和氣食堂 (河畔花園)

每次行過呢間日本料理外面，都見到好滿座，好受附近街坊歡迎🥳見到餐牌入面選擇好豐富，價格又親民，真係好吸引。今日約埋屋企人嚟吃返餐～🔶芒果牛油果三文魚班戟$52/2件用班戟包住三文魚牛油果同埋芒果💗第一次食冇米飯嘅卷物，都幾特別。整體又好match喔，清爽不膩。🔶五色魚生丼 $138五色包括有三文魚丶帆立貝、鰻魚丶吞拿魚蓉丶三文魚籽。其中最鍾意吞拿魚蓉，入口綿密💗整體份量多，好抵食。🔶鹽燒油甘魚鮫連頭 $128呢個超正！整個魚頭極巨大🤤燒過後香噴噴，魚油豐富十分甘香，魚肉也多，嫩滑香口。🔶明太子雞肉串 $25雞肉上面拌有明太子醬，味道豐富有層次。🔶燒芝士年糕 $35最後點左經典日式甜點～一客有兩件，燒到金黃色，外脆內軟，入面芝味濃郁又煙靭。🔶荔枝梳打 $29好大一杯！不會太甜，充滿荔枝果香，清爽甜美。…查看更多

次次去沙田，多數都係去新城市食野，今次朋友仔帶我去沙田圍食呢間日本野，性價比高喎！好，坐我哋睇吓有咩好食先。軟殼蟹手卷，辣味三文魚手卷，先黎一人一個手卷，紫菜好脆，包住滿滿嘅餡料。軟殼蟹塞爆紫菜，又脆又暖笠笠。野菜天婦羅，即叫即炸，炸粉又薄又脆，蔬菜好新鮮，食落唔dry鯛魚湯泡飯，鯛魚清鮮甜美，原來做泡飯都好好味，個湯有魚汁嘅甜味。鐵板熱鬆軟牛舌，雖然係厚切，但煮得好腍，個醬汁好惹味。鹽燒一口和牛，和牛燒得好香，食到鹽提升嘅味道，一咬就開，肉質有咬口。…查看更多

最近去咗一間叫做「和氣食堂」嘅餐廳，喺河畔花園沙田嘅位置，真係好方便📍👍餐廳嘅環境好舒服，裝潢好日系🌳🍂我試咗佢哋嘅三文魚刺身，好鮮美，魚肉即刻入口即化，令人十分滿足。🍣😍另外，佢哋嘅千迴火鳥都好好食，雞翼尖處理得好好，唔會太乾😋松葉蟹柳蟹子沙律係另一道值得推介嘅菜式，蟹肉味道鮮美，配上沙律非常清新🦀🥗佢哋嘅軍艦5點係一道非常特別嘅壽司，內裡有海膽、三文魚籽、香蔥拖羅碎、蟹膏甜蝦同蟹膏帆立貝，味道非常豐富🍣🍤🍚燒雞扒豬骨湯烏冬，麵條煮得剛剛好，湯底香濃，好適合喺冬天食🍜🍗赤貝同章紅魚薄切刺身都非常新鮮，鮮味十足🍣😋 總括而言，「和氣食堂」係一間非常值得一試嘅餐廳，環境同服務都十分好👍如果你鍾意新鮮嘅海鮮同壽司，記得要嚟呢度食，一定唔會失望！🦐🍣…查看更多

早前同朋友去咗沙田行街街, 佢介紹咗呢間好有特色嘅日式餐廳比我, 呢度有專業嘅師傅製作河豚料理, 亦都有天婦羅、烏冬等等菜式, 選擇非常豐富咖~七味河豚第一次食河豚! 河豚肉唔鞋又冇骨, 調味好啱我口味, 香辣得宜夠惹味、開胃!千迴火鳥千迴火鳥即係燒雞翼, 佢勁香勁惹味, 而且好厚肉, 啖啖肉好爽呀~野菜天婦羅野菜天女婦羅嘅CP值幾高, 一個價錢就可以食到幾婦天婦羅, 佢仲係啱啱炸起, 熱辣辣、脆卜卜, 而且唔會介口, 啱啱好!燒雞扒豬骨湯烏冬豬骨湯好香好濃郁! 個烏冬Q彈好味! 雞扒係照燒嘅, 另上唔會沾得太濕太淋, 好細心~鐵板熱鬆軟牛舌牛舌都幾大塊幾厚身, 加咗香蔥同其也調味, 再用鐵板上, 夠晒穫氣!…查看更多

