吉列牛忌廉烏冬專門店 (彌敦道) (已結業)

最近好想食返去旅行食過嘅吉列牛，朋友推介食e間韓式吉列牛，決定相約一聚。餐廳嘅設計好簡潔，以淺色木傢俬為主。燈光都幾光猛。店內有卡位同大桌子。店員安排我地坐2人位。都幾寬落😆仲好快放底左2杯水同餐牌。餐牌有唔少韓式嘅料理，最吸引我嘅還是吉列牛定食🤗而朋友就揀左咖喱忌廉牛烏冬。我地仲叫左小食-牛油蜜糖單骨雞翼。咖喱忌廉牛烏冬個賣相好吸引，白雪雪嘅忌廉一圈圈好似旋窩咁。忌廉嘅味道係咸咸地，好似泡咁，好特別夾起烏冬掛起左濃濃嘅咖喱汁😋烏冬食落口感好好。牛肉都唔會好老😌吉列牛定食賣相好吸引，放得好整齊，定食包左湯，2款前菜，同飯，吉列牛切到好整齊，令燒嘅時候方便好多。我地自己燒所以可以控制生熟情度。牛食落外皮香脆，入面就係帶滿肉汁嘅牛肉，真係好好食，餐廳有提供2種醬汁，加左汁後可以提升牛肉嘅鮮味，牛肉仲可以用黎送飯😍牛油蜜糖單骨雞翼雞翼食落甜甜地又唔會過甜，有蒜蓉係面，有蜜糖味同蒜蓉味都好夾，同埋單骨雞翼好易食😋

6點左右入場被告知用餐時間係一個鐘，仲未有好多客，4-5台客左右。5分鐘後手機落完單，要咗兩個涮涮鍋，一個咖哩，一個蕃茄湯。等到遲過我哋入場嘅客都有嘢食，我哋都仲未有，望下廚房發覺停晒手，再望下時間已經接近20分鐘，就遞手問下情況。當時廚房同侍應你眼望我眼，侍應再check話係落咗單。之後一分鐘左右就嚟咗咖哩湯底果個，同時我問佢頭先係咪漏咗單，佢話唔係。侍應同廚房繼續密斟，再過一兩分鐘，時間已經22-23分鐘，侍應再走過嚟，話蕃茄湯要等10分鐘。我同佢講，得1個鐘時間，我等多十分鐘即係total等30分鐘，點食？佢:「咁你哋可以食完先走㗎嘛，可以唔使1個鐘就走㗎嘛」由頭到尾一句道歉都冇 咁嘅服務，食物質素點都真係唔會值得再嚟一次。

吉列牛忌廉烏冬專門店@旺角🔅吉列牛定食吉列牛外層炸得香脆內裡約2-3成熟自己可以根據個人口味係石燒爐上燒牛肉肉味重口感內脆外軟 配上芥末醬係一流另配味素白飯、前菜🔅咖哩忌廉牛肉烏冬（牛肉）可選豚肉或牛肉咖哩忌廉竟然可以咁match加入忌廉的咖哩真係好滑沾上忌廉的烏冬更加滑入口之前見到覺得奇怪但原來出名真係有原因真係要試下🔅Kobekyu牛油蜜糖單骨外脆內軟配上濃香的牛油及蜜糖🍯😋味道：7/10💰消費：$100

吉列牛定食🍱 💲148咖喱忌廉烏冬🍜（牛肉）💲78牛油蜜糖單骨雞翼😈 💲65✅ 吉列牛一啖一粒▪️ 有牛味之餘又夠稔👍🏻 放幾多塊上去燒同幾成熟都可以自己揸主意♨️✅ 講起忌廉烏冬都會諗起呢間🤭 忌廉令咖哩更加creamy🍛🥛 要留意忌廉容易”塔”落嚟 宜盡早食用🉐✅ 單骨雞翼食得方便🐣 蒜香牛油蜜糖極度邪惡🧄🧈🍯👅Taste：3.5/5💰CP值：3.5/5🙋🏻‍♀Service：3.5/5👁‍🗨Stylishness：3.5/5

之前去大阪試食過吉列牛就覺得吉列牛幾好食，好想再試下，好可惜香港冇咩做吉列牛的專門店，依家終於有啦！上到去餐廳的感覺好新，而且坐係窗邊都可以睇到出面的景色，另外，餐廳好岩傾計用，因為佢冇限時，而且坐得都好舒服。1.吉列牛定食呢個定食一上枱就好靚再加埋有個石燒爐，完全係打卡之選。定食入面有前菜同麵豉湯。主角吉列牛炸到外層鬆脆，然後就可以自己係石燒爐上面燒，好岩懶人扮煮飯。牛肉肉質鬆軟。餐廳會送上兩款唔同的醬汁，建議一定要試芥末沙律醬，因為個醬感覺似係餐廳自製，唔似出面現成的醬，配上吉列牛，感覺好夾。2.咖哩忌廉烏冬呢個烏冬可以揀雞肉或者牛肉，最後我都係揀左牛肉。開頭會以為呢個烏冬好似carbonara咁好漏，原來唔係。呢個可以話係日本版輕型的carbonara，忌廉唔算好厚身，加上有咖喱中和返，食落去會有小小忌廉同咖哩味，加上，烏冬係用左讚歧烏冬去整，食落入味之餘又彈牙。3.Kobekyu牛油蜜糖單骨雞翼雞翼好有驚喜，因為餐廳將雞翼焗左，所以雞皮好香脆同滑嫩，而且餐廳好大方咁俾左好多蜜糖，食落甜甜地，女仔一定鍾意食。不過食多幾隻會好易起啖，所以一定要叫一杯野飲。

