鮮、豐富。住沙田區嘅朋友應該對呢間嘢好熟悉🙌🏻由細食到大，真係開咗好多年👍🏻📋🔸芝士厚燒玉子 $52 🌟推介🌟 -口感綿密，蛋味香甜濃郁 ，表面再配上濃厚嘅惹味芝士😋🔸鐵板一口牛粒 $96 -出到黎熱辣辣，聞落好香，咬落去好jiuicy，岩岩好五成熟，牛味重，再配上蒜片、蔥花、洋蔥、香菇等，醬汁都好充足，令牛粒更惹味。🔸海膽三色丼 $148 -有海膽、甜蝦、帆立貝。🔸5色海鮮丼A $138 -有三文魚、鰻魚、帆立貝、吞拿魚蓉和魚子。刺身豐富新鮮，三文魚厚切，海膽一啲都唔腥💁🏻‍♀️這個價錢來說十分抵食。🏘設有卡位，餐廳座位不算少，但長期多多人排隊。💰人均消費大約150元 📍 地址：沙田大涌橋路20-30號河畔花園地下35號舖#foodie #香港美食 #隱世美食 #小店 #香港小店 #cafe #美食#香港好去處 #food #打卡 #香港打卡#f4f #foodlove #香港探店 #沙田美食 #馬鞍山美食沙漠 #玉子燒 #日本料理 #日料 #刺身 #海

今日Vivian返返下工突然好想食日本野，然後同事就提議食呢間，就試下佢啦～MenuVivian同同事兩個人揀左A16和氣壽司定食 （飲凍柚子蜜）& A15雜錦刺身定食（飲可樂）～A16和氣壽司定食 （飲凍柚子蜜）（$125）一個餐有前菜2隻炸雞，9件壽司加1碗烏冬性價比極高😋😋仲要全部野都好好食，Vivian最鐘意虎蝦、三文魚籽&鰻魚壽司，虎蝦好爽脆，三文魚籽好新鮮，鰻魚鬆軟，個汁又香，食完壽司食埋個烏冬簡直係點睛，湯底唔會太濃，係淡淡嘅鰹魚香味，正😋A15雜錦刺身定食（飲可樂）（$105）呢個餐有前菜2隻炸雞，刺身（有冰墊底），有3件壽司加1碗烏冬又係性價比極高，Vivian表示感動🥹點解咁遲先發掘到呢間野🥲刺身有三文魚腩 有兩件厚切同肥美；帶子刺身鮮甜；油甘魚 好厚切，有油脂感，正；赤蝦刺身，好新鮮夠大隻今日嘅質素拍得住開左幾個月既美x利最後有點睛烏冬結尾～Overall好唔好食？好食會唔會再幫襯？會啦，下次要試鰻魚丼