📍沙田圍河畔花園附近看似冇咩好食🙈除咗🍮甜品控們熟知的豆乳狂人😛😲鄰近都有間相當有人氣的🎌日本菜餐廳//和氣食堂//🍴Lunch time都好Full外賣單也很多🥡📱坐低後店員會俾個QR code✅自助下單🔅Lunch set 定食款式多樣化: 🐟魚生,刺身,便當🍱, 丼飯🍚, 拉麵🍜, 烏冬💰價錢大眾化, cp值幾高🤩👯‍♀️難怪咁受鄰近街坊歡迎~👏🏻⚠️唯獨飯枱比較細, 建議逐樣逐樣食物嗌🤣🔸和氣壽司定食🍣 $125 7/10三文魚 ｜虎蝦🦐｜ 油甘魚🐟｜帆立貝⚪️｜海鰻｜香蔥拖羅碎｜三文魚籽🟠｜ 芒果花之戀🥭｜花之戀 ✔️配: 迷你木魚湯烏冬＋揚物炸雞2件壽司定食有9️⃣件刺身新鮮😋😚烏冬唔係啲cheap cheap款, 口感煙韌彈牙～🏃🏻‍♀️午市追加(➕$18 可追加2️⃣款)🔸枝豆🟢🔸溏心蛋🥚🔸鐵板煎鬆軟牛舌👅 $78 6.5/10冇改錯名!真係鬆軟的🤩一碟有8大塊醬汁係甜甜的日本燒汁味😌好啱配飯食🥳🔸鹽燒油甘魚鮫連頭🐠 $128 7.5/10油甘魚燒得好香~ 🥰充滿魚油香味👍🏻🔸火炙海膽左口魚邊 $54 6.5/10🔸熱檸水 (跟定食)…查看更多

🐈✨✨✨✨✨🍽️ 和氣食堂 📍沙田大涌橋路20-30號河畔花園地下35號舖之前食過黃大仙，我同👦🏻都覺得好出色，今次食沙田呢間比較下水準～呢到晚餐時間成條街嘅人都等緊/搵緊食飯😂 強烈推薦大家用gulu app攞飛唔洗企喺到等🤓晚市最少都等半個鐘⏰非卡位嘅坐位會比較窄Feel到樓面2個人都chur到爆，網上外賣平台都頻頻接單，見到個職員幾次都係勁急咁答個外賣員嘅提問😂 👨🏻‍🍳🤳🏻燒日本鄺島蠔4隻 -蒜蓉x2 芝士x2上枱仲有啲餘溫，個蠔無腥味✨蒜蓉好香好夾燒蠔😋 另一個係淡香芝士燒得岩岩好成個都係熱溶咗嘅cheese 🧀👨🏻‍🍳🤳🏻火烙海膽帆立貝卷第一次食燒海膽!! 口感企身同埋食到面頭燒過嘅口感，海膽仍然有甜味😚 帆立貝新鮮厚身有微微燒過另外飯卷入面仲有青瓜同蛋，成啖入口得嚟有一絲fresh 👨🏻‍🍳🤳🏻黃金燒三文魚腩壽司個黃金應該係燒到好香嘅蟹子配醬，另外仲有長長嘅三文魚腩，肉同脂感都唔錯👨🏻‍🍳🤳🏻美國安格斯牛肉鍋（加白飯)成個熱鍋上枱♨️ 一條條嘅牛肉上枱仲有少少粉紅肉，喺個鍋到熱多陣就岩岩好🫶🏻 湯底咸度岩岩好，有半熟溫泉蛋喺鍋中間，可以攪拌同成個鍋一齊食✨豆腐硬身好味😚同埋好多切好一塊塊可以岩岩好入口嘅生菜～ 仲有香菇小白菜同金針菇，伴菜好豐富，索咗湯都唔會太咸(有個都幾搞笑嘅小插曲：佢menu係一片片未煮嘅牛肉連配菜，但上枱個切法係一條條厚切，因為之前黃大仙都係一片片入鍋再上枱，我地驚上錯鍋就問下個女職員，佢竟然以為我地係因為佢熟咗同唔熟個樣唔同所以分唔到… 係咁解釋個分別係生熟顏色唔同🤐😂😂😂 講咗一輪佢先明我地問咩😂)男朋友另外嗌咗可樂，我覺得佢嘅茶幾好食～Overall嘅和氣食堂都係好食，黃大仙分店整體水準會亮眼啲，食過3次嘢食同服務都一流✨ 絕對理解佢2間都成日滿嘅原因大家嚟沙田踩完單車/嚟開呢頭不妨gulu攞飛先🫶🏻…查看更多