今日返半日就放工啦，喺旺角搵地方食個午餐。原來呢度有全幢大廈都係嘢食地方，簡簡單單食個日本餐都有得揀。見到呢度有吉列石燒牛肉食， 即刻就忍唔住想試吓首先上台嘅係石燒牛，一個晚餐套餐148除咗石燒牛之外仲有湯同埋前菜，吉列嘅牛肉味道都唔錯，有脆脆嘅吉列皮， 入面就要靠石板煎熟另外我哋叫咗呢個咖喱牛肉烏冬，上面有好多忌廉，攪勻佢再食，撈埋落啲咖喱汁，好Juice仲有嘅就係呢個蜜糖炸雞， 炸雞本身已經切開咗一半好容易食， 加埋甜甜嘅蜜糖同埋好香嘅芝麻，味道都唔錯，簡簡單單食一個午餐都幾開心

好耐之前已經想食呢間，話晒都係韓國過江龍，韓國咁出名應該有佢嘅原因嘅！上到嚟派咗一陣隊就有得入座。吉列牛定食，差唔多每台都有叫嘅吉列牛，可以自己控制幾多成熟，放上去熱石到自己燒，我就鍾意半生熟，所以輕輕燒一燒就食得。食落仍然脆口，入邊嘅油香撈埋啲飯一齊食好邪惡！仲有咖喱牛肉忌廉烏冬，滿滿嘅忌廉鋪滿成個碗，食落嘅咖喱偏甜，烏冬夠晒入味。牛油蜜糖單骨雞翼，小食來講都幾多隻！蜜糖味偏重，即叫即炸，熱辣辣幾香口！

今日嚟旺角，好開心，比我發現到有韓式熱石牛。過咗Lunch hour餐廳依然係坐滿食客。先嚟叫咗個「咖哩忌廉烏東」有得揀雞肉或牛肉，我揀咗牛...肉質好淋，一d都唔會靭，咖哩味好香濃，面層厚厚忌廉，好香滑，好好味👍🏻再嚟必食招牌菜「吉列牛定食」，一成熟嘅吉列牛扒，諗唔明點解外皮炸到脆卜卜，但肉質係鮮紅未熟，真係好想知到底係點整架呢？放上小巧嘅熱石窩上，好快熱透了。外皮脆脆，豐富肉汁，Yummy😋加多個「牛油蜜糖單骨雞中翼」即製熱辣辣。終於明白點解餐廳咁多人，果然食物真係有質數，好味👍🏻👍🏻👍🏻下次要再嚟試埋其他款式

旺角彌敦道726號 每層都有食店, 可以慢慢試, 因為囡喜歡烏冬, 今次吃依間。餐牌似乎不多選擇, 囡選忌廉烏冬, 囝和老公選吉列牛定食, 我則叫肥牛鍋, 最特別是吉列牛定食, 可以自己燒, 送來時是半熟的, 跟隨再上一個特色靚靚小爐頭, 讓我們自己燒, 燒到自己喜歡的熟度才吃, 外脆內軟又可以每片都是即燒即食, 很好的 idea, $148 都很底食, 因為牛的肉質很鮮嫩, 加上預先做好的吉列外層,  感覺sell idea 都要讚, 再加上我們坐到靠窗的卡位,  這晚看到閃電, 囝囡都用手機攝下閃電過程。由於是母親節, 限時一小時用餐, 總算剛剛好。

成日係IG 見到食忌廉烏冬打卡, 巧合地有得坐卡位, 可以將旺角既日落盡收眼底先黎吉列牛定食! 燒過既吉列牛,點上帶少許WASABI味既沙律醬出奇地清新 牛肉外脆內軟, 而且帶有濃郁既肉味燒幾多成熟都掌控係自己手裡, 燒既過程亦係一種享受! 白雪雪既忌廉底下包住黃錦錦既咖哩牛肉烏冬~ 咖哩配上忌廉,份外香滑! 牛肉軟身易入口, 烏冬亦彈牙! 絕對是必食推介!!單骨雞翼食起黎可以保持儀態,  蜜糖牛油令外皮份外香口, 加少少檸檬汁更開胃!綠茶LATTE 份量充足,  抺茶味濃郁呢杯CITRUS OCEAN 賣相有陽光與海灘的感覺, 味道係柚子SODA! 

