影片
更多
2022-07-19
950 瀏覽
呢間算係河畔區嘅人氣食店，每次經過都會見到一大班人喺門口排隊等入座。是晚係聖誕節，當大部份人都去食西餐慶祝聖誕節，我地就反其道而行。當日經過見到冇乜人排隊，所以就好快入到去食喇。甫坐低，都見到一對對情侶同我地一樣食日本嘢慶祝聖誕節。打開本餐牌，好多款式選擇，非常吸睛，而且價錢仲相當親民添。由於當日天氣都幾凍吓，我就唔太想食海鮮丼之類嘅凍嘢。所以我地兩個都點咗熱辣辣嘅拉麵。價錢大約６０幾蚊，湯底尚算濃稠，拉麵也尚算彈牙，以呢個價位嚟講，亦唔能夠要求太多。我嘅最低要求係最緊要啲湯夠熱，湯底唔太油膩便可以。最後我地都嗌咗個吉列蝦牛油果卷，湊吓米氣先覺得滿足。豬骨湯叉燒拉麵黑蒜湯叉燒拉麵
張貼