今天去開沙田探朋友，朋友介紹和氣食堂，話成日好多人排隊。6點開門即到，順利入座，7點真係平日都開始滿座啦。既然來到這裡，當然試下d特別野，白咖哩烏冬配炸雞。這道菜的咖哩味道唔會太搶，烏冬煙韌，配上juicy炸雞,正。我還點了白身魚刺身，刺身肥美新鮮唔腥。三文魚牛油果沙律也是我很喜歡的一道菜，新鮮的三文魚肉質鮮美同沙律菜，搭配牛油果同醬汁更是絕配。最後，我還嚐試了電擊雞翼和鹽燒三文魚頭。兩道菜的口味都十分獨特，電擊雞翼的甜辣可口，外層脆皮糖好有趣。鹽燒三文魚頭則外脆帶有微微的鹹味，肉質鮮嫩。埋單價錢合理，難怪咁多人排隊。…查看更多

做野做到攰攰地，望下出窗外邊，近排天氣超好，唔想side咗個咁正嘅中午，決定出吓去嘆返個靚lunch 先。今日係沙田河畔附近搵個好地方竭竭腳，回回氣先。辛苦工作偶爾都要抖下氣，食得好個人先會心情舒暢，先再有動力繼續向前💪🏻💪🏻💪🏻經過呢間日本野好似都唔錯，午餐好多唔同款式，有卷物，有壽司，有刺身，有定食，有魚生飯‼️咁難得先出嚟Lunch，一定要厚待下自己先得。勁想食壽司🍣但齋壽司又好似好悶，呢度啲壽司定食set就啱晒啦。🍱和氣壽司定食$125🥢🥢🥢🥢🥢好豐富呀，壽司有九件，有三文魚，虎蝦，油甘魚，帆立貝，海饅，香蔥拖羅碎，三文魚籽，芒果花之戀，花之戀。另外仲有木魚湯烏冬，炸雞同埋嘢飲。和氣極強特盛壽司定食$155🥢🥢🥢🥢🥢壽司就無另外個set咁靚咁多款，但都有六件，包括有火炙左口魚邊，油甘魚，帆立貝，珍寶赤蝦，三文魚籽，而最正係有海膽壽司😋😋😋除咗壽司之外，仲有燒黑豚腩丼（細）。個黑豚腩燒得好香，加埋面層嘅燒汁，非常惹味，忍唔住即刻夾起一塊送入口，真係不得了，巧巧食😋😋😋壽司加燒肉已經好滿足，但極強特盛喎，梗係唔會咁就完，仲有軟殼蟹沙律呀‼️🫢🫢用芝麻醬嘅沙律係無得輸嘅，食完啲碳水已經飽飽地，但對住酸酸味味嘅野又開胃返，話咁快又清埋～最後叫兩杯特飲，荔枝梳打同巨峰提子梳打做結尾，透心涼👍🏻爽晒呢度嘅壽司燒肉都好唔錯，lunch set有咁多款，真係成日黎食都唔會悶😆😆有機會天氣好又過黎食返個超豐富Lunch先🥰🥰🥰🥰…查看更多