好懷念幾年前喺日本食吉列牛，見到呢度有吉列牛菜式，特別嚟呢度試吓。發現此餐廳原來來自韓國，但餐牌上的選擇大部分都係日式料理。吉列牛定食，吉列牛份量算多，差不多有10片，吉列牛外表炸得好脆，調味比較濃，但牛肉仍然是9成生，自行在石板上加熱，而兩款醬料來說，忌廉會比較夾，牛肉煮熟後仍然好沐，牛肉質素高。咖喱忌廉烏冬在烏冬面鋪滿忌廉，將咖喱烏冬同埋忌廉混合之後味道特別，忌廉唔會太膩，可能有咖喱嘅辣味沖淡肥膩感，咖喱唔算太難，烏冬有忌廉嘅襯托下特別滑溜。牛油蜜糖單骨雞翼炸得香脆，蜜糖唔會太甜亦好香，雞翼亦算滑，單骨食幾上嚟更方便。

雖然知道呢間出名食忌廉咖喱烏冬既餐廳已經䇄立左係香港一段時間,自已亦一直放左係checkt list好耐,今日終於有時間去試下.吉列牛定食以木盤裝住2排牛列牛,加左飯素既白飯,麵鼓湯同冷盤.吉列牛份量都幾滿足,而且每片都有一定既厚度唔會好簿.吉列牛只有輕輕炸過,內裏係未熟,所以要自已放上石燒板上按自已既喜好加熱.放上石板上燒既時候已經聞到陣陣牛香味,入口吉列牛外脆內軟腍,炸皮乾身又夠脆,內裏牛肉充滿牛脂香.咖喱牛肉忌廉烏冬見到實物都幾震撼,烏冬係完全被一大堆忌廉覆蓋左.雪白既忌廉會隨住時間慢慢溶化,入口忌廉質感唔算好厚,所以就算食完都唔會覺得好膩.撈上咖喱烏冬拌均後帶出少少甜味,烏冬入口更滑溜.牛油蜜糖單骨雞翼,單骨雞翼夠晒放便又容易食,牛油蜜糖汁唔會好杰身,帶出淡淡蜜糖既甜味,如果味道再入味少少就更正.

推薦指數:🤩🤩🤩🤩自己牛扒自己燒！呢個吉烈牛真係無得項！先炸到牛扒外表脆脆吉烈面，之後可以按自己喜好，放上石燒門慢慢燒熟，非常好食！牛肉腍滑牛味香濃😚而且邊燒邊食，keep住熱辣辣💓成個定食有前菜、湯、白飯加一大塊吉烈牛，都只係HK$148👍🏻忌廉咖喱烏冬！超CREAMY😍😍😍滿滿嘅忌廉鋪面，好邪惡但又點可以唔食？忌廉同咖哩味道彼此中和，香滑帶咖哩辛香，伴有洋蔥🧅西蘭花🥦雞肉，味道層次夠豐富！而烏冬每條都沾滿忌廉同咖哩🤤好彈牙超好食黎多個小食，牛油蜜糖單骨雞翼，牛油味好香，單骨雞翼方便食，而且更加入味，蜜糖同牛油🧈夾埋就無得輸的香口吸引😌好食到停唔到口

又係烏冬試食專員出動🤤，不知為何最近迷上咖哩烏冬，所以四出尋找一試難忘，這家也是OPEN RICE高人氣的餐廳，主要是食韓國菜的，不過就有一樣美食讓大家慕名而來，當初見到圖片時都有少少心動和好奇💓，最後一個人勇衝美食圈。當天6:30左右到達，店內只有幾枱客，這是一家很適合多人聚會的餐廳，多幾個人就可以點多一點不同的菜式，因為每一款看來都很吸引，我毫不猶豫就點了人氣之選「忌廉咖哩烏冬」🥘，好期待!好期待!上菜了!圖文相符，整個碗都鋪滿忌廉，筷子兄弟從忌廉層救出了咖哩烏冬🥢，烏冬色塗上了一層黃黃的咖哩，就證明相當入味，把忌廉和烏冬撈起，忌廉很快就融入了，與烏冬完美結合，好啦，要入口了~有驚喜喔!當兩者混合後，忌廉味完全混入了咖哩味裡，而咖哩味相當出色，令人一口一口停不了口，可能因為有忌廉的關係，所以烏冬變得很滑，而且減少了一種膩的感覺，要挑剔的話，可能只是不太夠熱，上菜時是熱，所以食到後半就開始涼了，不過整體是推薦大家去一試👍🏻👍🏻👍🏻

假日到旺角買新波鞋，順道吃午飯。Kobekyu 牛油蜜糖單骨雞翼外層甜甜脆脆，內裡雞肉嫩滑多汁。充滿牛油及蜜糖的香味。咖喱忌廉雞烏冬上桌時只會見到一堆白忌廉，將忌廉及咖哩攪拌後會發覺每口咖喱很香很滑， 而且咖哩的辣味被忌廉中和帶點甜味。烏冬彈牙，嫩滑雞肉份量適中。吉列牛定食, 一塊 吉列牛扒已預先切好，只需夾起每小件放到石板上烤熟，自助烤好處就可按喜歡的生熟度烤。外層有吉列麵包糠定食有麵豉湯、豆腐蕃茄飯的份量又好窗外的街景都不錯