前排喺沙田圍工作，收工後想試試日本菜，同同事經過呢間日本居酒屋，決定滿足一下我呢個仲未去到日本旅行嘅人。呢間餐廳叫做「和氣食堂」，門面裝潢已經好有日本氣氛。我地入去之前，見到店外幾個人在等拎外賣，應該好受街坊歡迎，估唔到都真係幾有驚喜!我地一行2人，總共嗌左8款食物，由於太耐無食刺身，所以呢個一定要點啦~🎈4點刺身盛A呢款刺身有齊三文魚、甜蝦、章紅魚及廣島蠔刺身，我自己最中意蠔，肉厚味道鮮甜。章紅魚就比較少食，份量多而且爽脆。甜蝦大大隻，非常滿足我對日本刺身嘅渴求。🎈日本清酒石鍋煮蜆呢道簡單而味道清淡純的海鮮，係我在日本居酒屋必點嘅菜式。清酒經過煮熱後味道更加香濃，放入新鮮的蜆實在係絕配。清酒煮蜆。食嘅就係蜆本身鮮味，將暖清酒湯飲落去，成個人暖入心頭。呢鍋煮蜆的份量相當多，兩個人食非常足夠。🎈三文魚牛油果沙律沙律份量充足，蔬菜新鮮爽口。牛油果有淡淡嘅脂香，食落細膩柔滑。滿滿嘅三文魚加埋蕃茄粟米，加上日式醋，相當開胃！🎈電擊雞翼6件第一次食呢款電擊雞翼，調味相當出色，入口先發現原來係凍食，咬落好有口感，正！🎈壽司：黃金燒三文魚腩／咖哩燒帆立貝／火炙黑松露3點／鵝肝我哋點咗幾款特式壽司，個人最鍾意火炙黑松露3點~ 本身帆立貝大大粒已經好滿足，再加上香氣同味道同樣濃郁嘅黑寸露，絕對係齒頰留香！同事就比較中意鵝肝壽司，食落去飽滿香軟，鵝肝嘅油香留喺口腔一段時間先至消失～整體評價：埋單2位$650有找，我哋都係飽到攬住個肚離開餐廳，性價比真係好高！餐廳麻雀雖小，但味道、份量都令人滿意，店員都服務周到，唔使嗌就已經自動幫我地斟水，態度友善，抵讚！…查看更多

星期六晚，係條街有d凍嘅情況底下，等左廿幾分鐘先等到位，證明真係好多人幫襯。勁多外賣單，店員忙到踢曬腳，似乎周末幫襯會加重佢地負擔，有少少內疚🙈石鍋鰻魚炒飯 $122上菜熱辣辣，店員有細心提醒石鍋盤熱小心燙手。份量唔差，最尾食到有飯焦，質素ok😋黑豚腩燒丼 附泡菜 $82燒豚肉好味之餘，重點有少少係個燒汁度。可惜上菜時個飯已經涼左少少只係微暖，熱食會更好味。自家制芝士厚燒玉子 $52好厚身，一口食唔曬。玉子燒微甜易入口。間中會咬到芝士，風味提升，值得一試。刺身虎蝦壽司 $25一般貨色…查看更多

沙田和氣食堂，位置比較偏僻，平價日本美食。五色魚生丼，朋友仔一見到就心心眼，有帶子、鰻魚、三文魚子、甜蝦同某魚生。我自己係好鍾意食帶子、鰻魚同甜蝦，帶子同甜蝦都新鮮，鰻魚調味OK ～蒜蓉蠔芝士蠔，朋友仔話好食，見隔離好多枱都有叫，不過我唔鍾意食蠔。白丸原味拉麵，湯底清清哋。芝士玉子燒，賣相吸引，味道都唔錯。千迴火鳥，其實就係燒雞翼。望落已經覺得佢燒得好靚仔，雞肉確實係嫩滑。鹽燒三文魚鰭，多肉，朋友仔第一次食覺得好好食。明太子雞肉串，偏鹹。鹽燒牛舌、鹽燒雞翼，朋友仔話牛舌似係其他肉類，不過偏鹹。 芝士燒大啡菇、燒小紫薯，味道正常，不錯不錯。兩個人食咁多嘢，埋單六百幾蚊，價錢合理～…查看更多

和氣食堂有幾間分店，這一間是位於沙田河畔花園附近地下其中一間食肆,今次我哋六點左右到，開始晚市，好快就已經客滿。 每人一杯熱茶後，隨即點餐。 芒果三文魚蟹子沙律 蟹子佈滿了沙律上， 三文魚粒和芒果粒分量豐滿， 每一口的沙律也混合了三文魚的鮮味芒果的甜味味道。大盛刺身 這是刺身丼,充滿視覺上的衝擊。 巨大的鮮蝦兩隻， 吞拿魚溶， 上豉油和芥末大大粒爆醬魚子， 還有海膽。把所有食材混合埋一齊， 佩珍珠米，入口渾然天成。 脆脆燒三文魚皮五片 這是送口的零食前菜，入口鬆化，如果有啤酒就更加完美。 田樂麵豉燒日本米茄子把麵豉放在茄子上燒， 咸而不利中和得很平衡。日式炒野菜 草菇椰菜加上紅蘿蔔絲，還有木魚在上面點綴， 清新感覺。 泡菜黑豚肉石鍋飯 喜歡酸辣甜以及濃味的朋友有福了，豚肉入滿了泡菜味道，使整鍋白飯也很有泡菜感覺。…查看更多

話說同朋友喺河畔花園呢頭食午餐，但係間間都勁多人，得呢一間係可以唔使點樣等位就入到，所以於是乎就決定係呢一間食🙌🏻老實講其實食過好多次，但係都唔係因為好食所以走過來食，而係因為冇得揀而食🥲今次揀咗午市套餐嘅魚生飯（$84）佢啲帆立貝係極度唔新鮮，甚至係有啲妹，啲蝦肉都冇乜味，只有三文魚係正常，但係其實我唔明點解魚生飯嘅飯可以係熱？？？呢個價錢竟然可以有啲咁難食嘅魚生，我真心覺得性價比好低😅仲要當日食嘅時候都係已經去到一點幾，即係其實已經開咗鋪都好一排，如果想食嘅話真係要三思🙏🏻…查看更多

今日嚟到朋友屋企附近食日本菜。閒日晚上都滿座！原本以為位於河畔花園會座位較窄，實質都是卡位，適合聊天。今日和朋友都較為肚餓，所以點了不少菜式，估不到份量很多。首先點了厚燒玉子作為前菜，件件都十分飽滿厚身，表面裹上芝士輕微溶化。然後壽司方面有蝦三味、北海卷、芒果花之戀及牛油果三文魚腐皮船。蝦三味的蝦的蝦很大隻，北海卷十分新鮮，鋪上滿滿的海膽三文魚籽及吞拿魚蓉，十分推薦！至於芒果花之戀及牛油果三文魚船的材料份量比例亦十分洽當。至於熟食方面，點選了千迴火鳥、石狩鍋（豬骨湯）及清酒煮蜆。千迴火鳥即是燒雞翼，味道不錯。石狩鍋及清酒煮蜆份量十分震撼！石狩鍋的三文魚頭油香十足，而清酒煮蜆的配菜亦吸收了蜆的鮮味，鮮甜味濃。總括而言，環境舒適，份量充裕，味道不俗！…查看更多

約左朋友放工沙田食飯，專登去間人氣日本小店食個飯。食飯時間座無虛席，環境光猛企理，特別要讚係張凳坐得好舒服和氣田園野菜生活$58生菜蕃茄栗米芝麻，配有酸得黎辣辣地既汁，開胃既前菜4點刺身盛A$208三文魚甜蝦章紅魚廣島蠔幾樣刺身都好新鮮。甜蝦大隻甘甜，三文魚肥美，廣島蠔幾大隻又鮮甜好唔錯。平時只食三文魚既我一試章紅魚，一點腥味都冇，好新鮮！仲好爽彈，超好食，我連續食左幾片，大推火焰蟹膏帆立貝壽司$50蟹膏香濃，帆立貝燒到好香火炙芝士虎蝦壽司$40 香滑又暖粒粒既芝士配上虎蝦肉質爽彈，口感好黃金燒珍寶皇帝蟹棒$46熱辣辣既蟹棒有濃郁嘅皇帝蟹味，咬到一條一條既層次感。面頭混有蟹子連沙律醬，酸酸甜甜好惹味，大推黑松露鵝肝帆立貝卷$78賣相好靚，黑松露同鵝肝都好香，配埋甜甜地既醬汁同帆立貝係一流，大推大阪豬扒丼$90大份到呆左，成座山既沙律菜，底層係炸到好鬆脆既吉列豬扒，味道幾好總括黎講，食材新鮮，價錢相宜，餐廳性價比高，難怪咁多人食，實會有下次…查看更多